.jpg)
ليه ليه ليه ليه ليييييييييييييه حظـــــي معاكي يا كليه كدااااااااا
في الامتحانات تفتكريني وفي عز الرحلات والحفلات بتنسيني
ولما وصلت تالتة خنقتيني وزهقتيــــــــــني وجننتيـــــــــني
لغاية لما خلاص قربتي تموتيني
روحي يا شيخة منك للـــه
يا كلية يا وحشة
********************
ماشي يا دنيا ماشي
عمالة بتجرحيني وعن احبابي بتبعديني
ومعنداني ولا مرة بتليني
بس عارفة ...
وحياة دموعي وسهر الليالي
وحياة قلبي اللي بتستضعفيه وبكل قوتك بتحاولي تموتيه
وحياة كل ثانية عشتها في حزن
وحياة كل الآمي وانيني
مش هستسلم خلاص تعبت م الاستسلام
مش هستسلم وايه تفيد الآلام
مش هستسلم لأني اتعودت
خلاص اتعودت على جرحك وغدرك وطعناتك المسمومة
*********************
امتحانات الفاينل بتاعت كليتنا الموقرة اتحددت يوم 30 من الشهر الحالي اللي هو شهر 12 يعني لسه باقي ع الامتحان 29 يوم بما فيهم يوم الامتحان ده غير الشفوي اللي كمان كام يوم والمفائجات الغير سارة (الامتحانات المفاجئة اللي الدكاترة بيفرسونا بيها)
اول مادة المفروض نمتحنها مش فاكرة فيها غير كلمتين وبس ((ان هذا النقد مضلل)) وقلقانه جدا ومع ذلك بمسك الكتاب 5 دقائق وابقى كده ذاكرت جدااااااااااااا
والغريب اني بحب القراءة جدا اليومين دول وبقرأ الكتب من الجلدة للجلدة زي مثلا كتاب مسرحية هاروت وماروت للكاتب : علي أحمد باكثير
وكتاب حكايات غريبة بين السماء والأرض للكاتب محمد احسان عبد القدوس وبقرأ كتب تانيه كتير مش بكملها .
واني بحب القراءة ده معناه اني بقرأ اي حاجة الا كتب الكلية وانا عارفه ان ده تقصير مني بس حقيقي مش عارفه فيه ايه؟؟؟!!
هناك 15 تعليقًا:
ههههههههه
أنتى ضحكتينى أوى
مش عارفة أقولك إيه أصلى لسة سنة أولى بس أنا بذاكر
طب ما تعملى جدول بس تمشى عليه بجد و متحمرئيش و متهيألى تقدرى تلمى ز لا إيه؟
يابنتى ايه بس الى عملاه فى نفسك ده ما احنا برده امتحناتنا أخر الشهر
وبعدين بنحاول نتسلى كده فى المذاكرة
الموضوع بسيط يعنى
وبعدين أنا برده عندى نفس المشكلة أحب اقرأ الكتب كلها واجى على كتب الدراسة اكون مش طايق اقعد على الكتاب
يلا هنذاكر هنذاكر دى حاجة منتهية
دى أخر سنة ليا وعايزين نعدى على خير
بالتوفيق دايما
هههههههههههههههه
بجد ربنا يكرمك وتعملى كويس اوى فى الإمتحانات
هههههههههههههههههه
والله انتي زي العسل
عجبني اوي الكلام اللي انتي كتباه في الاول عن الكليه
وعجبني اوي الكلام دا
وحياة دموعي وسهر الليالي
وحياة قلبي اللي بتستضعفيه وبكل قوتك بتحاولي تموتيه
وحياة كل ثانية عشتها في حزن
وحياة كل الآمي وانيني
مش هستسلم خلاص تعبت م الاستسلام
مش هستسلم وايه تفيد الآلام
حسيت فيه بقوه ومواجهه جامده اوي
ربنا يعينك
بس يا بنتي متعمليش في نفسك كدا مانا شغاله ميد تيرم
وفي اول 1 الفاينال ان شاء الله
دا غير الكويزات والاورال والبراكتيكال
:( :(
بس رغم كدا بحاول اذاكر اهو اشيل شويه ماللي عليا
ولما اكون مش مذاكره بعيد عنك يعني اروح زي الحمار :D :D بس مش بحضر المحاضرات واقعد اذاكر
هههههههههههههههه
بس لازم تشدي حيلك كدا
وربنا معاكي
يلا انا همشي اذاكر عشان موصلش للحاله اللي انتي فيها دي
سلام يا جميل
ليـــــــــــــــه
ليه تفكرينى .. انا زيك بالظبط
بس امتحانات الفينال 12/1
ومعملتش ولا بروجكت ولسه العملى والشفوى
ومعرفش اليوم بيضيع ازاى
ومعتبره نفسى ف اجازة بعد الميدترم
وبنام كتير اوووووووووووووووووى
المفروض اشجعك بالكلام ..
