الأربعاء، 7 يناير، 2009

كل سنة وانتا حبيبي






كل سنة وانتا طيب ومن قلبي قريب والسنة دي معايا واللي جاي ويايا يا أغلى الحبايب يا سكر ودايب يا كل الحبايب كلك خير وطيب

فاكرة كل حاجة حلوة عملتهالي وعلمتهالي طول عشرين سنة الا كام يوم

فاكرة لما كنت نايمة وبحلم بصوت عالي وبقول الألوان الألواااان ونزلت الساعة 1 بالليل جبتلي الالوان اللي كان نفسي فيها وعملتهالي مفاجأة الصبح قبل ما اروح المدرسة

فاكرة لما عييت وانا في سنة تالتة ابتدائي وكان عيا جامد وكنت بتاخد الدوا اللي كان طعمه وحش جدا معايا علشان تشجعني اني اخد الدوا

فاكرة اول مرة سافرت وانا طفلة ومن حبي ليك عييت فترة طويلة ومخفيتش الا لما شفتك

فاكرة اول مرة قابلتني في المطار وجبتلي عروسة جميلة جدا

فاكرة لما اخترتلي وعلمتني في احسن مدارس

فاكرة حاجات كتير حتى قسوتك عليا فاكراها ودلوقتي بقول ان قسوتك أحن من قسوة الأيام

بابا حبيبي كل سنة وانتا طيب وبكل خير وصحة وسعادة

وكل سنة وانتا الى الله أقرب

وفي عيد ميلادك اللي هو مع عيد ميلاد السيد المسيح (سيدنا عيسى) بتمنى ربنا يحفظك ويحميك وينصرك ويكرمك ويفتح لك ابواب الخير والسعادة

بنتك المُحبة : lady e

هناك 5 تعليقات:

شفقة هانم واحسان بك يقول...

كل سنة وهو طيب
ويارب يخلهولك يارب
بس يعنى لا شفنا تورتة ولا حلويات ولا حتى علبة بيبسى
ايه البخل دى؟؟
انا مستنية الحاجة حلوة بتاعتى

Sometimes يقول...

كل سنة وهو طيب وبخير وبصحة يارب ويفضل منور حياتكم يااااااااااارب
اخبارك يا قمر ايه فى الامتحانات؟
ربنا ينجحك يا ليدى يارب
ومبروك الاخبار الحلوة بتاع الجريدة

كيــــــــــــارا يقول...

كل سنه وانكل طيييييييييب

وربنا يشفهولك يارب


ويرجعهولك بالف سلامه

mero-moory يقول...

السلام عليكم و رحمة الله و بركاته

happy birthday

كل سنه واونكل بخير وطيب وبكامل صحته يارب وربنا يباركلك فيه ويخليهولك دايما

فين التولته بقى :d

في رعاية الله

مسدس صغير يقول...

كل سنه وبابا طيب وبخير وربنا يجمعنا واياه مع النبى محمد صلى الله عليه وسلم فى الجنه دار المقام..