الأحد، 19 أبريل، 2009

انا جييييييت نورت المدونة :)

هييييييييييه والله كنت ناوية اطول الغيبة اكتر بكتيييييييييييييييير بس رجعت المدونة تاني بناءا على طلب الجماهير :) اللي وقفو ضد اني احذف المدونة او اطول الغيبة اكتر من كده
وهما
خالتو المصرية حبيبتي : انسانة رائعة بمعنى الكلمة انا كنت عارفة انها انسانة جميلة من مدوناتها لكن لما كلمتها ع الايميل عرفت انها اروع بكتير من اي صورة رسمتها ليها في خيالي وبجد كنت طايرة من السعادة وانا بكلمها

كيكي انتيختي : كلمتني في الموبايل مرتين عالفاضي واخده لي بالك يا كيكي ههههههههههههه بسيحلك عالمدونة
اي خدعه بصراحه في الاول خضيتيني وعملتيلي جو ساسبنس وتشويق وبعدين لقيت الكلام عالمدونة
روحي يا شيخه وتعالي بسرعه هههههههههههه بحبك جداااااااااااا ووشك حلو عليا يا كتكوتتي

البنوتة الجميلة غروب : اهتمت جدا بإني ارجع للمدونة مع اننا لسه نعرف بعضينا قريب بس عملتلي مفاجأه
امبارح كنت بشد في شعري من الفرنساوي وخلاص هعيط لقيتها بعتتلي مسج بجد فرحت بيها جدا ميرسي يا قمرايا وربنا يديم صداقتنا وانا حبيتك في الله


صبحتي كيارا : اتصلت بيا عالموبايل برضه وقالتلي افتح المدونة شكرا يا كوكي كل يوم بتثبتيلي انك انسانة جميلة


القمرايا دراما كوين : تسلميلي على اهتمامك يا قمرايا وعالكومنت الجميلة في المدونة التانية شكرا يا احلى كوين عالنت كله



الانجينير احمد ابو العيليه :) : شكرا على الكومنتات في المدونة التانية والله كلامك ده شهادة اعتز بيها


محمد غالية : تسلم يا محمد وربنا يوفقك في امتحاناتك


دكتر عمرو بلو ويف : متشكرة جدا على الطاقة الايجابية اللي منحتها لي في حياتي بجد حضرتك انسان جميل ربنا يكرمك


مجنووون : تسلم يا مجنووون انا مكنتش اعرف ان في حد بيفكر في مدونتي بالطريقة الجميلة دي


ABOALI : تسلم يا ابو علي على كلامك الرقيق وان شاء الله هاخد بالنصيحة


انا اللي استاهل : شكرا على النصيحة من مجرب :) وعلى رأي المثل اسأل مجرب ولا تسأل طبيب


