لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره
عجبي !!
من غير كلام ورغي كتير موضوع ان الانسان يعمل كتاب ويبقى عليه اسمه والكتاب ده يبقى شاهد ليه او عليه لباقي عمره حاجه تخوف وحاجه مش سهلة وعلشان كده عايزة رأي قراء المدونة بكل صراحه في كتاباتي ومن غير مجاملة لأن اللي هيجاملني يبقى بيضرني لأن لسه الكتاب هيعدي على دار نشر وحاجات تانيه كتير والموضوع طلع اكبر ما كنت اتخيل وعايز شهور وشهور
وما خاب من استشار انا اخدت رأي ناس كتير رأيهم قيم جدا بره المدونة
وأي رأي يهمني جدا اني اعرفه
على فكرة انا فتحت التعليقات للغير معرف
دمتم بخير
هناك 51 تعليقًا:
قرار صعب يحتاج لتفكير عميق
انا رأيى متخديش الخطوة دى الا اذا كانت مدروسة مليون فى المية
من السهل الواحدمننا يعمل كتاب عادى جدا مهو بفلوسى او حتى ان دار نشر تتبنى المسالة بس بردة لازم الواحد يفكر هل فعلا كتاباتى تستحق أن تنشر فى كتاب؟
انتى الوحيدة اللى تقدر تحدد القرار ده ورأى الناس لازم يكون استرشادى فقط لا غير
اتمتى لكى التوفيق
وكمان اول تعليق؟؟
هههههه
خلاص طالما كده اعملى كتاب واكتبى ان انا اول تعليق
هههههه
مسدس صغير : هو رأي استرشادي واساسي يا مسدس لأن انا مش هكتب الكتاب لنفسي اكيد هيبقى عليه اسمي بس هيبقى في قراء ولازم أعرف رأيهم وبرضه مقولتليش رأيك بما انك من متابعين المدونة :)
مسدس صغير : ههههههه اعمل الكتاب علشانك اول وتاني تعليق يا مسدس تصدق فعلا سبب وجيه :)
بما انى من متابعين المدونه فانا اؤيدك لانك لكى اسلوب مميز فى الكتابه بتكتبى حلو بجد
بروح مختلفه
ويلا بقى عشان نحضر توقيع الكتاب وكمان هاخد نسخه هديه
مساكى شيكولاته بلون قلبك
لا انا تانى تعليق
المكرر مايحسبش
هاجيبلكم حكم جزائرى والنعمه
هههههههههه
لا بجد اسلوبك حلو والدليل انى ناس كتيرة بتحب تقرالك واعتقد مفيش حد بيجى غصب او مجاملة يابنتى لا فعلا اسلوبك شيق جدا ولذيذ
توكلى على الله وبالتوفيق
من غير مجامله
وشهادة حق
كتباتك اروع من ناس كتير بتكتب وليها كتب كتير كمان
ربنا يوفقك
لأن كتباتك بتجمع بين الاسلوب السهل السلس والمعانى الجميله وروعة الصياغه كأنها قصيدة او اغنيه وليست مجرد كتابات
ربنا يوفقك بجد
sookra : سكره يا حبي منوره والله
وش مش مصدق عينيه بجد بجد ده رأيك :) هيييييييييه
ههههههههه بعد الرأي ده لازم يكون ليكي نسخة هديه يا سكره بس انتي تعالي حفلة التوقيع ان شاء الله وانتي عارفه بقى هدايا حفلات التوقيع تلاجات وغسالات وموبايلات وخلاطات :)
بجد والله لو بإيدي هخلي كل النسخ هديه :)
احلى حاجه اننا بنتكلم على اساس ان خلاص الكتاب اتطبع ودار النشر وافقت عليه ولسه بس حفلة التوقيع
بجد بجد انتي سكرة يا سكره :)
وعلى فكرة قلبي لونه مش شوكولااااااته :)
مسائك ورد وفل وياسمين وشوكولاته كمان
ماهو ياليدي علشان ندي رأي بموضوعية لازم نعرف ها نديه في إيه
ايه هو نوعية الكتاب ده
