الجمعة، 6 مارس 2009

فلسفة القرن التمناشر


مذاكرة ايه بس اعوذ بالله أنا اذاكر برضه ؟؟
بس الشيت اللي عليه 5 درجات ولازم يتحل ده اعمل فيه ايه اعمل فيييييييه ايه؟؟ ده فات اسبوووووع وشوية وهو معااايا ولسه اسبوع ويتسلم وبعدين ما العمل ؟؟وماذا أقول وقلمي حائر بين السطووور
ايووووووووة كده الكتاب اهو ايوة الموضوع بيتكلم عن الفلسفة في بريطانيا في القرن التمناشر
هيييييي دي الصفحة , تمام هو ده اول سطر كويس اول سطر بيتكلم عن تعريف الفلسفة حلووووووو
ايوة وتاني سطر , تاني سطر , تاااااني سطر بيتكلم عن عن عن عن ايييييييييييييييه انا مش فاااااااهمه حاجة
تالت سطر ( عنين مبرقة وخارجة لبره مع وش عامل انه فاهم بس مش فاهم ايييييييييي حاااااااجة)
كح كح كح كح يقطع الحشيش وسنينه هغير الصنف _ البرد ده مشكلــــــــــة بيخللي الواحد يكح زي بتوع الحشيش وبتوع الحشيش هما الارانب لأن الارانب هما اللي بياكلو الحشيش
باي باااااااي يا كتااااااب فلتذهب الى الشفيح قال كالتشر قال يا عم روووووووووح
اهلا اهلا بالتلافزيون وكمان فيلم رومانسي يا سلاااااام يعني الحب الحب
طيب احسن حاجة اروح اناااااام سلام خخخخخخخخخ فششششششش خخخخخخخخخ فشششششششش نياهاهاهاهاهاهاها

هناك 28 تعليقًا:

بسمة انور يقول...

كان الله فى العون

انا بقول برده النوم افيد
هههههههههه

ستيتة يقول...

لسه خلصان فيلم تحفة للمزغودة في قلبها جينيفر لوبيز ع النيل ليف
وقبله كمان فيلم رومانسي على ام بي سي 4

منهم لله ها يجيبوا فسفس لينا

حضارة يوم الخميس؟؟؟؟؟؟؟؟؟؟؟
لا يجوز بوتيتا البتة

نامي
بس اصحي الصبح على الشيت لحسن خمس درجات في الجيب احسن من ستين اخر السنة ع الشجرة ههههههههههههههههه

ربنا معاكي

مهندس / على درويش يقول...

النوم حلو اوووي لو انتي مش فاهمه حاجه



بس انتي شكلك محولتيش تفهمي

لأننا أحيانا بنقعد نذاكر ومش جاي لنا نفس بس لازم نذاكر وبالتالي تحصيلنا بيبقي أقل من لو الواحد عايز يذاكر علشان هو حابب الماده دي



أقولك بلاش نوم وكسل وقومي ذاكري أحسن


تقبلي مروري

mohamed ghalia يقول...

هههههههههههههههههههه
من طلب العلا نام الليالى
ههههههههههههههههههههه
ربنا يعينك

حسام غانم يقول...

ههههههههه

صباح الدماغ العالية !!

إيمان يقول...

ههههههههههههه
فكرتينى بالذى مضى
وعايزنا نرجع زى زمان قول للزمان إرجع يا زمان ... هههههههه
بجد نامى أحسن .. حوشيلك شوية نوم
قبل ما يغلى فى بيت الزوجيه

عاشقه وغلبانه يقول...

المذاكره ..
ياسلام
اهو الواحد كان لاقي حاجه يعملها

انتي عارفه انا لما احس بفراغ اجيب كتاب واذاكر
هههههههههههههههههههههه

77Math. يقول...

5 درجات بس وكل الصراخ دا ؟

احساس طفلة محبة للرومانسية بس واقعية يقول...

اية التهيس دا يا ليدى
شكلك لعبتى مع الارانب كتير
هاهاهاهاهاهاها
ربنا يعينك وركزى شوية كدا
اهو تبقى ضمنتى 5 درجات برضو

تقبلى مرورى

( آلاء)daughter of egypt يقول...

عمله فضيحة وف الاخر بتتكلم عن 5 درجات يا ستي ناااااااامي وسيبك من وجع الدماغ ده

فضه يقول...

ليه يا بنتى الفشل ده بس
والله فكرتينى بنفسى
الواحدفعلا زهق من المذاكرة ومفيش اجمل من النوووووووووووووووووم

تحياتى

بنوتة يقول...

