الأربعاء، 30 يونيو، 2010

بلدي


بلدي بتتكلم اللغة الأولى في العالم ، اللغة اللي بيتاخد منها كل العلوم والناس كلها في كل بلد بيتعلموا اللغة دي لو عايزين يتقدموا في علمهم أو تجارتهم أو فنهم او حتى ثقافتهم وحياتهم

كل سنة بيجي لبلدي ملايين الطلاب المتعطشين للعلم واللي بيلاقوا كل ما تشتهي الأنفس من علم وتقدم في كل مجالات العلم في بلدي وبيروحوا بلدهم بعدما بيتأثروا بثقافة بلدي الراقية والعظيمة والمتألقة

بلدي هي محور الفن والتحضر كل سنة فيها أفلام مبتكرة بتسلب اللب وبتفرح القلب
وفي بلدي بتسمع أحلى الأصوات الملائكية اللي بتدخل على القلب على طول مع أحلى الألحان والكلمات المبدعة والمبتكرة
ومن بلدي وفنانين بلدي كل الدنيا بتتعلم

بلدي بتهتم بالإنسان وبتقدس الروح والانسان فيها بيحس بقيمته وبحريته وبيقدر يحقق ذاته لو اجتهد

الإنسان في بلدي طموح جدا وبيسعى للأفضل ومتفائل وبيحب الحياة وبيحتضن كل أهل الأرض وبيعاملهم بحب وسعادة

البنات والولاد في بلدي دايما فرحانين ومرحين وبينهم احترام متبادل

الطب في بلدي متطور جدا وفي علاج لكل مرض في الدنيا وعندنا أحسن مستشفيات وأحسن أطباء وممرضات وعلشان كده كمان في سياحة علاجية عندنا

في بلدي بتمشي بأمان ومبتخافش من سرقة أو تحرش أو حد يسرق نهار حريتك

وفي بلدي كل قصص الحب بتكمل ومفيش فيها دموع ولا حزن ولا حتى فراق

الناس صادقين ومعطائين ورائعين ولذوذين في بلدي

والناس كلها بتحترم القوانين وفرحانين بحياتهم

ولو عايز تعرف أخر كتابات الأدباء وأخر أنواع الموسيقى وأخر خطوط الموضة والبرفيوم وأي حاجة مهتم بيها هتلاقيها في بلدي

كمان في بلدي مفيش فقراء لأن كل الناس بتشتغل ومش بتحقر من أي عمل علشان كده كل ما تسافر في أي بلد في العالم بتلاقي مكتوب على المنتجات " صنع في مصر" وأد ايه بتكون فخور وفرحان

الناس بتقف بالطوابير علشان يهاجروا لبلدي لأنها مكان أحلامهم واللي بيزور بلدي وبيسافر لازم يحس بحنين ليها

كل ده وأكتر في بلدي بس من 7000 سنة ولأنه حصل مرة فممكن جدا يتكرر تاني وبلدي توصل لنفس المرحلة تاني - قادر على كل شيء-


هناك 30 تعليقًا:

أميرة علي كوكب مهجور يقول...

متهيالي ممكن يكون فيلم خيالي علمي :)

psycho يقول...

i think i miss some one here

your the first and the only one
i will visit after my trip

i know u wanna kill me now

so please forgive me
because u are my only fan here

i come to say hi again

psycho يقول...

your country had this 7000 years ago

and now like what you see

what if another 7000 years pass

what do u think will happen ?

محمد ناصر الدين الهلالى يقول...

تمنايتنا جميعا لبلدنا بالتقدم والازدهار وان تقود يوما ما بعد ان تفيق امتنا للعلو والامجاد جايز بعد 50 او 100 او 1000 سنة من الان. تحياتى لك

أسمعنى شكراًً يقول...

أولا شكرا على الموضوع الجامد دة رغب بساطة الحلم ولكن كيف يتم تحقيقة

حلم جميل ونفسى يابلدنا نحققة
الأجتهاد بأيدنا وغيرنا بلاش يسرقة

Mr.Hazem يقول...

صباح الخييير
كيفك طمنيني عنك ان شاء الله منيحه
والله اشتقتلكم كتيييييييير
زمان ما دخلت عالمدونات ولا حتى مدونتي
بس اكيد رجعتلكم بهمه عااالية
الكهك كيفك وكيف الاهل ان شاء الله كلكم بخير

Ana keda يقول...

معتقدش
ههههههههه
محبطة انا
بس بجد لا الاعتقد ذلك
ولو حصل ليكى عندى 2 جنيه
وحشانى يبنتى

الشـــــوكه النــاعمه يقول...

يارب يديم عليها نعمه الامن والامان
تحياتى

Tamer Nabil يقول...

قادر على كل شىء

بجد دة حلمنا كلنا

بس امتة يتحقق الله اعلم

مع خالص تحياتى

قلم رصاص يقول...

أشتم رائحة تريقه على بلدك
ههههههههههههههه

انا باعتباري الحمدلله متفائل رغم كل الظروف باضم صوتي لصوتك وليه لأ مايمكن صحيح تتكرر التجربه تاني ونكون زي قبل 7 الاف سنه

تعرفي ان فيه سياسي بريطاني بيقول :
لو حدثت واقعة فساد واحده في بلده لأقيلت الحكومات بل وانهار النظام.....
أما بلدكم مصر بتنهب من 7 الا سنه ومازالت متماسكه.

