الثلاثاء، 23 ديسمبر 2008

نورتي حياتي تاني يا أنتيمتي الغالية

امبارح رحت استقبلت انتيمتي حبيبتي من المطار القديم اللي مطلعش قديم واضحك علينا يا رجالة المطار القديم مبقاش قديم والمطار الجديد مبقاش جديد (حد فهم حاجة) اللي راح المطار قريب هيكتشف ان المطار القديم اتغير وبقى حاجة تانيه بقى مطار استايل وصالة 3 لسه مفتوحة من اسبوع بجد المطار امبارح كان شكله تحفه وصورته صورتين ولقيت الناس كلها بتبصلي وبيقولوا بعيونهم ايه الهبل ده حد يصور المطار او بيقولو ناس رايقة لكن معلش كله يهون علشان خاطر أحلى عيون (انتوا طبعا مش انتوا بتقرؤا بلوجي يبقى انتوا اكيد في مصر :)



دي الصورة الأولى واحنا داخلين صالة 3 ولا مطار اروبا





ودي الصورة التانيه من صالة 3 وانا بنتظر صحبتي الانتيخ

وأقولكو سر بس اوعو حد يقوله ويفتن عليا

انا كان نفسي الاقي حد من المدونين اللي بيزورا مدونتي في المطار ويكونوا جايين صدفة



اما بالنسبة للمطار الجديد اللي بالنسبة للمطار ده موقف ميكروباص فأنا كنت مصوراه من كام شهر لما رجعنا من عمان
وهو ده المطار اللي بنسافر وبنيجي عليه دايما
واخترت لكم صورة للمطار من بره علشان تعملوا مقارنة بس بين المطار القديم ومش قديم وبين المطار الجديد ومش جديد


الجو امبارح كان برد فظيع وصحبتي حبيبتي عملت لفتة لطيفة خلتني فرحانة جدا كلمتني والطيارة لسه بتتحرك في المطار
وسمعت صوت الطيارة وهي بتتحرك وكأني كنت معاها وفضلت مستنية صبحتي نص ساعة بعد مكالمتها وقعدت على الكراسي اللي هناك وببص على الركاب اللي راجعين من السفر وفي زحمة كبيرة جدا ولقيت بجد ومن غير مجاملة قمر نور المطار وفضلت اقول معقول صحبتي وانا مش مصدقة عنيا انها اخيرا في مصر كأن غيابها كان حلم طويل ومش عايز يخلص مع انها سافرت أأقل من شهر
واخيرا قمت وسلمت عليها وكنت حاسة اني في حلم جميل مش مصدقة انه الحمد لله اتحقق


أحسن حاجة في الدنيا الحب والأخوة في الله
بتحب حد لأنك بتحبه مش منتظر منه مقابل وبتلاقي ان حبك ده مش بيضيع لكن بتحس بحب غير مشروط
والحب والصداقة النقية بالشكل ده بقت نادرة جدا اليومين دول فالحمد لله ان ربنا رزقني بصديقتي انتيمتي وصديقاتي كلهم اللي بحبهم كلهم في الله
ربنا يحفظ كل اهلنا اللي بنحبهم واحبائنا واصدقائنا أمين يا رب العالمين

هناك 19 تعليقًا:

مولان يقول...

تقريبا صبحتك الانتيخ دي اللي هي معانا في الهاوي صح يانونا ؟؟؟؟ انا مش هكتب الاسم طبعا

ثانيا هو ده المطار العار اللي كنت بشوفه ده اتغير مليون درجه

ثالثا عامله ايه في المذاكره انا مقصره معاكي بس والله العظيم انا في حاله مش ممكن تتصوريها

رابعا

أحسن حاجة في الدنيا الحب والأخوة في الله
بتحب حد لأنك بتحبه مش منتظر منه مقابل وبتلاقي ان حبك ده مش بيضيع لكن بتحس بحب غير مشروط
والحب والصداقة النقية بالشكل ده بقت نادرة جدا اليومين دول فالحمد لله ان ربنا رزقني بصديقتي انتيمتي وصديقاتي كلهم اللي بحبهم كلهم في الله

ده كول الخلاصه

e_emy يقول...

امين ياااااااارب

حمدالله ع سلامتها (:

ربنا يخليكى ليها ويخليها ليكى

وتفضلوا اصحاب واخوات للأبد يارب

mero-moory يقول...

السلام عليكم و رحمة الله و بركاته

وانتي بتنقلي مشاعرك لثبحتك وانتظارك ليها فكرتيني بثبحتي اللي مسافره وغايبة حني
بث تعلفي اللافته اللي قولتي حليها عملتها محاكي
نونا ثبحتي كلمتني وهي مثافرة وهي في الطيارة ياثلام أد ايه انا بموت فيها
وبكد حاثة بيكي اووووي

ربنا يخليكم لبعض ويرجعلي ثبحتي بالثلامه يارب

في رعاية الله

بسبوسة يقول...

يارب يسعدكم دايما

هانى زينهم يقول...

والله جميل الحب ده بين الاصحاب ربنا يديم صحبتكوا فى الخير . وحمد الله على سلامتها .

صفا يقول...