بجد شكرا ليكم وشكرا لأي حد زعل ان المدونة كانت مقفولة







**************************************************





امبارح كان عندنا محاضرة ترجمة ومتحمسة بقى ونازلة رايحة الكلية وماشية بالكتكوتة واذ فاجئتن لقيت الكتكوتة بتعرج قولت في حاجة مش مظبوطة ونزلت اشوف في ايه؟؟؟ لقيت في مسمارين دخلو في الكاوتشاية اللي ورى وكان قدامي حل من الاتنين اقف جنب الكتكوتة واعيط او اركب فيها واعيط برضه :) اصل هغير الكاوتش ازاي انا ؟؟؟ وبعدين لقيت لمبة نورت فوق دماغي زي افلام الكارتون نزلت جبت من الشنطة منفاخ
وبدور ع البتاع اللي بينفخو الكاوتش منه ملقيتوش المهم قررت اني امشي بشوييييييش لغاية لما اروح لأقرب حد بتاع كاوتشات لأن مكنش في مكان اركن فيه والشارع صغيييييير فمكنش ينفع اسيب الكتكوتة واخد تاكسي
المهم ركبت الكتكوتة ف لقيت صاحب محل السوبر ماركت اللي قدامي بيقوللي حرام عليكي مينفعش تمشي بيها وهي كده قولتله طب اعمل ايييييييييييييييه ؟؟؟؟؟ قالي اركنيها قولتله اركنها فييييييييييييين مفيش مكاااااااااااااان
المهم نزلت اشوف الكاوتشايه اخبارها ايه ف جه ناس وغيرولي الكوتشاية وانا كنت في قمة الاحراج لأنهم كل ما يسالوني على حاجة مكنتش عارفة اماكنها ولا اساميها واول مرة اعرف ان الاستبن ليه مخبأ سري في شنطة العربية نياهاهاهاهاها وفاااااااات نص ساعة على معاد المحاضرة وروحت الكلية لقيت الدكتور لسه مجاش هييييييييييييييييه ولقيت البنوتات زميلاتي موحدين الزي ولابسين عبايات كان يوم العبايات العالمي
وروحت اسلم على بنوتة زميلتي هي منتقبة وبقولها ازيك يا علا قالتلي انا مش علا ههههههههههههههه يادي الاحرااااااااااااااج قولتلها انا اسفة كلكو شبه بعض اعمل ايه يعني؟؟ قالتلي ولا يهمك
بس بجد انا اتحرجت جدا
وحكيت لزميلاتي على موقف الكاوتشاية اللي فرقعت من جنابها ودعت عليا فقالولي يا بنتي سميناكي ليدي حوادث خلاص قولتلهم عيب عليكو دي مش حادثة وكل واحدة في الجروب قالت موقف حصلها مع العربيات والحوادث
وضحكنا وفرفشنا لغاية لما الدكتور جه وكانت محاضرة تحففففففه

احلى حاجة فيها ان الدكتور فهمنا ان اللي هيترجم هيجيبله العندليب الله يرحمه ويقوله لكن سمائك ممطرة وطريقك مسدود مسدوووووود مسدووووووووووود يا والدي
دكتر اتش اتش _ احنا مسميينه كده_
جابلنا كلاكيع وقالنا ابقو قابلوني لو عرفتو تترجموها نياهاهاهاهاهاها وجابلنا ترجمات لمترجمين بيترجمو حرفيا وقرأها لينا واللي يشوفنا وقتها يقول اننا كنا بنشوف مسرحية كوميدية مش في محاضرة من كتر ضحكنا في المحاضرة دي
ولما طولت المحاضرة تنحنا كلنا فسالنا سؤال ومحدش رد عليه قفالنا
انتو متبنجين ولا ايه؟؟؟؟؟
قولتله متخدرين يا باشا نياهاهاهاها طبعا هو مسمعنيش بس زميلاتي بصولي وقالولي وده من ايه ان شاء الله
قولتلهم نص اللي في المحاضرة نامو اساسا

واخيرا خلصت المحاضرة


اما النهاردة بقى راجعه من كورس الفرنساوي واللي المسيو فيه كان بيدعي على الضاكتور بتاع الفرنساوي مع انه صاحبه وقاللي ربنا يكون في عونك طعن الخناجر ولا الخسيس يحكم فيا
كل الناس عارفين اصلا اد ايه الضاكتور ده ظالم ومفتري ع العموم منه لله


المهم لقيت ست وست يعني ستتين واقفين في عز الشمس ومفيش مواصلات ومعاهم حاجات تقيلة
قلت اقف لهم اوصلهم ولا هيقولو عليا مجنونة؟؟؟ المهم بعد صراع بين قلبي وعقلي وقفت اخيرا
ومتكلمتش ولا قولتلهم تعالو حتى علشان اشوف رد فعلهم وبعدين لقيتهم عرفو اني وقفتلهم فعلا وركبو معايا
واخدت كمية دعوات من اللي قلبكو يحبها منها ربنا ينجحك يااااااااااااااااااااااارب امييييييييييييييييين
وكمان دعوة ضحكتني جدا ربنا يرزقك بإبن الحلال اللي يعرف قيمتك ويهنيكي ويسعدك ويكون دكتور
ههههههههههههههههههههههههههه انا بصراحه ضحكت جدا اشمعنا دكتور يعني علشان مصاريف العلاج ولا ايه
وصلت واحدة قبل بيتنا والتانية طلع بيتها بعد بيتنا بمسافة بس وصلتها برضه حد طايل الدعاء ده كله
وبعدين والله انا اللي محتاجه للثواب والدعوات الجميلة دي اكتر ما هما كانو محتاجين ان حد يوصلهم
اما بقي بالنسبة للانجليزي النهاردة فحدث ولا حرج صاحبة ماما دردشت معايا عالايميل بالانجليزي
وشوية ولقيت دودو زميلتي في الكلية بتكلمني انجليزي وانا بكلمها بالعربي فقالتلي انجليش بليز اي دونت نو ارابيك فضحكت جدا وقولتلها ريلي؟ قالتلي اها ريلي واتكلمنا فرانكو اراب لغاية لما زهقت واتكلمنا عربي
سبحان مغير الاحوال في اولى كلية كنت بقول ل دودو ما تيجي ننمي اللغة ونتكلم انجليش كانت بتقولي النبي عربي نتكلم انجليزي احنا ليييييييييييييه ؟؟؟؟؟؟؟؟؟؟؟
واخيرا وليس اخرا كل شم النسيم وانتو طيبين هتعملوا ايه بكرة؟؟
عن نفسي هجيب ورد ان شاء الله بس مش هاكل فسيخ ولا رنجه

