الخميس، 18 مارس، 2010

زهرة المدائن




برغم كل المواضيع اللي كتبتها وجهزتها للنشر في المدونة وبرغم ان المدونة دي مساحتي الخاصة اللي بتكلم فيها عن نفسي لكن الموضوع اللي هتكلم عنه بيلح عليا انه يخرج من عقلي وقلبي للمدونة ولعقل وقلب كل اللي هيقرأوه

جتلي كذا رسالة عالموبايل بالعربي والانجليزي بتقول ان هيحصل هدم للمسجد الأقصى وان الموضوع ده اليومين دول !!!!!!!!!!! وانا مش عارفة الكلام ده حقيقي ولا لأ لكن عالعموم
البوست ده مجر
د تذكير بمكانة المسجد الأقصى

ل اللي نسيوا
في زحمة الحياه يعني ايه المسجد الأقصى

قال تعالى : " سُبْحَانَ الَّذِي أَسْرَى بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آَيَاتِنَا إِنَّه هُوَ السَّمِيعُ الْبَصِيرُ " سورة الاسراء


صورة الصخرة المشرفة التي عرج منها الرسول محمد صلى الله عليه وسلم ليلة الاسراء والمعراج

عن أبي ذر الغفاري قال : تذاكرنا - ونحن عند رسول الله صلى الله عليه وسلم - أيهما أفضل : أمسجد رسول الله أَم بيت المقدس؟ فقال رسول الله :"صلاة في مسجدي أفضل من أربع صلوات فيه، ولنعم المصلى هو، وليوشكن أن يكون للرجل مثل شطن فرسه من الأرض حيث يرى منه بيت المقدس خير له من الدنيا جميعا.قــال : أو قال خير له من الدنيا وما فيها ". (أخرجه الحاكم وصححه ووافقه الذهبي)


البناء

ثاني مسجد وضع في الأرض, عن أبي ذر الغفاري،، قال: قلت يا رسول الله أي مسجد وضع في الأرض أول؟ قال:" المسجد الحرام"، قال: قلت ثم أي؟ قال:" المسجد الأقصى"، قلت: كم كان بينهما؟ قال:"أربعون سنة، ثم أينما أدركتك الصلاة فصله، فان الفضل فيه." (رواه البخاري.)

للمسجد الأقصى قدسية كبيرة عند المسلمين ارتبطت بعقيدتهم منذ بداية الدعوة. فهو يعتبر قبلة الأنبياء جميعاً قبل النبي محمد صلى الله عليه وسلم وهو القبلة
الأولى التي صلى إليها النبي قبل أن يتم تغير القبلة إلى مكة.

وقد توثقت علاقة الإسلام بالمسجد الأقصى ليلة الاسراء والمعراج حيث أنه أسرى بالنبي من المسجد الحرام إلى المسجد الأقصى وفيه صلى النبي إماماً بالأنبياء ومنه عرج النبي إلى السماء. وفي السماء العليا فرضت عليه الصلاة

ويعتبر المسجد الأقصى هو المسجد الثالث الذي تشد إليه الرحال، فقد ذكر النبي صلى الله عليه وسلم ان المساجد الثلاثة الوحيدة التي تشد إليها الرحال هي المسجد الحرام ، والمسجد النبوي والمسجد الأقصى .

قال نبي الإسلام محمد صلى الله علية وسلم: {لا تشد الرحال إلا إلى ثلاثة مساجد: المسجد الحرام ومسجدي هذا، والمسجد الأقصى}.

وروي عن أم المؤمنين أم سلمة أنها سمعت رسول الله يقول:
منْ أَهَلَّ بِحَجَّة أوْ عُمْرَة من المسجد الأقصى إِلى المسجد الحرام غفر له ما تقدّم من ذنبه وما تأخّر" (سنن أبي داود)
وللصلاة في المسجد الأقصى ثواب يعادل خمسمائة صلاة في غيره من المساجد
. قال : "الصلاة في المسجد الحرام بمائة ألف صلاة، والصلاة في مسجدي بألف صلاة، والصلاة في بيت المقدس بخمسمائة صلاة".

