الأحد، 27 ديسمبر 2009

شمعة الروح


الكلام اللي باللون الأحمر مقتبس من مسرحية
Othello
by shakspeare
بتصرف

" الأن سأطفى الشمعة وسأطفى الشمعة ، ولكن يمكنني استعادة نور الشمعة ولكن كيف يمكنني استعادة نورها الى الحياة بعد أن ..... أن ، لا لن أريق دمائها "

بعض الناس بنحبهم لكن منقدرش نقرب منهم فهم في البعد أحلى وهم في البعد أرقى

"ان هذه الأنفاس العطرة الساحرة ، قادرة على ان تقنع العدل بكسر سيفه "

دايما لازم قرار حاسم ، أيوة أو لأ ، في البداية بيخاف ومش بيصدق وبيبقى نفسه الوقت يقف وبيفضل يفتكر في اللحظات الحلوة مع حبيبه والوعود البراقه والأحلام الملونة ويأجل معاد الفراق على اد ما يقدر

" لا مزيد من القبلات ، انها أخر قبلة ، قبلة الموت والنهاية "

وبيبدأ يدرك حبه بحبه ان مفيش داعي للتأجيل بالعكس الفراق هيبقى أحسن دلوقتي هيبقى أهون مش هيمر يوم في وهم مش هيمر يوم تاني في خداع وزيف وخيانه


" حقا يجب أن أذرف الدموع ولكنها دموع قاسية أم انها أحزان السماء "

لما يبدأ يقتل أحلام زرعها جواه لما يبدأ يتخلص من الوهم ، لما يبدأ يتألم ويتألم ويتألم وميحسش بطعم أي شيء الا بطعم الألم المر

" يجب ان تموت لكي لا تخون غيري "

لو كان الموت حل للجروح كان كل اللي اتعرض للخيانه موت اللي خانه لكن لأ الحياه هي الحل الموت راحه لأمثاله خليه يعيش ويتعذب ويتألم ويعاني ويموت في كل ساعه بدل ما يموت مرة واحدة ويرتاح

- اصبحنا كعقارب الساعة لا نتقابل أبدا ولكن يمشي كل منا في طريق في دائرته المفرغه وحتى لو تقابلنا ثواني لا نعرف من نكون ثم نعود للأفتراق والإغتراب من جديد اتسائل لما التقينا فدائما أسباب الفراق معروفه لكن اسباب اللقاء مجهولة - يا عيني يا عيني عالإبداع برافو عليا انا شطورة :)

هناك 22 تعليقًا:

شلاطة يقول...

بعض الناس بنحبهم لكن منقدرش نقرب منهم فهم في البعد أحلى وهم في البعد أرقى

انا من اكتر الناس اقتناعا بالمقولة دي
فعلا في ناس لما الواحد بيبعد عنهم بيبقوا كويسين لكن للاسف لما بنقرب منهم ممكن نتضايق منهم

زي كده ابعد حبة تكتر المحبة

Lady E يقول...

شلاطة : غير كده كمان في ناس عاملين زي النار لو قربت منهم هتتحرق لكن لو بعدت عنهم هيوصلك دفء النار دي :)

ابعد حبه دي مختلفه شوية ابعد حبه بتتقال لو اتنين بيحبوا بعض اوي بس الحياه بقت بينهم عاديه ف بيبعدوا حبه علشان يزيدوا محبه

صوت من مصر يقول...

جملة القبلة تذكرنى بالمرض العروف انفلونزا الخنازير
لا للقبلات
تحياتى لكلام ممتع

Lady E يقول...

صوت من مصر : الكلام ده على السلام مش على المسرحية

بمعنى ان ديدمونة كانت مرات عطيل ف مفيش اي مشكلة في انه يقبلها وفي المشهد اللي ذكرته كان بيقبلها قبلة الوداع

من الحب ما قتل فعلا يعني

Cute Kitty **sookra يقول...

انا كمان درست عطيل
وقريتها كتير بصراحه تحفه
شكسبير دا راجل كدا كان بيكتب كل الحاجات بشكل مختلف عن اى حد
فكرتينى بعطيل
ياااااااااااااه وحشتنى المسرحيات والروايات الانجليزيه
اصلى اتهفيت فى عقلى بعد ماخلصت دراستى وبسبب ماعانيت من الكليه حرقت كل الكتب بتاعه الكليه وموش تتخيلى مدى ندمى وحرقه قلبى عليهم دلوقتى وانا حاسه انى وحيده اوى من غيرهم
كانوا بيونسونى والله ياليدى
ماتسلفينى مسرحيتين ولاحاجه

ستيتة يقول...

أنا مكنتش اعرف ان المذاكرة بتعلي النفوخ قوي قوي قوي كده
ما كتبتيه تحت نص المسرحية رائع وفلسفي
ايه الحوكاية يا جودعان؟

الشعب لابد له من حكومه تشكمه يقول...

انا جيت هنا ومكنش فى ولا كومنت:) ومن كتر مكان عاجبنى معرفتش اسيب كومنت..
قلت اجى اقراه تانى..
بوجد ياليدى عاجبنى اوى الكلام سواء اختياراتك من المسرحيه او تعليقاتك..

دا ايه المذاكره اللى بتخلى الواحد عبقرى دى, استمرى :))هنخليكى تذاكرى طول السنه.

SHAPE YOUR LIFE (ABOALI) يقول...

اكيد اللى يكتب البوست ده ويعلق التعليقات دى مستمتع بكل كلمه قراها او كتبها وحاسس كمان الموضوع والكلمات بشكل عالى وراقى جدا ..والكلمه اللى انتى ختمتى بيها بجد رائعه وعجبتنى ......
تحياتى ليكى يا ليدى وبجد بجد
شطووووووووووووووره شطوووووووووووره.

