السبت، 16 مايو 2009

من غير عنوان

الحمد لله حليت النهاردة في انتحار الفرنساوي بس مش الحل اللي يرضيني
وعالعموم مبقاش في حاجة تفرق بعد رحيل ملاكي الحارس عن حياتي
ايوة بجد مش بهييس كان في ف حياتي ملاك حارس بس الله يرحمه
مات زي اي حاجه حلوة في الحياة


ولأن مودي مش لطيف خالص ومش باين اني هطلع من المود ده لفترة طويلة فاحترت اكئبكم معايا ولا اقفل المدونة؟؟ لو قفلت المدونة هتزعلو مني فقولت ذنبكو على جنبكو بقى انتو اللي عايزين تستئكبو
هسيبكم مع قصيدة عجبتني لنزار قباني

غدا سأرحل ... فلا تستعجل الفرح

غدا اجمع بقايا ملامحي من عالمك

غدا أجهض ما تبقى من أحلامي معك

غدا يبدأ الرحيل .. وتشتعل القلوب

وتبدا أنت بعالمك الجديد ...

العالم الذي كنت تتمناه ...

عالم بدون همسي ... وبدون أسمي

عالم رفض ان يحتويني معك ...

فربما يصبح عالمك الجديد اجمل بكثير

سوف أرحل تاركا خلفي ذكرياتك

سوف أرحل تاركا خلفي نار شوقي

التي لم تنطفىء في يوم من الايام اليك


نعم سأرحل ... ولكن بدون وداع ...

سأرحل بدون ان يشعر قلبك برحيلي

...سأرحل ...

ولكن احاول ان استجمع أحاسيس قلبي

ساعدني ايها القلب كي أرحل ... !!!

ساعدني كي أبدأ رحلة المعاناه بقوه

فإن كانت ليلتي الاخيره لأراك ...

فسوف ابكي بصمت ...

واحرق اشواق قلبي بصمت ...

ولن اترك لاحاسيسي ان تنتصر علي ...

سوف اتأمل جمال عيونك بصمت ...

سوف اعاند قلبي ان لايفكر بالرجوع


سوف أرحل ... وعيوني تبكيك بصمت

فلا تحزن .... في يوم من الايام انك عرفتني

ولا تحزن ان اقترن صوتك بصوتي .....

ولا تحزن ان لهج لسانك بأسمي ....


نعم سأرحل ... !!!!

ولكنك لن ترحل من عالمي ...

فكل الوجوه التي بعيني هي انت

وكل الاسماء التي سمعتها انت

وكل اشواق قلبي تشتعل لك انت

فإن رحلت ... فأرجوك انساني ..

ولا تبحث عني او تتذكر احزاني

تجاهل احاسيسي كما عودتني ..

تجاهلني ولا كأنك تعرفني ...

لا اريد من حنين قلبي ان يلجأ اليك ...

ارجوك ايها القلب ساعدني على الرحيل ...

ولا تبين له كيف عيوني تذرف الدموع عليه

ولا تبين له كيف قلبي يشتعل نارا شوقا اليه ...

ارجوك ايها القلب ساعدني على الرحيل ..



نعم سوف ارحل ... !!!

وسوف اترك قلبي امانه في قلبك ...

فقلبي ابى الرحيل معي ...

وفضل ان يعيش بين يديك ....

تفعل به ماتشاء فهو ملك عينيك ...

ها أنا راحل جسد بلا روح ...

واحساس بلا قلب ....

فقلبي اختار روحك الطاهره ....

التي احتوتني بحزني وفرحي ...

ورسمت لي عالمك الجميل ....

ولكن اين هذا العالم الآن ... ؟؟؟

فقد اصبح عالم بلا وجود ...



سأرحل ... !!!!

وفي قلبي همساتك الجميله ...

وذكرياتك التي شاركتها معك ....

واحلامك التي سبحت قلوبنا معا ...

اتتذكر تلك الليالي ... ؟؟؟؟؟

آآآآآآآآه ... اين هي الآن .. ؟؟

ارجوك حبيبي ....

لاتندم لأنني سوف ارحل

فقد وجدت انني لست اهلا لقلبك ....

وانني الحقير الذي لايستحق حنانك

...سأرحل ...

وسوف ابكيك بصمت ..

سوف أرحل فلا تستعجل الفرح

...تمهل بقلبي واحاسيسي ...

