الأربعاء، 3 ديسمبر 2008

يا انا يا انتا



بعد المقدمة الطويلة عن اني مخنوقة ومضايقة من حاجات كتير اهمها النفاااااااااق اللي الناس بقت فيه بدليل ان لما بركب فوفو (عربيتي المتواضعة)
بيتريقو عليها وبيضايقوني لكن لما بسوق عربية بابا بحس بنفاق من نوع تاني ونظرات حقد لكن كلمات من وجهة نظرهم كويسة (كلام عيونهم غير كلام لسانهم)
ده ميمنعش ان في ناس طيبين وراقيين بس انا مخنوقة وبفضفض يمكن مكونش انا لوحدي اللي حاسة بكده (حد فهم حاجة؟؟)
وبعد الغم ده نغير الموضوع
النهارده تغلبت على ضيقي من الكلية ورحت الكلية وكان عندي صراع اخد التطعيم ولا لأ وخصوصا ان كان اخر يوم للتطعيم في الكلية النهارده وعديت ع المكان اللي بيقعدوا فيه الكتيبة البيضا والزرقا (الممرضات الفاتنات) وملقيتهمش
(احسن برضه) واتحسم الصراع جوايا وحسيت اني مزقططة وفكرة(لالا للتطعيم لا لا لا لا)بتاعتي انتصرت ومش هاخد تطعيم في الكلية كفاية بقى تطعيمات مكانوش بيقولولنا بتاعت ايه اصلا في المراحل الدراسية قبل الكلية
وطلعت المحاضرة لقيت الضاكتورة بتخلص في المنهج وبتقولنا كل سنة وانتوا طيبين
طب ما تبقي انتي طيبة وتدينا تقديرات وبلاش الامتحانات الفظيعة بتاااااااااعتك (والله مليش نفس ابص في الكتاب بتاع مادتها لاني عارفة التقدير اللي هاخده مهما ذاكرت فراكنة مادتها عالرف)المهم نزلت من المدرج وسمعت اعلان ضحكني في وسط رخامة الكلية : ( على الطلبة اللي مأخدوش تتعيم (تطعيم) الحزبة (الحصبة) سرعة التواجه والمرواح للمكتبة علشان ياخدوا التتعيم (التطعيم) ) فضلت افكر شوية يعني ايه حزبة وتتعيم بس فهمت في الاخر :)
وزميلاتي الحلوين كل ما اسأل واحدة اتطعمتي ولا لأ تقوللي بكل فخر وتباهي (طبعا اتطعمت) وكأنها بتقوللي (انا مصري وابويا مصري حضارة7000 سنة)
ويقولولي معقووووول متطعمتيش وكأني ارتكبت جرم شنيع وواحدة من زميلاتي اعرفها شكلا لقيتها دخلت في الحوار وبتقوللي ليدي متخافيش انا اخدت التطعيم وفضلت ساعتين اتألم بس
مش عارفة عرفت اسمي ازاي لكن طمنتني بصراحة :( واخدتني من ايدي وفجأه لقيتني قدام الممرضة وادبست في التطعيم وانا عندي فوبيا اصلا (محدش يقوللي فوبيا يعني انيميا الله يكرمكو)
فوبيا بشكل مبسط يعني ان الانسان يخاف من حاجة خوف شديد وبتوصل انه يغمن عليه لما يتعرض للشيء اللي خايف منه
والحمد لله الحمد لله اكتشفت ان مش عندي فوبيا من الحقن (مع اني زهقت الممرضة لغاية لما اخدت الحقنة) لكن اللي اكيد انه عندي فوبيا الدم عااااااااااااا (تبعا تبعا علشان انا رقيقة) وفعلا دراعي وجعني ساعتين بعد التطعيم مع ان الحقنة صغنونة خالص
واحساس ان الواحد يروح بمزاجه ياخد فيروس يدخله جسمه ده احساس مش حلو حتى ولو كان الفيروس ده مضعف او ميت بس برضه بيعمل دربكة في الجسم (التتعيم)
وبعدين كان علينا سيكشن والمعيدة الشوريرة زهقتنا وانا كل تفكيري في التطعيم وبفكر زي شخصيات شكسبير (السم يسري في جسدي اذن هو الرحيل الرحيـــــــــل الوداع يا كلية
احسن برضه هخلص منك هييييييييه)
ولا رحيل ولا حاجة واديني بكتب اهو

كل سنة وانتوا طيبين ومن الفتة مش مكتريين ماااااااااااااء

هناك 29 تعليقًا:

صفا سارة يقول...

ههههههههه
لا انا اخدت التطعيم ده بمزاجى قولت اخلص بس مجاش فى دماغى حته السم يسرى فى جسدى دى بس بجد انتى عسوله

romansy يقول...

هههههههههههههههههه
الحمد لله يا ليدى
رجعتلنا بالسلامه
سيبك من المذاكره دلوقتى خليها بعد العيد بعد ما تاكلى الفته كده واللحمه الضانى
واتغذى شويه لان شكلك ضعيفه

mohamed ghalia يقول...

ههههههههههههههههههههههههههههههههه
يلا حقنة تفوت ولاحد يموت
كل سنة وانتى طيبة وإن شاء الله العيد الجاى تكونى كبرتى هههههههههههه
تحياتى أختى العزيزة

Kiara يقول...

انا بقي لو كانت الحقنه دي فيها ايه

عمري مااخدها ابدااااااااااااااااااااا


يالهوي

ال حقنه ال

ده انا كنت تعبانه وعند الدكتور وعاوز يديني حقنه مخفضه للحراره

لكن ايه انا اصريت انه لا يعني لا

ال حقنه ال

يالهووووووووووووووووووووووووي دي تبقي هزلت

حمد الله علي سلامتك ياقمر من الحقنه

وربنا ينجحك ويسهل الانطاحانات عليكي

وكل سنه وانتي طيبه

e_emy يقول...

