الاثنين، 25 مايو 2009

حب ميؤس منه الجزء التاني + تحديث

تحديث : علا زميلتي جابت بيبي وسمته على اسمي يعني اسم البيبي زي اسمي بس ناقص منه حرفين طبعا علشان اسم ولد بتقوللي شوفتي بقى بحبك اد ايه سميت ابني على اسمك قالتلي الكلام ده وانا طالعه من اللجنة مهييسه
وطبعا مش هقولكو على اسم البيبي لان لو عرفتو اسم البيبي هتعرفو اسمي نياهاهاهاهاهاها

تبعا كل اللي توقعته قبل الامتحان حصل مع اختلافات بسيطة والحاجه اللي اعتقد بتحصل في لجنتنا بس في كل امتحان ان لازم بنوتات كتير يغمن عليهم ولازم برضه بنوتات يجيلهم هيستريا لما بنبقى قاعدين في مستشفى مش في لجنة امتحان




كلام قبل البوست علشان ميجليش انفجار في المخيخ الشمين وازبهلال في البؤبؤ وحول في العينتين





نفس السيناريو اللي بيتكرر كل امتحان هيحصل بعد كام ساعه ان شاء الله


الامتحان هيجي يشيب الكتكوت والمراقبين هيبقو مش طايقيننا واللي هينصفه زمانه هياخد مقبول واللي ماميته داعيه عليه هيشيل المادة


ومن خلف الأسوار احب اوجه كلمه للسادة بتوع التعليم العالي وأقول لهم يا سادة يا كرام تعليمكم عالي جدا ومحتاجين اسانسير علشان نستوعب ان اللي احنا فيه ده تعليم عالي مش واطي لا سمح الله


وشكرا لواضعي جدول الامتحانات وان شاء الله ربنا هيكرمهم بفسفس هستيري وهسهس واستبحس زي اللي كل الطلبة بتاعني منه





****************************************************



الموضوع ان بعد يومين تلاته اسبوع كدة شهر نبص نلاقي حاجات غريبه بتحصل 00

طرف من الطرفين دول يا اما مش بيرد على التليفون أو يرد بس يتكلم معاك بطريقة تخنق جدا و تحس ان كان اكرملك ان هو ما يردش عليكى أصلا بدل ما يرد و يتكلم بالطريقة دي 00 و تسأليه يقولك عادي مفيش حاجة 00تسأليه انا عملتلك حاجة ؟؟00يقولك لأ بقولك عادي عاااادي00 ويبدأ التنفيض00

المهم انك بتبقي مش فاهمة حاجة و مش عارفة ايه اللي بيحصل ده و تفضلى تعصرى في دماغك يمكن اكون قولتله حاجة زعلته و انا مش واخده بالي 00طب يمكن عملت حاجة هو مش بيحبها و برده مش واخده بالي

ايه اللي حصل ؟00 الله اعلم

000وفي البعد تبدأ تفكر ان هو من كام يوم كدة كتييييييييييييييييييييييير قالك بحبك و تفضل تكلم نفسك أيوة ده قالي بحبك أيوة ده قالي انا مقدرش اعيش من غيرك 00لأ ده اكيد لسه بيحبني 00قبل ما تنام تفتح الرسايل اللي كان باعتهالك على الموبايل اللي كاتبلك فيها انت عمري و حياتي و قلبي و روحي و 00000 و كل ده علشان تقنع في نفسك ان هو لسه بيحبك و بيفكر فيك وتقولى لنفسك الحب اللي بجد مش بيتنسي بالسرعة دي و هو قالي ان هو بيحبني بجد و قالي اني انا لا يمكن اكون لأي حد غيرك 00تؤ 0000 طيب هو ليه بيعمل معايا كدة 00ليه بيتهرب مني ؟؟00 هو ليه مش عايز يكلمني 00هو انا عملتله ايه؟؟

