الاثنين، 19 أبريل، 2010

الشهادة بتحمض يا رجالة



أول مرة أعرف ان الشهادات زي الأكل بتحمض لو متحطتش في التلاجة :)

التويفل وهو امتحان في الانجليش

TOEFL اختصار للأحرف الأولى من (
Test of English as a Foreign Language

مدته سنتين وبينتهي يعني الاكسباير وتاريخ الصلاحية بتاعته سنتين

يعني شهادة مؤقته عااااااااااااا

هي حاجة طبيعية ان مستوى طالب اللغات بشكل عام يتغير ، بس ما هو كل حاجة في الدنيا بتتغير


والغريب ان مراكز التدريب معظمها شهاداتها مش معترف يبها غير في مصر وكمان ممكن أدفع مبلغ معين بعد الكورس وأطلع شهادة دولية من كامبريدج في انجلترا ، طيب هعرف ان دي شهادة كامبريدج فعلا ازاي :( سؤال يطرح نفسه

لو أي حد يعرف أي معلومات عن الكورسات في الجامعة الأمريكية ياريت يقوللي

هناك 12 تعليقًا:

new-one يقول...

هو اللى اعرفه ان فيه نوعين من التويفل
فيه العادى ودا بيتاخد فى كليات الآداب تقريبا
وفيه ال INTERNATIONAL او اللى بيسموة تويفل 500
ودا 14 ليفل وبيتاخد فى الجامعه الأمريكيه مرتين فى السنه فى شهر 6 وشهر 1
بيكون فيه امتحان الأول لتحديد الليفل
وبعدين الدراسه
دا اللى اعرفه
اتمنى اكون افدتك ولو ما استفدتيش يبقى تسامحينى

غير معرف يقول...

كل اللى اعرفه ان دى موسيقى مسلسل نور ..بعشق الموسيقى دى ياريت تقوليلى اللينك بتاعها لو سمحتى.

ع نوتة يقول...

منك لله يالى خليت الشهادات تكون فى صفحية المخلل

حسبنا الله ونعم الوكيل

اول مرور لى تقبل مرورى .

قلم رصاص يقول...

فيه برنامج قوي وبدل للتويفل اسمه
إيلتس IELTS
يعتبر أحد أكثر الأمتحانات أعتمادا في العالم وخصوصا في بريطانيا و الولايات المتحدة واسترااليا وغيرها من الدول

عاوزه تعرفي معلومات اكتر عنه ، شوفي اللينك دا فضلا لا أمرا
http://www.f-law.net/law/showthread.php?t=29455

انا طبعا مبقولكيش دي احسن او اوحش من التويفل..لكن قولت انه بديل موجود وقوي ليها ويمكن يفيدك في الموضوع دا

وربنا يوفقك دايما

وبخصوص الجامعه الأمريكيه..بكل أسف معنديش فعلا فكره عن الكورسات فيها

تقبلي مروري وتحيتي

كيكى عوووووو يقول...

اسالينى
اسالى الخبررررررررة
انااااااااااا
روحى المتحف المصرى وهمة يفهموكى كل حاجة!!!!!!
تحفة الصور الجديدة

Lady E يقول...

new-one : تمام

شكرا على المعلومات وفعلا أفدتني في موضوع شهر 6 وشهر 1

أتمنى اني اكون فاهمة غلط وتكون فعلا new-one مش old one انا بكرهه

مرة تانيه شكرا عالمعلومات

Lady E يقول...

غير معرف : فعلا دي موسيقى مسلسل نور

وطبعا موسيقى رائعة كمنجات وأنا حطاها على مدونتي فلازم تبقى جميلة :)

هو ممكن سيرش على جوجل وهتلاقي
الsound tracks بتاعت مسلسل نور كلها

أو من موقع طرب توب او من المدونة :)

Lady E يقول...

ع نوتة : منه له

جامعاتنا المصرية أصلا ملهاش تصنيف في الجامعات العالمية يبقى هيعترفوا بشهاداتها ازاي

منه له

سعيدة بأول مرور وشكرا على تعليقك

Lady E يقول...

قلم رصاص : أيوة يا قلم رصاص ايلتس البديل ومعترف بيه بس التويفل هو اللي منتشر ومطلوب أكتر سواء في الدراسات العليا في أي جامعة أجنبية أو في الc.v وكمان لأنه امتحان للأشخاص اللي الانجليش عندهم لغة تانيه

اللينك رائع وفي معلومات قيمة جدا ربنا يكرمك يارب ويجعله في ميزان حسناتك

الامتحان صعب اوي :) فيه استماع ومحادثة
نظام دراستي في ثانوي كان فيه استماع بس كنا بنسمع 3 مرات مرة نسمع ومرة نكتب ومرة نتأكد لكن في الأيلتس مرة واحدة ، ده غير ان كمان الامتحان ده فيه محادثة :) ومش أي حاجة ده ربع ساعة :)

كفاية أوي المعلومات اللي قولتها واللينك كمان ربنا يكرمك يارب ويوفقك

بجد شكرا وجزاك الله خيرا

Lady E يقول...

كيكى عوووووو : هههههههههههههه اومال ايه يا بنتي انتي تورست جايد ممتازة وان شاء الله لما انزل القاهرة لواحدياتي هتتوهيني

لا تقلقي بابا عرفني معالم القاهرة وخصوصا الجامعة الأمريكية والمتحف :) على حسب ما انا فاكرة انهم قريبين من بعض عندك حق تتلخبطي :)

Lady E يقول...

كيكى عوووووو : نسيت أقولك الصور جميلة علشان عيونك جميلة فشايفاها جميلة

وكمااان علشانها في مدونتي فلازم تكون جميلة :)

AHMED SAMIR يقول...

اول مرة اعرف ان التويفل بيحمض