ههههههههههههه

وانتى طيبة ياجميل

حمدالله على سلامتك

ربنا يوفقك يارب

moustapha achraf يقول...

looool حلوة الحدوتة دية بس الحقنة علشان مصلحتك بس انا استحالة اخد حقنة من برة كدة انا اشتريها علشان نفيش حاجم مضمونة اليومين دول
you hav a nice blog and you are in my favroits blogs in my blog hope to visit it

غير معرف يقول...

انا جايه اقولك كووووووووووول سنه وانتي طيبه ويارب يكون عيد سعيد عليكي يااااااااااااااارب

غير معرف يقول...

♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒
▒♥▒▒♥kol Sana w antom Tayebeeeeeen♥▒▒♥▒▒♥▒▒♥▒▒
♥▒▒♥▒▒♥عـــــيــــد سـعـــيــــد ♥▒▒♥▒▒♥▒▒♥▒▒♥▒▒♥
▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥

Kiara يقول...

كل سنه وانتي طيبة ياقمري

عيد سعيد عليكي وعلي ماما سلميلي عليها اوي وحشتني هي كمان

غير معرف يقول...

ههههههههههههههههههههههههههههههه
أنت بجد مشكلة
أحمدى ربنا أنك عدتى سالمة بس مش غانمة
هههههههههههههههههههههههههههههههه

كل سنة و انتى طيبة يا قمر و عيد سعييييييييييييد

e_emy يقول...

كل سنة وانتى طيبة ياجميل

يارب يبقه عيد سعيد عليكى (:

غايبه عننا ليه ):

يارب يكون خير

كيكى عوووووو يقول...

حمد الله على سلامتك
عموما كل سنة وانتى دايما بخير
انا زعلانة بس حاسة انك مختفية وفى حاجة مضايقكى**
ان شاء الله اشحن واكلمك بس افتحى علطول
(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
عوووووووووووووووووووووووووو

عصفورة من الشرق يقول...

كل سنه وانتى طيبة
عيد سعيد

Unknown يقول...

أولا كل سنة وانت طيبة
ثانيا دي أول مرة أدخل المدونة دي بس حسيت بحاجة كده جوايا شدتني قوي فطولت هنا
بعد إذنك هآجي هنا علطول ياريت اصحاب المكان يسمحولي ويرحبوا بيا
بتقل عليكي عارف بس بإيدي ايه الكلام بجد شدني يمكن لإنه صافي
مودتي

Unknown يقول...

على فكرة أنا كمان آداب بس إعلام
مودتي مرة أخرى

Lady E يقول...

صفا : اهلا بيكي يا قمرايا

احلى حاجة انك اخدتي حقنة التطعيم بمزاجك بجد شطورة

نورتيني يا قمرايا

Lady E يقول...

romansy : الله يسلمك يا رومانسي هو انا كنت مسافرة ولا ايه :)

وبلاش نصيحة اسيب المذاكرة دي بالذات لاني سايبها فعلا :(

كل سنة وانتا طيب

Lady E يقول...

mohamed ghalia : وكل سنة وانتا طيب وبخير وسعادة يا محمد
ومتقلقش مفيش امل اني اكبر :)

Lady E يقول...

مولان : هيييييه حبيبتي جت
ايون ايون انتي هتقوليلي عارفه انك بتترعبي من الحقن
والف سلامة عليكي يا قمرايا والحمد لله ان ربنا شفاكي من غير حقن :)
وبجد محتاجة لدعائك ده جدا ربنا يستجيبه منك يااااااارب
كل سنة وانتي طيبة وبصحة وسعادة

Lady E يقول...

e_emy : الله يسلمك من كل شر يا قمرايا
ربنا يوفقني ويوفقك ويوفق الجميع في الامتحانات عااااااا

Lady E يقول...

Oussama achraf : اهلا بيك
هي حدوتة واقعية وبالنسبة للحقنة الممرضات مش بيوافقوا ان حد يشتري الحقن :(
وشكرا على رأيك الجميل في البلوج وانك اضفته للبلوجات اللي بتتابعها والمفضلة
بس عندك تصحيح بسيط في كلمات الانجليش have ناقصة e وfavorites ده تصحيح الكلمة

Lady E يقول...

hager za3bal : وانتي طيبة وبخير يا قمرايا
نورتيني

Lady E يقول...

مولان : وانتي طيبة وبخير يا احلى نونا
ومامتي بتسلم عليكي

Lady E يقول...

انا ودماغي : نحمد الله بس مين قالك اني عديت سالمة انا عديت بحساسية يومين
كل سنة وانتي بخير وبصحة وسعادة يا قمرايا
نورتيني

Lady E يقول...

e_emy : وانتي طيبة وبخير وسعادة يا قمرايا
مش غايبة ولا حاجة

Lady E يقول...

كيكى : هييييييييييه عاش مين شافك يا كيكي
كل سنة وانتي طيبة يا قمرايتي

Lady E يقول...

kochia : thanks dear
happy feast

Lady E يقول...

عصفورة من الشرق : وانتي طيبة يا قمرايا
نورتي المدونة بعد غيبة كبيرة

Lady E يقول...

كاتب مصري : وانتا طيب وبخير يا كاتب
وعلى فكرة دي تاني مرة تزور المدونة مش اول مرة :)
وعلقت فيها كمان قبل كده
ومتشكرة جدا على كل كلامك عن المدونة واضافتك ليها في قائمة المدونات المفضلة
وربنا يوفقك في الكلية الامتحانات قربت