الجمعة، 3 أبريل 2009

كل سنة وانتي أغلى حب في حياتي

بصو بقى بداية اللي هيقرأ البوست ده قبل ما يقرأه يصلي عالنبي ويقرأ المعوذتين اللي هما سورتي الفلق والناس وسورة الاخلاص معاهم وياريت كمان أية الكرسي أيووووووة انا مش ناقصة أر تمام كده قرأتوا اوكيشن أقرأوا الموضوع ده واللي مش هينفذ الكلام ده هزعل منه جدااااااااااا انا مش بهزر بجد
--------------------------------------------------------------------
انا مكتبتش بوست اقول كلام حلو ليكي فيه في يوم عيد الأم علشان أنا اصلا بتخنق من عيد الأم ده

بيضايق ناس كتير اكتر ما بيفرحهم
وادخرت الكلام الحلو اللي عايزة أقوله لليوم ده
يوم بحتفل فيه بمامتي انا بس ولو ان كل كلام الدنيا شوية عليكي يا أغلى من نور عيوني يا مامتي

دي تورتة العيد ميلاد ولأني بعشق الورد وحضرتك زهقتي من ان معظم الهدايا بتاعتي ورد هههههههههههه فأنا أخترت تورتة فيها ورد برضه :) وورد أحمر علشان ابعبر عن الحب الحب اللي جوايا اللي مش هيوصفه أي كلام






ودي تاني هدية ما هي هدايا عالنت بقى هو انا دافعة حاجة يعني ههههههههههههههههه


من فترة يا مامتي قعدت مع نفسي قعدة أخوية وبدأت افكر لو مكونتيش مامتي كان ايه اللي حصل ؟؟


كان زماني بعاني من الطفولة المشردة والكلاكيع النفساوية وحياتي سودا سودا يعني

مش هقدر أقول اي موقف عملتيه معايا لأنك جوه حياتي كلها , حبك حب مش مشروط وحنانك مشفتوش عند حد من المهمهات ربنا يستر ومتخديش عين النهاردة :) انا بحاول امنع نفسي عن الكتابة بالطريقة دي بس المشاعير والأحاسيس مش قادرة تسكت





اما العقد او الكوليه ده بالفرنساوي يعني اصل انا بيني وبينه عمار هههههههه فحلم من احلامي اني اجيبلك احسن منه ان شاء الله لما اتخرج واشتغل وبرضه هيبقى قليل اوي عليكي يا رب حقق لي الأمنية دي


أقولك على سر يا مامتي ومتقلقيش محدش شايفنا ولا سامعنا خااااااااااااالص أنا كنت بضايق اوي لما حد يقول عليا أختك مش بنتك الكلام ده من كام سنة لكن دلوقتي بقيت بفرح لأنك فعلا أختي وحبيبتي وانتيمتي ومامتي بس انا دايما ببوظ الأمور وبضحك وبنسى وبقولك يا ماما قدامهم وساعتها كل الناس بتندهش ماما ؟؟ ازاي يعني؟؟ احنا كنا فاكرينك اختها الكبيرة :)


ربنا يكرمك ويباركلي فيكي انتي وبابايا ويرزقكم بالرزق الحلال من حيث لا تحتسبوا في الدنيا ويكرمكو وانا معاكو ب جنة الفردوس في الأخرة ان شاء الله وربنا يجعل دنيتنا وأخرتنا جنة يارب


كل سنة وانتي طيبة وبخير وصحة وسعادة يا حبيبتي وربنا ميحرمنيش منك لأنك عارفة انا مليش في الدنيا غيرك انتي وبابايا ربنا يخليكو ليا ويباركلي فيكو


بنتكو : انا ( مش هقول اسمي انتو عارفينه نياهاهاهاها)

هناك 35 تعليقًا:

مسدس صغير يقول...

انتى عارفه انتى سبقتينى فعلا انا كنت عايز اعمل بوست زى ده لانى معملتش فى عيد الام لانى بجد مش مقتنع بيه خالص.
يللا بقى اعملى تحديث وحطى اسم مامتى بالمرة ويبقى بوستنا فى دقيقنا..هههههه
كل سنة ومامتك طيبة وبخير وبسعادة وتجيبيلها الكوليه والورد اللى كرهتيها فيه.
وتحققو امانيكو مع بعض انتى واختك.
ويخليلك بابا ويخليكو لبعض.

مسدس صغير يقول...