فماعدت استطيع ان اتحمل


سأرحل ... !!!

وقلبي سكن روحك .. فحافظ عليه

سأرحل ... وأعزي قلبي بالرحيل


وبعد القصيدة دي المليانة بالدموع والجرح متخيلة يوسف بيك وهبي بيقول يـــــــــــــــال الأقــــــــــــــدار فلترأف بنا السمـــــــــــــــاء

واصوات رعد وبرق ومطر غزير وانسانة بتحتضر في الوقت ده والدنيا مضلمة
اي خدعه اللي عايز يكتئب يجي مدونتي

هناك 42 تعليقًا:

صمت المشاعر يقول...

بدايه الحمد لله انك حليتي كويس في امتحان الفرنساوي

ثانيا ليه بس مود الكابه والحزن دا
اكيد مفيش شيء في الدنيا بجد يستاهل انك تحزني ولو للحظه واحده

القصيده ابكتني لانها بجد صعبه اوووووووي


ربنا يارب يبعد عنك الاحزان ويجعل الفرح والسعاده دايما في ايامك

ابقي طمنينا عليكي

الفراغ يقول...

الحمد لله ان امتحان الفرنساوى خلص وعدى
يجيلك اكتئاب ليه بقا..
احنا كنا متفقين انه لما الامتحان يعدى يبقى انتهت الازمات
وبعدين ملاكك الحارس موجود طول مانتى متوضيه وتحملى كتاب الله

اوعى الشيطان يقنعك بغير ذلك
وفين الاكتئاب ده..دانت زى السكر
كن جميلا ترى الوجود جميلا
تحياتى

dramaqueen يقول...

وااااااااااااااااو

اول تعليق

dramaqueen يقول...

الحمد لله انك ليتى كويس فى الامتحان
عقبال الباقى

القصيدة حلوة اوى
بااااااااى

SHAPE YOUR LIFE (ABOALI) يقول...

هاااااااااااااااايل المود ده

استمرى على كده

سكر
كلاوى
فقر دم
ضغط
اكتئاب
انتحار

وكل دى حاجات مطلوبه فى السوق حاليا
الوووووووووووووووداع

مش يارتينى كنت معاااااااااهم


اول تعليق ولا لاء

غلاسه تعليقة

ELMASRYA - MOSLEMA LELLAH يقول...

امممممممممممممم

إيه الحكاية؟

ابعتيلي إيميل أو اوفلاين ماسيج أفهم

وبعدين المهم في كل ده إن امتحان الفرنساوي عدى وفات وفي ديله كل اللفات والعقد والكلاكيع

هنتظر رسالتك ضرووووووووري علشان ماتحيرينيش وتقلقيني عليكي

وعلى فكرة مش هكتئب من كلامك لأني أنا أوريدي مكتئبة

( أربع بوسات وحضنين يمكن الإكتئاب يروح )

♥نبع الغرام♥♪≈ يقول...

بخخخخخخخخ
السلام عليكم
حبيبتى مالك بس يانونا جرى ليكى ايه
أولآ البقاء لله للشخص الذى مات ربنا يرحمه ويغفر له
ثانيآ بقا انتى بتعقلينى وفى الاخر عاوزه تسيبنى لالالالا مش هسمح ليكى أبدآ
أنتى الشخص الوحيد اللى وقف جنى فى عز ما انا كنت محتاجه لاخت تحتوينى بعطفها
وبجد خليتنى أعيط وانا بكتب الكومنت
بجد حرام عليكى كده
هى ناقصه يانونو
الوحده ماصدقت تنسا الجروح تيجى انتى تلقبى علينا المواجع
اوعى تسيبنى ياعمرى ممكن اتعب والله
ثانيآ معلهس ربنا هيكرمك خير لأنك إنسانه طيبه قووى وبتحب الناس والخير وده مش مجمله لانى عرفتك كويس يانونا
ربنا هينجحك ان شاء الله
بدعليك من كل قلبى ياعمرى
بحبك مووووووت
أختك أنوسه

ولاء يقول...
أزال المؤلف هذا التعليق.
غروب يقول...

ان شاء الله خير

تفائلي

وربنا يستر عليه عندى العربي الزففففت يوم الاربعاء

ربنا هو المنتقم

انا قولت اسلم بسرعه قبل م ارجع للكتاب

Bent Men ElZman Da !! يقول...

