الأربعاء، 4 مارس، 2009

كلام في كلام



بيب بيب زمالك بيب بيب زمالك

زمااااااااااالك زمااااااااااااااالك اوه اوه زمااااااااااااالك زمااااااااااالك اوه اوه

زمالك يا هندسة لعب وفن مدرسة (وش بيطلع لسانه)
مبروووووووك للزمالك فوزهم على انبي امبارح واحد صفر لولولولولولولي

*************************************************


كان نفسي اكون معاكو امبارح في حفلة توقيع انا انثى عاااااااااااااااااااااااااا

بزمتكو الحفلة كان ليها طعم من غيري :)؟؟ طبعا كانت حلوة بكل اللي حضروها حتى لو انا محضرتش عااااااااااا

اصل بعيد عنكو انا والكمبيوتر والفشفوشة عيينا في يوم واحد انا جالي انفل وزا والكمبيوتر اتفيرس والفشفوشة تعبت نفسويا ويوم الثلاثاء بالذات مكنتش هقدر اسافر علشان البرد كان شادد حيله عندي ع الاخر وكنت ماشية اقول اااااااااه اهيييييييين يعني مش اه واحدة بس لأ دول 2 اه وبعدين فضلت اهييس طول اليوم وعايزة اسافر واحضر الحفلة بس مش قادرة ولما جه الوقت من 6 لغاية 9 كنت بقول لماما زمان المدونين دلوقتي فرحانين في الحفلة كان نفسي اكون معاااااااااهم عااااااااااا وبعدين حتى لو مكنتش تعبانة وجيت القاهرة من رابع المستحيلات اني ادخل بالفشفوشة جوه القاهرة العامرة هي ايوة فشفوشة لكن في القاهرة ممكن اوي تبقى فتفوتة وانا مش عايزاها توصل للمرحلة دي وعدى اليوم ومروحتش المرة دي بس اعملو حسابكو المرة الجاية ان شاء الله هحضر لو كنت في مصر وعلى فكرة يا كيارا انا كده هغتالك لأنك بتغيظيني وكاتبة عن الحفلة ف خدي بالك على نفسك بقى واحترسي من الشوريرة نياهاهاهاهاهاها

تبعا تبعا ال4 في واحد بتوع البوست اللي فات بقو صفر في واحد لأني مروحتش الكلية ومعملتش اي حاجة من 3 ايام وادي جزات اللي ميسمعشي كلمة ماما تقولها مامتي حبيبتي قالتلي الجو برد مش مهم محاضرة النهاردة قولت لماما لأاااا نو نو نو هنزل كليتي حبيبتي اهو بسبب محاضرة نزلتها في عز البرد اخدت برد و ضيعت 4 محاضرات وعليهم 2 كورس هدية

مش انا النهاردة ركبت ميكروباص ايووووووون ميكروباص يااااااه بقالي سنة تقريبا مركبتش ميكروباص بس ايه ده ايه الاحساس ده , احساس ان الواحد طاير واحساس الخارجين على القانون نياهاهاها الميكروباص كان بيعمل كل حاجة غلط مروريا ومع ذلك كنت مستمتعة بالركوب في الميكروباص اخيرا ببص براحتي على المحلات والفتارين والناس اللي رايحين واللي جايين يااااااااه ومفيش عصبية وخنقة من المتوسيكلات ولا الميكروباصات ولا الطريق المكسر ولا بتنرفز على حد والحياة كميلة وحبيت اتأمل بقى , تأملت في العربيات اللي ماشية لقيت ان معظم العربيات مخبوطة ده حتى في كتير منهم مخبوط خبطات صعبة يعني مش انا لوحدي بس اللي بعمل حوادث الحمد لله انها بتيجي على اد كده وبعدين لقيت بنوتة ماشية بالكتكوتة بتاعتها فكرتني بيا لما بكون قافلة الازاز ومشغلة الmp4 ومعلياه وعايشة في جو تاني وخصوصا وانا مضايقة ومخنوقة ومش بفتح الازاز حاليا الا في التقاطعات علشان اسمع التنبيه لو في عربية جايه