ربنا يخليكوا لبعض يا رب
:)

Sometimes يقول...

الحمد لله
بجد احساس الصداقه ده احلى ما فى الدنيا
بقولك ايه
عامله ايه فى الامتحانات
ودكتور اسلام ده اسمه اسلام الصادى ولا ايييييييييييييييه
ردى عليا ربنا يريح قلبك

بنت الغربة يقول...

مطار ايه ده ؟؟؟؟
ده انا شفت القرف كله فى المطار القديم
ولا الحمامات يييييييييييع ماقولكيش
امتى ده حصل؟؟؟
يارب تبقى المعلومه بجد وانزل المرة دى وماتقرفش زى كل مره
عموما حمد الله على سلامة صاحبتك الانتيم
وربنا يخليكم لبعض
وابقى استنينى فى المطار انا كمان
ولا انا ماليش نفس
تحياتى ليك ياقمر

اسماء يقول...

اولا سلام عليكم
وحمدا لله على سلامة صحبتك
ثانيا بصي يا ستي بقا انت مدونتك اتكتب عنها في المدونخانة يوم الخميس اللي فات ده
ويا ريت تحاولي تشوفيها معلش معرفتش اقولك قبلها او في يومها ادعيلي بس الظروف اللي انا فيها تمر بسلام
ويسعدني تعليقك على الموضوع
تقبلي التحية والسلام

Lady E يقول...

مولان : فعلا صحبتي الانتيم معانا في منتدى الهاوي لكن مش عارفه تقصدي مين يا نونا لأنك مقولتيش الاسم مش مشكلة لو كتبتيه لأنه اسمها عالمنتدى بس

ثانيا : فعلا اتغير جدا

ثالثا : الحمد لله انا عارفة ومتأكده ان الامتحانات هتيجي صعبة زي السنين اللي فاتت
يارب تطلعي من اي حالة حزن او تعب

دمتي في حفظ الرحمان

Lady E يقول...

e_emy : أميــــن

دايما ببقى سعيدة بتعليقاتك الرائعة يا ايمي
ربنا يوفقك في الامتحانات
ويحبب النتووركات فيكي :)

اسماء يقول...

سلام عليكم
ازيكم يا شباب المدونخانة
بصوا بقا الاسبوع القادم ان شا ءالله هيكون احتفال بمرور سنة على ملحق تيلي بيزنس
وده المفروض عدد مهم جدا للجريدة لانه بيجمع اهم والموضوعات وينشرها
وبالنسبة لباب المدونخانة بقالنا حوالي 6 اعداد
عاوزينكم بقا تقولوا لينا ايه اهم الموضوعات من وجهة نظركم اللي ممكن نناقشها في المدونخانة وايه مقترحاتكم يلا بقا عاوزين الهمة

Lady E يقول...

Mero-moory: وعليكم السلام ورحمة الله وبركاته
ربنا يرجعلك صبحتك بالسلامة ويخليكوا لبعض
لأن الصداقة بقت شيء نادر جدا في زماننا ده
منوراني دايما بتعليقاتك الجميلة يا قمريا
دمتي بخير دائما

Lady E يقول...

بسبوسة : احنا والمسلمين يا قمرايا
دمتي بخير دائما

Lady E يقول...

هاني زينهم : أميــــــــن
الله يسلمك من كل شر يا مستر

Lady E يقول...

صفا : أميــــــــــن
ربنا يوفقك ويوفقنا كلنا في الامتحانات

Lady E يقول...

Sometimes : عاملة كباية شاي باللبن انما ايه جميلة جدا :)
انا متأكده انك كنتي في نفس الجامعة اللي انا فيها يا نونا
وبالنسبة للامتحانات فأكيد هتيجي صعبة كالعادة
واوعي تكوني قريبة دكتر اسلام وتفتني عليا عاااااااااااا
والله محاضراته حلوة بس المشكلة في الامتحانات والشيتات

Lady E يقول...

بنت الغربة : لا تقلقي المعلومة بجد وصور المطار القديم اللي بقى جديد في البوست
بس انزلي على مصر للطيران مش على أي خطوط جوية تانيه لو عايزة تشوفي المطار القديم اللي بقى جديد
هو اتغير من بره اكتر من جوه
الله يسلمك من كل شر يا قمرايا
وان شاء الله قوليلي نازلة مصر امتى وانا اجيب ورد وأجي استقبلك في المطار بشرط اني اكون في مصر :)

Lady E يقول...

اسماء : وعليكم السلام ورحمة الله وبركاته
ثانيا : متشكرة جدا انك اخترتي مدونتي وكتبتي عنها يا قمرايا
وبالرغم اني اضايقت انك قولتي هتكلميني ومتكلمناش وكمان عرفت متأخر بس حصل خير
ربنا يسعدك ويفرج همك وتعدي بسلام من الظروف اللي مضايقاكي
وانا حاليا بدور على العدد ده من الجريدة واشتريت اعداد كتير بس مش لاقيه عدد يوم الخميس لان فات عليه كذا يوم بس بحاول الاقيه وهنتظر العدد على مدونتك المدونخانة وشكرا ليكي مرة تانيه