الأربعاء، 24 مارس 2010

رضينا بالكلية وهي مش راضيه بينا


صورة للكلية يوم الريدكاربت وأخر يوم اروح فيه الكلية

انا نجحت اه والله نجحت في الكلية –الترم الأول- مع اني مكنتش حاطة أمل اني انجح مش علشان مذاكرتش كويس بس لكن علشان معظم الامتحانات كان فيها تخلف عقلي واضح
يعني مثلا عندنا الكتاب جزئين يجيبوا الأسئلة من جزء واحد بس واللي مذاكر الجزئين يذهب الى الجحيم

الا في مادة واحدة بس هي شكسبير ودراما لأني نزلت البوست بتاع عطيل وديدمونة عالمدونة
شمعة الروح
ولأني اصلا كان نفسي ادرس الرواية دي وكنت متأثرة بيها جدا وحافظة منها اقتباسات كتير والامتحان جه كله من البوست اللي كتبته في المدونة لدرجة اني في اللجنة كنت هقوم وأقول هيييييييييييييييييه يحيا العدل يحيا العدل
Yes هو ده الكلام وارقص يا حضري

وحليت حل يخليني اجيب امتياز بالمستريح لأن ده مش مجرد امتحان ده انا بشرح رواية بحبها وفيها مزيج معقد من أحاسيس الحب والبراءة والخيانة والموت وتكون المفاجعه اني اجيب جيد في المادة دي ! انا بجد مش مصدقه
دكتور زكي مش بيصحح لأنه كفيف فالمعيدات هما اللي بيصححوا ليه يضيعوا تعبنا ويحطمونا كده
من امتياز لجيد طب باقي المواد مش مشكلة حتى مادة دكتر اسلام اللي قاللي لما قدمتله بحث عن الروايات قاللي انتي مستواكي امتياز وجبت حاجه احسن من الامتياز بكتييييير ههههههههههههههه الا وهي مقبول بس مش زعلانه الا على مادة شكسبييييير لأن تقديري وقع في البيييييييييير

انا متعودة على الكوميديا السوداء دي من وانا في اولى كلية بس على رأي ثومه : متصبرنيش ما خلاص انا فاض بيا ومليت وقررت قرار منيل بنيلة مش نازلة الكلية تاني الا قبل الامتحانات اما اشوف اخرتها ايه مع كلية الهباب دي

حاسة اني ضيعت 4 سنين في كلية ملهاش لازمة – انا اللي اختارتها ومش علشان المجموع كان قدامي كليات كتير غيرها-

ومع اني عملت اختبار تحديد مستوى في الانجليش عالموقع ده
http://www.englishjet.com/english_courses_files/tests.htm ولقيتني اتقدمت level عن قبل ما ادخل الكلية بس برضه انا لسه صفر عالشمال في اللغة بالنسبة لواحدة كمان شهرين هتبقى خريجة كلية أداب اللغة الانجليزية – يا فرحتي-

في كلام مكتوب في موقع الكلية بتاعتي بالنسبة لقسم اللغة الانجليزية ولا تعليق :

رؤية قسم اللغة الإنجليزية وآدابها :

أن يكون قسم اللغة الانجليزية بالجامعة مركزا علميا ذو طابع متميز بين أقسام اللغات بالجامعات المصرية المختلفة في مجالات التدريس باللغة الانجليزية والترجمة والبحث العلمي والخدمات والاستشارات.
فعلا متميز اخر 25 حاجه
ايووووووووووة بدليل ان لسه لغاية النهاردة مفيش معمل لغات في الكلية

رسالة قسم اللغة الإنجليزية وآدابها :

يهدف القسم إلي مساعدة الدارسين علي إجادة المهارات الأساسية للغة الانجليزية وكذلك الترجمة بين الانجليزية والعربية وتزويد الدارسين بالمعلومات عن الأدب الانجليزي بفروعه المختلفة بغرض تأهيلهم للعمل في المجالات المختلفة ذات الصلة باللغة الانجليزية كالتدريس والترجمة والسياحة وغيرها. كما يسعي القسم إلي النهوض بالبحث العلمي سواء في التخصصات اللغوية والأدبية بالقسم أو سائر أقسام الجامعة من خلال إعداد الكوادر اللازمة والنهوض بالدراسات العليا فيما يتعلق باللغة الانجليزية وكذلك الخدمات .

