الأربعاء، 11 مارس 2009

لولولولولولي


السلام عليكم ورحمة الله وبركاته

اولا كل سنة و انتو طيبين بمناسبة المولد النبوي

*******************************************

1-انا خت الاعدادية بعديها الثانوية وصبحت جامعية وفاضلي ع التخرج مش اكتر من سنة لولولولولولولولي _ ربنا يستر وميبقوش اكتر من سنة عاااااااااااااا _ من اغنية دقو الشماسي لحليم
2- عدى النهاااااار والمغربية جاية تتخبى ورى ضهر الشجر وعشان نتوه في السكة شااااالت من لياااالينا القمر _ اه يا ايام صعبة من غير قمر اهيء اهيء اهيء_ من كلمات الابنودي وغناء حليم
3- ماشيه ع الطريق السريع وخير اللهم اجعله خير بعدي وبتجاوز مقطورة كبييييييييره ولما وصلت لنص المقطورة يعني نص المقطورة كان ماشي جنبي لقيت السواق بتاع المقطورة بيحود على عربيتنا وجاتلي هيستيريا وحطيت ايدي على الكلاكس بيييييييييييييييب بييييييييييييب بيييييييييييييييييييييييييييييييييييييييب ولما عدينا من المقطورة قولت لماما المقطورة كانت هتدوسنا يا ماما شوفتي الهنا اللي احنا فيه لولولولولولولي
4- لسه شهر على الامتحانات ومفيش الا 3 كتب اللي نزلو بس وانا مش عارفة اذاكر اييييييييي حااااااااااجة لولولولولولي غطوني وصوتو
5- ادلع يا عريس يا ابو لاسة نايلون ادلع يا عريس وعروستك نايلون شوفت الست امو فاروق هاي هاي شالت بقعة البرقوق هاي هاي اريال غسلتلي هدومي لا نقع ولا غليا _ اغنية شوعبية من اعلان اريال القديم بتيجي على بالي كتير اليومين دول_
6 - عيني بتوجعني من ايه عيني بتوجعني من ايه م الينسز اللي كنت لابساها امباااااارح نيااهاهاهاهاهاها _ اغنية شوعبية تانية انا الفت كلام فيها علشان مش عارفة الاغنية الاصلية _
7- اللي عايز يتعاقب وعربيته تدشدش وتتفشفش وتتبعتر وتتكسر ويتعصب ويتعفرت ويتبهدل ويتنيل يروووووح المحلة
المحلة طريقها مزفت بستين نيلة
8- مش انا اتمسكت بالحزام تلبس زي ما ابو علي قاللي على اساس ان الحزام ده حشيش مثلا ولا مخضروات قال ايه لجنة في المحلة ماشيين فعمين الشرطة وقفنا وقاللي الرخصة , ماما طلعت الرخصة وبعدين سأل على رخصة العربية قولتله والله بتاعتنا وشاف رخصة العربية وبعدين قاللي انتي مش لابسه الحزام ليه قولتله اصله بيضايقني ومش بعرف اتنفس منه وانا بجد مكدبتش كان عندي برد والحزام بحس انه بيكتفني اصلا بكررررررررهك يا حزاااااااااام بكرررررررهك يا حزاااااااام يا حزااااااااام بكرهك
وعمين الشرطة قاللي ع العموم المخالفة بخمسين جنية بس .......... وتكملة النقط دي بس انا هاخد 20 بس وطبعا هو مقالش كده ووالله لو كان قال كده كنت هدفع المخالفة احسن من الرشوة المهم مشيت ومدفعتش حاجة لولولولولولي
9- زكي يا زكي يا زكي زكي يا زكي
زكي يا زكي يا زكي زكي يا زكي لولولولولولي
هو فين الزكي ده؟؟ باشا باشا باشا باشا
حبيبي مالو مااااااالو يا هووووووووووودا _هدى_
خطفنيييي يااااالهووي كسفني يالهووووووووووووووي
الاغنية دي بفتكرها مرتين مرة وانا داخلة محاضرة داكتور زكي وهو بيشرح الشعر
ومرة تانية لما بغنيها مع خالتو ونقول يالهووووي مع بعض هع هع هع هع
خير خير دلق القهوة عالمدونة خير لولولولولولولي

هناك 32 تعليقًا:

مسدس صغير يقول...

اعتقد اول تعليق صح؟

مسدس صغير يقول...

عما تفرجى عن التعليقات ونشوف تعليقنا الكام.
المهم انتى يركبك عربيات ايه ومش عارف مامتك دى انا ياما نصحتها يا تتبرى منك يإما ما عادتش تركب معاك العربية.
ربنا يكون فى عونها.
هههههههه
ربنا يوفقك فى امتحاناتك.
زكى يا زكى يا زكى..هو فين زكى ده؟؟؟؟؟

Lady E يقول...

مسدس صغير : ايون اول تعليق
مبروووك كسبت ربع جنية هدية لولولولولي

mohamed ghalia يقول...

حمدا لله على سلامتك
نورتى مدونتك تانى
ربنا يكون فى عون العربية من مشاكلك دى ههههههههههههههههههه
يلا كل سنة وانتى طيبة
دلق القهوة خير

Lady E يقول...

