الجمعة، 20 مارس 2009

ومهما نتعب نقول تعب الحبيب راحة



حاسة اني انسانة جديدة اول مرة اعرفها بجد
حاسة ان شمس حياتي بتشرق
حاسة اني مولودة من جديد
حاسة اني قوية بالله لأن فيا نفخه من روحه سبحانه وتعالى وحاسة اني ضعيفة لله لأني في النهاية انسانة
حاسة بقيمة الحياة بشكل رهيب لدرجة اني حاسة اني كنت ميتة قبل كده
حاسة ان ربنا سبحانه وتعالى بيحبني اوي وفضلني على كثير من عباده
حاسة اني اتعلمت حاجة عظيمة
حاسة بفرحة ان اخيرا شوفت البيبي دودو بنت عمي النهارده لأني من بداية الكورس وانا موش فاضية حتى اكتب في المدونة عارفين احساس انك تشيل بيبي لسه مولود وبشرته ناعمه ولسه جميل زي النبته الخضرا الصغنونة
بجد عن نفسي حسيته احساس رائع
حاسة بالامتنان لربنا سبحانه وتعالى انه وفقني لكورس
الHuman Resource
او التنمية البشرية
وحاسة بالامتنان لمستر اسلام انه علمنا ومبخلش علينا بأي معلومات سألناه عنها
وحاسة بالحب ناحية الجروب اللي قضيت معاهم 4 ايام كانو من اجمل ايام عمري بالرغم من الارهاق او الحزن اللي كنت بحس بيه احيانا
وحاسة ب شجن شوية وعليهم شوية حزن واستئكاب علشان اخر يوم في الكورس بكرة ان شاء الله
وحاسة بفرحة اني درست حاجة بحبها وهخلصها بكرة ان شاء الله
حاسة ان معظم البنوتات اللي هناك بقو قريبين مني بجد هفتقدهم جدا بس هي دي الحياة محطات بنقابل ناس ونودع ناس ولا ننسى اعز الناس حبايبنا ( قلبت على عبد الحليم حافظ :)
فكرت النهاردة في موضوع الفراق ده وكنت ماشية في الشارع في طريق طويل وفي ناس ماشيين وانا بعدي من جنب الناس ناس تسبقني وناس تدخل شوارع جانبيه وناس تركب مواصلات يعني الحياة مش على حال واحد
صحيح كلنا في نفس ذات الشارع لكن كل واحد ليه طريقه اللي رايحه وليه حياته

وانا راجعه امبارح من الكورس سمعت اغنية لفرقة المصريين منها مقطع بيقول ومهما نتعب نقول تعب الحبيب راحة
وانا بتعب كل التعب ده علشان حبيب واحد بس حسيت بحبه من اول يوم في عمري وامنت بالحب ده ولمسته في كل حياتي الحبيب ده هو الله سبحانه وتعالى
واخيرا حاسة بكل الحب والامتنان والعرفان بالجميل ومشاعر تانيه حلوة متلخبطة على بعضيها تجاه مامتي وبابايا
حاسة اوي دلوقتي بكلمات اغنية براين ادامز
Bryan Adams Here I am
Here I am This is me
There's nowhere else on earth I'd rather be
Here I am It's just me and you
Tonight we make our dreams come true
It's a new world
It's a new start
It's alive with the beating of young hearts
It's a new day
It's a new plan
I've been waiting for you
Here I am
Here we are
We've just begun
And after all this time
Our time has come
Yeah here we are Still goin' strong
Right here in the place
where we belong
Oh it's a new world
It's a new start
It's alive with the beating of young hearts
It's a new day
It's a new plan
I've been waiting for you
Here I am

هناك 37 تعليقًا:

KEBLAWYAT يقول...

التنمية البشرية حلوه .. دى حاجه


الحاجه التانيه ..

الفراق من سنن الدنيا

لازم فراق وإلا متبقاش دنيا


ده تانى لقاء ليا مع Bryan Adams النهارده

KEBLAWYAT يقول...

يا حلاوه يا ولاه

اللى فات ده كان أول تعليق


عايز الجايزه بقى

حسام غانم يقول...

بغض النظر عن الكلام اللي بالأجنبي اللي في الآخر ده

إلا إني عايز أحييكي على كورس التنمية البشرية

حلو إن الواحد يعرف نفسه وينمي مهاراته

أنا كمان لما ببص للناس اللي ماشية

واللي رايح واللي جاي

بفكر نفس التفكير ده بالظبط


دمتي بخير ..

mohamed ghalia يقول...

ربنا يسعدك دايما
مش هقدر أقول أكتر من كده

إيمان يقول...