best wishes


هناك 44 تعليقًا:

إيمان يقول...

هييييييييييه اول تعليق

بجد انا دخلت قريت بوستك اللى قبل القفل مباشرة
وجيت اعلق ريما بنتى عملتلى قرد علشان تقومنى من على الجهاز
وبعدين نيمتهم وجيت اعلق لقيت المدونه مقفوله فى وشى قاللى للاعضاء فقط
هئ هئ هئ
قولت عملتها ليدى الصغنونه
وقفلت المدونه على صباعى
قولت يمكن غلطه والبنت تصلحها دلوقتى
وبعدين ..........المهم انك رجعتى بالسلامه وبلاش الحركات دى علشان مزعلش منك
وبعدين بقى تحولى الكتكوته لفشفوشه
وانتى حتى لسه معرفتيش الاستبن فين
اقولك ايه منه له كله رايح منه له

إيمان يقول...

ايه ده دانا مش اول تعليق دا انتى عامله مديراشن لييييييييييييه طيب
ماشششششششى

كيكى يقول...

لولولولوولولىىىىىىىىىىىىىىىىىىىىىىى
مبروووووووووووووووووووووووووووووووك
حمد الله على السلامه يااختى
يلا بقى مش مهم المكالمات الى عدت 40 دقيقة كلوه على الله بقى
**حسك عينك تعمليها تانى
هعضك وافترسك انا بقيت متوحشه**
روحى بقى زكرى وخدى راحه
عووووووووووووووووووووووو

blue-wave يقول...

الف حمدالله على السلامه يا قمر
نورتى مدونتك تانى
وبعدين احنا مش هانبطل حوادث بقى؟
فرقعتى الكاوتشايه هاتفرقعى ايه تانى؟
وبعدين بقى تانى ودا الأهم شوفتى دعوة الست؟( وش بيغمز)

احساس طفلة محبة للرومانسية بس واقعية يقول...

انا زعلانة منك اصلا
بقى اشوف البوست وادخل اقراه
سومة تعمل فيا زى ما ريما عملت فى ايمان
واقوم وارجع القيكى قفلتى المدونة

طيب لييييييييييييية ؟
بجد كنت زعلانة وهزعل لو قفلتيها خالص ولا عملتى الحركة دى تاااااااااانى

مشغولة ومش عندك وقت قولى هغيب عليكوا شوية اهو نقلب فى القديم

حد ضايقك انتى قولى بس وبعدها اقفى اتفرجى على التعليقات هتعمل فية اية

غير كدا عايزة تقفليها لييييية ؟
ايوة هقولك ليييييية كتير

حراام عليك حتى الكتكوتة مبهدلاها معاكى

بس رضو نعذرك من فرنساوى لانجليزى
يعنى ربنا يكون فى عونك :)

وربنا يجازيك خير ويبعد عنك كل المواقف المحرجة
هاهاهاهاهاهاهاها

تقبلى مرورى

e_emy يقول...

حمد الله ع السلامة

انا زعلت بجد لما دخلت ولقيتها مقفوله

متغبيش تانى بقى

ربنا يحفظك (:

غروب يقول...

