السبت، 16 أغسطس، 2008

حاولت وأحاول ...


كثيرا ما حاولت ان اخفف الآم واحزان من اقابلهم في الحياة ولكن دائما كنت اتلقى الصدمات
الواحدة بعد الأخرى ومازال قلبي يعاني حتى احسست انه لم يعد للحب والعطف أي مكان في قلبي

فقد اصبح قلبي كالصخرة حتى مع أقرب وأعز الناس الى قلبي

من الممكن ان اتلقى الضربة القاضية وحينها لن استطيع العودة للحياة فالصخر لا يتحمل الضربات

عندما أحب أحب في صمت ولكن هناك من هي أجدر مني على اظهار حبها على حساب حيائها
انها مجرد أقنعة تسقط الواحدة تلو الأخرى لتكشف الحقيقة القبيحة ان بداخل كل انسان شيطان اسود استحوذ على قلوب الكثيرين فأصبحوا يخفون شرورهم وراء كلام المديح أو كلمات الحب المعسولة
حقا لن اهتم كثيرا بعد الأن وسأمضي في طريقي
فربما أعثر على قلبي الضائع ذات يوم

lady e

هناك 8 تعليقات:

afew good men يقول...

حقولك ايه

حقا هناك كثيرين لا يجيدون التعبير عما في قلوبهم ولكن

اعلمي جيدا في الحب لابد ان يكون الموضوع مختلف \

خطوة للامام

اظهري لهذا النائم
من يسمع لهذه وتلك

هو ينتظر تلك الرومانسية الصامتة \

ينتظرها وربما ايضا يخاف ان يتحدث معها نظرا لبرائتها

الاقنعة لا تدوممع الزمن

النفاق الاجتماعي ظاهرة جميعا نستطيع تحديد ملامحها لذا

لا تقسي علي قلبك

دفعة للامام

بسلام وتبقي زي الفل

blue-wave يقول...

من لا يجيد التعبير عن ما فى قلبه
يظهر حبه فى عينيه
وعندما تقابلين من يفهم عينيك بدون كلام
ستدركين انك وجدتى قلبك الضائع
تحياتى

سلطان الغرام يقول...

لااااااااااااااااااااااااا

مش حلو وغلط

هو ايه ؟؟؟؟



كتمان الحب الوصول لمرحله من اليأس
اكبر دوافع الملل والكره والحيره


ولما نضع نفسنا في هذا

اطلقي لقلبك العنان وتركيه يحب ومن ورائه المعبر اللسان اجعليق يتكلم ولا تحاولي امساكه


وبنستني لحظات امل تعود

Lady E يقول...

afew good men: بجد سعيدة جدا اني اشوف تعليقك وخصوصا انك مشغول جدا اليومين دول ربنا يعينك

الحب احيان كتير صعب التعبير عنه
مثلا في أغنيه ساكن قصادي لنجاة في الاغنية دي الحبيبة كانت في قمة الحب بس حيائها وكبريائها منعوها انها تصارح حبيبها بحبها وفضلت تحبه في صمت علشان يمكن يكون بيحب او اي حاجة تانيه وده اللي حصل فعلا وللأسف كمان مفيش بنت (مسلمة)شرقية تقدر تقول لشاب شرقي برضه انها بتحبه مستحيل مش هيكون فيه تقدير لكلامها
المفروض هو يحس بحبها وميبقاش سلبي وينتظر الرومانسية لكن هو اللي يصنعها

بالنسبة للأقنعة فهي بتسقط بعد فترة بس للأسف بعد فترة من الوهم والخداع ومش بيفضل غير الندم على معرفة اي شخص منافق

اما قلبي فهو اللي بيقسى عليا مش انا اللي بقسى عليه

شكرا للرأي الجميل ده

ونورت البوست والمدونة كلها

Lady E يقول...

blue-wave :
وانا مش همل من البحث عن قلبي الضائع لكن مش شرط اني الاقيه في حب شخص
بالعكس الحب عندي مفهومه اكبر من كده بكتير
شكرا ليك على متابعتك الدائمة وزيارتك العطرة دائما يا دكتر

Lady E يقول...

سلطان الغرام : اهلا بيك

معلش بقى
اول مرة تزور المدونة تلاقي البوست الكئيب نوعا ما ده
لأن الحب معناه كبير جدا فالرد على كلامك صعب جدا جدا
ولأنك محددتش اي نوع من انواع الحب فأنا هتكلم عن الحب المطلق لله سبحانه وتعالى او للأهل او للأصدقاء
فعدم التعبير عن الحب وقتها بيكون كارثة وده اللي انا بمر بيه حاليا
مش قادرة اظهر حبي لكن متأكده ان كل اللي بيحبوني حاسين بيه

اما بالنسبة لحب الحبيب والحبيبة فده مستحيل ان بنت (مسلمة)شرقية تظهره وكمان تطلق العنان لقلبها ولسانها فيه
وخصوصا لو كان الحبيب مجرد حبيب مش خطيب او زوج

شكرا لزيارتك الجميلة دي وان شاء الله متكونش الزيارة الاولى والأخيرة

طبيبك الخاص يقول...

السلام عليكم

من الجميل ان يكون فى قلبك كل هذا الحب
اولا:حبك لله سبحانه وتعالى مش محتاج انك تظهريه فهذا بينك وبين الله وحده..لا يهمك اى انسان على وجه البسيطه..

ثانيا:حبك لاهلك واصدقائك..اذا كنتى لا تجيدين التعبير عنه...فحبك لهم بيظهر بعدد من المواقف من الخوف عليهم والتودد اليهم..وانك انوا بيقابلوا هذا الحب بصدمه وجفاء وعدم فهم بانك بتحبيهم وخايفه عليهم...مسير الايام تبين لهم صدق حبك ليهم وخوفك عليهم...انا كده مع اصحابى تخيلى بقه

ثالثا: حبيب الحبيبه للحبيب فى هذا الحب الكلام هو اللى بيكون ليه الدور الاخير لان فيه حجات كتير قبله زى احساسك باراحه والامان لهذا الشخص وان كان اللسان لا يتكلم فهناك من هو ابرع منه فى التعبير عن الحب دون رياء ونفاق وهى العين.......صدقينى لما يجى ابن الحلال هتلاقوا نفسيكم مشدودين لبعض دون ان تظهروا هذا باللسان.....وبرده ان كنت كده مع حبيبتى التى اتمنا من الله ات تكون من نصيبى....

فى النهايه:ربنا يوفقك ويملى حياتك حب غى حب ويرزقك بالانسان اللى يقدر هذا الحب ويفضل شايلك على راسه الى اخر العمر


تحياتى

Lady E يقول...

طبيبك الخاص : وعليكم السلام ورحمة الله وبركاتة

أكيد عندك حق في أولا
بس انا قصدي بإظهار الحب لله سبحانه وتعالى طاعته وانا بعتبر نفسي اول المقصرين في طاعة الله سبحانه وتعالى وفي شعر بيقول ان الحبيب لمن يحب مطيع

ثانيا : صعب جدا عدم التعبير عن الحب لأقرب الناس لينا زي ما ذكرت المواقف المختلفة بس في رأيي المواقف بس مش كفايه
لأن الحب أفعال واقوال
والأفعال مش مواقف وبس ده المفروض يكون اهتمام كامل بكل اللي بنحبهم

ثالثا : تمام انا موافقة جدا على رأيك
وربنا يوفقك مع حبيبتك يا رب ويجمعكم على خير

متشكرة جدا على كلماتك الجميلة يا دكتر
وربنا يستجيب دعائك اللهم أمين

دمت بخير دائما