الخميس، 9 سبتمبر 2010

قائمة الأمنيات في ليالي الأعياد


في الصباح أفتح عينياي فيملأني الأمل- صباح الفل- أنوي أن أجمع الأمنيات التي أتمناها وأحلم بها ويبهجني تحقيقها وأتمناها في ليلة العيد لعل هذا يكون – فال حلو- أن تتحقق أمنياتي وتبهجني مثلما تأتي الأعياد لتبهجنا – المفروض يعني انها بتبهجنا- أفكر وقبل أن تأتي أمنياتي أتذكر أننا أمة فقدت القدرة على الحلم والتمني منذ زمن ولو أعطي لنا المصباح السحري فلن يعرف الكثير منا ماذا سيفعل بالأمنيات السبعة

بدأت الكتابة في ذهني وكانت الأمنيات كثيرة ثم توقفت فليس بالتمني وحده تتحقق الأمنيات – مفيش بابا نويل هيحققها لي – يجب أن أسعى لتحقيق الأمنيات بنفسي ولكن هناك أمنية واحدة فقط لا أستطيع أن أسعى لها وحدي يجب أن تكون مع من أحبهم يجب أن أتشاركها مع من حولي

اتمنى أن أفرح وأبتهج وأسعد من كل قلبي وأن يزورني موكب الفرح

أن يكون الفرح في حياتي أساسي والحزن كومبارس– ده حتى العيد فرحة- أريد الفرحة الحقيقة بقوة وأبحث عنها في كل مكان وهسأل عنها موج البحر وفيروز الشطآن :)

فاقد الشيء بيدور عليه وبالتالي معندوش منه علشان يعطيه وأنا أرغب بشدة أن أسعد وأٌسعد

أتمنى أيضا في المستقبل القريب أن أكتشف القاهرة والإسكندرية بكل ما فيهما من سحر وروعة - طبعا مش بيكونوا كده دائما-

من الفظيع أن يرتبط معنى العيد عند المصريين بتنفيض البيت والإرهاق الشديد الذي يسببه هذا التنفيض فلا نستمتع بالعيد وهنا في صلالة يرتبط العيد بالبخور والعطور والحلويات التي يمتلأ بها الهايبر وبتجديد المنزل وتغيير شكله وبرغم كل ده مش لاقية ولا وردة طبيعية يتيمة في صلالة كلها لأني بحب الورد جدا خصوصا في الأعياد بس للأسف هنا مش لاقياه .

أشعر بأن فيروز تغني في قلبي ليلة عيد ليلة عيد الليلة ليلة عيد .... صوت ولاد تياب جداد وبكرة الحب جديد وتملأني أم كلثوم بهجة ب يا ليلة العيد أنستينا وجددتي الأمل فينا يا ليلة العيد

أحب الأغنيتين كثيرا خاصة عندما تقول فيروز وبكرة الحب جديد وعندما تقول أم كلثوم هلالك هل لعنينا فرحنالو وغنينا

أنا أستحق الفرحة وفي العيد سأنسى كل ما لا أستطيع تحقيقه الأن وسأنسى الهم العام والخاص

سأنسى اجتماع صديقاتي للخروج يوم العيد – وأنا مش معاهم- وسأنسى الرغي مع صديقتي المفضلة بالنص ساعة لغاية لما تزهق من كتر الرغي وسأنسى الحزن الجاثم على قلبي في يوم العيد وأطرده شر طرده كلما جاء بدون استئذان

سأفرح لأن الله جعل لنا مواسم للفرحة فــــــــلــــنـــــــفــــــــــــرح

-------------------------------------

ع الهامش : الصورة اللي فوق دي فيها أول تجاربي مع الفوتوشوب

هناك 27 تعليقًا:

ميلودى سبورت يقول...

كل سنه وانتى طيبه وانشاء الله تفرجى وتحققى كل الى انتى عاوزاه بس الضحك احلى حاجه ف الدنيا اضحكى

rack-yourminds يقول...

كل سنه وانتي طيبه ودايما حياتك كلها افراح وحقق الله كل امانيكي وامنينا

Hamdy يقول...

كل سنة وانتي طيبة ..

واحد وخلاص ..

R-H-S يقول...

كل سنه وانتي طيبه

mrmr يقول...

كل سنه وانتى طيبه
ربنا يعيد علينا وعليكى الاعياد بخير
وتحققى كل ما تتمنيه
وتفرحى كمان وكمان

موناليزا يقول...

فعلا بغض النظر عن اى حاجة احنا لازم نفرح فى العيد
كل سنة وانتى طيبة ويارب يكون عيد فرحة وسعادة علينا جميعا

وحلوة الصورة:)

FAW يقول...

كل سنة و إنتي طيبة . .

فراشة يقول...