وبعد فترة تبدأ بقة تحس ان هو باعك خلاص

00شويه و ترجعى برده تقنعى في نفسك ان هو عمره ما هينساكي لانك بتفتكرى كل كلمه قالهالك لما وعدك بان هو عمره ما حايسيبك في يوم من الأيام و مفيش حاجة ممكن تفرقنا عن بعض الا الموت و لما قالي0000000 و لما قالي000000و لما قالي0000000و تقول هو لسه بيحبني انا متأكده من اللي انا بقوله ده و ترجع تقول طيب هو ليه بيعمل معايا كدة انا محتاجه له أوي و ساعتها بعد فترة كبيرة ممكن تكون اسبوعين تلاته أربعة من عذاب متواصل تحصل حاجة من التلاته



أخيرا حايرد عليكى و يقولك ان الموضوع انتهى بالنسبالي و لما تيجي تسأليه عن السبب يقولك كلام يدل على ان هو 00000000سوري يعني (عبيط) أصله حايقولك (أصل 00000آآآآآه 0000 كدة000 انا مش مرتاح 000أصل انا اتغيرت واتضح اننا لازم نكون اخوات ... أصل انت000 كدة بقة و خلاص !!!!!!!)و يسكت 000

يا اما ** حايكبر و يضربلك الطرشه و انت لو عندك مخ حاتفهمي

أو يبعتلك مرسال يقولك الموضوع انتهى بالنسباله و هو طبعا مش حاييجي بنفسه يقولك علشان هو طيب و ما يقدرش يقولك كدة في وشك علشان ما يقدرش يجرح مشاعرك و لما تسأل المرسال عن السبب يقولك (ما اعرفش حاجة و الله) و بينهي اجابته بكلمه و الله علشان ما ترغيش و ما تسألش كتير ده انا حلفتلك يعني بترغي في ايه؟ قال هو يعني فارق معاه حلفان

00ساعتها هتحسي ان كل حاجة راحت منك00أغلى حاجة انت كنت عايشلها اختفت روحك طلعت منك و تحسي انك اديتي قلبك لواحد ما يستاهلش هتحسي ان قلبك مات و تحسي ان كل اللي حواليك كدابين و مفيش حب في الدنيا خلاص كل الناس كدابه و محدش يستاهل و تفضلي تقول انا مش هحب تاني و تبصي تلاقي دموعك غصب عنك عماله تنزل و مش بعيد تتعبي لدرجة انك تدخلي المستشفى من نفسيتك اللي بقت تحت الصفر و كل دقيقة تعدي تلاقي نفسك تقول هو الخسران و بعدين ننتقل لمرحله تشغيل الأغاني الكئيبه و تديها (غدار خليتني احبك 00على شويه 00سابني و راح) و طول ما انتي بتسمعي عماله تقولي هو الخسران و بعدين تنزلي تشتري شرايط فيديو افلام كئيبه و تتفرجي عليها و قلبك يتقطع و تفضلي تعيطي و تقولي هو الخسران هو الخسران قلب لو لف الدنيا كلها مش حايلاقي قلب يحبه زي قلبي 00هو الخسران حنيه لا يمكن حد حايديهاله قدي 00هو الخسران حضن لو لف الدنيا كلها مش حايلاقي لا أدفى و لا أحن و لا أأمن منه00 هو الخسران 00000000هو الخسران 000000000هو الخسران0000لازم تحسى ان هو ما يستاهلش منك كل اللي بتعمليه ف نفسك ده 00انتي لازم تعرفي انك بتقطعي في نفسك و هو نايم مرتاح و بيصحى يشغل أغنيه (كعبو كعبو 00حبيبي و انا الاعبه) و بيتفسح و بيهرج و مش بعيد يكون عايش حياته مع حد تاني غيرك 00حطى لنفسك شعار أغنيه (ريح بالك 00بتاعت تامر)

ريح بالك و انسى اللي نسيك عيش ليك لياليك مش ده يا قلبي اللي بنتمناه

وده كان الجزء التاني من بوست
حب غير مشروط وحب ميؤس منه + تحديث

وطبعا الكلام ده منقول بتصرف من موضوع قرأته بس مش فاكرة مين اللي كان كاتبه

هناك 26 تعليقًا:

الشعب لابد له من حكومه تشكمه يقول...