مواضيع المدونة منوعة جدا وانت كنت عملت استفتاء تفتكروا اكتب كتاب عن ايه
وانا فاكرة ان اغلب الناس قالوا لك اكتبي بروح طفلة مش عاوزة تكبر
لكن بموضوعية
ها تكتبي ايه
هل يومياتك في الجامعة
هل احاسيسك
هو ده السؤال
وبعدين اي كتاب لازم يكون اللي لم ينشر منه على المدونة اكتر من المنشور
فهل انتي مخبية تحت البلاطة كتابات تانية؟
تحياتي وخالص تمنياتي بالتوفيق
sookra : هههههههه ليه بس كده الطيب احسن قولي للحج بلوجر اللي بيحسب المكرر :)
السلام عليكم
الكتاب دا ايه مش منتج
كل منتج له سوق
الشريحة المستهدفة اللي المفروض انك بتخاطبيها ايه
اذا كان المدونين اكتبي لأنهم هيشتروا حتي لو دعم لكي
غيرهم
اعملي حاجة تانية
اطبعي التدوينات اللي كتبتيها بعنوان كويس
عدد صفحاتها هيبقئ قليل فتكلتفها كمان هتقل
واختاري وسيلة نشر
say
باعة الجرايد
باعة كتب قديمة
او مكتبات
اعتبريها زي روايات مصرية للجيب
نجاحها هيدي اليك دافع
فشلها مش تتوقفي تعملي اعادة تقييم
تامر
ثانيا
اللي بيكتب مش بيبقئ منتظر قييمات جاية من اي حد
قرار نابع من قناعاته هو
فيه تعليق هنا عن الفكرة وهو حقيقي فعلا
اللي قرا النسخة الأصلية من كتاب كفاحي
هو مش هتلر اللي كتبه هو املاه وهو في السجن
الأسلوب فيها في مواضع كتير جدا ركيك بطريقة غريبة
حتي يتدني العامية عندنا
بس النسخة الأصلية مش نسخ مختصرة كتير موجودة
بس قيمة الكتاب كانت في افكار اللي املاه
اتوزع منه سنة 1927 ما قيمته 3 مليون دولار رغم ان اسلوبه فعلا سيئ
تامر
اللي انتي بتتكلمي فيه
فكرة الأستفتاء
دي موجودة بس في نوعية من الكتابات اللي هي المذكرات
وفي العالب اللي بيطلب منه كده بيسجل مع اللي هيكتب
سواء في شرايط او وورق
بس بتيجي من جانب العرض يعني يتعرض عليه كتابة سيرته الذاتية
مش من جانب الطلب انو يطلب استفتاء او رأي الناس انو يكتب ولا لأ
مثال
كتاب الأمير الوليد بن طلال كان بيتباع هنا تبع الأهرام النسخة ب40 جنيه
اللي كتبها الباكستاني ريز خان
تامر
لو عملتي استفتاء
طلعت نتيجته كالتالي
50.1 % posetive
49.9 % negative
قرارك هنا ايه
تامر
امممممممممممم
هى خطوة فعلا هتكون مهمة اوووووى فى حياتك عشان كده لازم تكونى قدها وتكونى قادرة على الخطوة الجاية ومستعدة لها
صلى صلاة استخارة بخصوص الكتاب
ومن ناحية راى فى الكتابات
والله مقدرش افيدك اوى فى الموضوع ده
لان مش متابعة الا من قرررررررررررررررريب اووووووووووووى
فمش هقدر افيدك بس اوعدك خلال الايام الجاية بقرا اللى فات وبردع عليكى
طمنيى دايما عليكى وعلى اخبارك
وعلى اخبارك الكتاب وصل لفين
خلى بالك من نفسك
يلا فى امان الله
السلام عليكم ورحمة الله وبركاته
اممممممم بما انى عارفه عن ايه ومواضيعه ايه وتفاصيله ايه,,
احم احم مهمه انا اوى:)
فانا بقولك عاوزه البس بربرق,بس زى متفقنا فى حجات لازم تتظبط الاول
بغض النظر عن طبيعة الكتابات ان كانت مميزة من عدمه ..