شوفت الكليب بتاع حماقي بتاع اغنية وافتكرت عجبتني فكرة التلج اللي في الكليب والمزة اللي في الكليب نياهاهاهاها اذا كانت هي عنيها زرقا فأنا كمان لما احب اخلي عيني زرقا بخليها زرقا هههههههههههه بس اللي معجبنيش تصوير الكليب ككل كان ممكن فكرته تبقى احلى من كده وطبعا كلمات الرائع أيمن بهجت قمر مع اني بكره اغنية ناويها اللي هو برضه كاتبها بش بجد كلمات اغانيه جميييييييييييله

شوفت كمان بريطانيا حووولمــــــــــي الكابيـــــــــــــــــر شوفتها في التلفزيون تبعا تبعا في برنامج كرافان والضيف كان الممثل الفوق الفزيع احمد عز طلع زومل معاه ليسانس اداب انجليش برضه ربنا يوعدني واخد الليسانس انا كمان

يلا سلام كفاية رغي كده

هناك 21 تعليقًا:

كيــــــــــــارا يقول...

ههههههههههههههههههههههههههههههه

هتغتاليني مره واحده
عااااااااااااااااااااااااااا

Lady E يقول...

كيــــــــــــارا : هههههههههه ايوووووون ايون ده انا عنيا دمعت وانا بقرأ البوست بتاعك دمعة فرح انك فرحانة ودمعت حزن على اني مقدرتش احضر عااااااااا

منورااااااني في اول تعليق من زماااان لولولولولولي

عاشقه وغلبانه يقول...

مبـــــــــــــــروك للزمالك ياجميل

عقبال ماتكسبوا بطوله بقي

Lady E يقول...

عاشقه وغلبانه : هع هع هع دي تهنئة ولا شماتة ولا ايه ما في 5 بطولات في الصورة مختيش بالك منهم ولا ايه يا عاشقة يا اهلاويه :)

اسماء يقول...

كوكووووو
حبيبتييييييييييي
بصي يا ستي
انا كرهت موبايلك ده
اعدت اتصل ادان يغير متاح
بقيت خايفة تكوني ف الحفلة ومش شايفاكي
بس اديني عرفت انك مجيتيش
تعرفي لو كنت جيتي وانا مقابلتكيش
كنت هحط السيخ المحمي في صرصور ودنك
وانت عارفة بقا
اليوم كان جميل"وش بيضحك"
جميل جدا بجد"وش بيضحك قوي"
حاجة كده محصلتش من قبل"وش بقا بيطلع لسانه"
هههههههههههه
اليوم كان ناقصة حاجة
حاجة كده
مهمة
اوى
كان نفسي
اشوفها
حاجة
صغنونة
لسه
مش
عايزة
تكبر
هههههههههههههههههههه

احساس طفلة محبة للرومانسية بس واقعية يقول...

هاهاهاهاهاهاهاهاها
انا بحب اوى اسلوبك
بموت من الضحك بجد

الف سلامة عليكى من البرد يا قمر
وبعدين انتى كنتى عايزة تروحى الكلية تانى بعد البوست اللى فااات
دا كدا البرد جالك نعمة من عند ربنا واترحمتى شوية
هاهاهاهاهاهاهاهاها
مبروووووووك للزمالك ايوة كدا خلينا نفرح شوية بقى
وخلى بالك من الفشفوشة
وخلى الميكروباص للترفية بس كل كام يوم كدا هاهاهاهاها اهى برضو مرياحاكى شوية
انا كمان شفت كليب حماقى بجد تحفة
واصلا الاغنية كلماتها تجنن هى وكل الالبوم

تقبلى مرورى

BAsMA يقول...

هههههههههههههههههه

والنبى عثل
ومبروك للزمالك

بنوتة يقول...

السلام عليكم
ماشاء الله عندك قدرة تتكلمي في حاجات كتيرة في وقت واحد
المهم موضوعك لطيف جدا
انا بحب اقرا البوستات الحلوة ايللي بتبقى روحك مرحة فيها
تحياتى
وسلام

حسام غانم يقول...

أولا كده ..

أحييكي تحية حارة عشان طلعتي زمالكاوية

ثانيا ربنا يشفي الفشفوشة

أنا الفشفوشة بتاعتي برضه قاعد بيها امبارح كله عند الكهربائي :(

Lady E يقول...