دا اول تعليق؟
هى الناس بتفرح اوى لما بيكونوا اول تعليق فانا هعمل نفسى كده وانتى اعملى نفسك مصدقانى وتعالى نستعبط على بعضينا هههههههههههههه..
المهم يارب ميكتب علينا الموقف المنيل ده..دنا ممكن اموت فيها مش هموت من الحزن عليه دنا هموت على كرامتى اللى اتبعترت اصلها بتنأح عليا اوى..هههه
بس عارفه لو حصل موقف زى ده معايا هطلب انى اشوفه لمره اخيره وبس وباللى فى رجلى واقوله عارف دى غلطتى انى حبيت عيل اصلا ...هههههههههههه
عموما هو ده متقدريش تسميه حب لانه لو كان حب مكانش الباشا عمل كده..دا كان اسمه تقضيه وقت ,,تسليه..

ال يقولى خلينا اخوات والنبى ايه...؟؟؟
ال يقولى اتغيرت وكمان يبعتلى مع وسيط ناقصه هى بعتره كرامه..

كده عصبتينى ربنا يسامحك..
وبالتوفيق ياقمر فى الامتحانات..:)روحى ذاكرى يابنت وسيبك من النت..علشان تبصى فى السقف لازم تكونى جايبه تقدير على فكره وانا حذرتك اهو...

الشعب لابد له من حكومه تشكمه يقول...

تانى تعليق :
ايه يعنى غرامك ودعنى ايه يعنى فارقنى ولا رجعلى ليه فاكر الدنيا فى بعدك مفيهاش ولا قبلك ولا بعدك دنا بيك من غيرك مش فارقه.يامعفن هههههههههههههههه

روحى ذااااكرى يابنت..دا وقت كلام عن الحب حبكت ايام الامتحانات..؟؟
البنات دول عليهم حجات والله :)

hasona يقول...

السلام عليكم

ربنا يكرمك ويوفقك ويعينك وتتفوقي

،،،
موضوع العلاقات الانسانية
وعلي رأسها الحب
أو هو أسمي علاقة
وأفضل الحب ما كان لله

وما يحدث في هذه الايام نري عجب العجاب

لأنه لم يكن علي أساس صحيح

في الاول مش لازم تريح بالك ولابد أن تفكر في كل شئ وعند اقدامك علي الدخول في تلك الدائرة
الحب الميؤس منه
لكي لا تصل لمرحلة تامر حسني ريح بالك
وتنسي وتعيش
وبعدين تلاقي نفسك زي عبد الحليم (في جبار)وبتقول قلبي بيقول للحب يبعد عن طريقي أى حب جديد يا ويله من حريقي

يبقي قبل الحرائق دي كلها لازم نتعقل ونختبر ثم نحب ده لو فيه أمل ووقت يعني

تحياتي

عاشقة الأحزان يقول...

السلام عليكم ورحمة الله وبركاته
حبيبتى
وحشتنى موووو كتير قووى
ربنا يكرمك يارب ويسعدك بجد انتى من انبل الناس اللى بحبهم
ربنا مايحرمنيش منك ابدآ ياغاليه وربنا يكرمك يارب ويوفقك الى الخير
وسعيده قووى بيكى ياعمرى
تسلميلى ياحبيبتى
اختك
انوسه

dramaqueen يقول...

الكلام حلو اوى
وفعلا بيحصل كتير
حصل معايا بس الحمد لله الموضوع اصلا مطولشى
وبعدين تعبت بس الحمد لله برضة كان جنبى ناس قدروا يخرجونى من الحالة دى بسرعة

المشكلة ان اللى بيحبوا سعات كتير بيبقوا عيال او ماشيين بمبدأ فاقد الشئ بيدور عليه

فى حاجة مش لاقينها معاهم ومش فى ايديهم ياخدوها ازاى ؟؟؟؟؟؟؟ بكلمتين حب والبنت ياعينى بتصدق ولما يدخلوا فى الجد يكتشفوا انهم مش مستعدين للارتباط
عيااااااااااااااااااااااااااااال
ربنا يوفقك فى الامتحانات
طمنينى على اللى فات

كيكى يقول...