للأسف هناك ثقافة سائدة لدى القراء بأنهم يبحثون عن كتابات من يملك درجة علمية معينه كان يكون دكتوراً او بريفيسوراً او خبيراً أو أو
وبالتالي انتي سيدة قراراك بهذا الامر
حددي عايزة تكتبي في ايه ولمين وعايزة وتوصلي ايهه من وراه اللي هتكتبيه
رتيبي افكارك و مواضعيك واعرفي انتي عايزة توصلي لمين اكتر ناس هاتكتبي ليهم
فكري كويس وخدي قرارك بنفسك
اممم
اكيد كل انسان ادرى بمستواه
وهل هو مثلا في اوج مرحلة عطائه
ام هل هو ما زال في مرحلة تطوير
يعني احساسك بنفسك في رأيي الشخصي
هو المقياس لاتخاذ القرار :)
مي : بعض ما عندكم يا ميويا ولا أقولك يا سوكة نياهاهاها أقولك خليها رحيق :)
ولذيذ على اساس اني عملت كيكة ولا ايه:) هههه متاخديش في بالك بهزر
تسلميلي يا حبيبتي وبجد سعيدة برأيك الجميل ده
blue-wave : شكرا على رأيك
ستيته حسب الله الحمش : خالتو حبيبتييييييي
نفسي مرة بس الاقيكي اون لاين وانا هبعتلك الكتاب كله :)
بالنسبة للأسئلة
بسم الله الرحمن الرحيم
الاجابة
تونس :)
بالنسبة لنوعية الكتاب فهو كوكتيل ومنوع فيه كل اللي حضرتك قولتي عليه وأكتر :)
أيون أيون مخبية تحت البلاطة وبدأت اطلع الكتابات دي وأعرضها على ناس رائعين بيقولولي رأيهم ولغاية دلوقتي الحمد لله الرأي مشجع :)
ربنا يكرمك ويخليكي ليا يا حبيبتي
تامر : وعليكم السلام ورحمة الله وبركاته
لأ بجد ازعل جدا من كلمة هيشتروه حتى لو دعم ليكي :( معنى كده انهم هيشتروه وخلاص وميستمتعوش بقرائته وانا هدفي مش مادي لأن اكيد حضرتك عارف ان الكتب مش بتكسب لكن المكسب الحقيقي معنوي مش مادي
وفعلا ان شاء الله في بعض التدوينات اخترتها انها تكون في الكتاب
موضوع النشر مش عارفة لسه هيبقى ازاي لأنه المفروض ده بيبقى دور دار النشر
بجد افكار جميلة جدا وشكرا ليك
تامر : ثانيا : كتاب عن هتلر طبعا لازم يتباع منه نسخ كتييييير جدا بغض النظر عن الأسلوب
واللي بيكتب اكيد بيبقى واثق من كتاباته بس بيبقى عارف انه مش بيكتب لنفسه ولازم يكون في تقييمات خصوصا لو كانت اول تجربة ليه في كتابة كتاب ولأن لازم يكون في تقييمات سواء قبل صدور الكتاب او بعده
تامر : بالنسبة للإستفتاء كويس ان النتيجة الايجابيه الافتراضيه اللي حضرتك كتبتها اعلى وبالتالي هاخد بيها
هي اعلى بنسبة بسيطة جدا بس برضه هي النتيجة الأكتر والأعلى
وفي حالة ان النتيجتين متساويين يبقى هاخد رأي ناس بيفهموا في الأدب وهما اللي ليهم الرأي الأخير
Somaya Kamal El Din : هنتظر رأيك يا حبيبتي بس متغيبيش عليا
وانتي كمان طمنيني عليكي
وبلاش خلي بالك من نفسك دي علشان بكرهها :(
أقولك خلي بالك من نفسك :)
في امان الله يا قمريا
وعليكم السلام ورحمة الله وبركاته
الشعب لابد له من حكومه تشكمه : ههههههه بتغيظيهم ولا ايه :)
طبعا لازم تكوني مهمة مش اختي الكبيرة
وهنشوف موضوع البربرق ده يا خوفي تفضلي تقولي كده وتيجي يوميها تقوليلي فرح بنت عمي ومش هعرف أجي وخدالي بالك :)
طب انا عايزة اسأل سؤال قبل ما اقول راى
هى الحاجات اللى هاتكون فى الكتاب هى فى المدونة ولا حاجات تانية مش معروضة ؟؟
ولا انتى قصدك رأينا على الاسلوب نفسه ؟؟
مــن رأيى
استنى شوية.
