الاثنين، 8 مارس 2010

مسا النور والهنا عالموجودين هنا

أصبحت أيامي تمر بسرعة البرق

اليوم يمر كدقيقة والأسبوع كثواني معدودة

والشهر يمر كلحظات

والسنة تمر كالحلم الوردي الجميل

هذا ما أردته لنفسي أن أكون شيئا مذكورا وسر النجاح ان انت لازم تخلقه لازم نتعب ونعافر ونحاول نقدم أحسن حاجة عندنا علشان ننجح وبجد النجاح طعمه حلو أوي وبينسي أي تعب قبله

نرجع ل اللغة العربية الفصحى تاني

أردت أن أذيب روحي في روح الكون الكيبر وأستشعر السعادة اللامتناهية من تحقيق ذاتي وحبها وتقديرها وبجيبلها شوكولاته كمان :)

المهم ده كان كلام كتبته في المذكرة الصغنونة بتاعتي أصل انا بقى لي كام يوم مشغولة لدرجة ان معنديش وقت أكتب حاجة جديدة عالمدونة وأخيرا ارتحت شوية قبل ما أدخل في دوامة كورسات وشيتات وأبحاث جاديدة

يوم السبت اللي فات كان في لقاء مدونات دمياط والفكرة كانت بيني وبين أميرة على كوكب مهجور بس في الأخر قولتلها مش لاعبة :) والبونيه يا عيني هي اللي عملت اللوقاء
والمعاد الأخير ل اللوقاء جه فأجه وكنت مترددة اني احضر اللقاء لولا مرمر كانت بتتصل بيا كل 5 دقائق وتأكد عليا اني أحضر
وقلت هحضر نص ساعة أسلم عالبنوتات وأتعرف عليهم وأمشي فورا :)

ولأني روح طفلة مش عايزة تكبر رجعت في كلامي أول لما اتعرفت بالبنوتات والنص ساعة بقت ساعة ونص
بجد بنات عسولين وطيوبين وحبوبين أوي وأكتر حاجة عجبتني اني حسيت اني عارفاهم من زمان وكمان أفكارنا كانت متقاربة وكمان انهم بنوتات متدينين ومش متشددين يعني نقدر نقول عليهم صحبة صالحة

أميرة على كوكب مهجور : طبعا مش محتاجة كلام أنا اتكلمت عنك كتير قبل كده وبجد شكرا ليكي على تشجيعك ليا اني أحضر اللقاء لأنه بجد كان لقاء جميل وأنتي عملتي مجهود انه ينجح
ربنا يسعدك ويفرح أيامك

امرأة من ثلج : لما اتكلمنا قولتلها ايه الصقيع ده :) بنوتة عسولة وطيوبة أوي ومتحدثة لبقة وأفكارها جميلة جدا
وبالتوفيق يا قمرايا وعقبال ما مدونتك النونو تحبي وتمشي وتطلع سنان كمان :) ، عقبال مليون سنة تدوين وانتي منورانا وعايزة أشوف الاحتلال الدمياطي :) و ولا تزعلي احنا الاتنين روح طفلة مش عايزة تكبر

ريمان : شخصية ودودة جدا وطيوبة جدا وروحها جميلة بجد وريمان فعلا تستحق اسم مدونتها ملائكيه
و ولا يهمك يا ريمان أنا واحساس طفلة واحد :) كلنا أطفال :)

يارا : هي الهدوء والسكينة والطيبة بتاعت اللقاء ، هادية جدا ورقيقة جدا ، بنوتة مبقتش موجودة في العصر اللي احنا فيه ده

بنت الاسلام : أو خلينا نقول أم المدونين- مع انها صغنونة- عملت جو ل اللقاء بأسئلتها ومناقشاتها وبجد بنوتة مثقفة جدا ولبقة جدا وطيوبة جدا وطول اللقاء كانت عمالة تقوللي يا طفلة وانا كنت عمالة اقنعها اني روح طفلة مش طفلة بس :)