كعبوا كعبوا!!!
!!!!!!
ماشى يانونتى
كنت فى الاول هقولك اى واحدة داخلة تجربة بتكون عارفة الى قدامها يعنى من الاخر تشرب بقى***
دة كا رائ زماااااان
رائ بقى دلوقتى حتى الى عامل نفسة ناصح وعمرة ماهيتعرض لموقف زى دة اقوله لا هيحصلك
اصلك لسة متعرفش اصناف وانواع من البشر وسمعنى اغنية
بانوا بانوا
عووووووووووووووو

كيكى يقول...

وحسبى الله ونعم الوكيل
عووووووووو

ELMASRYA - MRS WRITER يقول...

ههههههههههه

عملتي إيه يا توته في الإمتحان؟

ربنا يستر

الكلام عن اللجنة مايطمنش

بصي بقى يام دم خفيف إنتي والله عماله أضحك من كلامك السكر ده

أنا هقول كلمتين لكل بنت يحصل معاها كده من واحد تافه واطي بيتلاعب بمشاعر بنات حوا

الكلمتين حكمة لازن تعوها وتفهموها وتطبقوها :

اللي مايحطنيش تاج على راسه ماحطهوش جزمة في رجلي

يارب تكون الحكمة بتاعة خالتكم المصرية مفهومة

بحبك قوي يا توته وعلى فكرة أنا عرفت إسم النونو نياهاااااااااااا

عاشقة الأحزان يقول...

حبيبتى
ههههههههههه
مبروك البيبى
ههههههه
وانا عرفت اسمك مافيش جايزه بقا
ربنا يطمنى عليكى ياعمرى
شويه كده هكلمك فى التليفون عشان اشوف رافعتى راسنا ولا لاء
بحبك موووووووووت
انوسه

MaNoOoSh يقول...

الأول آمييييييييييين على كل الدعوات اللى على بتوع التعليم العالي.. وأحب أضيف على الدعوات كمان شحار مفسفس منتفخ.. على الله يحسوا بالطلبة شوية.

وربنا معاكي يا قمر ان شاء الله خير متقلقيش.


والحب بقى.. أنا احترت الصراحة.. اصل مفيش حد هيعرف يبقي حدء وناصح فى الحب.. لكن نقدر نستشف معدن الانسان اللى قدامنا علشان نعرف قد ايه غلاوتنا عنده بجد فى الحقيقة مش فى الكلام.. وده بقي بيبان لما الأمور تبقي في اطار مشروع زواج.. انما لو نظام قضيها الناس لبعضيها فساعتها اساسا معظم الولاد بيبقوا مستبيحين البنت اللى قدامهم.. ولو زهقوا منها بيدوروا على غيرها ويسيبوها.
والبنت الناصحة هي اللى تنسي اى واحد من الصنف دة.. وتدور على راجل بجد يكون ليها الأمان فعلا.

المهم سيبك بقي وروحي كملي مذاكرة وان شاء الله الامتحانات الجاية تكون أسهل.. سلام يا قمر

احساس طفلة محبة للرومانسية بس واقعية يقول...

