الجمعة، 24 سبتمبر 2010

الحل السحري

بعد البوست اللي فات اتأكدت من كلام الشاعر أحمد شوقي الله يرحمه ان المصائب يجمعن المصابينا وكلنا مرينا بالكلاكيع والمنفسنين في حياتنا المهم نبقى أقوى ومنسمحلهمش يأثروا على احلامنا وطموحنا ناخد استراحة بقى من الحاجات اللي تضايق
---------------------------------------------

علشان نعرف حياتنا كويس لازم نقرب أوي من نفسنا وعلشان نقرب من نفسنا لازم ندخل جواها ونعرف أكتر عنها
عندي الحل السحري لمعرفة النفس والقدرات نجيب ورقة فاضية أو صفحة وورد فاضية :) ونعمل قوائم
ونبدأ بقائمة للحاجات اللي انجزناها في حياتنا
– اهم انجازاتنا-
قائمة طويلة لأحلامنا وطموحاتنا – مش أقل من 101 هدف روحاني ومادي وجسدي وعلمي -
قائمة بأحسن صفاتنا وأكتر حاجة بنحبها فينا
قائمة للناس اللي بنحبهم ومنقدرش نستغنى عنهم وأدوارهم رئيسية في حياتنا
– لازم نسأل عنهم لو كانوا بعيد عننا -
قائمة بالأشخاص والأحداث اللي احنا ممتنين لهم
قائمة بأكتر حاجات بتعملها وبترفع من روحك المعنوية وبتسعدك
– في حدود المقبول محدش يشرب سجاير ويكتب ان دي اللي بتفرحه ! -
وأخيرا قائمة بالكلمات الانجليش او أي لغة تانيه بنعرفها
أنا عملت كل القوائم دي مش كلهم مرة واحدة ونتائجهم سحرية وبتحفز بجد
-------------------------------------
" احنا بندن أيوة ف مالطا جايز مرة نصلح غلطة لما هننطق كلمة حق" امبارح كنت في مدونة only hope وسمعت أغنية عجبتني أوي وربنا ما يوريكوا لما بتعجبني أغنية بفضل اسمعها كتييييييييييير كتقليد انها عاجباني وفرحانه بيها الأغنية اسمها كلمة حق لفريق بساطة وحبيت اشاركها معاكو وده لينك الأغنية :
http://www.mawaly.com/music/Basata+Band/track/44949

هناك 20 تعليقًا:

Ramy يقول...

فكرك كدة


طيب نحاول و نعملها و نشوف (:

iـــــــــــsــــــــــlــــــــــــaـــــــــm يقول...

ايوه كده ادينا فى الحاجات اللى ترفع المعنويه
مش تقوليلى جامعه
على فكره انا مش موقف حياتى عليها بس عارفه بحس بنقص لما حد بيسألنى عنها
المشكله مش فى السؤال ولا فى الشخص اللى سأله انا من جوايا حاسس بكده حتى لو من غير اى سؤال
جايز عشان كنت قبل ما ادخل الجامعه
كان المنحنى عندى تصاعدى بطريقه جميله جدا وفجأه بقى بينزل وكل ما يطلع شويه ينزلهم
على فكره انا مبسوط اوى من البوستات بتاعتك
وهجرب اللى انتى قلتيه ده

عمرو يسرى يقول...

نجرب
ولكن السوال بالرغم انك عارفه الكلام ده بتعرفى تعميليه
والنجاح كام فى الميه

نهر الحب يقول...

نشوف وربنا يسترها

همسات وبحــ الحياه ــر يقول...

علفكرة كل كلااااااامك صح وانا عملت كدا فعلااااااا

وبجد حياتى بدأت يكون ليها معنى

وحشنى زيارتك

FAW يقول...

طيب . . نجرب
بس ممكن الأول طلب
بعد إذنك تغيري لون الكتابه علشان بجد إتعميت علشان أقرا واللون الفحلقي ده ضارب في عيني

mrmr يقول...

اولا : مبرووووووووك النيو لوك
وثانيا : نجرب مش ح نخسر حاجه
وثالثا : اختك نظرها ضعيف ولون الكتابه صعب قوى يا ريت يا غاليه تغيرى لون الكتابه وتكبريه شويه ينوبك فيا ثواااااااااااب

P A S H A يقول...

:)

مساءك ورد


حلوة الأغنية

فين الإستبيان اللي كنتِ نشرتيه هنا قبل كده ؟

قائمة الأمنيات ؟

:)

جزاكي الله كل خير .. أشكرك لإنك فكرتيني بحاجة مهمة جداً كنت ناسيها بقالي زمن .. ما بقيتش أحلم !

ممممم
جايز عشان مش بانام بدري ؟؟

:)

أرجع وأقول لك (الأغنية) حلوة :)

خالص تحياتي وعميق إحترامي وتقديري

momken يقول...

طيب ياستى نجرب

وجزاكى الله خير

الاغنيه جميله فعلا ورايقه اوى



تحياتى

حنين الذكريات يقول...