الحمد الله انك حليتى كويس فى امتحان الفرنساوى اللى كنتى خايفه منه ده
كنت نفسى اعرف مين ملاكك الحارس اللى مات :(
بس حاولى بلاش تخلى المود الكئيب ده يسيطر عليكى لان انتى اللى بتتحكمى فيه انه يستمر والا لا
وبعدين يا قمر انتى تكئبينا معاكى براحتك اصلا :D
حلوه اوى القصيده دى اول مره اقراها

ولاء يقول...

الله الله عليكى بجد قصيده جميله ولأنك حسيتى كلماتها اوى فانتى اكيد انسانه رقيقه اوى بجد نفسى نتعرف على بعض ....

بنجاواتى يقول...

الحمد لله انك حليتى فى امتحان الفرنساوى وعقبال باقى الامتحانات ويكون افضل وافضل كمان

القصيدة تحفة طبعا
والحزن ان شاء الله له نهاية
وتعدى الفترة دى على خير بإذن الله

سلام

إيمان يقول...

حلوه القصيده بس مش حلو الاكتئاب

بس مش مهم مادام مش هتقفلى المدونه

MeMe يقول...

الحمد لله انه الامتحان خلص يافندم عقبال الباقى ..

والقصيدة حلوة اوى بجد ...
ربنا يستر على "غدا" دوت ....

عن جد مفيش حاجة مستاهلة الاكتئاب ..
كله بيعدى ..
وان شاء الله خير ...
سلامز
:)

الشعب لابد له من حكومه تشكمه يقول...

امممممممممم طايب
اولا بالتوفيق فى الامتحان وعقبال الباقى ان شاء الله وتحلى كما يرضيكى وتتمنى..

ثانيا: انا عاوزه اقولك على حاجه بجد عارفه انا لما احس انى مكتئبه اعمل ايه؟؟
بس توعدينى انك هتعمليهم مش معقوله اقولهم على الفاضى واضحى باسرارى كده:)

هااااااااااا اتفقنا؟؟؟؟؟؟

اولا قومى اتوضى وصلى ركعتين ..

ثانيا اكتبى بوست دمه خفيف وكله تهريج,,ايوه انا عارفه كويس بقول ايه.مود الاكتئاب او الحاجه اللى بنحسها لو استسلمنا ليها صدقينى بتحتلنا وبتطرد كل ضحكه او بسمه..

صدقينى عن تجربه انا لما يحصلى كده امسك التليفون وارغى مع اصحابى ونهرج ونضحك ومبقولش انى مكتئبه لانى بنسى..

اكتبى بوست تضحكى نفسك فيه ايوه زغزغى نفسك ايه المشكله يعنى...

لكن بلاش تخلى الاحساس ده يفضل يكبر..

هعدى عليكى تانى اشوفك عملتى اللى قلت عليه ولا لا؟؟؟(وش حد ماسك عصايه وبيهدد)

Ahmed يقول...

ده اكتئاب ولا تهييس بعد انتحار الفرنساوي

على كل حال مبروك انك ارتحتي فتره كده من الماده اللي بتسببلك القلق ده وان شاء الله اللي جي أحسن

تامر علي يقول...

أهم حاجه الفرنساوي يعدي بعد كده كله يهون :)

قصيدة جميلة لنزار مكنتش قرأتها قبل كده

تحياتي :)

romansy يقول...

الياس مش مطلوب فى الفتره دى الامل عاوزينه دايما معانا
ربنا يوفقك
بس القصيده حزينه صحيح بس جميله قوى

ربنا معاكى

هانى زينهم يقول...

ان شاء الله يبقى الامتحان درجته كويسة وان شاء الله المود يبقى احسن قريب وان شاء الله المدونة ما تتقفلش خالص . شدى حيلك ومالملاك الحارس ما بيموتش والا ما كانش اتسمى كدة .

MaNoOoSh يقول...

الحمد لله ان الفرنساوي عدي على خير.
والاكتئاب دة سيبك منه.. انسيه واعملى اى حاجة تفرفشك.
ربنا معاكى يا قمر وكويس انك مقفلتيش المدونة لحسن كنت هخنقك
ههههههههههههه

حسام غانم يقول...

كويس انك حليتي كويس في الفرنساوي

وإن شاء الله تحلي أحسن في الباقي

عاشقه الرومانسيه يقول...