الاول اقول الف حمد لله على سلامه طفلتنا القمر

واقولها كمان اياكى وقرار البعد عن البلوج تانى

اروح بقه اشوف باقي الكلا ارجع في السريع

غروب يقول...

ايه يا بنتى كل الرغي ده؟؟؟؟؟؟؟؟

ومين اتش اتش ده؟؟؟؟؟؟؟

معرفوش خالص

جايز بقه مش بيدى في المنصوره

كمان الترجمه دى احلى ماده

انا مش عارفه هنعمل ايه في باقي المواد

انا عندى تسع مسرحيات منهم الكترا بتاعتك

اما بقه اوديباس اخدتها وانتى لسه

( وش بيطلع لسانه )

ههههه

وايه حكايه الكتكوته

دى شكلها كتكوته بجد

ههههههههه

ويا ستو ربنا يجازيكي خير ويجعل الدعوات من نصيبك وخصوصا العريس اللى دكتور

وكل شم فسيخ وانتى طيبه يا قمرايتى

أحمـــــــــــــد أبو العلا يقول...

يامساء النور
ياسممساء السعاده
أيوه كده
حمدلله على السلامه وأوعي تعمليها تاني

لو فكرتي فيها تاني, انتي حره ملكيش عندنا غير أوضة الفران

تصدقي بالله انا بكتب التعليق ده عندك حتى قبل ما أرد على التعليقات الجديده في مدونتي

ألف حمدلله على السلامه

بالنسبه للدكتور العظيم ده, ده كده مريض نفسيا. انا اعرف دكتور كان بيقول انه عيط مرتين مره لما أمه ماتت ومره لما أدى لطالب تقدير جيد

طبعا ديه طريقه مرفوضه للتعليم الفاشل بتاعنا

الله يكون في عون كتكوته, شكلك مبهدلاها على الآخر
ههههههههههه

وأخيرا بس أحب أسجل اعتراضي على الدعوه اياها
اشمعنا يعني دكتور, هما المهندسين مالهم يعني, ولا عشان احنا غلابه
لأ, لازم يبأه فيه مساواه في الدعوات
ده ثواب مش لعبه

منوره التدوين دايما
تعليق طويل عشان مينفعش أعلق عندك أي كلام

أحمـــــــــــــد أبو العلا يقول...

هروح بأه أرد على الناس المحترمه اللي زارتني

سلام عليكم

mohamed ghalia يقول...

نورتى بيتك تانى
حمدا لله على سلامتك
يارب دايما بينا
وارحمى الكتكوتة من مشاوريك بقى هههههههههههه

الشاعر الحزين يقول...

مليون حمدا لله على السلامه يا قمر

بس أنا بجد استغربت جدا لما دخلت على المدونه ولقيتها مقفوله قولت بينى وبين نفسى يارب خير

عموما الحمد لله انها كانت فتره وانتهت والحمد لله على رجوعك بألف سلامه

بس بقولك ايه ؟؟؟

لازم تروحى لواحد بتاع كاوتش عشان يعلمك ازاى تغيرى الكاوتش

ههههههههههه

ياللا يا قمر سلام بقى

ومليون حمدا لله على السلامه مره تانيه

ELMASRYA - MRS EGY_ يقول...

توته حبيبتي

النت نور

والمدونة بتاعتك لما اتفتحت عملت جو مبهج للمدونات كلها

إيه الكلام اللي سبب ليا إحراج فظيع ده ؟كل الوصف الحلو ده ليا؟ربنا يخليكي يا أحلى ليدي صغنتوته في جمهورية مصر العربية

يومك كان جميل ومليان أحداث

ربنا يكون في عونك من الكتكوتة بتاعتك دي بجد غلسه ومقالبها كمان نص كم خالص

شدي حيلك بقى عايزين تقدير عالي وخصوصا في الفرنساوي اللي مزعلك ده

كل يوم وانتي بخير وصحة وسعادة

دمتي بحفظ الرحمن سالمة

dramaqueen يقول...

