الأربعاء، 14 أبريل 2010

فراشتي ماتت



فراشة فضلت طول شهر ونص ترفرف حواليا وتسليني في وحدتي

فراشة فجأه لقيتها في البيت وفجأه لقيتها عماله تطير حواليا وعامله حياه وروح

فراشه حبيتها واتعلقت بيها وافتكرت كلام جدتي ان الأرواح الطيبة بتتمثل في الفراشات وقلت يبقى دي روح حنونة جايه تدفيني في عز البرد

فراشة كنت كل ما ادخل مكان في البيت الاقيها فيه ، كل لما أبص في ناحية الاقيها طايرة وبترفرف او كانت بتستنى لما أدخل أي أوضة وتيجي ورايا تطير حواليا وكإنها صاحبتي وتعرفني من زمان

عندنا ورد وأرواق شجر بلاستيك ، الفراشة اتخدعت فيهم فكرتهم حقيقيين ، حبتهم واستخبت فيهم

وغابت الفراشة عني كام يوم ، فكرت انها طارت وراحت تاني للسما الواسعة ونسيتني

النهاردة لقيت حاجة بتقع من الورد وورق الشجر البلاستيك مهتمتش قلت يمكن ورقة وقعت ولا حاجة ، دلوقتي بصيت لقيتها فراشتي ، فراشتي اللي حبتني واهتمت بيا من شهر ونص ماتت

ماتت من حبها ليها ومن خداعها في ورق شجر مزيف

فراشتي ماتت ، وانا مقدرتش قيمتها الا لما ماتت

انا بجد حزينة جدا وفي عينيا دموع كتير لكن مش هبكي big girls don't cry

يا اللي اتخدعت فيكو وفكرتكم ورد حقيقي زي فراشتي ، أرجوكم أخرجوا من حياتي وكفاية بقى فكرة اننا نبقى اعدقاء وكفاية حب مزيف ، انا بجد تعبت ومبحبش الا الوضوح وانتم مش واضحين ولا عمركم حبيتوني

فراشتي انا حبيتك لكن كل حاجة بنحبها بيجي يوم وبتروح وهنعمل ايه هو ده حال الدنيا

بجد حزينة عليكي

هناك 32 تعليقًا:

غير معرف يقول...

انا متنحه!!
دى مش فرشتك الا بس ماتت
دى حاجات كتير ماتت جواناااا
مش عارفة اقول ايه تانى
كيكى عووو

sony2000 يقول...

معلشي
البقاء لله
ربنا معاكي يارب,بجد انا موش عرفه اقولك ايه:(

Ana keda يقول...

انتى هتقلقينى عليكى ليه بقى
المود عندى اصلا فى النازل ومش عاوزة ابين وعاملة اقول انا جدع وانتى يا حبيبتى قلبتيه من تانى
ليدى هى دى الدنيا فراشة رايحة وفراشة جاية وكل حد فى حياتنا ليه نقطة بدايته ونقطة نهايته لازم تعرفى كده كويس بس احنا الى بننسى
انا زعلت ع الفراشة بتاعتك كمان والله لانى يوم ما السمك بتاعى مات انا كنت مضايقة جدا وقعدت اعيط برضه ارتباطنا بالاشياء دى نابع من اننا محتاجين حجات واشخاص حوالينا يحسوا بينا من غير ما نقول
متنخدعيش فى الناس واعرفى المعدن والضربة الى متموتش تجمد
انتى داخلة ع امتحانات بلاش المود ده قبلها بقى
وبودا بيسلم عليكى ومش بيحب يشوف خالتو كده مش كفاية مامته ونعم العيلة بصراحة الواد هيجيلى مكشر كده :)

أع ـقل مـ ج ـنـونــة يقول...

حلو التشبيه أوي ..
طبعا زي ما قولتي اي حاجة ف الدنيا بنحبها وحلوة " او حتي مش بنحبها ووحشة " بس ليها نهاية
ولازم نتعود .. او بمعني اصح خلاص اتعودنا ^_^

بس بجد عجبني التشبيه اللي ف الاخر ومتفقة معاكي اوي اوي اوي

باحث عن حب يقول...

صحيح
والله
الاقنعه كترت قوى
واختلط الخبيبث
بالطيب
فعلا
والواحد
مش لازم
يكون
ضعيف
زى الفراشه
ويكون
زى
الاسد
ميهموهش حد
كلمات وفكره حلوة

Sad Angel يقول...

والله انا اللى زعلت
انا عشت اجو اوى مع البوست
وحسيت انها فراشتى

بس بجد تشبيهك جمـــــــــــيل
نفس احساسى بالزبط
حاسة انى كنت فراشه بس بطير على ورق وورد بلاستــــــــك
ومن كتر ماانا حزنانة انى اكتشفت انو بلاستك بقيت بموت بالبطئ اوووووووووووى

بحب الفراشات اوووووى

ليدى خلتينى بكيت وربنا
عاااااااااااااا

ستيتة يقول...