كمان اول تعليق؟؟










اى خدمة



خليكو فاكرين الجمايل دى...
هههههه

ستيتة يقول...

كل سنة وماما طيبة وربنا يبارك لكم في عمرها ويبارك لها في صحتها

ايه شبورة البخور اللي انتي عملاها في الأول دي؟
ناقص تحطي خرزة زرقا ههههههههههه

عاشقه الرومانسيه يقول...

هههههههههههههه
ايه يابنتى الجو ده؟
مفيش حسد ان شاء الله
لان الناس اللى هنا بتحبك
ربنا يخلى لك ماما وبابا
ويخليكى لهم

Kiara يقول...

كل سنة وطنط طييييييييييييبة

الشاعر الحزين يقول...

تعرفى أنا سبقتك وعملت كده

اتعمدت انى أكرم أمى بعد عيد الأم مايعدى

عشان ناس كتير بتحس ان يوم عيد الام للأم
وباقى الايام مش ليها وده خطأ طبعا

على العموم

كل سنه وماماتك طيبه

ويارب يباركلك فيها هى وباباكى وكل أمهات وبهبهات المسلمين جميعا يارب

ولكى منى كل التحيه

نظرة يقول...

كل سنة وماما بخير
محمد غالية

hasona يقول...

السلام عليكم

قرينا كل اللي وصيتي به ودخلنا برجلينا اليمين كمان
وبخور وطقوس غريبة هههههه

،،،،،
الام عيدها في كل يوم ترانا به
ونراها به ونحضنها قوي ونتمني رضاها

،،،،
كل سنة وان طيبة
وكل سنة وماماتك طيبة
وكل سنة وباباك بخير
وكل سنة لكل أم تكون بكل صحة وبكل خير

ويجمعنا علي الخير دايما

تحياتي

Ahmed يقول...

كل سنه وانتم كلكم طيبين وفي أحسن حال

الكلام مش ممكن يوصف النوع ده من الحب

لكن لو كان فيه طريقه تانيه كان كل واحد استخدمها عشان يقول لأمه بحبك بجد

فتاه حالمه يقول...

هاللللللللللللللللللللللللللو
انا قريت المصحف كله ماشي ودخلت برجلي اليمين وكله تمام يعني لو حصل حاجه انا برئ يا بيه
هههههههههههههههههههههههههههههه
كل سنه وكل ام جميله وطيبه وحنينه وربنا مش يرحمنا منهم ابدا يا قمرايه
علي فكرة حكايه اختك الكبيرة دي بردو عندي بس انا بقي متعقده منها انكر يعني ولا انكر ولا يعني هنكر اهه الحمد لله انا بردو بقولها يا ماما عشان محدش يقول اختها غلاسه بقي
هههههههههههههههههههههههه
كل سنه ومامتك بالف خير وصحه وسعاده
سلام يا قمر

لجين أبو الدهب يقول...

ما شاء الله ..

ايه الكلام الجميل ده ..

على فكرة انا قرأت اللى قلتى عليه يعينى ما تخافيش ولا قر ولا حسد ..

انا بحب التميز ..

واجمل شئ انك عملتى لك انتى ومامتك يوم مميز ليكم ..

فكرتينى بعيد الحب لما كانت واحدة بتسألنى قلت لها انا مش بحتفل بيه انماا انا وجوزى لينا يوم عيد حب خاص مختلف عن البشر كلهم والينا بس ..

ربنا يخليكى لماما وبابا ويخليهم ليكى ..

دمتِ بخير ..

MǿиY El-Shreef يقول...

كل سنه وهي طيبة وبخييييييير

ويارب كل البناتيت يبقوا عساسيل زيك كده مع مامتهم

بجد خطوه حلوه منك اوي

تسلمي ياقطه

متابعه

القدر و انا يقول...

طفلة
كل سنة وانت وماما وبابا بخير
وربنا يبارك فى كل الامهات يا رب

احساس طفلة محبة للرومانسية بس واقعية يقول...

هاهاهاهاهاهاهاهاهاها طيب كنتى قولى اقروا سورة البقرة وال عمران بالمرة يا ليدى :)

ربنا يخليلك مامتك ويخليك ليها
كل سنة وهى طيبة
وان شاء الله تجيبلها احسن
الحاجات اللى فى الدنيا

تقبلى مرورى

dramaqueen يقول...

كل سنة وطنط طيبة وربنا يخليهالك ومش يحرمك منها ابدا

كيكى عوووووو يقول...

