الجمعة، 4 ديسمبر 2009

نهاية الدنيا + تحديث


تحديث : يا جماعه انا مقولتش اطلاقا ان صحبتي مريضة نفسيه ومستحيل اسمح لحد انه يقول عليها كده

هي كل الموضوع انها في حالة حزن ومش قادرة تكمل حياتها وتفرح وده تعريف الاكتئاب

دموع لساعات متواصله وصداع ويأس واحباط وخوف وملل ولا مبالاه ومش عايزة تشوف حد ولا تكلم حد ولا تذاكر ولا تخرج ولا حتى بقت بتفرح من أي حاجه






وبصفتي صحبتها الانتيخ حاولت اطلعها من المود 100 مرة ومعرفتش طب اعمل ايه ؟ اعمل ايه قرأت شوية عن الاكتئاب وأدوية الإكتئاب وعرفت الأتي :-





التأثيرات الجانبيه لأدوية الإكتئاب أفظع من الإكتئاب نفسه ده غير ان الدوا تأثيره مش بيظهر الا بعد اسبوع او اكتر من استخدامه :(



الأعراض الجانبية للإكتئاب

ميل للنوم


تفكير بالانتحار


قلة تركيز


اضطرابات القلب واضطرابات هضمية وادمان للدواء ....الخ


يبقى كده اللي يجيله اكتئاب من الدنيا وبلاويها يقعد ساكت ومكتئب وخلاص ويفكر في طريقه يعدي بيها الوقت ويهدر ايامه يوم ورى التاني


انا اسفة يا صاحبتي مش عارفة اعمل ايه اول مرة احس ان انسانة غالية عليا ومش عارفة اساعدها


وسلامتها ام حسن م العين وم الحسد وسلامتك يا حسن من رمش اللي حسد

وسكر حلوة الدنيا وتجيب السكر

هناك 34 تعليقًا:

Ahmed يقول...

خلي بالك
انتي بتتكلمي عن ادويه بتلعب في اهل شئ في جسم الانسان
الجهاز العصبي

بصي
الادويه اللي بتلعب في الجهاظ التنفسي ولا الهضمي ممكن نتكلم فيها, لكن الجهاز العصبي ده الغلطه فيه مفيهاش هزار
واي كيماويات بتدخل الجسم بيكون ليها تأثير سلبي, عشان كده ياريت الناس تخلي الدواء ده اخر اختيار

وربنا ما يكتبه على حد

ستيتة يقول...

ربنا يشفيها ويعافيها يا ليدي
عارفة مشكلة الأمراض العصبية والنفسية انهما "عافانا الله" صعبين على مستوى المرض ومستوى العلاج
ولازم ولابد يكون هناك طبيب متابع باستمرار والأحسن طبعا دخول مصحة
بصي موضوع يوجع القلب ولا نملك الا الدعاء
يا صباح الأوجاع يا ليدي

مي يقول...

اعتقد انهم بقوا اتنين هههههههههه
انا حاسة انى عندى اكتئاب تصورى بس الحمد لله مش ناوية انتحر حابة اقرف الناس شوية نيهاااااااا بس ادمنت دوا كحة فيه خطر ده وشوية ببقى عايزة اقعد لوحدى وزهقانة لالالا بس خيرررررررررررررر
والف سلامة على صاحبتك وربنا يستر علينا

Unknown يقول...

مش عارف شو بدي احكي , بس بجد انا متعاطف وحاسس بيكم بجد ..
الله يكون بالعون
قال رسول الله صلى الله عليه وسلم
تفائلوا خيراً تجدوه

وبالتالي لا تخليها تفكر بالمشكلة بل خلوا نوع من التفائل وهالشي بيعطي حيوية ونشاط وممكن يخرجها من جو التعب النفسي والعصبي
الجلوس بأماكن تفتقد للتهوية بيلعب دور كبير بالمرض النفسي وبيزيدو

الله يشفيها ويعافيها يارب
مع ودي

Cute Kitty **sookra يقول...

الف سلامه ليها ياليدى
وربنا يفك كربها وكرب كل المسلمين المكتئبين
وسمعنى سلام شحط محط من هنا لعندكم ومعاه صباح متغمس بالشيكولاته

حـــــروف متــبعترة " عــمرو الشــايب يقول...

يا هبل ما يهزك ريح ( ما اعتذار لابو عمار احب القضية الفلسطنية ف الحارة الفلسطنية 9 و نقول سيبها بس كام يوم هتروق و تحلى و تلاقي الدنيا حلى مش هقوللك مع نوع شكولاتة ولا دومي ولا حتى اى كفتياايا سبيها هتفك و تروق زى التلج ف البلون و هيبقى مزاجها حلو كتير احسن من اريل برسيل سيبها ضحكيها هتروق بجد و معلش على كلامي الحلمنتيشي عشان انا بفكر اكون حلمنتشيش هههههههههههههههه

محمد قاسم يقول...

الف سلامة على صحبتك ربنا يشفيها ويعافيها يارب

بجد اصعب امراض هية الامراض النفسية

ربنا يشفيها يارب

فخفخينا يقول...