هههههههههههههههههههههه وعاللي الضحكايه عاللي
الكلام ده علينا احنا؟ انتوا متأكدين؟ كلية الأداب بره مصر اسمها كلية العلوم الانسانية لكن في دمياط اسمها العلوم البتنجانيه




في أبيات من قصيدة للشاعر الجميل فاروق جويدة بتقول :

مهما توارى الحلم في عينى
وأرقنى الأجل
مازلت ألمح في رماد العمر
شيئا من أمل
فغدا ستنبت في جبين الأفق
نجمات جديده
وغدا ستورق في ليالي الحزن
ايام سعيده

اتمنى ان ده يحصل لأني بجد ، فعلا يعني زهقت واتخنقت

هناك 51 تعليقًا:

sony2000 يقول...

ههههههههههههههههه
طب تصدقي بالله
عندنا فتجاره نفس الشعارات برده بس المرادي بقي يهدفو لخريجين تجاره
اهو هو دا كوبي وبست اخر جاتين تلاته
لااااااااتقلقي
كلنا هذا الرجا
انا بردك نجحت وامتحانتا كان فيها برده نفس ال....
احم
التفاصيل بردك هييييييييي هييييييي
حتي دكتور عندنا قلنا احنا عملنا فالامتحان كذا وجبنا كذا
لقيت المدرج كله علي صوت واااااحد:لااااا يادكتور,فرد بأبتسامه؟؟؟؟؟؟؟؟
طب دا يتعمله ايه يعني وعمال يقولنا انا هنحجكو انا هنجحكو وفالاخر...معظم الدفعه شالت الماده دي
مبرووووك عالنجاح واحسن قرار ولما تحبي تيجي ابقي شوفي اصحابك وبس ذي ماانا عملت..بروح اجيب الملاذم واشوف اصحابي وبس
معلشي رغيت كتير بس حسه كأنك بتقولي اللي جوايا

الزهرة البرية يقول...

متفكرنيش بالكلية انا زيك ده يا حبيبتى لغة إنجليزية ولول الواحد بيعرف شويتين كان لاص أنا تربية مش آداب مع العلم إننا عندنا معامل بس وجدها زى عدمه المعيد اللى كان بيدينا صوته زى النسمة مش بيتسمع ولا حتى بميك ههههههههههههههه بس كانت أيام حلوة وبعدين ياماما ايه مش هروح الكلية دى إحنا بنيجى على الأخر ونفوت ولا ايييييييييه

أختك المفوته قبلك

دمتى بكل الخير والسعادة

وياربى على الزهيمر ألف مبرووووووووووك عل النجاح

فراشة يقول...

نونتيييي

مبروك ياقمر وانا عارفة ان تستاهلي تقديرات أحسن بس هو دا العادي بتاع الدكاترة
لدرجة اني مبفرحش اني حليت كويس اصله مبقاش مقياس دلوقتي

بس اسمحيلي قرارك مش صح انتي مخنوقة ريحي اسبوع ف البيت وارجعي بروح جديدة واعملي اللي عليكي وتوكلي على ربنا وخليكي واثقه لو ليكي حق ربنا هيعطيهولك ف الوقت المناسب

وحشاني اووووي وبحبك ف الله وربنا يوفقك لكل خير

ماما أمولة يقول...

مهما توارى الحلم في عينى
وأرقنى الأجل
مازلت ألمح في رماد العمر
شيئا من أمل
فغدا ستنبت في جبين الأفق
نجمات جديده
وغدا ستورق في ليالي الحزن
ايام سعيده



ربنا يسعدك يارب ويحققلك كل آمالك اللهم أمين


ألف ألف مبروك النجاح وعقبال التيرم التاني يارب

صيدلانيه طالعه نازله يقول...