عااااااااااااااااااا
عنتينى وجعنتنى اوووووووووووووووى
مش قادرة افتح **بس الحق اعلق قبل البوست الجديد ماينزل بتاع بكرة الصبح
ياحبيبتى ربنا يخليكى ليها ويخليها هى ليكى
ويخليكوا لبعض بقى عشان انت اتلخبطت خاااااااااااالص
وانا كمااااااااان عارفة الاسم كع كع كع كع
عوووووووووووووو

Lady E يقول...

مسدس صغير : هههههههههههه جمايل ماشي يا مسدس

ربنا يبارك في مامتك ويخليها ليك
وأمين يا رب ربنا يستجيب كل دعواتك الحلوة دي

Lady E يقول...

ستيته حسب الله الحمش : أمين يا رب

تصدقي يا دكتر فعلا البوست ناقصه بخور وخرزة زرقا :)

Lady E يقول...

عاشقه الرومانسيه : ايوة الجو متقلب اليومين دول شوية حر وشوية برد نياهاهاهاها

امين يا رب
نورتيني يا جميل

Lady E يقول...

كيــــــــــــارا : وانتي طيييييييييييييبة

Lady E يقول...

الشاعر الحزين : وكل سنة وانتا طيب وبخير وسعادة يا شاعر
اللهم امين
دمت بخير

Lady E يقول...

نظرة : وانتا طيب وبخير يا محمد

Lady E يقول...

hasona : وعليكم السلام ورحمة والله وبركاته

قرينا من القراءة ولا من القر اللي هو الأر :)

كل سنة وانتا طيب وبخير

Lady E يقول...

أحمـــــــــــــد أبو العلا :وانتا طيب وبخير يا انجينير

والكلام مبيقدرش يوصف اي نوع من انواع الحب عموما

ربنا يباركلنا في ماماتنا لأنهم هدية ربنا لينا

صمت المشاعر يقول...

ربنا يارب يخليلك مامتك

وميحرمكيش منها ابدااا

انا زيك كدا بردوه اللي يشوف ماما يقول عليا اختها لما اقول ياماما ادام حد يستغربوا اووي

ربنا يارب يبارك في كل امهات المسلمين

e_emy يقول...

كل سنة ومامتك طيبه
وربنا يخليهالك ياااااااارب
ويخليلك باباكى
ويخليكى ليهم ياااااااااارب (:


معلش جيت متأخر ):

Lady E يقول...

فتاه حالمه : هاااااااي يا توتة

ايه الكوكتيل ده عقد وكلاكيع وغلاسة ليه بس كده يا قمرايا :) متبقيش شوريرة

وكل سنة وانتي بخير وصحة وسعادة ومامتك بكل صحة وسعادة

Lady E يقول...

لجين أبو الدهب : انتي بالذات يا لوجي مستحيل اشك فيكي لأني مش دبوس هههههههه
أقصد لأنك في قلبي من جوه ربنا العالم بحبك في الله أد ايه

بالنوسبة لفكرة عيد الحب فتصدقي فكرة حلوة هبقى انفذها ان شاء الله لما ربنا يريد وارتبط بشريك حياتي

ربنا يسعدك مع زوجك وفي حياتك يا قمرايا
بجد بفرج جداااااا بتعليقاتك

Lady E يقول...

MǿиY El-Shreef : وانتي طيبة يا قمرايا

مفيش اعسل منك
نورتيني وان شاء الله تكرري الزيارة الكميلة دي

Lady E يقول...

القدر و انا : أيون , مين هناك؟ مين بينااادي ؟
وانتي طيبة وبخير يا قمرايا
منوراني دايما

Lady E يقول...

احساس طفلة محبة للرومانسية بس واقعية : تصدقي فكرة حلوة مجتش على بالي نياهاهاهاها محبتش ارهقكو بس يا احساس طفلة

وكل سنة وانتي بخير وصحة وسعادة

امين يا رب

Lady E يقول...

dramaqueen : وانتي طيبة وبخير يا قمرايا

أمين يا رب

Lady E يقول...

كيكى : تستاهلي يا بت انتي
وبعدين ان شاء الله لما اشوفك هديكي بالبوكس في مناخيرك علشان مش عايزاني انزل بوستات جديدة

Lady E يقول...

صمت المشاعر : أمين يا رب

نورتيني يا قمرايا

Lady E يقول...

e_emy : وانتي طيبة وبخير وسعادة يا قمرايا

ولا يهمك ربنا يجعل النتوركات تحبك يااااارب