حبيبتى
وحشتينى الشوية دول

ميرسى على كلامك الجميل عنى
انتى تستاهلى كل حاجة حلوة

ربنا يقويكى فى الكلية وينجحك وقبل كل حاجة يصبرك

كل سنة وانتى طيبة

MaNoOoSh يقول...

طيب انا اول مرة اجى ازورك والحمد لله انى جيت على رجوعك بالسلامة يا عثل.
انتى فكرتينى ايام ما كان معايا عربية الله يرحمها وعملتها معايا والكاوتش نام فى رمسيس.. كان هيجيلى سوكنة قلبية بس الحمد لله ربنا رزقنى بناس ولاد حلال ساعدونى ربنا يكرمهم.
تحياتى يا عثل

عاشقه الرومانسيه يقول...

كل سنه وانتى طيبه
انا زعلت لما لقيت المدونه مقفوله وسئلت عليكى كيارا

حمد الله على السلامه
اما عن توصيل الستات دول فنصيحه لوجه الله بلاش تدى الامان لحد
الدنيا بقى فيها بلاوى كتير

ربنا يحميكى ويعافيكى منها

MǿиY El-Shreef يقول...

منوووووووووووورة يا ليدي

انا يابنتي سألت عنك عند فاتيما ومنوش وزعلت اوي انك قفلتي البلوج

هو كان حصل ايه لده كله

هو مين يستغنى عن ليدي يعني

نيجي للبوست بقى

ربنا يكون ف عون الكتكوته والله

بجد صعبت عليا :D

وبعدين اييييه ده مش عارفه مكان الاستبن

صراحه ولا انا :D ههههههه

بس اهو خدنا العبره والعظه :D:D

يوم حلو اوي كالعاده

وربنا يجازيكي خير ع الموقف الي عملتيه ف ال12

يعني 6+6 هههههههههه (LOL)

حمدلله ع سلامتك يااا ليدي

غروب يقول...

ايه ده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لالالالالالالالالالالالالالالالالالالالالالالالالالالالالالالالالالالالالا

والله العظيم ازعل بجد

انا كاتبه رد تانى ورا ردى الاولانى علطول راح فين ؟؟؟؟؟؟؟؟؟؟؟؟؟؟؟؟؟؟؟؟؟؟

لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا

بجد زعلانه

هو راح فين ؟؟؟؟؟؟؟

ده كان رد طويييييييييييييل

Lady E يقول...

إيمان : عاااااااااا مقصدش اقفل المدونة على صباعك يا ايمي عااااااا
سلامة صباعك :) وربنا يخليلك ريما ويخليها ليكي يا قمرايا

وفعلا منه له هههههههههههههههه

وانتي اول تعليق برغم ان في موديريشن
سعيدة جدا بوجودك يا ايمي

Lady E يقول...

كيكى : وسمعني احلى سلام مربع ومثلث ومستطيل كمان لأحلى كيكي لوولولولولولي
الله يبارك فيكي يا اختي عقبال عدلك يا رب نياهاهاهاهاها أقصد الكلية انا وخدالي بالك مقصدش حاجة تانيه

ولأ وانتي الصادقة المكالمات عدت ال40 يوم ههههههههههه بلاش تواضع

يلا روحي انتي كمان ذاااااااكري وربنا يوفقنا يا اوختشي

شفقة هانم واحسان بك يقول...

وحشتينى اوى اوى بس انا زعلانة منك بقى معقول كنتى هتقفلى المدونة لا انا مش مصدقة اوعى تعمليها
وكل سنة وانتى طيبة

لجين أبو الدهب يقول...

ليييييييدى الجميلة العسولة اللى كانت قافلة المدونة وكنت زعلانة جدا ومش عارفة اوصلها ازاى ..

اوعى تعمليها تانى لو عملتيها تانى اى ول كيل يو D:

وما تجيش جانبى يااوختى بالكتكوتة بتاعتك ال بتعطل فى مشواير كتير اوى ..

ربنا يكتر من امثالك يابنتى ..

ده كان يبقى بنات صحباتى واموت يعزموا عليا يوصلنى ولا يعبروا ويمشوا ..

ويسيبونى انا وكام واحدة نتبهدل فى المواصلات هئ هئ هئ ..