مسدس صغير : بلاش الحقد الطبقي ده يا مسدس مركبش الكتكوتة ليه يعني ده العمر واحد عادي
وبعدين بتهدي النفوس طب ماما مش هتبطل تركب معايا بالعند فيك
بقى ههههههههه وبالرغم ان ضغطها عالي ومش بينزل وأحد اسباب الضغط ده سواقتي للكتكوتة بس ربنا يشفيها ويباركلي فيها وتركب معايا على طوول (وش بيطلع لسااااانو) نياهاهاهاها

Lady E يقول...

mohamed ghalia : الله يسلمك يا محمد

وبعدين انا بعمل مشاكل في العربية حاشا لله

كل سنة وانتا طيب

ودلق القهوة عالمدونة خير نياهاهاهاها

ستيتة يقول...

كويس انك رجعتي يا هاميس من غير ما اجيب لك بوليس
انا جبت في سيرتك في البوست
هل ياتورى شرقتي؟
حلوة الاغاني الشوعبية اللي نزلت عليكي

دي حسب تشخيصي الستيتي اعراض تمتحانات جاية من غير كتب ولا مذكرات وان شاء الله تشربي ميه ساقعة تلات مرات وينسحب تأثير العقار قولي يارب

مبتلبسيش الحزام؟ احنا ها نستعبطو مع بعضيتنا
يخنق ما يخنقش .. اذا كنت بلبس العيال ورا الحزام اجباري طالما انا على طريق زراعي او صحراوي

بنت ياليدي احترسي نفسك بدل ما اسلط عليكي عم البوليس يشكك مخالفة من مصروفك تلبسي على اثرها الحزام حتى وانتي نايمة في السرير

بعبك بعبك بعبك

ELMASRYA - MOSLEMA LELLAH يقول...

هههههههههههههههههه

حلوة حالة التهييس دي يا ليدي

أصل الامتحانات قربت ودي كلها حالات تنفيس طبيعي من خنقة المذاكرة

عجبتيني قوي لما قلتي لو طلب رشوه كنت هدفع المخالفة

برافو عليكي حبيبتي المحترمه ليدي صاحبة الأخلاق العالية والضمير المتيقظ

قولي لماما مدوناتيه زميلتي بتقولك يا زين ماربيتي يا أم ليدي

تقبلي تحياتي

احساس طفلة محبة للرومانسية بس واقعية يقول...

اية التهيس دا كلة يا ليدى
وجاية معاكى بأغانى شوعبية علية كدا
هاههاهاهاهاهاهاهاها
حمد له على سلامتك ورجوعك للمدونة تانى
ويارب متكررهاش وتغيبى تانى
وابقى البسى الحزام اهو هيضايقك شوية بس بجد امااان وعلى فكرة اصبح حاليا فى اليابان اللى قاعد وراء لازم بيلبس الحزام يعنى كل اللى فى العربية
بجد حاولى تتعودى علية وتلتزمى بية

تقبلى مرورى

Unknown يقول...

ايه ده
الخيوط دخلت في بعضها ليه
امتحانات ومش عافرة تذاكريلها ومخالفة عربية وكنتي هتعملي حادثة مع المقطورة وووووو تقريبات ده كله عمل معاكي هيستيرية فعلا..هههههههههههههههههههه بهزر طبعا
ربنا يوفقك يارب
بس كويس ألف الحمد لله إن بالك رايق وفايقة كده ده أهم شيئ
بجد البوست ده فرحني مع انه شبكة عنكبوت كل في بعضه بس باين انك الحمد لله مبسوطة
وأنا أفرح جدا لما أختي وصديقة مدونتي تبقى مبسوطة كده..
ربنا يسعدك دايما دايما..
مودتي

حسام غانم يقول...

صباح الخيييييييييير

ايه كمية الأغاني دي ؟

الشموع البيضاء يقول...

ربنا يوفقك فى الامتحانات
وايوه كده ارجعى واكتبى تانى
اما موضوع الامتحنات من غير كتب ده فده الطبيعى فى تعليم مصر الجامعى ربنا يسهلها ويوفقك كده ويبقوا الدكاتره محترمين فى امتحاناتهم
اما مغامرات الاغانى الشعبيه والعربيه فتنفع فيلم كده انا والعربيه وماما :-)
تحياتى

dramaqueen يقول...

واضح ان انتى لسعتى
يادوب الحق احجز لك الاوضه اللى جنبى فى المورستان(بتتكتب ازاى)

لو عايزانى احجزها كلمينى على
صفرين دوبل او زيرو وان

romansy يقول...

دا تهيسسس على الاخر الله يكون فى عونك دا عشان الامتحانات قربت
الف سلامه عليكى انتى وماما من الحاذثه
ويارب دايما تكونى بخير
اهدى كده
ومتخفيش
اللى عدى التلات سنين يعدى السنه اللى فاضله

SHAPE YOUR LIFE (ABOALI) يقول...

