الاثنين، 13 أبريل 2009

بالله عليك اعد لي قلبي + تحديث


أتى لها يحمل الورود

قدم لها كل الوعود

كم كان يظهر انه ودود

أحبته لا بل عشقته من قبل الوجود

وتمنت لو احبها نصف حبها الموجود

قال لها احبك بعدد من في الوجود

غمرتها السعادة وطار قلبها المولود

فقلبها لم يعشق سواه

ولم تتمنى الا بقربه الخلود

ولكن أتى اليوم وقال لها وداعا

سأمضي مع أخرى في طريقي المنشود

قالت وهي تتصنع الصمود

امضي ولكن بالله عليك هلا تعيد لي قلبي المفقود !!
بقلمي
*************************
تحديث : الباشمهندس علي درويش كتب خاطرة راااااائعة في التعليقات ردا على البوست ده والخاطرة دي مكانها الصفحة الرئيسية للبلوج مش صفحة التعليقات
مهندس / على درويش يقول...
أمضي فسأظهر لك كل الصمود
.أمضي فقد كان حبك مكذوب.
أمضي أو ابحث معي عن قلبي المفقود .
أو اتركه وارحل فلم تعد هناك عهود.
لم تعد هناك وعود .علمتني ان ...
الحب أكذوبه تتلاعب فيها القلوب .
والغدر مهارة تتعلمها بقلبك المكذوب .
فكم من بسمة رسمتها لتداري بها الخداع.
وكم من أقنعه لبستها.
وكم من فرحة مثلتها .
وكم حزن أثرته لي ولها .
صدقني لن ابكي ولكن سأبحث لك عن غيري .
ولكن تذكر انك لن تري ابدا حب مثل حبي .
ومضت الأيام ......
وهاانت تقووول أحسست بألام.
ولكن هل مني أم منك أم من الأيام
*****************************************
وكمان عجبني جدا تعليق hasona
hasona يقول...
السلام عليكم
مؤلمة
لكنها تتحدث عن نموذج من البشر
يستمتع عندما يأتي لكل زهرة في البستان
ويحاول ان يستأثر رحيقها
وعندما تبادله وتنشر أريجها
يهرب الي زهرة أخرة
وكأنه نحلة طنانة
تنتقل بين الزهور
وها هو يترك كل زهرة في حالة من الذبول والتردي
انا كنت عايزة اقول نفس ذات الكلام برضه :)
*************************************
وكمان تحديث :))))))))))
والله بتحرجني يا ابو علي الخاطرة بتاعتك راااااااااائعة بجد
انا كده حسيت اني مش بعرف اكتب عااااااااااااااااااااااا
وقع منى قلبى
وابحث عن العنوان
كان فى يوم عندى حبيبى
ولكنه اخطء المكان
فذهبت لابحث عنه فوجدته كرة
" يتلاعب به بين الحين والان
فاسرعت الى قلبى الملمه واحتضنه
ليعفو عما سلف وكان
فوجدته يبكى وتتساقط دمائه
حتى صارت كالبركان
فهرولت اليه كل انفاسى
لالالالالالالالالالالا
لن يكون تعب بعد الان
فانت لؤلؤتى وها هو مكانك مصان
لن اهبك يوما
"الا لمن حفظك
وكان يستحق لقلب انسان
اجمل ما فيها ان الحبيب رجع قلبه ليه وصانه للي يستحقه
بس المشكلة ان الحب ده مش بإيدينا المشكلة انه بيجي فأجه زي الانفلونزا
فأجه الواحد بيلاقي نفسه بيحب ورغم انه ممكن كل الناس يقولوله على عيوب حبيبه
وهو يبقى مش شايف العيوب دي او بيلتمس اعذار او بيقول ممكن اغير العيوب دي
لكن فعلا لما الانسان يفوق ويفهم ان قلبه بيتلعب بيه الكورة يبقى لازم يبعد والا يبقى مجنوووووووون
تسلم ايدك بجد يا ابو علي

هناك 32 تعليقًا:

لجين أبو الدهب يقول...

مؤلمة بس جامد أخر حاجة ..

شاب بيلعب بقلب فتاة ويخليها تقع فى شوشتها ليه ولما يزهق منها ..

باى باى ما اعطلكيش ..

بش الشاب اللى زى ده اكيد هايجى عليه يوم ويدوق من نفس الكاس ..

جميلة جدا ياليدى ..

تسلم ايدك ..

Lady E يقول...

لجين أبو الدهب ك صباح الخير يا لوجي
منورة اول تعليق يا قمرايا

هههههههه حلوة تقع في شوشتها دي مسمعتش التعبير ده من زماااااان

عندك حق اكيد هيدوق من نفس الكأس ويمكن داق فعلا من نفس الكأس وبينتقم !!

وجودك في البوست هو الاجمل يا لوجي

دمتي بخير

احساس طفلة محبة للرومانسية بس واقعية يقول...