حبيييييييييييبة قلبي والله وحشاااااني جدا جدا وحاسة بيكي خالص (كلنا ف الهوا سوا - قصدي الغربة يعني :) )

والله انا ف العيد بصحي نفسي اضحك والعب وانسى نفسي وكل حاجه وحشه ف الدنيا واعيش ولو يوم كدا من غير تفكير ف اي حاجه

ربنا يفرح قلبك يارب و السعادة تملا ايامك وساعاتك الحلوة تبقى كتييييير


حلوة الصورة ولايقه ع الكلام
كل يوم وانتي مبسوطة وفرحانه وسعيده يارب

Lyssandra يقول...

كل سنة وانتي طيبة يا ناسياااااانا :)

ازيك يا ليدي
يارب تكوني بخير

د. ياسر عمر عبد الفتاح يقول...

ربنا يحققلك كل أمانيكي
كل سنة والأمة كلها بخير
وتقبل الله منا ومنكم

بعودة الأيااااااااام

Sarah .. يقول...

كل سنة وانتى طيبة يا ليدى :)
يارب دايما بخيير وربنا يحققلك احلامك ويفرحك
قولى ااااااااامين

يارب يكون عيد جميل عليكى
:)

فاتيما يقول...

كل سنة و انتى بألف خير يا لولو

عيد سعيد عليكى يا حبيبتى
و كل امنياتك تتحقق يا رب

الصورة حلوة قوووووووووى
تسلم ايدك
و عيونك الحلوة


بوسات و حضونات يا حبيبتى

ووحشتينىىىىىىىىى

~ISLAM~ يقول...

كل سنه وانتى طيبه
وافرحى براحتك متشغليش بالك بأى حاجه
اسرقيلك يومين فرحه كده من الدنيا
مش كتير عليكى
عيد سعيد

sony2000 يقول...

كل سنه وانتي طيبه وبخير
وصباح الحجات الحلوا:)

بنت الغربة يقول...

كل سنه وانت طيبه ياجميل
وان كان التنفيض مضايقك قوى كده بلاش تنفيض خالص...
ومش تزعلى ياقمر نهاؤى...
ماحدش واخد من الزعل حاجه اسألينى..
عيد سعييد ياقمر

Lady E يقول...

Admin : وانت طيب وبخير وصحة وسعادة

طبعا الضحك الصافي اللي من القلب احلى حاجة في الدنيا بس بقى عزيز اوي

ربنا يسعد أيامك

Lady E يقول...

rack-yourminds : وانت طيب وبخير وصحة وسعادة

اللهم أمين

عيد سعيد

Lady E يقول...

wa7ed w5las : وانت طيب وبخير وصحة وسعادة يا واحد وخلاص

لا تقلق عارف اقرأ اسمك بالإنجليش :)

Lady E يقول...

R-H-S : وانت طيب وبخير وصحة وسعادة

Lady E يقول...

mrmr : وانتي طيبة وبخير وصحة وسعادة يا حبيبتي

اللهم أمين

ربنا يفرحك ويحلي أيامك

Lady E يقول...

موناليزا : طبعا للصائم فرحتان فرحة لما بيفطر كل يوم عند الأذان في رمضان وفرحة يوم العيد

اللهم أمين

عيونك هما اللي حلوين علشان شافوها حلوة

نورتيني

Lady E يقول...

FAW : وانت طيب وبخير وصحة وسعادة

محمد ناصر الدين الهلالى يقول...

كل عيد وأنتى بخير وصفاء .. مرر اليوم الى هذا الواجب والمطلوب منى الأن بعد أن أجبت عليه أن أمرره لشلة مختارة من المدونين عشان أخد درجات أعمال السنة كاملة ، أحب أعرف أجبتك عنه - إذا حبيتى - ولاضير إن لم ترغبى فى حل هذا الواجب :

ما هي كتب الطفولة التي بقيت عالقة في ذاكرتك؟
مَنْ أهم الكتاب الذين قرأتَ لهم ؟
من هم الكتاب الذين قررت ألا تقرأ لهم مجددا؟
في صحراء قاحلة ، أي الكتب تحمل معك؟
ما هو الكاتب الذي لم تقرأ له أبدا ، وتتمنى قراءة كتبه ؟
ما هي قائمة كتبك المفضلة ؟
ما هي الكتب التي تقرؤها الآن ؟
اللي بعت الدعوه ؟
أرسل الدعوة لمدون واحد علي الأقل من أجل مشاركتنا باطلاعهم في القراءة ؟

غير معرف يقول...

افرحى بجد من جواكى
!!!!!
انا مش عارفة اتلم عليكى!!!
ااااااااااايه دنياااااااااا
كيكى عوووووو

غير معرف يقول...

لازم تعلمينى الحاجات الجديده دى

Lady E يقول...

يتبــــــــــــــع الرد على باقي التعليقات

كيكي وحشااااااااااااني

Lady E يقول...

فراشة : الغربة بتبقى بعيد عن الحاجات اللي بتحبيها ومتعودة عليها بس لكن بالنسبة لي مش غربة المكان

اللهم أمين ربنا يتقبل دعائك وليكي مثله يا فراشتي يا جميله

علشان بس عيونك حلوين

ربنا يسعدك ويحلي ايامك