يارب ايامك كلها تبقى نجاح وسعاده
وأمل وحب وقرب من ربنا
بجد بوست مفرح جدا

ELMASRYA - MOSLEMA LELLAH يقول...

يارب دايما سعيده ومبتهجه وواثقة من نفسك

وصفك لإحساسك دقيق وواصل ليا قوي

فكرتيني بأيام الدراسة وبرائتها

أنا بعتبر إن أجمل حاجه في الدنيا التعلم

تقدري تقولي إنه هوايتي يا ليدي

موضوعك لطيف جدا وممتع

تمنياني لكِ أن تستشعري دايما حلاوة القرب من الله وتجعليه دائما أمامك في كل خطوة

سلامي لأم ليدي الجميلة

احساس طفلة محبة للرومانسية بس واقعية يقول...

حميل يا ليدى انك تتعلمى حاجة
وتحسى بأفادتها وتوصلك المشاعر دى كلها
سواء فى الدنيا من حواليك او بتقربك من الله سبحانة وتعالى

ربنا يزيدك
تقبلى مرورى

Ahmed يقول...

حالة الصفاء النفسي ديه جميله
ربنا يديمها عليكي

blue-wave يقول...

ياااااااااااااااااااااااا عينى:)
ايه الكلام الجميل دا كله؟؟؟
الحمد لله على الراحه النفسيه دى كلها
ويارب تكون دى مشاعر ايجابيه مش سلبيه:))
فاهم يا نصه؟؟( وش بيغمز)

ستيتة يقول...

ربنا يفرح قلبك دايما
ويبارك في دودو وتطلع جميلة زي ليدي

بحبك

Unknown يقول...

هي الدنيا كده بنقابل ناس ونفارق ناس ..
ربنا يوفقك ويرضيكي ويسعدك
أنا افتقدت وجودك في مدونتك وبين كلماتك قوي ربنا يتملك الكورس على خير ويجمعك بالي عرفتيه وحبيتيه على خير
بس متغيبيش علينا
نورينا علطول بطلعتك البهية..
بجد بفرح لما ألاقي عندك بوست جديد
ربنا يوفقك
مودتي

هانى زينهم يقول...

يعنى بغض النظر عن اغنية برايان ادامز دى جميل انك لقيتى حاجة تبسطك وتريحك اما الفراق واللقا فدى الدنيا بنقابل عشان نفارق . تحياتى

جارة القمر يقول...

هي دي الحياة ناس رايحة ناس راجعه
كله ماشي في طريقه ومش شايف مين حواليه
بس حلو اوي احساسك بربنا واحساس الحب اللي جواكي لربنا
وربنا يباركلكم في دودو ويسعدك دايما
تقبلي مروري

Lady E يقول...

قبلاوى : مبروك يا قبلاوي كسبت سكوتر علشانك اول تعليق :)

وفعلا الفراق من سنن الدنيا
دمت بخير وسعادة

Lady E يقول...

حسام غانم : ليه بس بغض النظر عن الكلام الاجنبي ده بجد كلام سهل جدا علشان كده مترجمتوش


وفعلا كورس التنمية البشرية غير حاجات في حياتي وخلاني افهم الدنيا اكتر

وكويس ان في حد بيفكر نفس ذات التفكير يعني مش انا لوحدي اللي عندي هسهس في ناس بتفكر زيي :)

Lady E يقول...

mohamed ghalia : وربنا يسعدك يا محمد

Lady E يقول...

إيمان : أمين يارب
ردك هو اللي مفرح جدا
تسلميلي يا قمرايا

Lady E يقول...

ELMASRYA - MOSLEMA LELLAH : تسلميلي يا اختي الكبيرة
اللهم أمين
وفعلا من اجمل الحاجات في الدنيا التعليم
كفاية اننا بناخد ثواب وبتحفنا الملائكة وبنملأ بالسكينة
ربنا يتقبل مننا يارب
وبجد سعيدة جدا برأيك عن البوست

تسلميلي على اهتمامك بمامتي ربنا يحفظها ويحفظك يارب

Lady E يقول...

احساس طفلة محبة للرومانسية بس واقعية : ربنا يكرمك يا اجمل احساس طفلة

مسدس صغير يقول...

فعلا الحياة دى اشكال كتير وغريبة والشارع هو اقرب شبيه بالحياة
كل واحد ماشى فيه على هواه اللى راكب واللى متجه يمين وشمال واللى بيرجع لورة واللى بيفكر واللى بيضحك واللى فرحان واللى حزين.
حاجه محيرة فعلا
والفايز الوحيد فى الشارع ده هو اللى بيوصل بأمان لأخر المشوار.
كل سنة وانتى طيبة ومامتك طيبة وكل الامهات.