يا عم يا عم اية الكلام دا يا ليدى
دائما تلاقينى بحب الجزء الاول اللى كله حب

بس عارفة ومقتنعة ان مش كله رومانسية
الانسان اللى زى دا مش ممكن يعرف الحب بعد كدا بس ممكن يكون عرفة قبل كدا واتخدع وجرب الجراح

تسلم ايدك يا قمر
تقبلى مرورى

غروب يقول...

انا قولت اجى اصبح عليكي قبل م انزل لقضايا في الكليه

عندى عربي عاااااااااااااااااااااااااااا


ويا بنتى مش مطلوب منك تكونى موجوده تسعه
لالالالالالالالالالالالالالالالالالالالالالا
انا اساسا مش هكون موجوده قبل الظهر وانتى داخله على العصر كده

دى بس ريمان عاوزه توزع اللبن قبل اللقاء هههههههههههههه


ماشي فكرى تانى بقه

انا بغلس صح

بس بجد نفسي تيجي

فكرى

يلا هقرا ب5قه بعد اما ارجع

سي يو

ELMASRYA - MRS WRITER يقول...

جميل يا ليدي

إيه الموهبة الرومانسية دي؟

كلمات جميلة وصادقة قوي

كل لما تقدري تكتبي لينا كلمات رقيقه زي دي لا تبخلي علينا

دمتي بكل الخير

dramaqueen يقول...

الله عليكى يا ليدى

جميلة اوى كلماتك

hasona يقول...

السلام عليكم
مؤلمة
لكنها تتحدث عن نموذج من البشر
يستمتع عندما يأتي لكل زهرة في البستان ويحاول ان يستأثر رحيقها وعندما تبادله وتنشر أريجها

يهرب الي زهرة أخرة
وكأنه نحلة طنانة
تنتقل بين الزهور

وها هو يترك كل زهرة
في حالة من الذبول والتردي

تحياتي

أمبارح كان عمرى عشرين يقول...

جميله اوى ومؤلمه فى نفس الوقت
اصعب حاجه ان حد يخدع حد ده صعب اوى
نفسى اقرآبوست زى الأفلام العربى يعنى الناس تحب وتتجوز وكده هههههههه
سلاااااااااام

MǿиY El-Shreef يقول...

ياسلام

هو احبك دي سهله اوي

بجد اتغظت من الراجل ده

جميله اوي يا ليدي وواصفه حال معظم الشباب والبنات

تسلم اديكي

كيكى يقول...

حلوة حلوة حلوة حلوة حلوة
حلوة حلوة اوى
***************
وعااااااااااااااااااااااا
هو انتى كل ثانية تنزلى بوست عاااااااااا
عووووووووووووو

الشاعر الحزين يقول...

بجد بجد

جميله جدا جدا جدا للصبح

ايه الحلاوه دى بس ؟

وبتقولى على كلماتى حلوه ؟

أمال كلماتك تبقى ايه ؟

بجد والله أبدعتى وتفوقتى عليا

ولكى منى كل التحيه أيتها المبدعه

ستيته حسب الله الحمش يقول...

لو تحسست موضع القلب لوجدته مكانه
القلب فقط ينظر نظرة وداع على خائن
هذه النظرة عادة ما تكون الأخيرة
ثم يبدأ القلب بالدق بانتظام مرة اخرى وينتظر رجل
اييييوة راجل في زمن عز فيه الرجال
راجل لما يجي يجيب شيكولاتة ويطبطب ع القلب

ها تقول صاحبة القلب
الحمد لله .. احمدك يارب .. انا كنت بحب جزمة برباط
مممممممممممممممؤ

الشموع البيضاء يقول...

اييييييه ده انا اتخدت على خوانه زى مابيقولوا
ورد وكلام حلو وحب وقلبت فجاه كده بغدر .. بس انا عندى احساس اكيد ان مادام واحد زى ده يبقا مايستاهلهاش ومكانش حب حقيقى وبكره ربنا يعوضها بالى تحس معاه بالحب الحقيقى
اما هؤلاء الى بيدو الورود كل يوم لواحده وبيلعبوا بمشاعر الناس منهم لله وكمان احنا علينا دور اننا نحرص اوى على قلوبنا ونختار كويس عشان منتوجعش بقدر الامكان
تحياتى لكلماتك الحساسه

مهندس / على درويش يقول...

أمضي فسأظهر لك كل الصمود.
أمضي فقد كان حبك مكذوب.
أمضي أو ابحث معي عن قلبي المفقود .
أو اتركه وارحل فلم تعد هناك عهود.
لم تعد هناك وعود .
علمتني ان ...
الحب أكذوبه تتلاعب فيها القلوب .
والغدر مهارة تتعلمها بقلبك المكذوب .
فكم من بسمة رسمتها لتداري بها الخداع.
وكم من أقنعه لبستها.
وكم من فرحة مثلتها .
وكم حزن أثرته لي ولها .
صدقني لن ابكي ولكن سأبحث لك عن غيري .
ولكن تذكر انك لن تري ابدا حب مثل حبي .
ومضت الأيام ......وهاانت تقووول أحسست بألام.
ولكن هل مني أم منك أم من الأيام ...
::::::::::::::
ارتجال

تقبلي مروري

إيمان يقول...

