الخميس، 22 أبريل 2010

كلاسيكيات من زمن فات


قبل ما أرد على تعليقات البوست اللي فات وقبل ما أكتب أي حاجة لازم أقول اني مش مصدقة عينيا

دخلت موقع myegy النهاردة وأنا فعلا مخنوقة من مشروع التخرج وبدور على فيلم ليجيا ومش لاقياه وفجأه لقيته قدامي ولغاية دلوقتي مش مصدقة عينيا :) بجد الفيلم هيسهل عليا كتير أوي في الكتابة عن القصة وبرغم ان القصة من أدب الرعب الا اني محظوظة علشانها اتعملت فيلم :) هيييييييييييييييييييييييييييييييييييييييه الحمد لله
وقبل ما أبدأ بالأغنيات كمان في حاجة استفزتني النهاردة وانا في الكلية غير ان الدكتر مجاش ومعتذرش وخلانا نستناه ساعتين ، في بنوتة كانت بتتكلم عن خطيبها وهي مبتسمة ومنشكحة أوي وبتقول أصله بيغير عليا أوي بيغير عليا حتى من هدومي مش بيسمحلي ألبس بيجامات في البيت :)
بجد بجد هبل واحدة سامحة لواحد يتحكم فيها كل التحكم ده لدرجة انه يقولها تلبس ايه ومتلبسش ايه جوه بيتها !
وفي نفس ذات الوقت هي فرحانه ليه يعني علشان لقب مخطوبة !
على راي الخليجيين تغيب الخطوبة اللي بالشكل ده
*********************
أول أغنية يا شمس غيبي لأميرة
الأغنية دي بحبها أوي وطلعت تقريبا سنة 94 وأنا طفلة ومن الوقت ده وانا بحب أسمعها
جت على بالي امبارح ولقيتها عاليوتيوب وفضلت أسمعها للصبح ولما رحت الكلية النهاردة ومأخدتش محاضرات برضه فتحت النت م الموبايل وسمعتها
تاني أغنية بناءا على طلب صديقي العزيز وهو عارف هو مين :) هوتيل كاليفورنيا أغنية بالانجليش لل ايجلز ومترجمة للعربي والأغنية بجد جميلة أوي عرفتها بالصدفة بس حبيتها أوي
أما أخر أغنية فباللغة اللي بيني وبينها عمار لدرجة اني بقيت معيدة في المادة سنتين ورى بعض
يا عيني العيال بتوع تانيه لما بيعرفوا اننا في رابعة ومعانا الفرنساوي بيجيلهم حالة من الاحباط عالرعب عالفسفس الهستيري
الأغنية دي غنتها يسرا في فيلم عمارة يعقوبيان وبرغم ان يسرا رقيقة وهي بتغنيها ومصطنعة شوية لكن بجد المطربة اللي غنت الأغنية الأصلية اديت ابيتاف صوتها قوي جدا و معاني الأغنية رائعة والمفروض كان يبقى في ترجمة في الفيلم للأغنية
عالعموم الأغنية بجد جميلة ومترجمة للعربي

هناك 16 تعليقًا:

Sarah .. يقول...

مساء الخير يا ايناس :)

ع فكرة انا بردو ف اداب انجليش
وموضوع الافلام دا هيفيدك كتير ف مشروع التخرج
لانه كان بيفيدنا نفهم المسرحيات والروايات اللى بندرسها ..

مشروع التخرج دا شكلى هتعب فيه زيك كدا
بس السنة الجاية :(
يلا ربنا معاكى ..

انا قريت البلوجاية بتاعتك كلها من فترة وكنت مستمتعة جدا .. وخصوصا لما اتكلمتى عن د/ اسلام .. والبوست بتاع بوكس اند بينز واوثيللو والامتحانات بتاعتك ....

سونج هوتيل كاليفورنيا حلوة اوى
عجبتنى ..

تحياتى يا قمر ف اول تعليق :)

أع ـقل مـ ج ـنـونــة يقول...

ياجامد ياجامد
ايه الحظوظ دي ياعم :d
ربنا معاكي ويوفقك يارب

ثانيا محدش يكلمني عن المخطوبين .. انا لسة فاسخة وعندي فراغ عاطفي

نياهاهاها :D :D

الاغاني روعة اوي

بس الاغنية الاخيرة يسرا كانت بتغنيها أحلي :D

الله معك ياقمر ^_^

غير معرف يقول...

