الأحد، 27 يونيو، 2010

روحانيات

أول حاجة عجبتني حوار اتقال امبارح في فيلم هندي بين الممثل الجميل سلمان خان وبين ممثل تاني
الحوار جاوب على سؤال بسأله لنفسي بقالي فترة بكلمات بسيطة

سلمان : الله بيننا وحولنا
الممثل التاني : لا بل هو في قلوبنا وفي صميم أعماقنا
سلمان : إذن لماذا يجعلنا نتألم ؟
الممثل الثاني : يجعلنا نتألم لأننا لا نتذكره وقت الفرح
سلمان : نعم لا نتذكره في الفرح
الممثل التاني : يجب أن نتألم لننجايه وندعوه ونطلب منه يد العون ونحس به



رواية الرجال والمال والشيكولاتة لمينا فان براج
الراوية بتدور حول اكتشاف الذات والروحانيات في الحياة ، حبيت الرواية دي أووووووووووي ولو كنت أعرف أحولها pdf وانزلها عالمدونة كنت عملت كده
الرواية بتتكلم عن الأحلام اللي عند كل انسان فينا وازاي أوقات كتير بنحط قيود على قدراتنا ومواهبنا والقيود هي الخوف بشكل عام من الفشل أو من التغيير أو حتى من المخاطرة الممتعة اللي طبعا في حدود المعقول يعني محدش يأذي نفسه ويقول بغامر لكن المغامرة واستكشاف الجديد ومواجهة الحياة هما اللي بيساعدوا الانسان انه يحقق طموحه وينجح
الرواية عجباني جدا وبنصح البنوتات أكتر من الشباب انهم يقرأوها ، مايا بطلة القصة حسيتها شبهي جدا وقريبة مني جدا
عجبني اقتباسات كتيرة جدا في الرواية علشان كده قررت اني احتفظ بيها واقرأها كل فترة بس اكتر اقتباس عجبني لغاية دلوقتي وانا وصلت لنص رواية هو :

" تحتاجين الى إرضاء رغبات قلبك من خلال عملك أولا قبل أن تبحثي عن الحب"

" من الأفضل أن تشعري بتحقق الذات أولا قبل أن تعثري على شريك حياتك . حينئذ ستدركين القيمة الحقيقية لنفسك ، لأن مفتاح سعادتك سيكون في يدك أنت . وفي ذلك الوقت لن تكوني عند وقوعك في الحب مجرد انسانة سهلة التعرض للجرح وتستجدي الحب من الطرف الأخر وتشعر بإرتباك عواطفها " ، " لقد حان الوقت لتفكي الأغلال عن روحك"

هناك 4 تعليقات:

love is life يقول...

السلام عليكم

بوست جميل جدا

ومدونتك موضوعاتها جميله ماشاء الله عليكى

ياريت تشرفينى فى مدونتى

م\محمد

أميرة علي كوكب مهجور يقول...

شكلها حلوة فعلا خدها منك لفه :)
بس انا اخلص امتحانات :(((((

أع ـقل مـ ج ـنـونــة يقول...

بجد تحفة

الرواية شكلها جامدة اوي

ان شاء الله هاجيبها واقراها

عجبني الاقتباسات جدا

عجبني كمان الحوار اللي ف الفيلم الهندي

ومن اهم الامور بجد تذكر الله عند الفرح قبل الحزن ..

لان الفرح دي هدية من الله

والحزن اختبار من الله

:)

The illusionist يقول...

هههههههههههههههههههههه

هو يا لايدى

هو وربنا

شوفتى هو

محدش غيرك هيفهم التعليق ده

بس هو وربنا
والمصحف هو

عليا النعمه هووووووووووووووووووووه