الجمعة، 18 ديسمبر 2009

ارجوك لا تكن صديقي


قبل الموضوع : ان شاء الله هرد على باقي تعليقات البوست اللي فات انا بس لسه في حالة هدوء وتأمل مش عارفه ليه

الصورة دي امبارح بإعتبار ان النهاردة بقى 18 الوقت العصر من كوك دور راس البر من قدام اللسان


حسيت اني مخنوقة جدا ولازم اغير جو وطلعنا بعد الكلية على راس البر دايما لما بشوف البحر برتاح والجو كان مغيم جدا ومطر وبعدها ظهرت الشمس وحسيت انها دفئت روحي بعد الغيوم وبعدها مطرت تاني :)


كنت بعشق المطر بس بعد الحادثة اللي عملتها في المطر بقيت مش ببقى مرتاحه في المطر ومع الوقت رجعت احب المطر تاني

"وطموحي .. هو أن أمشي ساعاتٍ.. وساعاتٍ معكْ.تحت موسيقى المطر..وطموحي، هو أن أسمع في الهاتف صوتكْ..عندما يسكنني الحزن ...ويبكيني الضجر.." قصيدة سعاد الصباح وغناء ماجدة الرومي

بس يا وااااااااائل في ناس قاعده وبتبص علينا ( انا في حالة اذبهلال تام ) ايه اللي انتوا بتعملوه ده وكمان مش مخبوطين يوووووه مخطوبين
مامااااااااا بيمسك ايديها لأ وعايز يبوسها كمان الواد ده عبيط ولا ايه الهبل ده ايييييييييييييييه الهببببببببببببببل ده وائل خد باله واحترم نفسه


ع اللسان البحر غضبان وموجه عالي يمكن علشان عارف


فضلت تحب فيه سبع سنين وصبرت على ظروفه واستحملت كتير وجابت منه اول طفله وهو جابلها انهيار عصبي وفقدان مؤقت للنطق

هموت جوايا حزن كبير عليها ، غلطتها انها حبت من لا يستحق الحب حبت اناني

ربنا يرحمها يارب الحب خطيئتها الوحيدة مش معقول تتعذب عليها باقي حياتها


"أنا محتاجة جداً لميناء سلام وأنا متعبة من قصص العاشقين، وأخبار الغرام وأنا متعبة من ذلك العصر الذي يعتبر المرأة تمثال رخام "


"كن صديقي
ليس في الأمر انتقاص للرجولة غير أن الرجل الشرقي
لا يرضى بدورٍغير أدوار البطولة.."
مللت من الشرقي وفقدت اي امل لمعنى الصديق فهو للأسف لا يدرك معنى الصداقه بمعناها البريء النقي
- احنا اخوات
- طبعا
وبعدها
- انتي الفراشه اللي بتلون حياتي وانتي وانتي وانتي وسلام معطلكيش ده كان مجرد كلام
انتي صدقتيني اخص عليكي لعلمك انتي الغلطانه يا وحشه بقى تصدقيني برضه لأ بجد اخص عليكي
- بس احنا اتفقنا نكون اصدقاء ليه كده ليه حطمت الصداقه دي للأسف كان وهم يا خسارة !
يا خسارة صورتك في عينيا ! مكنش ليه اي لازمه انك توهمني بالحب علشان تحتفظ بصداقتي
جيت تكحلها موتتها !!!!!
ان الأوان ان تطوي صفحات الألم والغدر وتنسى
ان تنثر باقي رماده في البحر فقد تحطمت صورة الفارس النبيل
ان تحيا كأن شيء لم يكن
ان تغسل قلبها بقطرات المطر وتطهره من بقايا الأوهام
ان الأوان ان تتذكر انه لا صداقه مع شرقي ولا حتى غربي فقط لأنها شرقيه
" هقفل الباب وامشي لبعيد ، هاخد خطوات جديدة تمسح القديمة ...... دلوقتي بس هقدر امشي من تاني " رحاب بسام ارز باللبن لشخصين

هناك 17 تعليقًا:

شاب فقرى يقول...

اول كومنت غلس :)

شاب فقرى يقول...

الفقرى يعود الى هنا من جديد

تانى كومنت منشكح

شاب فقرى يقول...

نتكلم بقى ونجيب من الاخر

الصور جميلة اوى

بس صورة من جوا كوك دور دى مش عجبتنى اوى

لانها فيها خلل شوية

بس جميلة برده

وعندك حس فنى جامد

ربنا يحفظك ويعزك

نرجع لموضوعنا

الرجل الشرقى الأهبل والرجل الشرقى الناضج

فى فرق على فكرة جامد بين الاتنين

الاهبل دا بيهد الصداقة ولا يفهمها ويعتبرها خطيئة احيانا ولا يقدرها
لانه تقاليده وافكاره الشرقية مخلياه مش شايف وعامل زى اللى ماشى بيحب على روحه

وشوفت ليه ميت مثال

نيجى بقى للرجل الشرقى الناضج

شخصية ناجحة ومفكرة وهادية وصبورة وممكن يكون ليه صديقة ويحافظ عليها زى اخته ويقدرها ويحترمها جدا وينصحها ويحافظ عليها ويحافظ عليها ويحافظ عليها

فهمتى القصد

بس كدا :)

دمتى بكل ود وخير وسعادة

وكل عام وانتى بخير وانتى بتحبى المطر

شاب فقرى

موناليزا يقول...