ممكن تكون محتاجه تعد مع نفسها وتهدا
ربنا معاها ويهديها


تحياتي

ننتظر تشريفك في مدونتنا "شيش وإزاز" قريباً

ليس فقيرا من يحب يقول...

حقيقه هما بقوا تلاته

علشان بجد الواحد مكتئب جدا اليومين دول

ربنا كبير

ربنا يفرج كربها وكرب المسلمين يارب

اللهم امين

يارب تكونى بخير يا روح قلبى

تحياتى

أميرة علي كوكب مهجور يقول...

محدش بيساعد يحد ولا بيمسح دمعه حد كلمه السر "احنا"لو لاقينها كل حاجه بتتحل


انا معرفش صاحبتك بس سليملي عليها قوليلها
حياتنا مش حرب بينا وبين نفسنا قوليلها في امل ماهو ربنا برضه مش هيسبنا كده وبلاش تحاولي معاها بكلام تفاءل لان اللي في الحاله دي مش بيقبلوا كلام التفاءل ادعميها من بعيد لبعيد

Lady E يقول...

أحمـــــــــــــد أبو العلا : أكيد فعلا اهم جهاز في الجسم الجهاز العصبي والغلطة فيه مفيهاش رجوع

وانا اصلا كنت بقرأ عن الدواء من باب العلم بالشيء لكن انا مش طبيبة علشان انصح حد بدواء معين

أمين يارب فعلا ربنا ما يكتبه على حد

Lady E يقول...

ستيته حسب الله الحمش : أمين يارب

بيتهيألي حالتها مش محتاجة كل ده يا خالتو بس هي حالة الحزن وانها مش متحمسة للحياة طولت معاها شوية وكل الطاقة السلبية دي بتأثر عليا وفي نفس الوقت الصديق وقت الضيق فمينفعش اني مكلمش صحبتي في الظروف دي

صباح ومساء الورد وربنا يبعد عننا الأوجاع يا حبيبتي

Lady E يقول...

مي : هههههههههههههه يعني انا مش قادرة على اكتئاب واحدة هقدر على اكتئاب اتنين :) ينفع كده يا مي

هي كمان مش ناوية تنتحر بس مش متحمسة للحياة :(

ادمنتي دوا كحة يا خبر ابيض حاولي تبطليه يا بنتي اصل دوا الكحة هيفيد بإيه وانتي مش عندك كحة وبعدين الله اعلم مكوناته عاملة ازاي ومفيدة ولا مضره بجد بجد بطليه لأنه ممكن يكون خطر

خير ان شاء الله

أمين يارب وان شاء الله قريب الاقي كومنت ليكي انك فرحانه يا مي
ربنا يبعد الالكتئاب عننا

Lady E يقول...

Mr.Hazem : خلينا نتفق الأول انها مش مريضة نفسية هي بس بتمر بحالة من الحزن والاستسلام

شكرا على النصائح الجميلة بس اللي بيكون في الحالة دي بيبقى مش مصدق أي كلمة من كلمات التفاؤل للأسف

أمين يارب

عاشقه الرومانسيه يقول...

ربنا يفرج كربها ويفرح قلبها
اميييين

خواطر شابة يقول...

عزيزتي المرض النفسي ليس سبة ولا شئ نخجل منه ويجب ان ننفيه انه شئ عادي
في الغرب يتعاملون بشكل عادي مع هذه المشاكل فقط مجتمعاتنا الشرقية هي التي تتحسس من الامر
بالنسبة لصديقتك وأنا أحدثك انظلاقا من تجربة شخصية عشتها مع شخص قريب مني فقد حبه للحياة واكتئب اصبح يرى الحياة سوداء يرفض الخروج او رؤية الناس بداية اتجهنا للرقية الشرعية لكن الامر ساء أكثر وكان الحل هو الطبيب النفسي ومع اتباع العلاج الان الحمد لله كل ما مر به أصبح مجرد ذكرى.
يقول تعالى "واسألوا اهل الذكر ان كنتم لاتعلمون" وأهل الذكر في حالة صديقتك هو الطبيب النفسي صدقيني.
تحياتي لك وتمنياتي لصديقتك بالشفاء ان شاء الله

الشعب لابد له من حكومه تشكمه يقول...

مش هتخرج من الحاله دى الا اذا هى قررت انها تخرج منها..

Somaya Kamal El Din يقول...

امممممممممممممم

خوفتينى على نفسى بس الحمد لله من يوم كده قررت انى بطلع من المود والحمد لله كل يوم الامور بتمشى احسن

صدقينى طالما الواحد معاه ربنا

مما يمر بمواقف صعبة لان بجد كنت اكتر منها بكتييييييييييييير وقعدت كده لكذا شهر وعلى الاقل انا محدش كان مقدر حاجة ولا حد كان فاهم حاجة بس كان لازم اخرج منها لان عارفة محدش هيقف معايا لما اتعب زى ما محدش حاسس بيا

مرحلة لازم تمر بيها ولازم تخرج منها بنفسها وعلاقتها بربنا يمكن او اكيد اكتر حاجة ممكن تساعدها انها تخرج منها

احساس طفلة محبة للرومانسية بس واقعية يقول...