مهما توارى الحلم في عينى
وأرقنى الأجل
مازلت ألمح في رماد العمر
شيئا من أمل
فغدا ستنبت في جبين الأفق
نجمات جديده
وغدا ستورق في ليالي الحزن
ايام سعيده


انتى اللى عجبتك الابيات دى يبقى معناها انك لسه عندك امل

متخليش حاجه تكسرك اعملى اللى عليكى المهم تبقى راضيه عن نفسك

انتى خرجتى من الكليه و خلصتيها و انتى حاباها و فاهماها مش حافظاها و ده المهم

الف مبرووووووووووووك يا جميله و بكده تععرفى بقى ان وشى كان حلو عليكى

خدى بالك من نفسك

star in the sky يقول...

ههههههههههههههههههههه

ياشيخة طول عمرى مش بقتنع بكلية الاداب والتربية
قولى ليييييييييييه ؟
مقلتيش طيب برده هقولك ليه غلاسة :D
لان فى اداب وتربية بيدرسوا مواد ملهاش اى علاقة فى الغالب بالتخصص يعنى مش بتطلع حاجة محددة

بس لو الكلية بتطلع ناس كويسة ولا لا دى كل كليات مصر كده مش دمياط بس ومش اداب بس هع هع هع هع هع هع هع

لولا وزهراء يقول...

ليدى

مبرووووووووووك النجاح ويااااااارب عقبال التخرج بقى كلها كام يوم ونقووووووول مبروك التخرج ان شاء الله
ويااارب على طوووول فى مناسبات سعيده
ربنا يفرح قلبك ويسعد ايامك ويكون كل الخير فى طريقك لانك حد جميييل اوى اوى

psycho يقول...

ازيك
انا عارف انى مقصر معاكى
بس انتى عارفه ان الواحد لما يبقى لى مشجعه بالحجم ده
لازم يديها حقها
اولا اسف ان التهنئه متاخره
الف مبروك ليكى يا انسه ليدى
ده خبر جميل جدا
وانا اول ما قريت اسم القصه
وافتكرت كلامك على المدونه عندى
كنت هموت من الضحك
سبحان الله
انتى اتكلمتى عنها كتير
يعنى زى ما يكون بيسالك
انتى تعرفى ايه عن التدوين واشرحى
مفيش اجمل من ان الامتحان ييجى فى حاجه بنحبها
وده مستحيل فى معظم الحالات
الانجليش متشيليش همه
كورس باذن الله
هيغير حياتك كلها فى الانجلش
خصوصا التحدث
ده اهم حاجه
والقواعد مهمه بس مش بنفس اهميه التحدث
واللغه الدارجه كمان
بس انتى قدها باذن الله
وبالنسبه لاهداف كليتك متختلفش عن اهداف اى كليه
كلها بتقول كلام كبير جدا
صدقينى
لو طبقوا نصه بس
كان التعليم نفع فى مصر
اعذرينى
بس الشغل كتير قوى

همس الاحباب يقول...

الف مبروك على النجاح
ولا يهمك دلى مجرد شعارات لا ينطبق منها شىء فى جامعاتنا وسوق العمل متطلباته مختلفة تماما عن دراستنا
ربنا يوفقك
وجميل جدا اخر بيت شعر لجويدة
تحياتى

Sad Angel يقول...

وحشتييييييييييييييييييييييينى جدا

متعمليش فى نفسك كده يا حبيبتى
ومبروك النجاح ياقلبى

شوفى و ترم خلصيه بالطول ولا بالعرض
وشوفى حياتك بعدها

تحياتى ياقمرة

ريمان يقول...