اسماء : شكلي انا اللي هجيبلك الصرصور المحمي والسيخ كمان يا سومة نياهاهاها بقى اليوم كان حلو جدا جدا جدا وبجد كمان عاااااااااااااا
هو فعلا اكيد كان جميل بوجودك وبوجود كل الرائعين اللي حضروا الحفلة

وبعدين يا سمسومتي يا حبيبتي انا لو هاجي اول حد هتصل بيه انتي واكيد هستعين بيكي في معرفة القاهرة العامرة :) فمن النقطة دي متقلقيش مينفعش اجي الحفلة ومشوفكيش

بالنوسبة للموبايل فالعيب في حودافون مش في الموبايل الشبكة كانت واقعة في المركز اللي كنت بصلح فيه الكمبيوتر

بفرح بجد لما بتزوري مدونتي وكمان تعلقي تسلميلي يااااارب

عروسة يقول...

سلامتك يا قمر الف سلامة يمكن اعمل تجمع يوم 11 تبقي تيجي انا قلتلك قبل كيارا اهو ولا تزعلي
والخبر ليس للنشر انه للاصدقاء المدوينين
كل دة بوست كل دة بوست حراممممممممممم
اة كليب والبت عنيها جميله هههههههههههههههه
دمتي بالف خير

هانى زينهم يقول...

الزمااالك ؟!! ولا زمان . انا كنت نسيت الزمالك اصلا . عموما ربنا يستر وما تبقاش حلاوة روح .

Lady E يقول...

احساس طفلة محبة للرومانسية بس واقعية : وهو كمان بيحبك يا احساس طفلة :)))))

الله يسلمك من كل شر يا قمرايا ومن حقنا نفرح للزمالك
وبالنوسبة للفشفوشة ربنا هو الحافظ

نورتيني يا قمرايا وان شاء الله تحضري حفلة توقيع كتابي المستقبلي لما تنزلي مصر :)

Lady E يقول...

BAsMA : انتي اللي عثل يا بسومة

الله يبارك فيكي

e_emy يقول...

مبروك للزمالك (:

وربنا يوفقك يارب وتحققى كل الى ببتمنيه

والف الف سلامة عليكى

وبعد كده اسمعى كلام مامتك (:

Lady E يقول...

بنوتة : وعليكم السلام ورحمة الله وبركاته

بعض ما عندكم يا بنوتة

وبعدين كده تاخدي المدونة لحم وترميها عضم ينفع كده يا اوختشي الدنيا على ده وده وانا ساعات بتكون روحي مرحة ومن جوايا حزينة بس مش بحب انكد عليكو كتير يعني

Lady E يقول...

حسام غانم : تحية كبيرة شحط محط وضرب ناااااار للزملكاوي حسام غانم مبروك الفووووووز

امبارح كله قاعد بالفشفوشة بتاعتك عند الكهربائي ليييييييييييييه يعني ايه اللي وصلها للمرحلة دي
كان الله في عون كل فشفوشاتنا وربنا يسلم طريقك

Lady E يقول...

عروسة : لولولولولي مبرووووك يا عروسة فين الشرباااااات
بالنوسبة ل11 هو 11 امتى اوعي يكون الشهر ده
ثانكيو على الدعوة والكومنت وقراءة البوست الكبيييييييييير يا قمرايا هههههه
نورتيني

Lady E يقول...

هانى زينهم : هيييييييييه عاش مين شافك يا مستر اول لما قولتلك ع العربي الجاهلي مبقتش تزور المدونة عااااااااااا
ماشي يا مستر ماشي ليا الله

بالنوسبة للزمالك يارب فعلا متبقاش حلاوة روح !! خليك مفائل يا مستر

Lady E يقول...

e_emy : هي دي الروح الرياضية يا ايمي يا جميييييييييييلة
الله يبارك فيكي

ربنا يوفقنا ونحقق احلامنا كلنا

الله يسلمك من كل شر

نورتيييييني بجد

تاء مربوطة يقول...

السلام عليكم
حاسة اني اعرفك صح؟
انا بصراحة بكلمك عشان العااااااااا اصلها بتاعتي
وعااااااااا دي ليا ومش زعلانه بس اثار فضولي انك استخدمتيها انا fadiacat ن برنامج البالتوك
بنتظر ردك وقائمتي مفتوحة والف عاااااااا مستغربة