هوني على نفسك يا ليدي
الحياة سلسلة متواصلة من الأعدقاء
ونادر فيها جدا الأصدقاء
مع الوقت ها تتنحي وتلحمي وتبقي أخر فل
وها تاخدي الأعدقاء على قد عقلهم
وها تقدري الأصدقاء جدا
ومش ها تزعلي أوي على الناس
علشان هم ها يعلموكي متزعليش عليهم
اخشوشني يا فتاة :)

ريمان يقول...

كلامك بجد اثر فيا اوى

خصوصا كمان تعليقك على موضوع الناس اللى حبهم مزيف زى ورق الشجر البلاستيك


فعلا فى ناس كتير اوى حوالينا بلاستيك وحبهم بلاستيك

مزيفين


معلش بقى ربنا يعوضك بحاجه احلى من الفراشه

حنين الذكريات يقول...

ياصاحب الهم ان الهم منفرج أبشربخير فإن الفارج الله
وإذابليت فثق بالله وارض به إن يكشف البلوى هو الله
والله مالك غير الله من احد والبقاء لله
طبعا انا عارفه قد ايه كنتى خايفه من فراشتك اول ماشوفتيها
لكن العشرة هى اللى عملت فيك كده
كانت فراشه غتته مش عايزه تفارقك فربنا خد روحها وخلاصك منها
دلوقتى زعلانه عليها مهو كده محدش بيعرف قيمة اللى فى ايده غير لما يضيع منه
ربنا يعوضك خيرا منها

قلم رصاص يقول...

بجد عجبني اوي ارتباط الفرشه بيكي
للدرجة اللي خلاها مقدرتش تفرق بين الورق الحقيقي والورق المغشوش
قمه في الحب والوفاء

ونهاية الموقف دا كما كتبتيه عن الصداقه
فكرني بمثل انجليزي بيقول :

A friend in need is a friend indeed

تقبلي تحيتي وتقديري

صوت من مصر يقول...

الفراشه ليه عمرها قصير

فراشة يقول...

نونتي
والله انا خايفه اكون انا الفراشة دي

لكن اتعودت ان مبقاش فيه ورد طبيعي غير نادر جدا والورد الصناعي من بعيد بيبان جميل قوي من بعيد وبيشدك شكله ومظهره لكن لما بنقرب بنلاقيه مش حقيقي

على فكره انا اتعودت اني لما بحب حاجه بتروح مني وفعلا كل حاجه لها بداية لها نهاية يمكن مبقتش احب البدايات عشان بخاف ان النهاية تكون قربت

ويارب مكونش انا من الناس اللي اتخدعتي فيهم او شاكه ف حبهم ليكي
انا والله بحبك جدا ف الله

لــــ زهــــــراء ــــولا يقول...

ليدى

الفراشه اصلا مش تقدر تعيش بعيد عن بيئتها الاصليه وهى الدنيا المفتوحه والسما الواسعه
هى فعلا اتخدعت فى منظر الورد احنا كمان ممكن نتخدع او ممكن نخدع ماحدش فينا يرئ بجد
ربنا يسلم ومافيش حد يخدعنا واحنا كمان ربنا يقدرنا ومش نخدع اى حد

مشاعرك رقيقه اوى
بس ده حال الدنيا
عاشر يا ابن ادم مسيرك فى يوم تفارق
ربنا مش يكتب عليكى الفراق ابدا ابدا

زهراء

safa7_karmooz يقول...

o_O

غير معرف يقول...

الفراشة اللى ماتت ممكن تلاقى فراشات غيرها وممكن تحبيها برده وتحبك هى كمان

بس اصعب حاجة انك تعرفى ان حد كان بيحبك او تحسى بقيمة حد فى حيتك قد ايه كانت مهمة اووى بس بعد ما يروح من حياتك للابد

متزعليش حصل خير

والناس المزيفة والاعداء عمرها ما هتيجى فى يوم وتقولك بس لازم انتى تاخدى بالك وتعرفي هما مين وبيعملوا كده ليه وعشان ايه ولو قدرتى تكسبيهم لصفك هتبقى عملتى حاجة كويسة اوى

الاعداء مش دايما بيبقوا ناس وحشة بس يمكن الظروف خلتهم اعداء

خلى بالك من نفسك دايما

وطمنينى عليكى

د/ رامي شهاب الدين يقول...

البقاء لله

وربنا يعوض عليكى .. وعلينا


تحياتى

Lady E يقول...

انتيمتي : عندك حق

Lady E يقول...

sony2000 : ربنا يكرمك يا سوني

ربنا معانا كلنا

نورتيني

Lady E يقول...