اعااااااااااااااا
هو انتى بتنزلى البوستات دى امتى ؟
لا انتى بتختارى سبت وحد مخصوص صح ؟

ندخل فى التعليق عشان انا متغاظة جدا
هو كدا فاتنى كتير ولا اية ؟

التعليق بقى عشان البوست دا برضو يغيظ اصل انا عارفة دا بيحصل وساعات شباب هم اللى البنات تسيبهم على فكرة

المشكلة بتكون فى المجروح اللى فكر ان الدنيا انتهت ما هو لو يفهم ان فعلا الطرف الاخر هو الخسران مش بس كلام بيردده كان ممكن يكون افضل

بس هو اصلا الطرف الاخر مخسرش بالعكس دا كسب زى ما بتقولى ريح بالك اهو دا مبدائوا فى الحياة كدا

وكمان الطرف المجروح كسب بنفس مبداء الاغنية ريح بالك وانسى اللى نسيك
بس الاولانى كسبان راحة بال مؤقته ومتعة زائفة
اما المجروح كسب الفرار من حد مكنش بنفع يأمنه على حياته ويشاركوا الدنيا ويكملوا مع بعض المشوار

بحس ان البنات والاولاد اللى بالشكل دا والحب بينهم كام رسالة وكام كلمة ميعرفوش معنى الحب وببقى نفسى اقولهم الحب مش كدا بس اهو واقع ولا مليون سنة حد ممكن يسمع نصيحة حد خصوصا فى الحب

تقبلى مرورى

بنجاواتى يقول...

هو ده اللى بيحصل فعلا

بس ليه بيحصل ؟؟

لان طول الوقت البنت كانت بتكدب نفسها وبتوهم نفسها انها بتحبه او لقت الانسان اللى بيحبها ..ده من جانب البنت

اما الولد فحسبى الله ونعم الوكيل..مفيش اخلاق ولا دين ولا بيراعى ربنا فى حياته
ومش عارف انه لو الموضوع بالنسبة له عادى فبالنسبة لها مش عادى ..ويمكن عارف بس بيستهبل

بس بجد الخطأ الاكبر على الولاد اللى معندهومش اى مبادئ
عيال ربنا يهديهم


يللا سلام بقى علشان تعرفى تذاكرى :D

أحمـــــــــــــد أبو العلا يقول...

في شباب بتعمل كده؟
لا لا
داحنا غلابه

لا بجد اصلا لو في حد بيعمل كده, ده ميبقاش حب ولا غيره. ده يبقى واحد بيتسلى ومسيره يقع في شر عمله

بالنسبه للامتحانات, بصي للجانب المشرق فيها
انها خلصت
هههه

ان شاء الله تخرجي من الامتحانات وبأحسن تقدير ان شاء الله
عشان انتي معتمده على الله اللي في ايده كل النتايج

Lady E يقول...

الشعب لابد له من حكومه تشكمه : هههههه لأ انا فعلا فرحانه انك اول تعليق يا شيمو

وربنا يبعدنا عن المواقف الخنيقه دي يا اختي

Lady E يقول...

الشعب لابد له من حكومه تشكمه : منورة تاني تعليق يا شيمو

وحلوة اغنية شيرين على فكرة ضحكتني بجد وانا نازلة الكلية ورايحة امتحن

وللأسف البنوتة اللي حبت حد وطلع بالطريقة دي مش هتقدر تقول عليه معفن لأنها حبته واللي بيحب مبيكرهش وصعب يقول على اللي حبه معفن حتى لو هو كده فعلا

Lady E يقول...

hasona: وعليكم السلام ورحمة الله وبركاته

اللهم امين

كلام حضرتك جميل جدا بس للأسف الحب من وجهة نظري المتواضعة انه بيجي فجأه من غير اي ترتيب او حسابات او تفكير

كيكى يقول...

خير الله ما اجعله خير مانزلتيش يعنى بوست جديد!!!
تعالى عشان هتضربى
قربى















قربى كمااااااااااااااااااااان
















كماااااااااااان ياقلبى














بووووووووووووووووووووووووووووووم

حد قالك انى هاروح دريم بارك دى ياقلبى مجرد دعوة وعايزة حد بعد الامتحانات ينظم اليوم وتبقى مفتوحة لكل المدونين ونروح كلنا دى لسو مجرد فكرررررررررررة
فهمتى والله خليتنى اشك انا كاتية اية هى الناس لية ةمبقتش تفهمنى عااا
وعلى فكرة انا عرفت اسم البيبى على اسم ابن خالتى اقول بقى اسم خالتى
هع
عوووووووووو

صمت المشاعر يقول...