طول مافى حياة لابد من الامل والطموح حتى لو هيتحقق فى أحلامنا فقط
صعب جدا معرفة النفس حتى لو أبحرنا بداخلها لكن ممكن نعرف قدرها
نعرف ماذا أنجزنا بدون غرور بأنفسناونحاول نحقق طومحتنا التى لاتتوقف لأخر العمر
ومتفقه معاكى اننا نتذكر الناس اللى احنا بنحبهم ومتنين لهم نحاول نعيد صفة الوفاء اللى قربت تنقرض لعدم وجدها غير عند القله
عارفة كلمات الاغنيه جميلة جدا بس الغلطات مش بتتصلح بلكلام ولكن بالعمل والمحاولة لتصحصح الاخطاء
بفرح قوى لما باجى مدومنتك

Lady E يقول...

Ramy : :)

بحب انا روح المحاولة دي :)

دمت بخير

Lady E يقول...

iـــــــــــsــــــــــlــــــــــــaـــــــــm : في كذا موضوع انا كاتباهم بيرفعوا المعنويات دعبس في المدونة وهتلاقيهم :)

الإحساس اللي من جواك ده رااااااااائع انك بتضايق لما حد يسألك عن الكلية بتحس ان في حاجة ناقصة والله انت المفروض تفرح لان الإحساس ده في حد ذاته نعمه كبيرة لأنه بيحفزك انك تعوض النقص ده لأنك فاهم كويس أوي ان قدراتك احسن من كده وتقدر تنجح بتقدير كمان
عارف ليه ربنا سبحانه وتعالى عمل لنا الألم علشان نحس ان في تعب ولازم نعالجه الإحساس اللي جواك زي الألم بالضبط احساس مش سهل - وانا جربته- لكن بيقويك وبيحفزك على النجاح وتحقيق ذاتك

وتاني حاجة جميل برضه انك ملاحظ ان المنحنى عندك كان تصاعدي يعني انت كنت متفوق في حياتك يعني الموهبة دي موجودة عندك اصلا بس انت يمكن تجاهلتها
ومفيش انسان في الدنيا منحناه فوق على طول دوام الحال من المحال المهم نعمل اللي علينا

كل كلامك بيأكد انك هتنجح بإذن الله

انا مبسوطة أكتر بتعليقاتك
ولما تعمل القوائم ياريت تقوللي فعلا استفدت منها ولا لأ

Lady E يقول...

عمرو يسرى : أسئلتك جميلة بس مش هيفيدك اجابتها لأنها مش هتفرق معاك شخصيا

المهم انها تفيدك لو طبقتها

Lady E يقول...

نهر الحب : يارب يا نهر الحب

نورتيني ووحشتييييييني

Lady E يقول...

همسات وبحــ الحياه ــر : سعيدة جدا ان في نتائج ايجابية ظهرت لما جربتي القوائم يا قمرايا

وانا كمان وحشني زيارتي لمدونتك جدا ومدونات كتير لأني مقصرة في زيارة المدونات اليومين دول بس ملحوقة

نورتيني

Lady E يقول...

FAW : جبنا ورق حائط وبويه جديدة وتم تغيير لون المدونة :)

Lady E يقول...

mrmr : أولا : تسلميلي ثانكيووو

ثانيا : حلوة روح التجربة دي :)

ثالثا : علشان انا بحبك بس يا مرمر جبت بوية وورق حائط على وشين معجون وغيرت لون المدونة انتي بس تأمري

نورتيييييني

Lady E يقول...

P A S H A : يسعد صباحك ومسائك

عاش مين شافك يا باشا من كام يوم كنت بدعيلك ربنا ييسرلك أمورك ويكتبلك الخير دائما

الإستبيان - وش مكسوف - هو موجود في موضوع من الموضوعات بس فين الله اعلم ضايع في الزحمة وحتى نسخته كانت عندي عالكمبيوتر في مصر بس هدور عليه وهكتب اللينك في بوست من البوستات الجاية ان شاء الله ولو ملقيتوش هكتب نسخة جديدة منه واعمل له ابلود

جزانا وإياكم

يمكن علشان مش بتنام بدري فبيفوتك معاد الحلم :) عادي خد الحلم اللي بعده :)

الأحلام مهمة جدا في حياة الإنسان واذا محلمناش هندعي ربنا سبحانه وتعالى يحقق لنا ايه ؟!

اتفاجئت ان بروفايلك غير متاح وكمان مدونتك الحمد لله مش محذوفة لكن مفتوحة للقراء بس يارب يكون خير وتكون بتعمل تعديل للمدونة وهتفتحها تاني لأنها مدونتي المفضلة فيها فكر واحترام للعقول واتمنى انها تفضل مفتوحة دائما لأنها مكسب لأي حد يقرأها

دمت بخير

Lady E يقول...

momken : جزانا وإياكم

تسلم

Lady E يقول...

حنين الذكريات : حبيبتي حبيبتي حبيبتي هيييييييييه ايه المفاجأه الحلوة دي :)

ما هو الأمل والطموح بيبدأ في أحلامنا وخيالنا بس لازم نشتغل عليه اننا نخليه على أرض الواقع

المهم صفة الوفاء تكون موجودة عند القلة القريبين مننا

عندك حق

وانا ببقى سعيدة جدا لما بتقرأي المدونة وببقى سعيدة اكتر لما بتعلقي يا حبيبتي

نورتيني بجد واتمنى اشوف تعليقاتك دائما

بحبك اوي