فهذه الاحاديث كلها تدل على مكانة المسجد وعمق علاقته بالإسلام وهناك العديد من الاحاديث الأخرى التي ذكرت المسجد الأقصى وحثت على زيارته والصلاة فيه

كل المعلومات مأخوذة من موقع ويكيبديا
84%D9%85%D8%B3%D8%AC%D8%AF_%D8%A7%D9%84%D8%A3%D9%82%D8%B5%D9%89

زعلنا أوي بعد مباراة مصر والجزائر لما كانت مصر صورتها مشوهه في الاعلام العالمي وان في تعتيم اعلامي ع اللي حصل في السودان بعد ماتش مصر والجزائر

أيامها افتكرت فلسطين المنسية والتعتيم الاعلامي الكبير عليها وان محدش عارف عنها حاجه وان الاعلام بيظهر ان الفلسطينين وحشين وارهابيين وده شوفته وسمعته بنفسي في قناة اخبار عالمية واتغاظت جدا يوميها ان الحقيقة مش واصله او بمعنى اصح الحقيقة مقلوبه

يمكن الكلام اللي في مدونتي ده مش هيغير الوضع لكن بيقول ان المسجد الأقصى في قلوبنا وبرغم الهبل اللي شغال في الاعلام ليل نهار برضه بالعند فيهم مش ناسيينه

هناك 21 تعليقًا:

الزهرة البرية يقول...

طبعا مش نسينه أبدا ولا نقدر ننساه ربنا يعزه يارب ويحفظه من شر العادين وقادر سبحانه يخيب ظنهم ويهد مخططاتهم يارب

دمتى حبيبتى بكل الخير والسعادة

Joudy

sony2000 يقول...

لأ صدقيني هيغير كتير
كفايه الحقائق وطريقه سردها والصور
بصي
انتي بتعملي اللي عليكي
ممكن اننا كبنوتات مثلا منقدرشي نعمل حاجه
دا اللي بيقلهولنا ديما
انتو هتعملو ايه
ولكل اللي فسننا بيتقالو كدا
لكن بأننا فاكرين القضيه ونقدر نتبرع حتي لو مثلا بحجات بسيطه
هنقدر نعمل حجات كتير
بس
نبتدي من الاول بنفسنا
"ان الله لايغير مابقوم حتي يغيرو ما بأنفسهم"

أمل حمدي يقول...

حسبي الله ونعم الوكيل

لن ولم ننساه لكن أصبح الكلام لا يجدي

أصبح الكلام هو العجز بعينه

كم مضت سنوات وعقود لانملك فيها غير الكلام

ماذا حدث به ؟؟؟؟؟؟؟؟؟؟

الله المستعان

تقديري لك ليدي الرائعة

ستيتة حسب الله الحمش يقول...

ربنا يسلم

اللهم سلم سلم

طالما مش في ايدنا غير الدعاء
فلندعو جميعا على قلب مسلم واحد
أظن لو اتهدم في ايامنا يبقى انا مغلطتش لما قلت اننا خزي وعار واسوء جيل مسلم جه على وجه الأرض

تحياتي يا ليدي

همس الاحباب يقول...

جزاكى الله خيرا
وفعلا الاقصى فى القلب مهما حدث
ولا تخافى ولا تحزنى فنصر الله قادم بالرغم مما اصابنا من وهن فالمرابطون حول المسجد موجودين الى قيام الساعة
الا ان نصر الله قريب
تحياتى

Lady E يقول...

الزهرة البرية : يارب اللهم أمين

اهلا بعودتك يا جودي كنتي وحشاني والزهرة البرية احلى من الزهرة الحزينه

نورتيني

قلم رصاص يقول...

السلام عليكم

أجاد العرب والمسلمون لغة الصمت
حتى كدت أن أصدق قول الشاعر بأنه صمتا استراتيجيا!

ولكن احنا كشعوب لم ولن ننسى القضيه مهما كانت الحيله ضعيفه ومهما لم يكن الحل بأيدينا

وبخصوص صورتنا في عيون الاخرين

فبكل أسف نحن رغم اننا أمة كلام في كلام الا اننا فشلنا في تسويق قضايانا على الصعيدين الداخلي والخارجي

ربنا يصلح الأحوال عما قريب

وجزاكم الله خيرا على البوست الجميل جدا

ولندعوا على قلب مسلم واحد كما تقول الدكتوره ستيته

تقبلي مروري

ريمان يقول...

السلام عليكم

ازيك يا نوسه عامله ايه وحشانى اوى بجد


يا رب تكونى بخير

والله مش عارفه اقولك ايه

بجد نشكوا الى الله ما وصلنا اليه ونشكوا الى الله حالنا

وحسبنا الله ونعم الوكيل فى اليهود ربنا يورينا فيهم يوم اسود

قادر ربنا انه ينتقم منهم

المهم اننا مش عايزين نقصر فى حق الاقصى وابسط شىء ممكن نقدمه هو الدعاء والمقاطعه ثم المقاطعه ثم المقاطعه


تحياتى ليكى

Lady E يقول...

sony2000 : كلام سليم يا سوني

Lady E يقول...

أمل حمدي : الكلام بيقول اننا عالأقل فاكرين ومش ممكن ننسى الأقصى

لولا وزهراء يقول...

اللهم رد الينا المسجد الاقصى الاسير واحمي مقدساتنا وانصر الاسلام والمسلمين

esraa يقول...