السلام عليكم

ازيك يا قمر
وحشانى اوى
عامله ايه؟


واضح انك خلاص هتشدى فى شعرك اهو
والله فكرتينى بالذى مضى

انا ما صدقت خرجت من الكليه على خير
والله شوفنا ايام سودا

معلش استحملى هانت والله واكسرى وراها زير

بس ذاكرى واعملى اللى عليكى وربنا مش هيضيع تعبك ان شاء الله

SHAPE YOUR LIFE (ABOALI) يقول...

ده طبعا احباط وقتى وشىء طبيعى بيحصل لينا كلنا لما بنحس اننا اتظلمنا فى اى شىء.لكن تذكرى ان ده شىء وقتى لان فى قاعده ربانيه انه لا يضيع اجر من احسن وعملا...ولسوف يعطيك ربك فترضى ...لكن لازم يكون هناك تحديات فى حياتنا لكى نتعلم منها واهم شىء انك ختمتى البوست بكلمات الرائع جويده بدل الاغنيه اللى انتى مشغلاها دى جابت ليه اكتئاب انا شخصيا .

تحيااااااااتى يا ليدى ومبروك النجاح يا جميل وان شاء الله هتحققى احلامك كلها بس اعملى اللى عليكى وخلى عندك ثقه فى الله وفى نفسك.

لولا وزهراء يقول...

مبروووووووووووووووووك النجاح وبالتوفيق ياقمراية ....ركزي في اللغة وحبيها وخلي عندك ارادة هتحبك

:d

حنين الذكريات يقول...

أزيك ياليدى ياحبى
أولا الف مبروك وعقبال الدكتوراه
أما عن زهق من الكليه ده عرض هيزول ان شاء الله قريب
واهم شهور فى الكليه هى اللى جايه
ربنا يوفقك وتنجحى بتفوق
أتمنى انك تكونى بتنظرى لدنيا بالمعانى اللى فى الابيات اللى فى البوست
خلي عندك أمل دايما ان بكره هيكون احلى من النهارده

أحمد شريف يقول...

السلام عليكِ
احب أبارك لكِ على النجاح والباقي لا داع للتحدث عنه .. المسئولية مشتركة ويشارك فيها الجميع ويبقى الأمل قائم

دمتِ بود وأتمنى لكِ كل التوقيق

أميرة علي كوكب مهجور يقول...

مبروك يا قطقوطه

الجواز و سنينه يقول...

الف مبروك يا قمر
على النجاح و هاقولك على حاجه
التعليم مش لازم يقف بيكى عند المرحله دى
خدى دورات لغه فى معامل محترمه
او حتى نزلى دوات تعليميه من النت
بصى انا لما اتخرجت قلت خلاص كده و كليه فيه منها كتير
اخدت دورات كمبيوتر و لغه محترمه
حتى لو ما اشتغلتش برضوا بس ده علشان انا مش دماغى دماغ شغل
بس اكيد ما سكتش و احسن كتير من ناس تانيه سكتوا بعد الكليه
و ما طوروش نفسهم
هاتعرفى قيمه الكليه دى كمان شويه
ليه لانك هاتلاقى شهاده تعلقيها على الحيطه
(:

Lyssandra يقول...

ألف مبروك يا ليدي :)
وعقبال التيرم اللي جاي بس امتياز بقي :)

تحياتي

Lyssa

Lady E يقول...

sony2000 : أيوة يا سوني
لا اله الا الله

اكيد علشان كلنا جامعات مصرية يبقى نفس الكلام ونفس الشعارات ومفيش افعال

الله يبارك فيكي

وارغي براحتك يا سوني اللي جواكي هو اللي جوايا وجوه أي حد بيتعلم في مصر في مدارس وكليات مصريه :(

والحمد لله هانت ولسه شهرين ونتخرج

esraa يقول...

ألف مبرووووووووووووك

Lady E يقول...