انا اقترح انك تكشفى على البطاريه
والفيوزات
بتاعة اللى بيسوق العربية
فى عرض فى كارفور
عدد 2 عقل مع ضمان 3 فيوزات قابلة للتغير

مع تحياتى
ونشكركم على تعاونكم مع المخابرات المرورية

فضه يقول...

ده ايه يا بنتى المود العالى ده (سبحان مغير الاحواااااااال)
لا بس اغنيه على يا على جامده منك بصراحه .انا كمان الاغنيه دى بتفكرنى بحاجات كتيييييييييير
تحياتى ليكى وابقى اربطى الحزام بعد كده.

Ahmed يقول...

ههههههههههه
ايه البوست ده؟
لا حول ولا قوة إلا بالله
انا نتهيألي اننا محتاجين نروح زياره كلنا نكشف على صواميل مخنا
ههههههه

ياستي ربنا يعدي السنه ديه على خير وان شاء الله تجيبي فيها تقدير متحلميش بيه


وبعدين خلي بالك, لو اتمسكتي بالحزام تلبس تاني ممكن يحولوا أوراقك لمحكمة الجنايات بتهمة اللعب في عداد العمر
هههه

ربنا يسترها معاكي دايما

عاشقه وغلبانه يقول...

مالها المحله بقي ......؟؟؟
كده تزعليني

اهئ اهئ

انا مخمصاك


لوووووووولي

e_emy يقول...

ههههههههه

خير ياليدى

انتى كلتى حاجه غلط قبل البوست ده p:

ربنا يحفظك ويوفقك يارب *:

Lady E يقول...

ستيته حسب الله الحمش : اهيء اهيء اهيء ياااارب يا دكتر يارب
وبالنوسبة للحزام نووووو مش بحبه مش بحبه مش بحببببببببببه
وانا كمان بعبك اوي اوي جدا :)

Lady E يقول...

ELMASRYA - MOSLEMA LELLAH : هي خنقة عامة مش من المذاكرة بس يا مصرية
بجد نورتيني وشكرا على كلامك

Lady E يقول...

احساس طفلة محبة للرومانسية بس واقعية : الله يسلمك يا قمرايا والحزام اجباري للأطفال وللي قاعدين ورى في بلاد كتير انا بحاول التزم بالحزام احيانا بس غالبا مش بلبسه علشان بكرهه اهيء اهيء
نورتيني يا قمرايا

Lady E يقول...

كاتب مصري : بقى امتحانات مش عارفة اذاكرها ومخالفة وكنت هعمل حادثة مع مقطورة كده ابقى فايقة وبالي رايق اومال لو محبطة بقى ايه كان ايه اللي هيحصل ؟؟ :)
شكرا على كلامك ودعائك الجميل لك مثله يا كاتب

Lady E يقول...

حسام غانم : صباح النور بالليل

هنا اذاعة طفلة مش عايزة تكبر برنامج ما لا يطلبه المدونون :)

Lady E يقول...

الشموع البيضاء : دكاترتنا محترمين في امتحاناتهم فعلا اصعب امتحانات في الدنيا بتلاقيها في كليتنا وبالتحديد قسم اللغة الانجليزية
اما الفيلم فيبقى اسمه ماما واناوالفشفوشة هههههه
نورتيني يا قمرايا

Lady E يقول...

dramaqueen : كلمتك كتير على الرقمين يا كوين علشان تحجزيلي معاكي اوضة في المورستان بس الرقم مشغوووووول من كتر اللاسعين بعيد عنك :)

Lady E يقول...

romansy : ما هو التلت سنين معدوش كلهم يا رومانسي لسه ترم ويبقو تلت سنين وانا مش خايفة خاااااالص انا مرعوبة بس :)
نورت المدونة يا رومانسي

Lady E يقول...

ABOALI : كده البيانات ناقصة يا ابوعلي مدة الضمان اد ايه والاسعار ايه
اومال ايه يعني اضرب مشوار لكارفور وانا مش معايا كل المعلومات مينفعش طبعا :)

Lady E يقول...

فليسيتى : لا هناك فرق علي يا علي غير زكي يا زكي هههههه بس مش هتفرق كتير كلهم ناس متدلعين واتعملهم اغاني بأساميهم :)
نورتيني يا قمرايا

Lady E يقول...

أحمـــــــــــــد أبو العلا : ما شاء الله معظم الناس صواميل مخها مهويه

وبالنوسبة للسنة دي فأكيد مقبول جدا ده التقدير اللي محلمش بيه :)

وبالنوسبة لعداد العمر محدش بيلعب في عداد عمره كل واحد ليه وقته مش هيتأخر ولا هيتقدم عنه

امين ياااارب ربنا يسترها مع كل الناس

Lady E يقول...

عاشقه وغلبانه : مالها المحلة احلى حاجة فيها الاسناوي اللي غلى سندوشتاته
والطريق بتاع المحلة والله حرام مكسر جدا جدا بطريقة وحشة وده اللي مزعلني من المحلة

Lady E يقول...

e_emy : ايون كنت ضاربة سمك مشوي ههههه تقريبا دي اعراضه

وربنا يحفظك ويحميكي ويوفقك يا قمرايا