السلام عليكم
يارب تكونى بخير ويقرعينك بنجاحك انشاء الله
حلوه اوى الاغانى فعلا رائعه
تقبلى مرورى
تحياتى

كيكى عوووووو يقول...

يامزاجو العالى على المسا
الاغنية دى الى ظهرت فى عماره يعقوبيان فظيييييعه اول اصل ما الفيلم نزل مصطفى علطول جاب الاغنية الى انتى حاطها دى
انا مش فاهمة حاجة بس حاسه بحاجة!!

فراشة يقول...

نونتي العسولة
اولا انا كمان مبسوطه عشان لقيتيها فيلم وانا كمان هحمله ان شاء الله واشوفه ولو كنت اعرف اقرا القصة كنا اتناقشنا فيها سوا :)
طيب صحيح ملهاش ترجمه؟
انا بقى عليا اقرا على الاقل 6 رسايل ماجستر ودكتوراه واحللهم وانقدهم واعمل فيهم زي بريزنتاشن (وش مصدوم) ههههههههه
بس ربنا يعينك ويوفقك لكل خير

عن الخطوبه بصى هي شكلها صغير ففرحانه بالكلام دا بكرة لو كملوا هتتخنق منه
اول اغنية انا عارفاها وبحبها بس كنت ناسياها خالص ,,الاغاني الاجنبي مش بحب اسمعهم

غير معرف يقول...

نووووووسة

تصدقى بس الفترة الاخيرة اللى اخدت بالى من اسمك
دايما فى بالى ليدى

الحمد لله انك لاقيتى فيلم للرواية وربنا يكرمك فى المشروع

اما بخصوص الفرنساوى ربنا معاكى وهو حلو اوووى على فكرة لغة الستات

معرفش بس بيتهيالى فترة الخطوبة دى مش رسمية اوى فملوش لازمة الكلام عليها فاى حاجة لا كويس ولا وحش
اما بخصوص التحكم كل واحدة وزى ما تشوفها فى اللى تحب كده وفى اللى لا كل واحدة وطبيعتها
بس شخصيا برفضه لانه ده هيزود مساحته فى انه يتحكم فى الحياة بعد كده وياخد قرارت لوحده وفى نفس الوقت هيزود تهميشه ليها فى حياته وحتى فى حياة ولادها يمكن
مش عارفة ايه الكلام ده بس جه كده فى بالى واعتقد النتيجة هتكون كده

ابقى طمنينى عليكى يا جميل

وربنا يوفقك السنة دى وتتخرجى
وتوزعى شكولاتات ههههههههههه

هراء لا داعى له ..... يقول...

البوست دا لطيف خالص

Ana keda يقول...

ايناااااااااااس
ايناااااااااااس

وحشانى اوى
اعذرى اختك بقى اليومين دلو مشغولة والله حبتين

عارفة انا الاغنية ى وبحبها اوى بتاعة يا شمس

البنوتة الهبلة واسمحيلى اقولك هبلة دى لما تتجوز هتكره نفسها لان الرجل الى بالشكل ده وهى بتديله المساحة دى هتعيط بكره بالدموع من الخنقة الى هتبقى فيها
سيبيها للايام تعلمها
ههههههههههههه
داختك بقت خبرة وحشانى بجد ربنا معاكى وزاكرى بقى عاوزة خالة الولد تطلع شاطرة

Lady E يقول...

Silver Eyes : مساء الفل على أحلى عيون فضية

هييييييييه كمان زميلة وفي نفس ذات الجامعة :)

مشروع التخرج مش صعب يا قمرايا بس مشكلته انه حاجه جديدة علينا واحنا في اخر ترم
البحث عن المعلومات وتنظيمها وكتابتها بأسلوبنا حاجة مأخدنهاش في ال3 سنين ونص اللي فاتوا

ان شاء الله سنة رابعة هتبقى سنة جميلة عليكي لا تقلقي اطلاقا
ربنا معايا ومعاكي

- وش مكسوف - بجد سعيدة جدا برأيك يا قمرايا والحمد لله ان البلوج عجبك ومضيعتيش وقتك عالفاضي :)

د- اسلام عايزة مدونة كاملة عنه
هو من الأسباب اني أدخل قسم لغة انجليزية بعدما حضرتله محاضره
بجد انسان رائع ربنا يكرمه وينفع بيه
وبجد من دلوقتي وحشتني محاضراته

انتي الأحلى

انا عارفة انك متابعة من زمان :) بس أسعدني أول تعليق وان شاء الله تستمر التعليقات

اتشرفت بمعرفتك

Lady E يقول...