انا عارفه نبوئه كنيس الخراب واللي بقيتها بيقول ان المسجد هيتهد
ورغم تخاذلنا وخنوعنا عمري ماحسيت انه ممكن يتهد
مش عشان هيخافوا من رد فعلنا لأن احنا اخرنا هنزعق ونعمل مظاهرات
لمن هو ربنا هيبارك فيه ويحميه

norahaty يقول...

جزاكِ الله خيراً ياليدى
بس بصراحة اول مرة
أعرف أن مسجد قبة
الصخرة جزء من
المسجد الأقصى
المبارك !!
عفواً ياليدى
انت متأكدة ومستأكدة ؟!

صيدلانيه طالعه نازله يقول...

لا يسعنا غير ان نقول اللهم ارفع غضبك و مقتك عنا
اللهم رد الاققصى للمسلمين و انصره و انصر اهله
و احميهم من كيد الصهاينه
اللهم آمين
اللهم آمين

حنين الذكريات يقول...

المسجد الاقصى طبعا له مكانته ويقال ان حريته هى ترمومتر الأيمان فى الدنيا وكلما بعد البشر عن الايمان وزاد الظلم زاد أسر الاقصى
ربنا يبعد عنه الظلم والظالمين ويرجع حر ونرجع نشد الرحال لزيارته وهذا لايكون بالدعوات فقط مثلما كان فى خطبة الجمعه اليوم فى معظم البلدان لابد من العمل على تحريره وليكن بالتقرب من الله والأصلاح من انفسنا بعرفة معنى الايمان والتدين يكون من الداخل وليس من الخارج مظهر فقط
لن تأتى الحريه بالدعوات والمظاهرات ولكن لابد من أعمال تقربنا لله
وأكيد ان الصهاينه بيشغلونا بأشياء صغيره مثل الكوره وغيرها وأشعال الفتن بين المسلم والمسيحى وبين الدول العربيه
علشان فيه مثل بيقول فرق تسود ومحدش بياخد باله من ذلك وبيوقعونا فى بعض
هنقول ايه لما كانت قريش عظيمه جدا وعرفت انها لن تقدر على ابراها الحبشى اللى كان جى يهدم الكعبه قبل ولادة النبى صلاالله عليه وسلم وخدو حزرهم ومقدروش يعملو حاجه غير انهم يقولو للبيت ربا يحميه وحماه الله من غدر المغتصبين وجاء الرسول بالرساله وبعد اربعين سنه انتصر على الفرس والروم
وانتصر بالايمان
ربنا ينصر المؤمنين ويحمى القدس من مغتصبيه

إمرأه من ثلج يقول...

حبيبتى
وحشانى

المسجد الاقصى مهدد بالهدم وأحنا قاعدين نتفرج

ممكن انتى فاكرة لكن ناس كتير ناسين
وبالوست دة انتى بتفكرى الناسى

وبتحمسى الفاكر

جعلة الله فى ميزان حسناتك

momken يقول...

طبعا منقدرش ننسى

لكن منقدرش ننكر اننا مقصرين تقصير كبير

نسال الله ان يغفر لنا تقصيرنا نحوهم

وان يقدر لنا امر رشد يعز فيه اهل القدس ويذل فيه اعدائهم


تحياتى

Lady E يقول...

ستيتة حسب الله الحمش : اللهم أمين

ربنا يحميه من كل شر

وبنحاول نطلع من السوء ده ونبقى أحسن ونصلح في نفسنا وبعدين نصلح اللي حوالينا وقتها بس هنقدر نطلع من القاع اللي احنا فيه

دمتي بخير

Lady E يقول...

همس الاحباب : جزانا واياكم

نصر الله قادم بس النصر مش هيكون واحنا في الوضع اللي المسلمين فيه حاليا وربنا سبحانه وتعالى مش بيغير وضع الا لما الناس تبدأ تصلح نفسها وتتغير

ربنا كريم

دمت بخير

Lady E يقول...

قلم رصاص : وعليكم السلام ورحمة الله وبركاته

الصمت مع اسرائيل بس لكن جرب كده يكون في مشكلة بين عربي وعربي او مسلم ومسلم مش هيبقى في صمت اطلاقا

للأسف في كتير ناسيين وبيقولوا واحنا مالنا بفلسطين !

واتفق معاك جدا ان اليهود والصهاينة ناجحين جدا في تسويق قضاياهم وقلب الحقائق بطريقه غريبه عكس العرب طبعا

اللهم أمين

جزانا واياكم

دمت بخير

Lady E يقول...

ريمان : وعليكم السلام ورحمة الله وبركاته

الحمد لله يا حبيبتي وانتي وحشاني اكتر

اللهم أمين

دمتي بخير يا قمرايا