بجد بجد اتشرفت بمعرفتكوا يا بنوتات ومدونات بلدي ويارب تبقى معرفة خير دائما
وكان نفسي أشوف باقي مدونات دمياط بس ملحوقه ان شاء الله يوم الخميس11/3 الجاي هنروح جمعية رسالة اللي في دمياط والبنوتات اللي عايزين يجو معانا ويشاركوا في عمل الخير يقولولي في التعليقات وأنا هحاول اجيبلكم رقم موبايل علشان البنوتات اللي تحب تحضر يعرفوا مكان جمعية رسالة

ولأول مرة أقول اني هحضر لقاء قبلها ، بس انا ان شاء الله ناوية أحضر لقاء بورسعيد وفكرة اني اروح كانت موجودة لكن بعد كلام وتشجيع شفقة وفاتيما ليا وانا بحبهم اوي هما الاتنين ف ان شاء الله هروح ويارب نقدر نسعد الأطفال اللي هنشوفهم ويارب أعرف أوصل بورسعيد بالكتكوتة ويارب يبعد عني يوميها اني ارجع في كلامي :)

ويارب تيجي يا خالتو ستيتة نفسي أشوووووووفك جداااااااا

------------------------------------------------------------

ع الهامش : حنين حنين حنين أنا دايبة فيكي حنين أنا دايبة فيكي حنين وحشتيني ومفتقداكي
اوي يا حنييييييييييييين
بجد انا من غيرك زي المساكين يا حنين

كيكي : انا بقيت مدمنة أورنج جوس وأغنية عوعو عو علشان بيفكروني بيوم لما اتقابلنا ، وحشتيني أوي ومفتقداكي بجد ومسجاتك اكتر مسجات بتضحكني من قلبي

حنين وكيكي بحبكو أوي وربنا يخليكو ليا

ملحوظة كل اللي هيعلقوا عالبوست ليهم وردة من اللي في الصورة

هناك 22 تعليقًا:

VÖltaa يقول...

انا هعلق علشان الوردة مش اكتر :)

Lady E يقول...

Mo7ammed : تصدق بقى يا محمد

انت بالذات ملكش وردة :)

Mona Shereif يقول...

ملحقتش اول وردة


ماليش دعوة
ماليش دعوة
اعمل ايه النت اللى بطئ
اهئ اهئ اهئ



ربنا يكتبلى واشوفك يا جميل
اهو اخدت بنصيحتك
ربنا يخليكى ليا

Lady E يقول...

Sometimes : لأ متقلقيش خالص

محمد ملوش وردة :) ده بيرد بس عشان الوردة ولذلك ملوش وردة :)

ليكي اول وردة يا نونا

والنت ده هخنقه علشان ميفصلش تاني واحنا بنتكلم

وانا كمان يارب
انتي من الشخصيات اللي اي حد يتشرف بمعرفتها بجد

ايوة كده نورتي بلوجر ومدونتي تاني

sony2000 يقول...

انا بقي ليا كلمه
ياااااااااابختكو
بجد نفسي اشوف الناس دي واتعرف عليكي وعليهم
بس يارب الظروف تتيح لقاء قريب بأذن الله ونتجمع كلنا كأسره تدوينيه واحده
اللهم امين
تقبلي مروري وتحياتي

sony2000 يقول...

وعوذه وردتي
ممكن:)

فراشة يقول...

ليدي حبيبتي

هاخد الوردة الاول لحسن الورد يخلص
وحشتيني يا نونتي وزعلانه عشان كان نفسي أكون معاكم
بس اعمل ايه يعني مش لاقيه حد من المنوفية خالص نعمل لقاء فيها :(

بس مبسوطة انكم اتبسطوا وفرحتوا ربنا يفرح قلوبكم دايما

صحيح نتيجة الاختبار بتاعي طلعت ايه؟!

KEBLAWYAT يقول...

امممم
حلوه فكرة " لقاء المدونين " دى

بس هو ليه ممنوع الاقتباس والنقل ؟

The illusionist يقول...

يارب نعمل لقاء من ده
مره فى حياتنا بقى
ماشى
حبوبين وطيوبين
شكلك شوفتى فيلم احمد مكى
مساء الخير

شاب كــ طخين ـــــا يقول...

ربنا يخليكم لبعض

لــــ زهــــــراء ــــولا يقول...

