الاثنين، 15 ديسمبر 2008

شوز ورى شوز

كان يا مكان في قديم الزمان وايام لما كان عندي بتنجان حضرت حفلة من حفلات واحد فنان واسمه هشام عباس
والحفلة دي مكنتش في مصر المهم الحفلة كانت عالبحر ففي نص الحفلة طلع شاب من وسط الجمهور ورمى هشام بالرمل في عينيه وقال له الغنا حرام وفي ثانية اتجمع الامن حوالين الشاب وطحنوه من الضرب وهشام اتكلم كلمتين وغنى اغنيتين وطلع في حماية مشددة من الشرطة وروح في عربية الشرطة كمان والشاب اتنفخ طبعا
طب ليه بقول الكلام ده علشان امبارح كنت نايمة وصحيت على خبر انهم ضربوا بوش بالشوزات (جمع شوز) فكنت متخيلة ان عراقيين اتلموا حواليه وضربوا بكذا شوز وبعدين فتحت المدونة بتاعتي ولقيت مدونات اتكلمت عن الموضوع فقلت ادخل عاليوتيوب واشوف ايه اللي حصل لقيت صحفي واسمه منتظر الزايدي مراسل قناة البغدادية رمى بوش بالشوز وياريته جه فيه لكن بوش اخد الموضوع بهزار علشان صورته متتهزش وده اللي فهمته من الفيديو اللي ع اليوتيوب واتأكدت من ظني تاني يوم لما شوفت قناة الحياة

المهم مطرب اترمى عليه رمل فاللي رمى عليه رمل اتضرب واتنفخ ما بالنا برئيس اترمى عليه شوز وده مش أي رئيس ده امريكاني
الله يكون في عونك يا منتظر اكيد هيموتوه خلية خلية علشان يعذبوه

هناك 10 تعليقات:

blue-wave يقول...

مازلت عند رأيى
التعبير عن الرأى مش بالجذم
التعبير عن الرفض مش بالجزم
حرام الشاب دا تضيع عليه حياته ويتعذب
كسب ايه؟
احنا كسبنا ايه؟
بوش كلب ويستاهل
لو كان لسه فى الحكم
ساعتها كانت هاتبقى ضربة لأمريكا
لكن هوا دلوقتى مجرد فرد
مايستاهلش حد يضيع حياته علشان يهينه

مسدس صغير يقول...

انا بعتبر اللى منتظر عمله ده سبق صحفى قبل اى صحفى تانى.. طب فيه حد ضرب بوش بالجزمه اقصد بالشوز زى مانتى بتقولى غيره؟؟ لا طبعا
والله ده شرف كبير لمنتظر ان التاريخ الصحفى يخلدله حاجه زى كده..هههههه تقبلى تحيتى ياللى مش عايزة تكبرى..

هانى زينهم يقول...

فى النهاية كلنا هنموت بس هو موته هيعيش بيه على طول وانا باختلف نمع دكتور عمرو لان اللى حصل ده اسوأ نهاية لرئيس امريكى وكل حكمه هيتنسى الا الضرب بالجزمة ده ومش هيفضل الا " بوش اللى اضرب بالجزمة " .

mohamed ghalia يقول...

ربنا معاه راجل والله
ربنا يحفظه بس مش هيشفى غليلنا برده لأنى أوباما بيكمل المسيرة وكلهم بيكرهونا كره العمى وحبيبهم اليهود
ربنا معانا ومع العراقيين

ANGHAM ALLAM يقول...

بجد كان موقف جامد جدا
بوش ماشووه و اوباما جابووه
و بوش بالشوووووز ضربوووووه
بس على فكرة الشوز التاني جي
فيه دة الصحفي دة هيفلقوووه
ياريت تقبليني صديقة
Angham Allam

اقصوصه يقول...

الله يحفظه يا رب

تدوينه جميله

بانتظار جديدك

تمنياتي بالتوفيق :)

Unknown يقول...

بجد عجبني جدا صحيح هتطلع روحه وروح أهله ده أكيد بس ده واحد جريء جدا جدا جدا
مودتي

moory-mero يقول...

السلام عليكم و رحمة الله و بركاته

تعرفي لما شفت المنظر ده في التي في يالهووي أنا كنت فخورة بالصحفي اللي عمل كده بجد وهاين عليا أشكره بنفسي في بلده وأقوله تسلم
هو صحيح هيروح ورا الشمس بل تحتها بشويات لكن بجد راجل ابن راجل
ياااااااه بوش ده ذرب الشوزات عليه موش كتير ده عايز يتجلد في ميدان عام وبشوزات المصريين والفلسطينين واللبنانيين وكل الدول العربية اللي شافت أذى منه وبعدين يتغربل بطلقات نارية بس يتعذب الاول بدم كل عربي مات بسببه

حسبي الله ونعم الوكيل الله ياخده هو وكل اللي زيه

انا مع المراسل ده بجد وحقيقي يسلم وربنا يحميه

في رعاية الله

بنت الغربة يقول...

الراجل الغلبان ده خلاص الله يرحمه هو واهله - يعنى كان لازم يضربه بالشوز مكان ضربه بالمسدس وخلصنا - على الاققل هنتشفى فيه شويه - لكن ايه يعنى شوز ولااتنين - ربنا معاه -وتحياتى ليك

كيكى عوووووو يقول...

والله الاماخخ هى الى جزم!11!1
نتمنا ان تكونى حضرتك بخير
عوووووووووووووووو