الخميس، 3 يونيو 2010

يارب عديها على خير

من شوية بابا بعتلنا رسالة بيقولنا شوفوا تلفزيون سلطنة عمان

جبت قناة سلطنة عمان واتفاجئت أن عمان دلوقتي بتمر بإعصار -مع اننا في الصيف- ولسه هيزيد بكرة ودرجته قويه والاعصار هيبقى في المدن الساحلية وشرق وشمال عمان

عمان مرت قبل كده بإعصار وانا في أولى كلية والاعصار بوظ الاتصالات وقتها وقطع الطرق وبهدل المحلات وغرقها !

وبعد فترة رجعت عمان زي ما كانت وعملوا الطرق تاني وصلحوا الاتصالات

ودلوقتي تاني اعصار

اللي عاجبني بجد انهم بيستعدوا للإعصار وقالوا للناس وادوهم اجازة وأجلوا الامتحانات واللي هيتعرضوا للجزء الكبير من الاعصار خلوهم يخلوا المكان وودوهم أماكن تانية يبقوا فيها أمنين

بس ده ميمنعش ان انا قلبي مخلوع على بابا و كمان على كل أصحابنا وأهلنا العمانين وغيرهم هناك

يارب عديها على خير ، يارب عديها على خير ، يارب عديها على خير

يارب أحفظ بابا واحفظهم جميعا من كل شر وسوء

يارب احمي بابا واحميهم من شر الإعصار

يارب طمنهم وهدئ من خوفهم وصبرهم على الاعصار

يارب ارحمهم برحمتك ، يارب ارحمهم برحمتك ، وأعينهم بعونك واحفظهم بقدرتك انك على كل شيء قدير

هناك 13 تعليقًا:

Lady E يقول...

اسأل الله العظيم رب العرش العظيم ان يحمي بابا ويحمي الجميع ويحفظهم من كل سوء

KEBLAWYAT يقول...

ربنا يحفظهم .. ويعديها على خير

وان شاء الله تطمنى على باباكى

P A S H A يقول...

اللهم آمن روعهم وأنس وحشتهم وطمئن قلوبهم واحفظهم برحمتك من كل سؤ وردهم سالمين . اللهم آمين

إن شاء الله الموقف يعدي على خير وبابا يرجع بألف سلامة

:))

Lyssandra يقول...

خير ان شاء الله يا إيناس

ربنا يطمنك عليه وعلي كل أصحابكم وأهلكم هناك ويكون الموضوع بسيط

طمنينا تاني

Selfmeaning يقول...

ربنا يطمنك على والدك ان شاء الله

و هتعدى على خير و يرجعلك بالف سلامة

قلم رصاص يقول...

اللهم آمين
ربنا معاه ومعاهم
وهيستر ان شاء الله

متقلقيش ان شاء الله خير

شفـقــة و إحســــان يقول...

ان شاء الله ربنا هيحميهم وينجيهم من كل سوء
بس انتى ادعى وكترى الدعاء
وطمنينا على عمو

الزهرة البرية (Joudy) يقول...

إن شاء الله ربنا هيحفظهم من كل سوء وهيعدى الاعصار على خير و يارب يثبتهم يارب

إن شاء الله تطمنى عليهم ويبقى الجميع بخير يارب

صوت من مصر يقول...

امين اللهم امين

سَارةٌ يقول...

إن شاء الله ربنا يعديها على خير ..

بس غريبه وقت الإعصار ده .. انا فاكره انه جه اعصار من سنه او اتنين تقريبا ..

بس كان مدمر وقطع طرق وغرق عربيات ..

ربنا يعديها على خير وتيجي سليمه بإذن الله ..

ومتقلقيش كده .. الحمدلله انه الإعصار جه ف عمان .. بلد مستعده وعندها امكانيات تحمي الناس نفر نفر ..

امال لو كان جه عندنا ف مصر كان حصل ايه .؟

والله الواحد مكنش هيعرف غير قبل الإعصار بساعات معدوده .. :D

Gehad mousa يقول...

ان شاء الله يعود والدك سالما غانما اليكم
الله يحفظ احبتك على خير

دعواتنا معك
gehad mousa

كيكى عوووووو يقول...

اللهم ما امين
اللهم ما امين

Lady E يقول...

الحمد لله الاعصار بقى رياح مدارية وخف جدا وربنا حفظ بابا وكل اللي بحبهم
وخلاص دلوقتي مبقاش موجود في عمان

شكرا وربنا يكرمكم يا

قبلاوي

باشا

ليساندرا

Selfmeaning

قلم رصاص

شفقة واحسان

الزهرة البرية

صوت من مصر

بنوتة عادية

جهاد موسى

كيكي انتيمتي

شكرا ليكم وبجد كلامكم ودعائكم هون عليا كتير

وبجد انتوا غاليين عليا جدا
ربنا يكرمكم ويسعد أيامكم