الزهرة البرية : أهلا أهلا يا زميلة :)

وكمان تربية كانت قدامي بس كتير قالولي هتشدي في شعرك من التربوي لكن كلية الاداب بتشدي في شعرك من الدراسه اللي بعمق اوي في مواد الانجليش

اكيد عنك حق اللي يدرس انجليش وهو مش بيحب اللغة مش هيقدر يفهم أي حاجه وهتبقى سنين الكلية عذاب بالنسبة له

هههههههه يا خبر المعيد صوته زي النسمه اومال معيد ازاي :)

اللهم امين وليكي زي دعوتك يا جوجو

والله يبارك فيكي ويسعدك

Lady E يقول...

فراشة : فراشتي الجميلة

تصدقي وانا طالعة من امتحان شكسبير كان عندي نفس الاحساس اني حليت كويس لكن مش هاخد تقدير كويس ههههههه والله بجد هم يضحك

انا بقالي اسبوعين مطنشه الكلية من قبل النتيجه وبعد النتيجه نفسويا قفلت اكتر منها اهيء اهيء اهيء

وانتي وحشاني اكتر بجد وان شاء الله الشهر الجاي هاجي عندكو وأشوفك على خير

احبك الله اللي بتحبيني فيه ومن القلب للقلب رسول يا حبيبتي

اللهم أمين انا وانتي وكل المسلمين

Lady E يقول...

ماما أمولة : اللهم أمين

ربنا يتقبل يارب

الله يبارك في حضرتك

دمتي بخير

Lady E يقول...

صيدلانيه طالعه نازله : علا حبيبتي يا اللي كلامك أرق من الورد في الربيع :)

وأكيد طبعا مفيش حياة من غير أمل

هو الاحساس اللي حاسه بيه موصلش لدرجة انه يكسرني هو احبطني بس :)

عندك حق عالأقل دراسة بحبها

طبعا وشك حلو عليا ربنا يسعدك يارب
ده غير انك كمان من أول المهنئين بالنجاح

ربنا يسعدك ويفرح قلبك ونجاملك في الأفراح يا أختي :)

Lady E يقول...

star in the sky : أقولك حاجه قبل ما ادخل كلية الأداب كنت بترييق عليها تريقه متعديش وأخر كلية كنت أفكر اني ادخلها بس دخلتها لأسباب كتير في نفس محافظتي و كنت طالعه من ثانويه عاميه علمي وخلاص عايزة ادخل كلية هاديه مفيهاش عملي ومعامل ودوشه وكمان فكرت في اللغة الانجليزية علشان الشغل بعد الكلية لأن المفروض الانجليش ليه مجال كتير في الشغل

في مواد فعلا ملهاش لازمة ومكررة بس في مواد تانيه مهمة زي الترجمة والمقال والأدب المقارن والصوتيات والدراما

اينعم نياهاهاهاهاها

Lady E يقول...

لولا وزهراء : زهراء

انتي اللي بجد جميلة أوي أوي ومجاملة أوي كمان :)

الله يبارك فيكي وليكي مثل دعائك يا قمرايا

انتي موقعتيش بإسمك بس حاسه انك زهراء :) يارب احساسي يطلع صح ومتبقاش كبسه ام رز ولحمه نياهاهاها

Just waiting يقول...

نسيت اقولك انا في كلية تجارة جامعة المنصورة

Just waiting يقول...

اولا الف مبروك على النجاح
ثانيا انتي جامعة دمياط يعني تابعه للمنصورة يعني الورق مش بيتبصله اصلا والنجاح والسقوط كل واحد وحظه
واكبر دليل في سنة اولى في امتحان الاقتصاد مكنتش مذاكره حاجه دخلت حليت نقطه في سؤال وبقيت الأسئله كلها نفس الاجابه كوبي وبست طبعا ونجحت
وفي مواد تانية حليت كله كله صح وقلت هجيب امتياز رست على مبلول في الاخر
جيت بقى في تالته السنة الي فاتت حليت كويس جدا في معظم المواد وعدت السنة علشان درجه واحده بس :)

Lady E يقول...

psycho : ايه المفاجأه الحلوة دي :)

اذا كان على التشجيع فأنا بجد ببقى عايزة اكتب كومنت كل ساعه في مدونتك لأن بجد مدونتك مميزة واليوميات أكثر من رائعه