وزى ما قالت
لجين أبو الذهب
هل حتعيدى كتابة
تدويناتك بطريقة أخرى
ولا حتضعى حاجات جديدة
ولا ايه؟اصل كلمة كتاب
دى كلمة ضخمة وتجربة
مش سهلة بالمرة!
دا رأى محايد بدون مجامله
ربنا يوفقك
بدايه
انا بحب مدونتك
وبحي اقرالك
وان كنت في مرات كتير بمشي من غير مااسيب تعليق
بس كوني حطيتها في الفيفورت عندي
يعني دخلت دماغي
اقولك سر
كل واحد فينا كحد بيطلع مش هوو اللي على المدونه واللي الناس عارفاه بيه
وان كان طبعا واكيد في شبه بين كتاباتك وبينك
لانك انتي اللي كاتباها
بس انا اقولك عن تجربه شخصيه ليا
حصلت معايا
وانا جربتها بعدها
اككتشفت ان المدونات بتطلع اللي احنا عايزينه من شخصيتنا بس
لكن لما حد بيعرفنا ع الحقيقه فهو شايف حجات كتير جوانا حتى لو احنا ماقلناش عليها
اللي عايزه اقوله
رايي مش هيبقى دقيق اوي
بس عموما انا شايفه ان مدونتك كولكشن من كل حاجه
وده حلو جدا ومش وحش كمان
عايزه تعملي كتاب بقى
اعملي على فكره
وجربي
واهي فكره ياصابت ياخابت
جايز يبقى مشروع ذاتي حلو لاكتشاف مهاراتك وكونك طلعتي كتاب باسمك
حاجه تديكي باور ايجابي هايل في شخصيتك
وليكي عليا لو نزل الكتاب
اشتري منه نسختين
Mr.Hazem : نقدر نقول ثقافة سائدة عند بعض القراء يا مستر لأن مش حلو التعميم يعني مثلا انا من القراء وبقرأ حاجات كتير مش شرط تكون لحد مشهور او بروفيسير
وبرضه مقولتش رأيك :(
أميرة علي كوكب مهجور : انا اخدت القرار يا مرمر بس برضه لا خاب من استشار
وبرضه مقولتيش رأيك مع اني عارفاه :)
http://sotmoaq.blogspot.com/
بجدد تجنى اسلوبك اكثر من رائع
السلام عليكم
اولا لا بد أن تدرسي الموضوع من جميع الجهات يعني مثلا مين اللي هيحب يقراي الكتاب دا وما هو مضمونه ولمن سيخاطب
الشباب الأطفال أم الكبار بقليل يعني لازم تحددي الفئه العمرية التي سيحدثها الكتاب
ثانيا /
هل هذه الفئه تفضل القرآه أم لا وكم النسبه التي تفضل القرآه في هذه الفئه
ثالثا /
ايه نوع الكتب اللي بيفضلوا يقروها وهل كتابك من النوع دا ولا لأ
رابعا /
مضمون الكتاب هل سيحدث تغيير في الشباب الذين سيقرأونه أم لا
لأنه إن أحدث تغيير سيزيد الأقبال عليه بالطبع
خامسا /
اتمني لكي التوفيق فأسلوبك مميز
انا معاكي اوي ..
كتاباتك من النوع اللايت اللي احنا محتاجينه اوي ..
بس انا معترضه علي حاجه ، هتعملي كتاب يبقي تعملي حاجه غير اللي نزل علي البلوجايه .. لكن متجمعيش البلوجايه في كتاب ..