بقيت حكيم يا عم محدش قدك.

Ana keda يقول...

بعض الناس بنحبهم لكن منقدرش نقرب منهم فهم في البعد أحلى وهم في البعد أرقى

واو
جامدة جدا الكلمة دى بجد تحفة عارفة فعلا فى ناس كل ما بقوا بعيد بنشتاقلهم وممكن نفتكرلهم حجات كويسة كانت بينا فى يوم من الايام لكن لما بيقربوا بيختفى الهالة الى حواليهم

الفترة الى فاتت من حياتى دى علمتنى ان مش كل فراق بينتهى الواحد بيضايق عليه
بالعكس فى فراق بيطلع كمية طاقة جواكى ملهاش حدود بتبدى لما تعرفى ان الحد ده مش الكتاب بتاعك ده مجرد فصل بس فى كتاب حياتك وانا بحب التشبيه ده جدا
لانه فعلا الناس ادوراها فى حياتنا متتابعة
اقسى حاجة بس هى اللقا بعد الفراق
وفى الاول الذكريات بتبقى مميتة وتكونى نفسك توقفى دماغك وكل حاجة
بس كله بيعدى وبتبقى متعودة داااااااايما :)

Unknown يقول...

عمونا سى شأسبير
دا فوناااااااان

Unknown يقول...

وشدى حيلك بقى
ربنا ينجح مقاصدك
يارب يااختى يارب:)

Lady E يقول...

sookra : هو كان بياخد قصصه من التاريخ ومن كتاب قبله بس كان بيعيد صياغتها ببراعه وأقواله محفورة جوه كل اللي قرأها

اتهفيت في عقلي في سنة اولى وقلت هحرق الكتب بس صعبوا عليا

يا حبيبتي كل الكتب تحت أمرك شاوري انتي بس على اي كتاب وانا اجيبوهلك فورا :)

نورتيني

Lady E يقول...

ستيته حسب الله الحمش : يا كزوفي يا كزوووفي خالتو ستيتة معجبة بكلماتي المتواضعة :)

سعيدة جدا ان الموضوع عجبك يا خالتو ادعيلي ابقى دحاحة نفسي اذاكر فعلا

نورتيني يا حبيبتي

(Joudy) يقول...

بجد فعلا عندك حق من الحب ما قتل شوفتى إزاى كان بيحبها وو بمجرد إنه شاف منديلها مع أحد القادة مجاش فى باله إنه ممكن يكون لقاه أسرع فى إتهامها وفكر فى قتلها من غير ما يدور ويعرف سبب تواجده مع هذا القائد لكن بيكتشف ده فى الأخر

حب أعمى

أحييكى بجد على كلامك ماشاء الله عليكى يسلم عقلك

دمتى بكل الخير والسعادة

Lady E يقول...

الشعب لابد له من شيما تشكمه : فين مسرور السياف بقى تيجي ومتعلقيش زي ما بعمل في مدونتك (وش بيطلع لسانه) مينفعش كده بجد

بعض ما عندكم بوست اخو الهلاوس :)

مذاكرة فعلا نياهاهاهاها اومال لو مكنتيش عارفة اني اكتر واحدة ضاربة المذاكرة بالشوز الجديد

يلا خير اهم حاجة ان الكلام عجبك :)

هناء محمود يقول...

ربنا ميطفلكيش شمعة أبدا وتفضل الدنيا منورة من حواليكى .. بس بلاش الكلام إللى فيه دم ده أصله بيرعبنى

Lady E يقول...

ABOALI : أينعم

سعيدة جدا ان الكلمة اللي ختمت بيها عجبت حضرتك

شكرا شكرا لا داعي للتصفيق :)

أيون حكيمة وبدي حقن :)

Lady E يقول...

Ana keda : يا عيني

بسم الله ما شاء الله

والله ربنا يحميكي م العين

بتعجبني تشبيهاتك فصل في كتاب مش الكتاب كله بعد اذنك هستعير الوصف ده لانه عجبني جدا جدا جدا يعني :)

وربنا يبارك لنا في اللقاء ويبعد عننا الفراق

Lady E يقول...

norahaty : أيون مشاكس بير هو مش فنان اوي يعني افكاره كلها مسروقه بس هو بيطورها وبيخليها ميت فل وتمناشر

Lady E يقول...

norahaty : يارب يارب يارب

نورتيني يا دكتر نورا

Lady E يقول...

(Joudy) : ما شاء الله يا جوجو عارفة الحدوتة من اولها بس المشكلة في حاجة

اولا المنديل مكنش اي منديل ده كان جايبه علشان الانفلونزا نياهاهاهاهاها

لأ طبعا بهزر المنديل كان هديته لديدمونة وكان مش بيفارقها فكان حاجة شخصية اوي بالنسبة لها وصعب انه يلاقيه عند حد تاني

وبعدين مين اللي قال انه قتلها على طول؟ لأ طبعا مكنش مصدق في الأول لغاية ما المتنيل اياجو اللي هو المفروض صاحبه قال له انه شافها وسمعها وهي بتخون عطيل
وللأسف عطيل عرف ان ديدمونة بريئة بعدما قتلها بثواني من ايمليا صاحبة ديدمونة ومرات المخفي اياجو

تسلمي يا قمرايا

وانتي كمان :)

Lady E يقول...

أم .. بوبه : اهلا اهلا يا مرحبا يا مرحبا

أمين يارب جمعااااء جمعاء نياهاهاهاها

اومال اعمل ايه انا اللي معظم المسرحيات والروايات اللي بدرسها كلها دم عااا عاااا

ما علينا

نورتيني يا قمرايا وسلميلي على بوبه