الحمد لله راحت سنة بكل أحزانها ونكدها وخنقتها ولحظاتها القليلة الحلوة وجت سنة جاديدة نتمنى من الله ان تكون سنة حلوة وكميلة وعسولة وبطبوطة وفرخوخة وكتكوتة وبالمرة أنفلونزا الطيور ههههههههههههههه (مش في طيور يبقى في انفلونزا الطيور اللي خلصت عند كل العالم ما عدا في مكان معين انتوا عارفينه وايييييييييييييه)
بصوا بقى في السنة الجديدة في فرح وفي زعل بس انا هركز على الفرح اللي في حياتي وهحاول بقدر الامكان اني اتجنب الاحزان (هيييييه حلوة حلوة حلوة ايه الكلام الجامد ده)
وفي البداية احب اقولكو اني اتكتب عني في الجرانين يا بوي وده بس علشان المدونين وغير المدونين اللي قرأوا مدونتي واحبوها واضافوها في المفضلة عندهم وكمان تابعوها
بجد من غير دعمهم ليا مكنتش مدونتي طفلة مش عايزة تكبر ليها وجود اصلا (هي المدونة ايه غير شوية قراء وبوستات فوق بعض)
شكرا ليكم من كل قلبي بجد بحبكم في الله وبحترمكم
وشكر خاص ليكي يا اسماء انك كتبتي عن مدونتي في جريدة العالم اليوم في العدد بتاع يوم الخميس 25/12/2008 العدد اللي دايخة عليه لغاية النهاردة ومش لاقياه عاااااا
بجد يا اسماء انا لما شفت ان رئيس التحرير أ- عماد الدين أديب كنت فرحانة جدا
وعلى فكرة عملتلكو دعاية كتير أي خدمة بس المشكلة في ان مفيش اعداد كتير بتوصل للمحافظات وخصوصا عدد يوم الخميس
الحمد لله السنة الجديدة وشها حلو عليا والامتحان النهاردة كان زي السكينة في الجاتو عكس الامتحان اللي فات
بس يارب اكون اتوفقت للإجابات النموذجية واخد تقدير بقىىىىىى
سلاموووووز
هناك 6 تعليقات:
الف مبرو ياحبيبتي
انتي تستاهلي كل خير
ويارب 2009 تكون جميله ليكي وللجميع
يارب تكون الامتحانات ك
لهاكدة وتكون سنة سعيدة عليكي تاني تعليق واول زيارة
كيــــــــــــارا : الله يبارك فيكي يا حبيبتي تسلميلي
حروف (دلو مرة ثانية وجرح ثاني سابقا) :
اللهم أمين بس مش كل الامتحانات هتبقى كده يا حروف ده استثناء واكيد الامتحانات الجاية هتيجي صعبة لان الدكاترة مكلكعين
بجد نورتيني وانا متابعه بلوجك من فترة بس للأسف لم تتاح لي الفرصة علشان اعلق
لكن بجد بلوجك من البلوجات المتميزة ما شاء الله ويمكن لأن انا كمان برج الدلو زيك ففرحانة بيكي
سلام عليكم
ازيك يا احلى ليدي اي
يا ستي اللى انا عملته ده حاجة بسيطة
ما تستهلش بوست بحالة
ولا اتنين ولا تلاتة ولا حته جاتوة ولا حتة اي حاجة
ههههههههههههههه
يا جميلة انت تستهلي كل خير
وان شاء الله ابارك لك ع الحوار
سلام
اسماء : وعليكم السلام ورحمة الله وبركاته
منوراني يا احلى اسماء في الحياة
واللي عملتيه يستاهل مدونات كاملة شكر ليكي
دمتي في حفظ الله
و يا رب دايما ناجحه ومتألقه
إرسال تعليق