نو ابسلوتلي :) التهنئة مش متأخرة اطلاقا علشان كده مفيش داعي للإعتذار

ايوة كنت بتكلم عن شكسبير كتير وحتى حضرتك قولتلي كلام كتير مشجع علشان كتابي والكلام ده لسه في بالي ربنا يكرمك يارب

وان شاء الله بعد الكلية هاخد كورسات في الAUC أو الBRITISH COUNCIL لكن بتكلم على ان الكلية تعليمها فاشل وخريج اللغات مبيبقاش متقن اللغة اللي اتخصص فيها ودرسها 4 سنين

ربنا يعينك ويوفقك في شغلك يارب
بس ده مش عذر معقول مفيش week end ولا حتى عندك ساعة او نص ساعه تدخل فيهم ع المدونة

بجد وحشتني اليوميات وجاكلين وسارة وطبعا دايفيد

بجد بجد سعيدة جدا بتعليقك

E73 يقول...

بسم الله الرحمن الرحيم
السلام عليكم ورحمة الله وبركاته
طيب خدي بالك بقى لأني كنت بفكر بنفس الطريقة السنة اللي فاتت ولما أنتخت زي ما بيقولوا جت على دماغي وعدت السنة ومن هنا عرفت معنى قوله إن الله لا يضيع أجر من أحسن عملا

وأديني قاعدة لخامس سنة في الكلية
بدل ماكون بعمل الدبلومة

ربنا يديهم على قد نيتهم
وربنا يوفقني وإياكي يا رب بأعلى الدرجات وكل المسلمين يا رب

بس عجبتني قوي رؤية الكلية دي
ههههه

سبحان الله عندنا برضه حاجة زيها كدة في كلية تربية مش عارفة بيجيبوا كلام الانشا ده منين؟

Lady E يقول...

همس الاحباب : الله يبارك فيك يا أبو همس

اكيد كلامك مضبوط

ربنا يكرمك يارب

دمت بخير وسعادة

Lady E يقول...

Sad Angel : وانتي اكتررررررر يا حبيبتي

الله يبارك فيكي يا قمرايا عقبالك ويارب تنجح يا تتح

دمتي بخير وسعادة

اسيره الاحزان يقول...

ههههههههههههههههه نفس الخيبه بتاعتى يا بنتى بس انا تربيه انجلش منصوره هبقى مدرسه بعد شهرين بعيد عنك ولو مسكت كتاب اعدادى مش هعرف احل حاجه فيه

مش عارفه خيبه ايه التقيله دى وبرده مش فاهمه ايه المواد الرهيييبه اللى بندرسها دى اللى مش بتفيدنا فى حاجه ....انا من ساعه ما دخلت الكليه دى وانا اتعمل لى غسيل مخ فالانجليزى يعنى مستوايا فى ثانوى اعلى من دلوقتى بكتير بلا وكسه عليهم وعلى التعليم بتاعهم

عموما انا من ساعه ما دخلت الكليه دى وانا بقول كلمه واحده

ياااااااااااكش تولع D:D:

قلم رصاص يقول...

الف مبروك النجاح
وعقبال التخرج ان شاء الله
وتعدي على خير ان شاء الله

فكرتيني بأداب انجليش
انا خريج حقوق المنصوره
بس قبل ما ادخلها كنت الاول في اداب قسم انجليش ودا مش عشان دي رغبتي لا عشان انا كنت مرتبك بعد ماحلمي في الطب تبدد .. فرحت اداب انجليش كنوع من الزهو باسمها بردو زائد حبي الكبير للغه الانجليزيه
المهم قعدت فيها سنه ولما فوقت من الصدمه قررت اكمل المشوار في كلية الحقوق
عشان حبي للسياسه ..فلقيت نفسي فيها جدا خصوصا بقى لما لقيت تنوع رائع في الدراسه فيها ..سياسه قانون اقتصاد الخ الخ