بجد فرحانة بعودتك جدا ..

دمتِ بخير حبيبتى ..

كيكى يقول...

يابت اتهدى ورووووووووووووووووحى ذكرى
ومترديش على التعليقات
باقى على زمن الامتحانات
1
2
3
يالهوووووووووووووووووووووى قربت
عوووووووووووووووو

بنوتة يقول...

السلام عليكم
ليدى الجميلة ازيك
مش عارفة فاكرانى ولا لا بس انال لسة فاكراكى
وحشتينى ومدونتك وحكاياتك الجميلة وحشتينى
اما عن البوست
الحمد لله ان الناس كانوا متعاونين
والله لسة في ناس طيبين
اما عن الفرنساوى فمتفكرنيش بكرة عندى امتحان مش اخر السنة بس تقريبا بمناسبة امتحانات اخر السنة
المهم مبروك عودتك للمدونة ولو المدونهة مش معطلاكى اوعى تقفليها
سلااااااام يا جميل
تحياتى

صمت المشاعر يقول...

ربنا يخليلك الكتكوته ياااارب وميحرمكيش منها بس انتي براحه عليها دايما كدا مبهدلااها معاكي الله يكون في عونها ياشيخه

اما بقي حكاية الترجمه دي مجرباها الكتور عندنا بردوه يجيب لينا تراجم غريبه وكلاكيع كدا ويقعد يتفرج علينا واحنا فاتحين بوقنا

يلا ربنا يوفقك ياااااارب وتتخرجي بتقدير امتياز بحاله يلا ان شالله محد حوش

Lady E يقول...

blue-wave : الله يسلمك من كل شر وده نورك يا دكتر

وبعدين احنا مش هانبطل حوادث بقى؟

الاجابة : البطيخة :)

فرقعتى الكاوتشايه هاتفرقعى ايه تانى؟

مش انا اللي فرقعت الكاوتشاية دي المسامير هي اللي فرقعتها وبعدين هفرقع بمب والصواريخ العيد اللي جاي ان شاء الله

وبعدين بقى تانى ودا الأهم شوفتى دعوة الست؟( وش بيغمز)

اي دعوة فيهم اصلهم كانو كتير
دعوة النجاح صح (وش بيطلع لسانو)

Lady E يقول...

احساس طفلة محبة للرومانسية بس واقعية : لاااااااا احساس طفلة مبتخافش من الزلازل تزعل مني هزلت
عاااااااااا

متزعليش يا قمرايا وربنا يبارك في سومة ويخليهالك يارب

دايما منوراني يا قمرايا واوعي اوعي اوعي تزعلي

Lady E يقول...

e_emy : الله يسلمك من كل شر يا قمرايا

ان شاء الله مش هغيب تاني

وربنا يكرمك ويحفظك

Lady E يقول...

غروب : الله يسلمك من كل شر يا قمرايا

Lady E يقول...

غروب : هههههههه انا ايه الرغي ده كله ولا انتي يا غروب نياهاهاهاهاهاها

ربنا يوفقنا يا قمرايا واتش اتش موجود عندنا في كليتنا اسبشل يعني

وبالنوسبة للمسرحيات نبقى نذاكر اجممنون والكترا واوديب سوى هيييييييه

وربنا يستجيب ياااااارب يا اختي

وكل عيد ربيع وانتي فرحانه يا غروب
ثانكيوووو عالكومنتاية الجميلة

Lady E يقول...

أحمـــــــــــــد أبو العلا : الله يسلمك من كل شر يا انجينير

وبجد شكرا على اهتمامك الجميل ده

بالنسبة للضكاترة في كليتنا فمعظمهم متكلعكعين نفسويا
لنا الله

اما بالنسبة للدعوة فلو بصينا لها كده يبقى هنقول وليه مقالتش المحاميين والمدزسين وكل المهن التانيه :) هي قالت دكتور مش عارفة ليه :)

متشكرة جدا يا انجينير وبجد مش عارفة اقول ايه على كلماتك الرقيقة
وعليكم السلام

Lady E يقول...

mohamed ghalia : الله يسلمك من كل شر يا محمد

وبجد انا حاسة انك تعرف الكتكوتة من كتر ما انتا مشفق عليها

Lady E يقول...