ربنا معانا يارب
وحاولى تركزى شويه
وربنا يوفقك يارب ويوفقنا كلنا
هههههههههههههههههههههههههههههههه
برضه الكلية
حبيها ياصبحتي عشان تقدري تستمررررررررررري
ربنا يوفقكك في الامتحانات
معلش لما كلمتك كنت من موبايل ومكنتش عارفه اكتب
وحشاني ياثكره
ان شاء الله خير
انا ياما كنت بحس بالكلام ده قرب امتحاناتي ..بس دايما كان ربنا بيخليني اندمج مع مود الامتحانات وانعزل عن العالم وكأنيفي كوكب تاني..سبحان الله
فسبيها لله واكيد هتتحل من عنده
بجد المدونة بتاعتك جميلة ودمها خفيف جدا
تقبلي مروري الاول
تحياتي
مدونتك حلوة اوي ده اول زيارة ليا وبعدين بدل ما تقراي قصص وروايات اقراي كتب الكلية اعتبريها زي القصة
انا عرفة انا بقلك كلام انا اصلا مش بعملو انا عملة زي حلاتك صحيح انا لسة في اعدادي لكن المواد صعبة ومش عيزة افتح الكتاب ولما ماما تقولي زاكري اعد في الغرفة عشان محدش يشوف انا بعمل ايه
ههههههههههه
انا ودماغي : نو نو نو نو
يعني لا لا لا لا متقوليش حاجة خالص في فرق في الكليات سيدي القاضي
لو كليتنا الموقرة كانت زي كليتكو الكميلة كانت فتحت النفس عالمذاكرة
وده مش حسد ولا ار لكن حقد بس ههههههههههههه
وموضوع الجدول بعمله بس قبل الامتحان بكام يوم :)
ربنا يوفقنا يااارب
نورتيني يا كميلة وياللي كليتك كميلة :)
mohamed ghalia:نتسلى في المذاكرة عجبني التعبير ده جداااااا
هحاول اقنع عقلي الباطل ان المذاكرة تسلية مع انها مش تسلية خالص
انا مقتنعة ان الموضوع بسيط بس حاسة ان المواد كلها بقت سلطة او شوربة عندنا 10روايات ومسرحيتين ده غير القصص القصيرة وباقي المواد اللي مش فيها روايات
فبقيت مش عارفة مين بيحب مين ولا مين اتقتل فين وبلخبط في الابطال بتوع الروايات وان شاء الله فعلا لازم نذاكر
هنذاكر يعني هنذاكر لا مفر
ربنا يوفقك في البكالريوس وان شاء الله تاخده بأعلى تقدير
دمت في حفظ الرحمان
blue-wave : دكتر انتا متأكد انك هنا ولا جيت بلوج غلط ولا ايه
احل كويس واوي كمان في الانطحانات ده تفائل تفائل يعني
لا لست ذلك الشخص الدحاح
وعلى اي حال ربنا يستجيب دعائك ياااااااااااارب
منور دايما يا دكتر
hager za3bal: ربنا يوفقك في الميد تيرم وباقي الانطحانات يا قمرايا
وسعيدة جدا ان كلماتي عجبتك
وضحكت جدا على انك هتذاكري علشان متوصليش للحالة اللي انا فيها هههههههه
على اساس اني بشد في شعري مثلا وخلصت علبتين كلينكس على دموعي
لا بجد كويس ان البوست شجعك عالمذاكرة
ربنا يوفقك وتبقي دكتورة اد الدنيا
e_emy: اليوم فعلا بيضيع في غمضة عين
وحبيبنا الاول النوم بياكل اكتر من نص وقتنا
بس المفروض منستسلمش ونذاكـــــــر
ومش المفروض تشجعيني لكن قولي اللي في قلبك وادينا بنعرف مش بنذاكر ليه علشان نحاول نذاكر بقى لان مبقاش في وقت !!
ربنا يوفقنا يارب وابدأي في البروجكتس بتاعتك لأن كده مش هتلاقي وقت ليها
دايما سعيدة بتعليقاتك الجميلة يا قمرايا
مولان: اعمل ايه بس ما انا مخنوووووووقة منها مع ان كان جالي عشي ليلي في عيني واخترتها
وكتبتها في الرغبات بتاعت التنسيق
وكنت واثقة انها هتجيلي بس مكنتش متوقعة انها تبقى كده عااااااااااااااااااااااااااااااااااااااااااا
احبها؟؟!!!!! ده من عاشر المستحيلات
الحمد لله على سلامتك وولا يهمك انا فهمت انك كنتي بتكتبي من الموبايل
الكتابة عالموبايل خنيقة اصلا
نورتيني يا قمرايتي
ليه بس يانونا ياقمريتي
طيب بصي مش تحبيها هي بس حبيني انا واللي بيحبني يستحمل المذاكره اللي عليه
ها حوه كدا
اممممممممممممممممموه بوسه كبيره لبنتوتي حبيبتي
إرسال تعليق