إيه يا بنتى الحلاوة دى:)
لا وكمان صور للسان راس البر ياسلام:)
انا لسة منزلة بوست عنه

ستيتة يقول...

والله يا ليدي انا بقول ان الحل عرفته واحدة صاحبتي من الهنود الحمر بتحب امريكاني
اه ياني
وها تجرب
لو طلع يفرق عن الشرقي
ها اصيح واقول لك
ولكل البنات العسولين
يمكن نعرف نغير عتب :)
بضحك معاك

حلو البوست
وحلوة الصور

الشعب لابد له من حكومه تشكمه يقول...

وحشه طب عدى خدينى:(

البوست ده عجبنى جداااا ياليدى,
بس البحر شكله وحش اوىىىى,ثائر اوى وانا عارفه المنطقه دى لما الموج بتخبط فيها والبحر ثائر تحسيه غضبان اوىى,,

وانتى عارفه انى اصلا بخاف من البحر فى منظره ده:(
بيبسببلى حاله كده مش عارفاها,حتى لما شفت الصوره خفت:(

البوست ده عاجبنى بجد فى كلمات علقت اوى معايا,,
يمكن لان الاغنيه دى عزيزه اوى عليا,,

رجعالك تانى اختار الحجات اللى عجبتنى من الكلمات

Unknown يقول...

احاسيس دافئه من قلب محب لكنها مؤلمة

يعطيكي العافية يارب بتمنالك دوام الابداع بقلمك
وكل عام وانتي بألف خيرناسبة رأس السنة :)

mhmdwahab يقول...

لا اعتقد ان هناك فرق بين شرقى وغربى فى الرجال لكن فى فرق بين البنت الشرقية والغربية.هناك ممكن يكون فى صداقة بين راجل وست عادى بس البنت هناك بتكون صديقة فى كل حاجة كل حاجة وهى لا تعتبر دة حرام او طمع من الصديق هو دة العادى لكن هنا البنت عايزة صداقة بينها وبين الولد بدون ما يطمع فيها طيب ازاى هو من لحم ودم كمان هو مش بنت زيها علشان تبقى صداقة بريئة هو عايز يطبق الصداقة على النظام الغربى بحزافيرة وانتى عايزة صداقة شرقى غربى صداقة بدون لمس ماينفعش لا مع الشرقى ولا الغربى

أميرة علي كوكب مهجور يقول...

مش كل الناس بتضيع الحب ومش كل الناس مش بتعرف تحافظ علي الصداقه لا في
وفي رجل شرقي مش لازم يكون بينا قصه حب وتلاقيه واقف جنبك وبيساعدك زي اخته
وفي راجل شرقي بنحب بعض وهو حبيبي واخويا وعارف يلعب الادوار دي كلها في الوقت المناسب
وفي راجل شرقي ميدخلش علاقه اللي يقلبها حب مفهوم الصداقه غير واضح في حياته
في و في


الخطوات الجديديده هتمسح القديمه هنحس ببعض الاسي والمراره بس هتتمسح مفيش حاجه بتستمر علي حالها


ربنا يسعدك يا امورتي

لجين أبو الدهب يقول...

احم .. احم
ده شكل المذاكرة عاملة عمايلها D:

حكاية صديق دى منتهية من زمان

اولا دينيا ثانيا فى مجتمعنا
مجتمعنا طلع ولد وبنت = حب

مينفعش اى حاجة تانية

حتى لو نفع مؤقتا فهو هاينفع علشان يأدى لنفس الطريق
وللاسف اكتر الشباب كمان بيكون واخد حكاية الصداقة بدايه لشئ فى دماغه زى استاذ وائل كده

عامة سيبك من كل ده كلتى ايه من كوك دوور D:

لا تـــشـــتــــاق يقول...

السلام عليكم
والله الرجل الشرقي مشكلته انه مقلد بدون وعى
يعنى المفهوم الغربي للصداقه بيتعدد
يعنى في البزنس بزنس وبس
في الحياه العاديه هما اصحاب
فيه بينهم حدود
وفيه نوع اخر بقي مجهول الهويه واحنا للاسف اصبحنا بنقلد ده
بالمعنى الي يتنافي تماما مع عاداتنا وتقاليدنا وتعاليم دينّا الحنيف
ربنا يستر

كيكى عوووووو يقول...

هقفل الباب وامشي لبعيد ، هاخد خطوات جديدة تمسح القديمة ...... دلوقتي بس هقدر امشي من تاني "
لامفر صغيرتى!!!

صوت من مصر يقول...

ارجو من الناس فهم ما قولتيه بشده

حـــلـــم كـــان يقول...

والله كلامك جاب من الاخر

مي يقول...

جميلةةةةةةةة دايما والله
تسلمى ياقمر
والف سلامة عليكى ياحبيبتى

mhmdwahab يقول...

الف مليون بعدشر عليك يا حنتوس النوسىكونسى ان شاء الله هما.بتقولى هما مين كل اللى شافوك ولا صلوا على النبى
وبعدين ما انتى اللى غلطانة فى حد يدعوا ويقول ما تعطينى القوة اهو باب السماء كان مفتوح يا فلحة

غير معرف يقول...

I'm not well
I can not study
my mobile phone disappear
vodafone go to hell really i hate your company
meeeeeeeeeeeeeeeeee 2**
عوووو