خاطرتين أجمل من بعض
وبجد بيكملوا بعض
احلى حاجه فى المدونات انها جمعتنا
يمكن كلنا لو كنا اتقبلنا فى الشارع او فى طريق مكناش هنقف ولو دقيقه علشان نتعرف على بعض وكان ممكن يمر العمر كله ومنقابلش الناس الجميله اللى عرفتنا عليها المدونات
بجد بحبكم كلكم

MǿиY El-Shreef يقول...

جميله اوي خاطره الباشمهندس

الاتنين فعلا مكملين بعض

تسلم ايديكوا

أحمـــــــــــــد أبو العلا يقول...

جميل جميييييييييييل جميييييييييييييييييل

فعلا كده بقوا ضحيتين ومجرم واحد

كيكى يقول...

ياسلام ياسلام
عوووووو

Lady E يقول...

احساس طفلة محبة للرومانسية بس واقعية : بدأت احس ان الحب بقى مجرد وهم وانه نادر ومش كل الناس بتلاقيه

ولو حد حب واتجرج المفروض انه ميجرحش حد حبه علشانه اتجرح قبل كده ده مش مبرر انه ينتقم من حد علشان حد تاني !

منوراني دايما يا قمرايا

ABOALI يقول...

يا عينىىىىىىىىىىى على القلوب التايهه

وقع منى قلبى
وابحث عن العنوان
كان فى يوم عندى حبيبى
ولكنه اخطء المكان
فذهبت لابحث عنه
فوجدته كرة"
يتلاعب به بين الحين والان
فاسرعت الى قلبى
الملمه واحتضنه
ليعفو عما سلف وكان
فوجدته يبكى وتتساقط دمائه
حتى صارت كالبركان
فهرولت اليه كل انفاسى
لالالالالالالالالالالا
لن يكون تعب بعد الان
فانت لؤلؤتى
وها هو مكانك مصان
لن اهبك يوما"
الا لمن حفظك
وكان يستحق لقلب انسان



كلنا بندور معاكى
مع تحياتى جمعية القلوب التايهه

عاشقه الرومانسيه يقول...

لا يستحق كل هذا الحب

صمت المشاعر يقول...

كلماتك بجد مؤثره جداااا

اما الشباب اللي بيلبعبوا بالبنات دول كتير اووووووووووي

ربنا يارب يهدي الجميع ويعافي بنات المسلمين

mohamed ghalia يقول...

مش عارف نعلق على ايه ولا ايه
الكلمات هايلة والرد عليه رائع
يارييتنى كنت بعرف أكتب شعر هههههههههههه

Lady E يقول...

غروب : صباح الفل يا حبيبتي

ربنا يعينك العربي ده مشكله

وعلى فكرة كان في فرصة اني أجي النهارده

بس في واحدة صاحبتي اسمها غروب نسيت تبعتلي رقم تليفونها فكنت هتوووووه في المنصورة ومش هعرف اوصل عاااااااااا

محضرتش اللقاء المرة دي لكن المرة الجايه لا ممكن تنزل الارض ابدا عاااااا
بعد الامتحانات ان شاء الله

Lady E يقول...

ELMASRYA - MRS WRITER: جميلة علشانك قرأتيها يا أجمل مصرية

وانا اساسا مش بعرف اكتب شعر دي خاطرة صغنونة وسعيدة انها عجبتك


منوراني دايما وسعيدة بوجودك

كيكى يقول...

تتحسدى كنت داخلة وقلت اكيد نزلت بوست؟؟
دة التحديث رقم كام يا اختى؟؟
عووووووووو

غروب يقول...

ده ايميلي ابقي امسحي التعليق ghoroub88

ياهو

غروب يقول...

اقول بقه راى في الخاطره

بجد تحفه وبتحصل كتير

وعجبنى اوى كلام استاذ محمود درويش وابو على وحسونه

ويمكن قريب تلاقي عندى خاطره بنفس المعنى

تسلم ايدكي

Lady E يقول...

dramaqueen : ده بس من زوقك يا كوين

وعلشان عيونك جميلة فشوفتي كلماتي جميلة

Lady E يقول...

hasona : وعليكم السلام ورحمة الله وبركاته

بجد تشبيه بليغ جدا كنت عايزة اقول نفس المعنى بس معرفتش اكتب واعبر بالصورة الجميلة دي

شكرا لتعليقك الرائع يا حسونة

Lady E يقول...

أمبارح كان عمرى عشرين : نورت المدونة
ولو عايز تقرأ بوست زي الافلام العربي اقرأ اخر بوست في مدونتك يا رب عروسة من غير اخوات :)

بجد مدونتك جميلة
شكرا على تعليقك الجميل

Lady E يقول...

MǿиY El-Shreef : للأسف فعلا ده حال ناس كتير يا موني

ربنا يبعد عننا وجع القلب

منوراني دايما يا قمرايا