A32L MaGNoNa : ههههههههه الفيلم طلع مستوحى من القصة بس يا قمرايا
في اختلافات كتير بين الفيلم والقصة

ثانيا : حاضر يا فندم :) سيبك خدنا ايه من الرجالة غير حلاقة الدقن :)

انتي الأروع :)

لولا اختلاف الأذواق لبارت السلع والأسواق

انا بقول ان اديت غنائها احلى ليه لأن اديت ام كلثوم فرنسا لكن يسرا مؤدية مش مطربة

ومعاكي يا جميلة

نورتيني

Lady E يقول...

الشـوكة الــنـاعـمـة : وعليكم السلام ورحمة الله وبركاته

اللهم أمين وانتي كمان يا حبيبتي

انتي الاروع والأحلى

نورتيني

Lady E يقول...

كيكى عوووووو : اومال ايه :) عاملة دماغ رومانسية :)

لازم تحسي بحاجة يا كيكي الكلمات في غاية الرومانسية وبعدين يا حجه الكليب مترجم ولو مطلعلكيش مترجم اضغطي على cc في الكليب وهتظهرلك الترجمة :)

وعالعموم الأغنية اسمها الحياة باللون الوردي واديت بتوصف حبيبها

عارفة في اغنية تانيه ظهرت لأديت في عمارة يعقوبيان برضه عادل امام شغلها ورقص سلو عليها مش فاكرة مع مين المهم الأغنية دي كان روووووعه
بس مش هجيبلك اللينك بتاعها دلوقتي لأنها حزينة شوية وبما انك انتيمتي فهتحسي بأحاسيس ملخبطة لما تسمعيها وتشوفيها زي ما انا حسيت :)

نورتيني يا حبي

Lady E يقول...

فراشة :لالالالالالالالالالالالالالا اوعي تحملي الفيلم يا فراشة انا اكتشفت لما شوفته انه ل اللي فوق ال150 سنة في مناظر كتير خارجة للأسف وكمان رعب

لع انا اللي بترجمها :)

يا عيني عليكي زمانك دلوقتي بتغني مصدومة بجد ومش بنطق ولا عارفة ارد
واشمعنى 6 يعني :)

وانتي كمان يا حبيبتي

ايوة كانت منشكحه اوي هي في تانيه كليه

انا كمان كنت ناسياها بس جت على بالي فأجه :)

لو عايزة تتعلمي لغة صح يبقى لازم تسمعي أغاني باللغة اللي عايزة تتعليميها سواء انجليش او فرينش او غيرهم :)

نورتيني يا فراشتي يا جميلة

Lady E يقول...

star in the sky : هههههههه ايناس او ليدي الاتنين واحد بس انا بحب ليدي عالمدونة اكتر

امين يارب وانتي كمان يا حبيبتي

ايوة لغة الستات والرومانسية كمان

ايوة بس فترة الخطوبة فترة تمهيدية للجواز
رأيي نفس رأيك المفروض يكون في مساحة بين الاتنين المرتبطين محدش فيهم يتحكم في التاني وكإنه أسير عنده



وانتي كمان يا حبيبتي

امين يارب

وان شاء الله هوزع شوكولاتات بالبلوتوث نياهاهاهاها

نورتيني

Lady E يقول...

هراء لا داعى له ..... : هو بيقول عنك كده برضه :)

سعيدة برأيك

Lady E يقول...

Ana keda : يا نعمممممممم يا نعمييييييييين

ايه يا مروة بتندهي عليا في المترو ولا ايه :)

انتي وحشاني اكتر بجد

ربنا معاكي ويعينك يارب بس متلقيهاش حجه بقه ومتجيش المدونة لأني بفتقدك جدااااااااااااااااااااا

هي أغنية رقيقة اوي صوت ولحن وكلمات رووووعه

هبلة فعلا بس انا مرضتش ارد عليها وانا في المدرج وحطيت سماعات الموبايل في وداني وعشت مع الموسيقى
خليها تكتشف كده بنفسها او تتحمل نتيجة اختيارها

ومعاكي انتي كمان يا حبيبتي
ربنا يخليكي ليا انتي وبودي

نورتيني