هههههههههههههه
بعد ده كله النوم أرحم
طب تبحى على خير
ربنا معاكى والله
ومعايا فكرتينى بالرواية ايللي لازم أقراها وهى أكتر من متين صفحة ولازم تخلص على يوم الخميس وانا مقرتش غير خمسة وعشرين صفحة
كل ما افتحها أكتئب طويلة اوى وترجمتها مش سهلة مش زى اى رواية تانية
كل واحد فيه ايللي مكفيه
ربنا معانا كلنا
تحياتى ليكى
وسلام

هانى زينهم يقول...

عارفة يا ليدى اجمل حاجة فى مدونتك دى انها بتفكرنى باجمل ايام حياتى . بس اطمنى كلنا كنا كدة وربنا كرمنا زى ما هيكرمك ان شاء الله .

Mona Shereif يقول...

وحشتينى يا ليدى جدا جدا جدا
انا قرأت كل اللى فاتنى
مش عارفه بحب كلامك ليه
يمكن علشان بيفكرنى بأيام زمان
الحمد لله
يارب تكونى بخير يا حبيبتى
وحشانى اوووووووووووى

e_emy يقول...

ههههههههههه

هو ده القرار السليم
النووووووووووووم D:

ال 5 درجات ال

صحتك بالدنيا ياليدى *:

مش عارفه هما ليه مستعجلين الترم ده
شيتات ومشاريع حاجه تزهق ):

ربنا يستر

Lady E يقول...

BAsMA : كان الله في عوننا كلنا يا بسمة

واكيييد النوم افيد :)

Lady E يقول...

ستيته حسب الله الحمش : ده انتي متابعة بقى يا دكتر انا كنت بشوف فيلم المزغودة جينيفر بس قوليلي يا دكتر ازاي عرفتي ان الفيلم كان اجنبي :)

والافلام دي بتجيب لينا فسفس وهسهس كمان

مصحيتش على الشييييييت عااااااااا
انا كارهاه اصلا بس مضطرة احله واسلمه ربنا يسهل

Lady E يقول...

مهندس / على درويش : ايه التحليل النفساوي الممتاز ده

هو فعلا كده المشكلة اني مبحبش اذاكر طول الترم لكن بحب جدا اذاكر قبل الامتحان بساعتين ولا حاجه نياهاهاها

نورت البلوج يا مهندس فرويد على درويش :)

مسدس صغير يقول...

نااااااااااااامى

ناااااااااااااامى

نااااااااااااااااامى

ما اطال السهر عمرا وما قصر فى

الاعمار كتر النوم.

ههههههههه

ربنا يوفقك وتخلصى الشيك بتاعك ده.

بس النهاردة الجمعة والبنك قافل..

Lady E يقول...

mohamed ghalia : ايووة

من طلب العلا نام الليالي وشد اللحاف وقال وانا ماااالي :)

Lady E يقول...

حسام غانم : صباح اللي بتغني

نياهاهاهاها

Ahmed يقول...

هههههههههههههه
وايه موضوع الشفيح ده؟
جااامد جدا

وبعدين ايه الدراسه المعقربه ديه؟
الفلسفه في بريطانيا وامتى في القرن التنتاشر؟!!!!
هتستفيدي ايه بقى ان شاء الله من الموضوع الشيق الليذيذ ده؟
ههههههههههههههههه
لاااااااا
طبعا النوم أسهل بكتييييييييييييير

Lady E يقول...

إيمان : الله يا ثوووووووومة ايه الاغاني الجامدة دي

وبعدين في الار ده بقى ماشي ماشي كأني مشوفتش حاجة :)

نورتيني يا احلى ايمي ويارب تنامي براحتك

Lady E يقول...

عاشقه وغلبانه : هو ده عيب ان الواحد يبقى دكتور معلش معلش :)

Lady E يقول...

77Math.: فين الصراخ ده بس؟؟ مفيش صراخ ولا حاجة ربنا ميجيبش حاجة وحشة

وال5 درجات في المادة دي بالذات مهمين

Lady E يقول...

احساس طفلة محبة للرومانسية بس واقعية : ايوووووة الارانب بتسلم عليكي يا احساس طفلة
:)

وربنا ييسر ان شاء الله واخلص الشيت

Lady E يقول...

مصرية وبس : يا سلااااااام

مين اللي بيتكلم اومال لو مكنتيش عارفة ان درجة واحدة بتفرق مش في النسبة او التقدير بس لكن بتفرق في النجاح والسقوط كمان

Lady E يقول...

فليسيتى : هههههههههه يا فاشل يا فاشل

ربنا معانا