طب جربتى معاها رحلة شيقة وممتعة مع اصحاب هى بترتاحلهم :)

اصل الحكاية دى بتنفع معايا التجديد يعنى فقلت اقولهالك اول حاجة وبعدين اقول مقترحاتى يمكن تفيد

بتهيألى ان اول حاجة تعمليها انك متتكلميش معاها فى حالات الاكتئاب والسبب واللى بتحس بية وبتفكر فية ولا حتى تحسيها على التفاؤل
بس اتكلمى معاها فى امور هى بتحبها فى مناقشة دينية او مسابقة كل واحد يقول معلومة او قصة صحابى يعرفها

ممكن حتى العاب على الكمبيوتر او العاب بنك الحظ والحاجات بتاعة الطفولة دى

ممكن تخليها ترسم وتلون وطلع اللى جواها فى الشخبطة

ممكن تقوليلها تعبر عن اللى جواها بالكتابة حتى لو بكلمات متفرقة ومش مفهومة

بصى انتى بتقولى انك جربتى معاها كتير فحبيت اقول الحاجات اللى اعرفها يمكن متكونش جت فى بالك ولو جت فى بالك ومنفعتش مع صحبتك

يبقى صدقينى هى كدا من جواها
تلاقيها مرتاحة اكتر وحاسة بهدوء وسكينة بينها وبين نفسها ويمكن يكون ليها مفتاح تانى بيخرجها من الاكتئاب انتى متعرفهوش ممكن مع المحاولة تعرفيه بس اهم حاجة انك جمبها :)

دمتى بكل خير
تقبلى مرورى

كيكى عوووووو يقول...

احيانا بتلاقى نفسك فى حزن غريب ملهوش معنى

فراشة يقول...

ربا يارب يفك كربها وكرب كل المسلمييييييييين

حاسه بيها وبيكي ربنا معاها معاكي وياها ومتسيبيهاش هاتيلها كل حاجة بتحبها فسحيها هاتيلها لعبة او حاجة تكون كان نفسها فيها اقري لها قرآن وادعيلها وفكريها بربنا انه موجود جنبها ومش هيسيبها ابدا يارب

Lady E يقول...

sookra : أمين يارب

يا عيني ده احلى صباح ومساء صباح الشوكولاته :)

مسائك احلى شوكولاته

Lady E يقول...

3mr wa2el : هو من ناحية حلمنتيشي فهو فعلا تهيس تهييس فعلا يعني ومحتاج قاموس زي القاموس اللي دايما معايا علشان اترجمه

بس نصيحه بلاش الشاي باللبن هو اللي بيعمل حالة التهييس دي :)

Lady E يقول...

محمد : أمين

Lady E يقول...

فخفخينا : أهلا بيكم

زرت المدونة ولقيت لسه بابها مقفول بالمفتاح اول لما تفتح هكون موجودة ان شاء الله

Lady E يقول...

ليس فقيرا من يحب : يا خبر

ليه كده بس يا حبيبتي اضحكي للدنيا تضحكلك

امين يارب

انا بخير طول ما انتي بخير

دمتي بخير

Lady E يقول...

أميرة علي كوكب مهجور : حلوة المقدمة دي فكرتني بأغنية محدش بينفع حد :(

يوصل يا مرمر :)

Lady E يقول...

عاشقه الرومانسيه : أمين
وانتي كمان يا دودو

Lady E يقول...

خواطر شابة : أهلا بيكي

متفقة معاكي تماما ان المرض النفسي مش عيب ولا شيء نخجل منه بس صديقتي مش مريضة نفسيه هي بس في مود مكنتش عارفه تطلع منه

ربنا يكرمك وسعيدة بأول زيارة للمدونة وان شاء الله مش الأخيره

Lady E يقول...

الشعب لابد له من حكومه تشكمه : اكيد قرارها الأهم بس القرار لوحده مينفعش

Lady E يقول...

متأكده انك خرجتي منها يا سمية ؟

أصل كلامك مدي على غامق شوية


"محدش حاسس بيكي ولا هيقف معاكي "

وأكيد علاقتنا بربنا سبحانه وتعالى هي الاساس بس مش اي حد مضايق ومخنوق او عنده اي مرض نفسي يبقى علاقته بربنا مش كويسه

Lady E يقول...

احساس طفلة محبة للرومانسية بس واقعية : بجد بجد السفر والرحلات بترفع الروح المعنوية فعلا بس المشكلة لما يكون حد مضايق تقنعيه ازاي انه يسافر يغير جو :)

الله عليكي
طب ايه رأيك اني هستثمر كلامك ده وهنشره في موضوع في كتابي ان شاء الله على لسانك لأن المفروض كل الناس تستفيد منه

دمتي بخير يا حبيبتي

Lady E يقول...

كيكى عوووووو : انتي هتقوليلي يا صاحبتي
بتحصل
بس بتعرفي المعنى بعدين

Lady E يقول...

فراشة : أمين يارب

فراشة انتي بجد جميلة اوي

دمتي بخير