حتى وانتى مكتئبه بتهزرى وتنكتى؟
اعتبرها فرفره دى ولا حلاوة روح؟

Lady E يقول...

صمت المشاعر : مين كويس ده نياهاهاهاهاها

المود ده بيفترس الانسان مرة واحدة للاسف وبقى لي فترة بقاومه بس عندك حق مفيش شيء في الدنيا يستاهل الحزن

وانا اسفة بجد ان القصيدة ابكتك عااااااا

ربنا يكرمك ويبارك فيكي
واللي يشوف الكومنت بتاعتك لازم يطلع من اي مود وحش
نورتيني

Lady E يقول...

الفراغ : ده اكتئاب ما بعد الامتحان
اكتئاب الاستعداد للنتيجة وربنا يستر
الامتحان الحمد لله عدى بس نتيجته لسه مظهرتش

ونعم بالله

بجد تعليقات حضرتك كنز من الكنوز اللي بجد بستفيد منها

ربنا يكرمك ويطمن قلبك ويسعدك
بحبك في الله

Lady E يقول...

dramaqueen : لا مش اول تعليق يا كوين نياهاهاهاهااها ضحكات شوريرة متقطعه

تسلمي يا قمر

Lady E يقول...

ABOALI : الله يسامحك يا ابوعلي

ومش ياريتك كنت معاهم

ومش اول تعليق (وش بيطلع لسانو) غلاسة تدوينية

Lady E يقول...

ELMASRYA - MOSLEMA LELLAH : عُلم ونُفذ يا احلى واغلى خالتو

ربنا يكرمك ويسعدك ويروق بالك

بحبك جدا جدا جدا

Lady E يقول...

عاشقة الأحزان : وعليكم السلام ورحمة الله وبركاته

اولا : الله يرحمنا جميعا وبعدين انا قولت ملاك يا اختي مش شخص :)

ومتزعليش بقى عاااااااا

وبعدين دموعك غالية جدا عندي فمش عايزة انا اللي ابقى السبب في دموووعك

انا الحمد لله كويسة دلوقتي متقلقيش

وبعدين يا انوس انتي تستاهلي كل خير يا حبيبتي وربنا يخليكي ويسعدك ويروق بالك

Lady E يقول...

غروب : ربنا يوفقك يااااااارب

وان شاء الله الامتحان يجي كويس وسهل وتخلصي من الكلكوعة دي

Lady E يقول...

Bent Men ElZaman Da !! : كويس واي كويس يا بنتي ليس في الامكان ابشع مما كان

وبعدين ليه الفضول ده يا بنوتة ليه عايزة تعرفي ملاكي الحارس الله يرحمه

وبالنسبة للاستئكاب فهو ساعة تروح وساعة تيجي عااااااااا

ربنا يوفقك يا قمرايا
ودايما منوراني

Lady E يقول...

2wzeyad : تسلميلي يا قمرايا

انتي اللي انسانة جميلة ورقيقة

ويسعدني جدا اننا نتعرف على بعض

Lady E يقول...

بنجاواتى : الحمد لله على كل حال يا بنجا

امين يارب

ربنا يكرمك ويوفقك يا بنجاواتي

Lady E يقول...

إيمان : تسلميلي يا ايمي

انتي الاحلى

Lady E يقول...

MeMe : عقبال كل الامتحانات يافندم

ربنا يوفقك :)

سلاموز بالموز

Lady E يقول...

الشعب لابد له من حكومه تشكمه : اولا : امين يارب

ثانيا : ههههههههههههه ايه ده مفيناش من ضرب يا شيمو

ربنا يسعدك ويروق بالك يا شيمو

Lady E يقول...

أحمـــــــــــــد أبو العلا : ده كوكتيل يا انجينير


ويارب يكون اللي جاي احسن

تسلم يا انجينير

Lady E يقول...

تامر علي : شكرا ليك يا تامر

دمت بخير

Lady E يقول...

romansy : اليأس مش مطلوب دايما يا رومانسي

دمت بخير

Lady E يقول...

هانى زينهم : امين يارب

دمت بخير يا مستر

Lady E يقول...

MaNoOoSh : ههههههه ليه كده يا منوش انتي طيوبة مش شوريرة

Lady E يقول...

حسام غانم : تسلم يا حسام

ربنا يوفقك في امتحاناتك

Lady E يقول...

عاشقه الرومانسيه : الاتنين يا ميرو