فعلا بجد بعيد عن كل حاجة احنا بلدنا عندها كل المقومات لتكون دولة عظمى ولكن هيهات هيهات .. فالأعداء متربصون من الخارج والأبشع من الداخل في اكبر عملية نهب في التاريخ

دعينا نأمل في غد أفضل

ومنتظرين النتيجه والحلاوه
ربنا يوفقك

تقبلي مروري وتحيتي

Mr.Hazem يقول...

صراحة انا واحد من الناس الذين يشهدون بما هو معروف عن مصر ام الدنيا كل ما سبق وان ذكرتيه
ولكن المؤسف ان التاريخ غيرة آفة من الذين يسعدون في الارض فساداً
والذين يخربون بيوتهم بايديهم

ولكن متل ما حكيتي ما في شي مستحيل واكيد راح يرجع كل شي متل ما كان
ولكن التغيير بحاجة للاصرار والعزيمة

الزهرة البرية يقول...

عندك حق يا بنوتة مش مستحيل يحصل اللى عملوا ده مصريين واللى موجودين دلوقتى مصريين بس محتاجين يفوقوا وانا مش مستبعدة ده وإن شاء الله نشوفه على حياة عينا

دمتى بكل الخير والحب والسعادة

just waiting يقول...

طبعا دي بلدنا بس في الاحلام
وبعدين احنا ناس مش بنكرر نفسنا :)
لا يمكن نعمل كدا تاني
وبعدين مين قالك انها كانت كدا من 7000 سنة بالعكس دول كانو طبقتين الاغنيا والفقراء

مهموهـــــــة يقول...

ليدي ايه يا غالية
وحشتيني اوي والله يا قلبي
معلش اني مقصرة معاكي بس غصب عني والله

ربنا يخليكي على سؤالك عليا والله

بجد بوست راااااااااائع

وياريت مصر ترجع احسن واحسن يا رب


خالص حبي وتقديري

Bent Men ElZaman Da !! يقول...

قبل ما أقرا اخر جمله دى
قولت انتى اكيد بتحاولى تدى نفسك وتدينا جرعه تفائل :)
يارتنا نبقى زى ما كنا من 7000 سنه

Lady E يقول...

أميرة علي كوكب مهجور : :) في حاجات كتير كانت خيال علمي وبقت واقع

مين عارف

Lady E يقول...

psycho :Welcome back my wonderful friend

it is my pleasure to know that


sure I forgive you but do not leave your blog and your only fan again :)

With my respect

Lady E يقول...

psycho : Only ALLAH know what will happen

Lady E يقول...

محمد ناصر الدين الهلالى : أهلا بيك

أكيد كلنا بنتمنى أن بلدنا تبقى أحسن بلاد الدنيا

Lady E يقول...

أسمعنى شكراًً : تفتكر الحلم بسيط؟

معظمنا عايزين الحلم ده يتحقق وخلاص من غير حتى ما نجتهد

وغيرنا مش هيسرق جهدنا الا لو سكتنا عن حقنا

Lady E يقول...

Mr.Hazem : صباح النور

عاش مين شافك يا مستر حازم والحمد لله انك بخير

سعيدة بعودتك وباللهجة الفلسطينية الجميلة اللي بتفكرني بصديقاتي الفلسطينيات أيام الدراسة

Lady E يقول...

Ana keda : طب متقوليهاش في وشي واستني لما أمشي :))

ايه يا بنتي بلدنا 100 فل وأحسن من كده كمان :) تقدري تقولي غير كده يا أم حلبسة

وحشاني دايما

Lady E يقول...

الشـــــوكه النــاعمه : هههههههه مش قادرة مضحكش بصراحة

بس هقول أمين ع الأمن والأمان ان معندناش حرب لكن لو بتتكلمي عن الأمن في الشارع فمتلاقيش

Lady E يقول...

Tamer Nabil : فعلا الله اعلم

Lady E يقول...

قلم رصاص : بلدي مش محتاجة تريقة هي أصلا وضعها يدعو للسخرية من غير أي كلام

البركة فيهم ما هما احتلوا مصر فترة كبيرة وشاركوا في النهب برضه

أكيد مفيش حياة من غير أمل في غد أفضل

ليييييييه بس بتفكرني لييييه بالنتيجة :(

دمت بخير

Lady E يقول...

Mr.Hazem : كلامك صحيح يا مستر حازم

Lady E يقول...

الزهرة البرية : ربنا كريم

المهم يبقى عندنا أمل

نورتيني

Lady E يقول...

just waiting : كانت كده وأحسن من كده كمان

وممكن ترجع أحسن من كده مين عارف !

Lady E يقول...

مهموهـــــــة : مهمومة يا قمرايا بجد وحشاااااااني جدا

ربنا يعينك ويوفقك

يارب

Lady E يقول...

Bent Men ElZaman Da !!: ياريت يا دودو بس كلمة ياريت عمرها ما بتبني بيت :(