المهم لما شوفت صورة الكليه بتاعتك افتكرت ان دا فرح والله هههههههه
اصل فيه بالونات وحاجات كدا شيه الافراح

يارب بالتوفيق دايما
ومش شرط تقفي عند حد الكليه .. كملي دراسات عليا في مجال تاني انتي شايفه نفسك فيه دلوقتي خصوصا بعد مرور اربع سنين في الكليه اكيد خيارات الشخصية هتكون اكتر نضجا بعيدا عن التأثرات الشخصيه بكليه ما عن اخرى

تقبلي مروري مع خالص تقديري وتحيتي

Bent Men ElZaman Da !! يقول...

خدى معاكى نفس اهداف حقوق بس على شلل اكتر
واحده زيه متخرجه من حقوق ماتعرفش مثلا العاهه المستديمه عقوبتها كام سنه
شوفتى الفضيحه
اى كليه مهما كان نوعها
عمرها ما بتهدف للى بتحكى فيه او بتقوله
وده لسبب واحد
ان اصلا نظام التعليم فى مصر بجميع مراحله بطيخ على الاخر
الاسم ان الواحد معاه شهاده فى الاخر
المهم الف مبروك على النجاح
وعقبال التخرج ان شاء الله :)

Ana keda يقول...

هيييييييييييييييييييييه
هييييييييييييييييييييييييييييييه

يا فرحتى بتلات حجات الاول
الاولى انى دخلت عندك ورضى عنى ابن .... الكمبيوتر وجيت
التاننية انك نجحتى يا بنتى
عارفة فكرتينى بايام الكلية انا فى مواد كنت مبحلش فيها الا قليل واجيب جيد كنت بنشكح اوى من الكوسة دى والى افضل هارية نفسى فيها اشيلها
اصل انا عليا مادة ناو هههههههه
هخلف واروح امتحن شايفة امهات 2010
عشان ابنى ميطلعش يقول فاشلة ولا حاجة
ههههههههههههههه
مفيش كوميديا اسود من دى يا ليدى
تالت حاجة انى بحبك اوى ووحشتينى جدا جدا
والانجليزية دى مصيرنا يا اوختى ما انا تجارة انجليزى زمل يعنى :)

Lady E يقول...

ريمان : وعليكم السلام ورحمة الله وبركاته

الحمد لله يا قمرايا

انا شديت فعلا في شعري :) مش لسه هشد في شعري

يارب ربنا يهون الأيام اللي باقيه في الكلية يارب ونفسي اكسر الزير على دماغ بعض الضكاترة في الكلية

تسلميلي يا ريمان وان شاء الله خير

Lady E يقول...

SHAPE YOUR LIFE (ABOALI) : الله على كلامك يا أبوعلي بجد حضرتك من الناس اللي بحترم جدا فكرهم وقلمهم

وبعد الشر عليك من الاستئكاب انا غيرت الأغنيه فورا لما قرأت تعليقك :)

الله يبارك فيك

يارب

حاضر :)

Lady E يقول...

لولا وزهراء : الله يبارك فيكي يا قمرايا

والله انا واللغة بنحب بعض جدا بعض ضكاطرة كليتنا بيحاولوا يكرهونا في بعض :)

Lady E يقول...

حنين الذكريات : الحمد لله بخير طول ما انتي بخير يا حبيبتي

الله يبارك فيكي :) وخلي عندك أمل في موضوع الدكتوراه ده مين عارف يمكن يبقى بجد في يوم من ذات الأيام :)

ولا مهمه ولا حاجه كله زي بعضه مبقتش تفرق سينا من سونيا :)

عندك حق مفيش حياة من غير أمل
ربنا يزرع في قلوبنا الأمل ويبقى فعلا بكرة أحلى

Lady E يقول...

أحمد شريف : وعليك السلام ورحمة الله وبركاته

الله يبارك فيك

طبعا الأمل هو روح الحياه

ربنا يكرمك ويوفقك

Lady E يقول...