Ana keda : حقك عليا يا مرمر مش قصدي خالص أقلبه عليكي

وبعدين دائما اللي بيحبوا بعض بيحسوا ببعض لأن بينهم رابط روحي حتى لو ورى شاشة فأنا كنت حاسة ان مودك مش حلو فبشاركك المود :)

فعلا عندك حق بننسى وساعات النسيان بيبقى رحمة من ربنا

انا خايفة أجيب سمكة زينة علشان كده
لأني بتعلق أوي بحاجاتي وبحبهم أوي

موضوع اني متخدعش في الناس ففي حكمة سمعتها مرة بتقول اشيك ناس هما النصابين فصعب تعرفي معدن الناس بجد الا لما تعاشريهم وتتعرضي لمواقف معاهم وللأسف في الفترة دي بتكوني اتعلقتي بيهم

ابن اختي حبيبي سلميلي عليه ولما يوصل بالسلامه ان شاء الله ابقي بوسيهولي
وحاولي تطلعي من المود علشان بودي حبيبي هتأثري على نفسويته بجد هو دلوقتي بيحس بيكي وبمودك فمتكلكعيهوش يا مرمر

انا كمان بطلع من المود وربنا يسهل

نورتيني يا ام حلبسة :)

Lady E يقول...

A32L MaGNoNa : بيني وبينك وانا بكتب البوست كنت في مود وحش اوي ومكنتش بفكر اصلا في التشبيه كتبت بتلقائية

سعيدة ان التشبيه عجبك

اكيد اللي ليه بداية ليه نهاية

نورتيني

Lady E يقول...

باحث عن حب : الواحد لازم يكون انسان لا فراشة رقيقة اوي ولا مفترس زي الأسد

ربنا يرحمنا من البشر المزيفين

دمت بخير

Lady E يقول...

Sad Angel : انتي رقيقة أوي يا انجل لأنك حسيتي كده من الكلام

وطبعا زعلت لأنك بكيتي دموعك غالية عليا وكمان مش معايا مناديل :(

الورد البلاستيك من البشر هو الخسران واحمدي ربنا انك بعدتي عنهم
البلاستيك شكله حلو لكن مفيش فيه احساس وبكرة تلاقي الاحسن منهم واللي بجد يستاهلوا احساسك بيهم

Lady E يقول...

ستيتة حسب الله الحمش : ايوة يا خالتو انا نفسي اخد كورس في التناحة والتلحمة علشان معنديش منهم

"ومش ها تزعلي أوي على الناس
علشان هم ها يعلموكي متزعليش عليهم "

عندك حق يا خالتو

نورتيني

Lady E يقول...

ريمان : المهم اننا لما نعرف انهم بلاستيك نبعد عنهم ومنبكيش ثانيه عليهم

اللهم أمين وليكي مثل دعائك يا حبيبتي

Lady E يقول...

حنين الذكريات : وأخيرا حنين افتكرتني :)

كلام من دهب يا حنين ونعم بالله

ماشي عالتسييح العلني اللي عالبلوج ده أيوة كنت خايفة من الفراشه في الأول بس اتعودت عليها وحبيتها وحبيت اهتمامها بيا مع انها فراشه صغنونة

كده بقى هنزعل سوى متقوليش على فراشتي غتتة علشان أكيد شوفتي انا زعلت عليها اد ايه

ايوة أكيد

اللهم أمين انا وانتي يا حبيبتي

Lady E يقول...

قلم رصاص : ودي فراشه صغنونة معندهاش مشاعر واحاسيس الانسان
تفتكر في ناس كده زي الفراشة قمة في الحب والوفاء !

فعلا A friend in need is a friend indeed

دمت بخير

Lady E يقول...

صوت من مصر : كل حاجة عموما عمرها قصير يا كيمو

Lady E يقول...

فراشة : لو انتي زي الفراشة بتاعتي يا فراشة يبقى ممكن تضحي كده بس علشان حد يستاهل لو فعلا في حد يستاهل الحب والتضحية دي

كلامك بجد جميل جدا يا فراشة وخصوصا انك بتقوليه بإحساس فإحساسك وصلني

ومن القلب للقلب رسول يا حبيبتي
انا كمان بحبك في الله وانتي من الناس اللي معدنهم دهب وورد حقيقي مش بلاستيك

نورتيني

Lady E يقول...

لولا وزهراء : مش عارفة يا زهراء كلامك بناءا على حقيقة علمية ولا ايه الفراشة بتاعتي كانت مختلفة

نتخدع وارد لكن نخدع ليه ! اللي بيخدع وهو عارف انه بيخدع يبقى انسان مريض

اللهم أمين

انتي اللي رقيقة اكتر يا زهرا

Lady E يقول...

safa7_karmooz : *_*

Lady E يقول...

star in the sky : في فراشات كتير بس صعب تلاقي فراشه تحبك وتموت علشانك يا ستار

عندك حق

وانتي كمان

الحمد لله انا بخير يارب انتي كمان تبقي دائما بخير

نورتيني

Lady E يقول...

د/ رامي شهاب الدين : اللهم أمين

دمت بخير