Lady E يقول...

أحمـــــــــــــد أبو العلا : والله بحاول تبقى حالة دائمة يا انجينير
ربنا يوفقني ويوفق الجميع

مسدس صغير يقول...

ونسيت احييكى على الاغنية الحلوة اللى فى الاخر دى..
اكيد حلوة يعنى
امال انتى يعنى هتجيبى حاجه وحشة.
اصل انا ثقافتى المانى.

Lady E يقول...

blue-wave : نصه فاهم يا دكتر :)
ويارب كلنا يبقى عندنا مشاعر ايجابيه ونبعد المشاعر السلبيه بعيد

Lady E يقول...

ستيته حسب الله الحمش : الله يكرمك يا دكتر حضرتك جميلة فشيفاني جميلة

لجين أبو الدهب يقول...

ربنا يديم عليكى احساسك حبيبتى ليدى ..

بجد الاحساس ده رائع ونادر لما بيجى فاستغلى كل لحظة فى الاحساس ده ..

وفكرتينى بأخر يوم برده فى الكورسات وانا زعلانة .. بس كنت لما بروح الكورس اللى بعده ألقيهم برده D:

وما تزعليش هو الفراق طبيعة الدنيا علشان ربنا يخلينى متشوقين للجنة وهى دار الخلود ..

وفكرتينى بفيلم الكارتون سبيريت نفسى اشوفه اوى هادعبس على الجهاز يمكن موجود ..

دمتِ بخير ..

عاشقه الرومانسيه يقول...

ربنا يديم عليكى البهجه والسعاده والرضا وراحه البال

ويكرمك بزوج صالح وذريه صالحه

e_emy يقول...

ربنا يوفقك والتنمية البشريه بجد حاجه جميله جدا ..

واحساس انك تشيلى بنوته مولوده تحفه
وتخيلى بقى لو بنتك يااااااه اكيد احساس تحفه
يارب نفرح بيكى وتجيبى بنوته عسل زيك (:

بالنسبة للفراق بجد حاجه صعبة
يارب دايما يجمعك مع الناس الى بتحبيهم يارب

تحياتى

Unknown يقول...

على فكرة القسم ده مهم جدا

انتى مش متخيلة اهمية ال hr

فى اى شركة .. بجد ربنا يوفقك ويبارك فيكى

وكل سنه وانتى بالف خير وهنا :)

على فكرة من اجمل الاغانى اللى بحبها :)

Lady E يقول...

كاتب مصري : اللهم أمين

تسلم على الدعوات الجميلة يا كاتب

Lady E يقول...

هانى زينهم : بجد اغنية براين ادامز جميلة وسهلة علشان كده مترجمتهاش يا مستر
اما عن كلمة بنقابل علشان نفارق ياااااه بجد كلمة صعبة وقاسيةاوي

Lady E يقول...

جارة القمر : تسلميلي يا قمرايا
نورتيني

Lady E يقول...

البحث عن أنا شىء جنونى : ألف ألف مبروووووووك بجد
بالتوفيق ان شاء الله
اكيد هيكون كتاب رائع

Lady E يقول...

مسدس صغير : ايه الفلسفة العميقة دي
بجد كلام مظبوط جدا زي القهوة المظبوطة بالظبط :)

وكل سنة وانتا ومامتك وكل ام طيبين يا مسدس

Lady E يقول...

مسدس صغير : ههههههههههههه ماشي يا مسدس مع ان بجد الاغنية سهلة جدا لو قرأتها هتفهمها

Lady E يقول...

لجين أبو الدهب : فعلا احساس اكثر من رائع يا لجين متتخيليش لما راح الاحساس ده مفتقداه اد ايه

وانا مشوفتش كارتون سبيريت قبل كده عاااااااااا بس افتكرت كارتون كنت بحبه اوي كان فيه شبح صغنون وطيب اسمه كاسبر

Lady E يقول...

عاشقة الرومانسية : اللهم أمين
تسلميلي يا قمرايا
ربنا يستجيب دعائك ليا وليكي ولكل المسلمين

Lady E يقول...

e_emy : عارفة يا ايمي انا ل لحظات تخيلت ان هدى بنتي لقيت الاحساس ده بيبقى احساس رائع احلى من اي حاجة في الدنيا ربنا يرزق كل زوجة بالاحساس ده احساس الامومة

عارفة اكتر حاجة بتمناها دلوقتي ايه
انك تطلعي من مود الاحباط اللي دخلتي نفسك فيه لأنك انسانة بحبها جدا ومش عايزة اشوفها محبطة ومضايقة
ربنا يسعدك