أميرة علي كوكب مهجور : الله يبارك فيكي يا مرمر

وانتي كمان ألف مبروك ليكي يا قمرايا

Lady E يقول...

الجواز و سنينه : الله يبارك فيكي يا قمرايا

تفكير جميل جدا يا حبيبتي وفي الخطة الخمسية بالنسبة لي :) حلو ان الواحد يطور نفسه ويبقى متميز في المجال اللي بيحبه

لا تقلقي مش هعلق الشهاده عالحيطة هحطها في فايل وفي الc.v وهعلق شوية كلاكيع طلعت بيهم من الكلية عالحيطة يمكن يختفوا !

Lady E يقول...

Lyssandra : الله يبارك فيكي يا ليساندرا

ربنا يسهل :)

دمتي بخير

Lady E يقول...

esraa : الله يبارك فيكـــــــي

Lady E يقول...

Just waiting : الله يبارك فيكي يا قمرايا

عليكي نور فعلا كليتنا تابعة لجامعة المنصورة

ايوة المواد بتيجي بالعكس والله انا بقيت لما بذاكر بخاف أصل المواد اللي بطنش فيها هي اللي باخد فيها تقدير والمواد اللي ببقى متحمسة ليها بشيلها :) والله حاجه غريبه
نقدر نوصف اللي بيحصل انه استهبال

ربنا يوفقك في كليتك يارب كلية تجارة جميلة بس لو كنا بنتعلم صح :)

نورتيني

Lady E يقول...

E73 : وعليكم السلام ورحمة الله وبركاته

معلش يا حبيبتي ان شاء الله هتنجحي السنة دي وبتقدير حلو كمان هو التعليم كده قسم ونصايب

أيوة أمين أمين أمين

ههههههه شوفتي الرؤية تجيب حول في البؤبؤ على طوول

أهو أي كلام فاضي معقول وأي هبل وخلاص ومبيطبقوش منه حاجه

نورتيني

Lady E يقول...

اسيره الاحزان : هيييه انجليزي والمنصورة زمايل زمايل يعني :) وفي دكاترة مشتركين بيدرسوا للكليتين زي دكتر اسلام ودكتر حمدي شاهين

هههههههه والله انتي زي العسل

تصدقي انا كمان بقول ياكش تولع

وبضم صوتي لصوتك وبقول ياااااكش تولع فعلا يعني :)

Lady E يقول...

قلم رصاص : الله يبارك فيك
اللهم أمين

يعني زميل برضه بس أحلى حاجه انك خلعت بدري من الانجليش قبل ما يجيلك فسفس هستيري

الحقوق رائعه بس عايزة اللي يدرس فيها فعلا يكون مهتم وبيحبها

الصورة بتاعت الكلية أخدتها في يوم كان في ندوة شعرية

ان شاء الله طموحي أكمل دراسات عليا بس مش بعد الكلية على طول الاول هبدأ بكورسات وبعدين أدور على شغل وأشتغل وبعدين ربنا يسهل وأكمل دراسات عليا

دمت بخير

Lady E يقول...

Bent Men ElZaman Da !!: ههههههه بطيخ :) جبتي الكلام المفيد يا دودو

قولتيلي بقى عقوبة العاهه المستديمة كام سنة؟ :))

الله يبارك فيكي يا حبيبتي

كنتي وحشاااااااني بجد

نورتيني

Lady E يقول...

Ana keda : هييييييييييييييه هييييييييييه مرمر أم حلبسة جت بعد طول غياب هييييييييه :)))

أخيرا أخيرا يارب يفضل راضي عنك على طول يا أختي

ههههههههه أيوة النتيجة بتيجي بالعكس :) متعرفيش ازاي بس ده اللي بيحصل

ان شاء الله هتعدي يا حبي وممكن تاخدي بودي (حلبسة) علشان يبقى وشه حلو عليكي

كمان زومل يا عيني أجدع ناس يا مرمر :)

ربنا يحنن قلب الكمبيوتر عليكي يا أختي بتوحشيييييييني

بحبك أوي