الخميس، 27 نوفمبر 2008

نص حالة


اللي بيننا نص حالة
نص الحب اللي يمكن نصها التاني استحالة
استحالة ...
استحالة نرتبط ابدا ببعض
كل ما نحاول نقرب نلقى بعد
زي ما يكون اللي بيننا شئ غريـــــــــب
لعنة الحــب اللي بتزل الحبيــــــــب
واللي بيننا نص حالة
واللي عشنا العمر نحلم بيه نلاقيه
بين ايدينا ولسه بندور عليه
زي كدبة عايشة جواها الصراحــــــــة
نص ضحكــــة , نص فرحــــــــة , نص راحــــــــــة
استحالة
نص الحب اللي يمكن نصها التاني استحالة
استحالة
أصالــــــــة من ألبوم نص حالة

هناك 16 تعليقًا:

e_emy يقول...

هيااااااا

اول تعليق (:


الاغنية تحفـــــة .....

والصورة عسسسسسسسل (:

blue-wave يقول...

الاغنية دى بجد من اجمل ما غنت اصاله
وعلى فكرة لما قولتلها كدا ضحكت وقالتلى انها هيا كمان رأيها كدا
بجد تسلم ايدك على اختيارها

mohamed ghalia يقول...

فعلا شكلها نص حالة
مش متابع جيد للأغانى
بس فعلا الكلمات حلوه
تحياتى

hager za3bal يقول...

انا بموت في الاغنيه دي
احلي اغنيه في الالبوم
بجد اغنيه رائعه...

كيكى يقول...

الصراحة مش سمعتها
بس كلامتها حلوة اوى اوى اوى
شكلك بتحبى اصالة اوى***
**************
حلوة اوى صورة بتاعت البوست الى فات
لازم يا امورة تاخدى الحقنة دى الحلوة ومش بتوجع خالص
ولا اندهلك ابلة ظاظا
ولا اقولك هاتى اديها لفوفو
اموااااااااة
عوووووووووووووووو

Lady E يقول...

e_emy: هييييييييييييه ايمي اول تعليق

الحمد لله على سلامتك من امتحان الداتا بيز

يا رب تكوني حليتي كويس

بجد كنتي وحشااااااااااني جدا جدا

منوراني دايما

اسماء يقول...

سلام عليكم
ازيك يا توتة
بصي يا ستي المدونة بتاعتك حلوة
وعاوزين نكتب عنها
ف ملحق تيلي بيزنس اللي بيطلع كل خميس مع العالم اليوم
يا ريت تقوليلي امتي هتكوني فاضية عشان اكلمك
انا كتبت عن لماضة وبطوط حبوب وهل تبحث عن السعاده وادعيلي بقا اكمل في مشوار المدونخانة بقا سلام
modawen5ana.blogspot.com

د/ رامي شهاب الدين يقول...

طبعا أصالة صوت مايختلفشى إتنين على قوته وحلاوته ..أنا شخصيا بأعتبرها سيلين ديون الشرق .. ماعلينا

أغنية نص حالة فى رأيى الشخصى لاتتعدى سوى كونها أغنية .. إحتمالية تكرارها فى الحياة صعب شوية

الحب مفيهوش حالة إسمها نص حالة ، الحب إما أبيض أو أسود .. لكن الرمادى مش موجود فى الحب

دمتى بكل الود .. تحياتى

☼♫♪ عمــاد الدين يــوسف ☼♫♪ يقول...

عجباني الاغنيه جدا والالبوم كله عموما رائع


تحياتي

Lady E يقول...

blue-wave: الأغنية رائعة من أول الكلمات الجميلة والعميقة لغاية اللحن اللي استٌخدم فيه الجيتار والكمنجات بشكل متقن جدا وجميل جدا وأخيرا غناء أصالة وادائها الاكثر من رائع بتحسسني فعلا بمعنى الكلمات ودايما بسرح وبروح لبعيد وانا بسمعها
والالبوم كله رائع وانا بحبه جدا وبالتحديد اغاني اوقات و بقى طبيعي وكان وهم

ويا بختيك يا دكتر عارف اصالة وحماقي مين ادك
تسلم عالكومنت الجميلة يا دكتر واللي عطاك يعطينا :))

Lady E يقول...

mohamed ghalia:أكيد الكلمات فعلا حلوة
شكرا لمرورك الجميل دائما يا محمد

Lady E يقول...

hager za3bal: فعلا الأغنية حلوة جدا

هي وباقي الالبوم

نورتيني يا هاجر

Lady E يقول...

كيكي : هييييييييييه حبيبتي جت
اسمعيها وابقي قوليلي رأيك
الكلمات فعلا حلوة بس الاغنية كلها احلى بكتير

***********
واتفضلي الصورة بتاعت البوست اللي فات متغلاش عليكي

ولالا للتطعيم مش هتطعم مش هتطعم
نو نو نو نو
منوراني يا كتكوتتي

Lady E يقول...

اسماء :وعليكم السلام ورحمة الله وبركاته

اهلا بيكي يا قمرايا منورة مدونتي

وبجد اسعدني انك بتعتبري مدونتي حلوة وكمان عايزة تكتبي عنها

انا متشكرة جدا على رأيك ده

وممكن تكلميني في اي وقت ان شاء الله

لان لو استنيت لغاية لما افضى يبقى مش هنتكلم

وبجد اختيارك رائع جدا لمدونة لماضة وبطوط حبوب وهل تبحث عن السعاده لانها بجد مدونات متميزة

ربنا يوفقك في المدونخانة ويبعد عنك الأجزخانة :)

دمتي بخير دائما

Lady E يقول...

د/ رامي شهاب الدين : فعلا اصالة من احلى واقوى الاصوات العربية

ونص حالة بتكاملها ده في اللحن والكلمات والصوت بالتأكيد نادر انها تتكرر

بس بختلف معاك في ان من وجهة نظري
مش دايما الحب بيبقى واضح وابيض او اسود

ساعات كتير بيبقى رمادي لما الحبيبين يكونوا مش متأكدين من مشاعر بعض

دمت بخير دائما يا دكتر

Lady E يقول...

☼♫♪ عمــاد الدين يــوسف ☼♫♪ : فعلا الاغنية والالبوم كله رائع لدرجة اني اشتريت الشريط وبسمعه على طول وكمان حطيت الالبوم عالموبايل لانه بجد البوم متميز من مطربة متميزة

دمت بخير دائما