ليدى

كلك ذوق واخلاق وجمال
على فكره رغم انى عمرى ما شوفتك حتى كمان مش اتشرفت باسمك الحقيقى لكن جوايا احساس انك ليدى فعلا
وعلشان ماحدش بفهمنى غلط كلمة الييدى احنا بنقول عليها سيده لكن هى فى الحقيقه هى عباره عن اثنى تجمع بين النضج وخفة الروح مقترنه الذكاء

موشكرين على الورده يا ارق ورده واحلى ليدى فى الدنيا كلها


زهراء

صيدلانيه طالعه نازله يقول...

انوس يا جميله
اولا ميرسى على الورده
احلى حاجه فيكى انك طفله مش عايزه تكبر
الطفوله هيا البراءه و النقاء
حافظى عليهم
ربنا يوفقك فى كل اللى بتعمليه و دايما متقدمه يا جميله

ريمان يقول...

السلام عليكم

مساء الفل يا قمر

عامله ايه يا جميل

شكرا ع الورده حبيبتى

انتى كلك ذوق

وبجد كنت سعيده والله انى اتعرفت بيكى وكانت فرصه جميله جدا

واتمنى نبقى اصحاب على طول ويبقى بينا تواصل ان شاء الله

تحياتى ليكى يا قمر

كيكى عوووووو يقول...

ايه دة ايه دة
الله يسلهوا ياعم
روحتى لقاء وهتروحى لقاء
اتغيرتى!!! العرض ابو نص ساعه غيرك
ماااااااااااااااشى
الله يرحمها ايام لمة كنت بمشى بقى
اهى اهى
مش عارفة اقولك وحشااااااااااانى قد ايه
بجد
ووحشانى تفاصيل كتير بينا اوى
يارب تروحى لقاء بور سعيد ويكون اليوم حلو وتقدر ان شاء الله تروحى و
ابقى هاتيلى 2 كيلو جمبرى
على 2 كيلو لبن
على كرتونة بيض
عشان فى المرحلة دى لازم اتغذى كويس عشان ضهرى!!!!!

شفـقــة و إحســــان يقول...

المهم بقى انا نفسى اشوفك يوم لقاء بورسعيد الجمعة اللى جاية ان شاء الله
ولا انتى مش بتحضرى الا فى دمياط وبس
هستناكى

إمرأه من ثلج يقول...

حبيبتى أنوشــــــــــــــــــ

بجد مش لقية كلام أعلق بية أنتى بجد أخجلتنى
بجد شكرا انتى إنسانة قمة فى الروعة والحمد لله طلعتى زى ما حسيت بيكى فى أول لقاء بنا

وعلى فكرة انا احد خمس وردات أهديها لكل المدونات الامرات الى كانو معنا

Tamer Nabil Moussa يقول...

لقاء الصحبة والاصدقاء ديما جميل

ربنا يوفقك ويكرمك

مع خالص تحياتى

حنين الذكريات يقول...

حنين حنين انا دايبه فيك حنين وكنت بتمنى انى أحضر معاكو اللقاء واشوفك انتى وكل البنوتات والعسولين والطيوبين والحبوبين
وأهى الايام بتمر بسرعة وهنتلاقى قريب ان شاء الله
وطبعا هيكون ليا بوكيه ورد مش ورده واحده

Lady E يقول...

sony2000 : ما هو فعلا في لقاء قريب يا قمرايا

يوم الحمعة الجاي ان شاء الله 12/3/2010

لو حبيتي تيجي شوفي التفاصيل في مدونة فاتيما

ياريت تيجي وأكيد طبعا أتشرف بمعرفتك يا قمرايا

نورتيني

Lady E يقول...

sony2000 : كل الورد اللي في البوست تحت أمرك يا سوني

اختاري الوردة اللي تحبيها :)

psycho يقول...

just smile
cauze its for free
did you forget it or what

بنت الاسلام يقول...

كان يوم جميل وحقيقي يا ايناس لفتي نظري بروحك

روح طفلة فعلا

اتشرفت جدا بمعرفتكم جميعا

واتشرفت اكتر بمدونتك الرائعة اللي بتعبر عن روح جميلة

وما اجمل ارواحالاطفال

تحياتي

بنت الاسلام