ده رأيي الصغنون خالص مالص :)))
شوفى دى يمكن يساعدك
وابقى ردى عليه
http://www.facebook.com/group.php?v=info&gid=224441053652
كيكى عووو
اقصوصه : برضه رأيكم مهم جدا عندي يا اقصوصة
نورتيني
لجين أبو الدهب : لوووووجي وحشاني وحشاني وحشااااني
ج1 : في مواضيع من المدونة وفي مواضيع مش من المدونة
ج2 : أيوة يا لوجي
دمتي بخير يا حبيبتي واوعي تغيبي تاني
بجد كنت مفتقداكي جدا
norahaty : دكتر نورا منوراني بجد
انا اتعلمت حاجة مهمة جدا من اخر حادثة عملتها بالكتكوتة ان العمر لحظة ايه اللي يضمن لي اني هعيش لغاية بكرة مثلا ؟ فعلشان كده عايزة أبدأ في أي حاجه ممكن أعملها وتكون حاجة كويسة وليها قيمه
ان شاء الله ناوية ان يكون في تدوينات من المدونة ومواضيع جديدة منشرتهاش ع المدونة وحتى مواضيع المدونة اللي هتكون في الكتاب هتكون منسية لأنها اتكتبت من فترة طويلة ف اللي هيقرأها هيكون بيقرأها كأنه أول مرة يقرأها
موضوع تجربة الكتاب اكيد مش سهلة بس انا ان شاء الله مستعدة اني اخوض التجربة دي
ليا عودة للرد على باقي الردود ان شاء الله
شباك موارب/منار : حلوة البداية يا منار بداية مشجعه :)
في مرات كتيرة بتمشي من غير ما تسيبي تعليق علشان يمكن مشغولة يا منار المهم انك بتتابعي المدونة وانها دخلت دماغك :)
لما حد بيعرفنا بره المدونة طبيعي انه يلاقي اختلاف شوية علشان بتحصل مواقف وبيبقى في لغة العيون وبيبقى في تواصل اكتر مش مجرد كلمات بس ده ميمنعش
طبعا ان مدوناتنا جزء مننا
ههههههههه متقلقيش انا عايزة رد بيكنج بودر مش دقيق
وان شاء الله صابت مش خابت يا قمرايا
وموضوع الباور الايجابي في شخصيتي فأكيد مش هستنى الكتاب علشان احس بإيجابية شخصيتي هو أكيد هيضيف ليا ان شاء الله بس مش مستنياه علشان يبقى عندي باور ايجابي ناحية شخصيتي
هههههههههه وبلاش كلمة الشك لو دي لأن اكيد الكتاب هينزل ان شاء الله
ونسختين مرة واحدة تمام هعتبر ده وعد وان شاء الله كمان تحضري حفلة التوقيع
بس ليه نسختين علشان تتعمقي في القرائه ولا ايه نياهاهاهااه
نورتيني يا د. منار وسعيدة برأيك
ومتقطعيش الكومنتات :)
الفراشه الحائره : تسلميلي يا فراشة
نورتيني
معلش على التاخير فى الرد يالدودا ياحبيبتى
بالنسبة للتدوينات كده برده مش هاقدر احدد لانى ما اعرفش انهى كتابات اللى هاتكون فى الكتاب
اما بالنسبة للاسلوب ففى كتابات ليكى اسلوبها رائع وفى كتابات اسلوبها عادى وما ينفعش تتحط فى كتاب لان ده هايبقى اسم ليكى بعد كده
فشوفى الحاجات اللى الاكثرية شكروا لك فيها وطبعا الاكثرية دى من ناس ثقات واتبعى نفس الاسلوب فى الكتابات
ربنا يعينك حبيبتى ويقدرك ياجميل
مهندس / على درويش : وعليكم السلام ورحمة الله وبركاته
ان شاء الله هاخد كل النقاط اللي حضرتك قولتها وهتبقى في الحسبان
سعيدة جدا برأيك يا باشمهندس
Hager Za3bal : لايت ليها معاني كتير اوي انا مش عارفة تقصدي اي معنى فيهم يا هاجر
ما هو مش البوستات اللي في البلوجايه بس ان شاء الله هيبقى معاها حاجات تانيه
واوعدك هتحسي انك بتقرأيها لأول مرة ان شاء الله بس لما الكتاب ينزل الاول :)
شكرا على رأيك الصغنون يا قمرايا
كيكي انتيختي : تسلميلي يا رب
هي حلوة جدا بس انتي عارفه اللي في دماغي وربنا يسهل
لجين أبو الدهب : ولا يهمك التأخير يا لوجي المهم انك جيتي :)
سعيدة برأيك يا حبيبتي وهكون اسعد لو قولتيلي ايه البوستات اللي حبيتيها
كل ما تلاقي عندك وقت قوليلي على بوست حبيتيه لأن رأيك يهمني
إرسال تعليق