ومن خلف الأسوار احب اوجه كلمه للسادة بتوع التعليم العالي وأقول لهم يا سادة يا كرام تعليمكم عالي جدا ومحتاجين اسانسير علشان نستوعب ان اللي احنا فيه ده تعليم عالي مش واطي لا سمح الله


وشكرا لواضعي جدول الامتحانات وان شاء الله ربنا هيكرمهم بفسفس هستيري وهسهس واستبحس زي اللي كل الطلبة بتاعني منه


ههههههههههههه هو كدا فعلا من كتر ماهو تعليم عالي رجلينا وجعتنا علشان نوصله

اما بقي بالنسبه للحب لو حصل اللي قلتي عليه يبقي مش حب يبقي لعب عيال او تسليه ربنا يهدي الجميع

دمتي بكل خير وسعاده

وربنا يوفقك في الامتحان يارب

Lady E يقول...

عاشقة الأحزان : وعليكم السلام ورحمة الله وبركاته

تسلميلي يا انوس
بجد مش عارفة اقولك ايه
ربنا يكرمك ويسعدك ويبارك فيكي

بطلي تزعلي كل شوية عااااا

Lady E يقول...

dramaqueen : الحمد لله انك خرجتي من الحالة دي بسرعة يا كوين لانها بتبقى حالة قاتله وجميل ان كان معاكي ناس بيحبوكي قدرو يهونو عليكي

الحمد لله اللي فات فله يا روحي نياهاهاهاها ربنا يستر

امين

نورتيني ياقمرايا

Lady E يقول...

كيكى : ههههههههههههههههه المشكلة انهم مش بيبانو يا كيكي

Lady E يقول...

ELMASRYA - MRS WRITER: الحمد لله يا خالتو بالنوسبة للامتحان ضحينا بالأم والاب والجنين والدكتور كمان نياهاهاهاهاها

ربنا يسعدك دايما يا خالتو

اللي مايحطنيش تاج على راسه ماحطهوش جزمة في رجلي

عندك حق يا خالتو

وانا كمان بحبك اوي
وخلي اسم النونو سر بيننا يا خالتو ههههههه خلي باقي المدونين مش عارفين

Lady E يقول...

عاشقة الأحزان : هههههههههههه حسستيني اني كنت في كاس العالم مش في امتحان يا انوس

متحرمش منك يا قمرايا

Lady E يقول...

MaNoOoSh: يستاهلو الشحار المفسفس المتنفع يا ميوش هههههههههه

وحلو مثل قضيها الناس لبعضيها ده اول مرة اسمعه

فساعتها اساسا معظم الولاد بيبقوا مستبيحين البنت اللى قدامهم.. ولو زهقوا منها بيدوروا على غيرها ويسيبوها.
والبنت الناصحة هي اللى تنسي اى واحد من الصنف دة.. وتدور على راجل بجد يكون ليها الأمان فعلا.

عندك حق

تسلميلي يا احلى منوش
منوراني دايما بجد

Lady E يقول...

احساس طفلة محبة للرومانسية بس واقعية : يااااااااااه الحمد لله على السلامة يا احساس طفلة

وبعدين مفاتكيش كتير ولا حاجه

بس الاولانى كسبان راحة بال مؤقته ومتعة زائفة
اما المجروح كسب الفرار من حد مكنش بنفع يأمنه على حياته ويشاركوا الدنيا ويكملوا مع بعض المشوار

ايه الحكمة دي كلها انتي دماغ والله يا احساس طفلة ما شاء الله عليكي

وفعلا مفيش حد بيقبل النصيحة بالذات في الحب

دمتي بخير

Lady E يقول...

بنجاواتى : فعلا الغلط على الاتنين مش على طرف منهم لواحده

دمت بخير وفي سعادة يا بنجا