الشاعر الحزين : الله يسلمك من كل شر يا شاعر

Lady E يقول...

ELMASRYA - MRS EGY : خالتو حبيبتي ده علشان عيونك حلوين فبتشوفي مدونتي حلوة يا خالتو

وبالنسبة للكلام اللي قولته عنك بجد ده قليل جدا عليكي

دمتي في حفظ الرحمن

Lady E يقول...

dramaqueen : تسلميلي يا قمر وانتي كمان وحشتيني الشوية دول :)

وبجد انتي اللي تستاهلي كل خير
انا معرفتي بيكي من خلال المدونة بس متأكده انك شخصية جميلة

اللهم أمين

كل ربيع وانتي طيبة وبخير وصحة وسعادة

Lady E يقول...

MaNoOoSh : اهلا بيكي يا قمرايا منوراني

والمواقف بتاعت العربيات دي بتبقى مواقف بايخه عااااااااا بس ربنا بييسر وبيبعت لنا ناس كويسين ربنا يجزيهم خير

على فكرة البنوتة اللي عندك في البروفايل صعبانة عليا اووووووي عااااا قوليلها تبطل تعيط وانا هجيبلها شوكولاته عااااااا

Lady E يقول...

عاشقة الرومانسية : كل سنة وانتي بخير يا قمرايا

وشكرا على سؤالك عني بيتهيألي انك سألتي عني بعدما كيارا كلمتني في التليفون تسلميلي يا قمرايا

وبعدين متخافيش يا اختي الستات مغلوبين على امرهم وحتى لو قصدهم شر فربنا هينجيني علشان انا قصدي خير وبعمل خير

نورتيني يا قمرايا وطبعا مش بدي لأي حد الامان بس سيماهم في وجوههم الطيبين بيبان عليهم طيبتهم والشوريرين كمان

Lady E يقول...

MǿиY El-Shreef : ههههههههههههههه والله انتي عسل يا موني وانا بحب تعليقاتك وروحك المرحة

شكرا لسؤالك عني انا عارفة فاتيما ومنوش لكن تقريبا هما ميعرفونيش

منوراني دايما يا قمرايا
الله لا يحرمني منك
وما تشوفي شر

Lady E يقول...

غروب : هدي اعصابك يا غروب لسه صغيرة على الضغط والسكر

لو بصيتي على الصفحة تاني هتلاقي التعليق بتاعك موجود

Lady E يقول...

شفقة هانم واحسان بك : هيييييييييييه شفشوقتي حبيبتي والله منوراني

كل ربيع وانتي طيبة يا قمرايا

Lady E يقول...

لجين أبو الدهب : تسلميلي يا حبيبتي

ومش ههون عليكي بليز دونت كيل مي بيكوز اي لف يو سو ماتش (ايه الكلام ده ههههههههه )

وبالنوسبة لصحباتك لو يعرفو ثواب انهم يوصلو حد في طريقهم مكانوش اتأخروا بس تقولي ايه بقى معلش يا اختي

سعيدة جدا بتعليقك يا لجين يا حبيبتي

Lady E يقول...

كيكي : متفكرينييييييييييييييش عااااااااااااااا

روحي انتي كمان ذاكري يختي

Lady E يقول...

بنوتة : وعليكم السلام ورحمة الله وبركاته

بنوتة وحشتييييييييييييييييني بتقولي ايه ازاي مش فكراكي طبعا فكراكي وزعلت جدا لما حذفتي مدونتك وللأسف في الوقت ده انا كنت مسافرة ولما رجعت لقيتك حذفتي المدونة وزعلت جدا لأن مدونتك كانت رائعة

ربنا يوفقك يا قمرايا
بجد نورتيني

Lady E يقول...

صمت المشاعر : الكتكوتة دعت عليا اصلا هههههههه ربنا يصبرها عليا وانا مبهدلاها ومشحططاها يا عيني

بالنسبة للترجمة فواضح ان الدكاترة بتحب تعقدنا :) خير ان شاء الله

وبالنسبة للامتياز :) ربنا يسهل وانتي اللي تجيبي التقدير ده يا قمرايا

نورتيني