السبت، 27 مارس، 2010

نايمة الشوارع والبيوت




نايمة الشوارع والبيوت
والخطوة بتشق السكوت
وحدي وذكرى حب ضاع
بيطل من شباك قديم

عارفة ان احلامنا
تاهت في أيامنا
وحنيني وشعوري بقى شيء ملوش معنى


من أغنية شباك قديم للرائعة حنان ماضي

هناك 42 تعليقًا:

P A S H A يقول...

يااااااااااااااااه

الله الله الله

هاسمعها حالاً

مستحيل تلخصي أو تحطي إحساس في تعليق

أشكرك بجد عشان فكرتيني بيها .

يسلم ذوقك يا ليدي .. ربنا يكرمك يا رب .

:))

سلام

قبلاوى يقول...

جميله

بس ليه كده؟

لولا وزهراء يقول...

حلوه الاغنيه
وحنان ماضى ى سكره بجد

تسلمى يا قمرااااااايه

ســـهــــر يقول...

حلوة اوى الغنوة
انا مش عشاق حنان ماضى
تحياتى

صيدلانيه طالعه نازله يقول...

حتى الحب لو ضاع
مش مشكله
بس اتعلمتى منه حاجه تخلى الحب مش يضيع المره الجايه
اتعلمتى من ضياعه ازاى تحافظى على اللى جاى
اتعلمتى من المك ازاى متسمحيش لحد يجرحك تانى
و اماا تحسى ان الجرح قرب
خليكى انتى اللى تبداى بيه
خليكى دايما الفاعل مش المفعول به

بحبك يا بنوته انتى

قلم رصاص يقول...

انا افتكرت انه كلامك

بس اي ماكان فاختيارك للكلمات رائع

تقبلي مروري

لولا وزهراء يقول...

السلام عليكم
ازي القمر عامل ايه؟
حنان ماضي ذوق هااااااايل رغم ان اغانيها مش منتشرة لكنها لاصوت الشجن وصوت الاحساس الدافئ هتخليني افكر اسمع الاغنية دي كلماتها جميييييلة خالص...وحلو الورد المحبوس بين قضبان الشباك .

الزهرة البرية يقول...

بجد اختيارتك حلوة تسلمى عليها ياقمر وبصراحة أنا بحب حنان ماضى جدا

دمتى بكل الخير والحب والسعادة

Bent Men ElZaman Da !! يقول...

ماسمعتهاش قبل كده
بس كلامها حلو اوى
وصوت حنان ماضى اصلا تحفه

star in the sky يقول...

مش بسمع لها

بس شجعتينى اسمعها

غير معرف يقول...

WOW...
Gr8 One!!!
and the Pic Is So Nice too..
THANK U :)

sony2000 يقول...

بجد بحب الاغنيه دي قوي
وانا بسمعها بغمض عيني
بجد صوتها بيمس قلبي
بسم الله ماشاء الله عليها
شكرا لانك فكرتيني بيها وبالايام دي:)

Selfmeaning يقول...

من الاغانى اللى بحبها اوى

esraa يقول...

حلوه اوي
وزوقك جميل

Ana keda يقول...

الاغنية دى انا بموت فيها يا بنتى
وصوتها حنين اوى ودافى
مبروك عالنيو لوك يا ليدى

norahaty يقول...

حنان ماضى
صوتها رقيق وجميل
بحبها من ايام مسلسل
(المـال والـبنون)
حادور على الاغنية
فى اليوتيوب واسمعها
حــــالاً.

SHAPE YOUR LIFE (ABOALI) يقول...

جميله فعلاااااااا يا ليدى ...احسنتى الاختيار

Lady E يقول...

P A S H A : الشكر ليك يا باشا

الشمس الجريئه هي اللي فكرتني بحنان وحنان ماضي

وبأيام طفولتي :)))

Lady E يقول...

قبلاوى : تسلم

لما تسمع الأغنية هتعرف :)

Lady E يقول...

لولا وزهراء : لولا وزهراء اللي بيوقعوا في كل البلوجات ما عدا بلوجي ههههههه مش عارفه ليه

تسلموا انتوا الاتنين :)

نورتوني

Lady E يقول...

ســـهــــر : انتي اللي عيونك حلوين يا ساسو

Lady E يقول...

صيدلانيه طالعه نازله : تخيلي تعليقك رديت عليه في الحلم وقلت كلام كتير أوي :)

كله خير يا صيدلانيه والحب الضايع مش شرط يبقى بمعناه الحرفي ممكن يبقى أيام حلوة ، صداقة ، أي حاجة كانت جميلة وضاعت

وانا كمان :)

Lady E يقول...

قلم رصاص : ياريتني كنت بعرف أكتب كلام حلو كده :)

تسلم

Lady E يقول...

لولا وزهراء : وعليكم السلام ورحمة الله وبركاته

انتوا اللي قمرات يا أحلى بنوتات

ملحوظة الورد دي مش أي حد ممكن يلاحظها تسلم عيونك :)

Lady E يقول...

الزهرة البرية : اختياراتي حلوة لأن اللي بيتابعوا المدونة حلوين يا جوجو

وانتي كمان :)

Lady E يقول...

Bent Men ElZaman Da !! : انتي اللي ذوقك حلو يا دودو

نورتيني

Lady E يقول...

star in the sky : تمام :)

بشجع صناعة بلدنا بدل ما نسمع بوس الواوا :)

Lady E يقول...

غير معرف :
Thanks for your compliment

Lady E يقول...

sony2000 : عفوا يا حبيبتي

الشكر ليكي على رأيك وذوقك الرائع

Lady E يقول...

Selfmeaning : أكيد هي كمان بتحبك أوي :)

Lady E يقول...

esraa : انتي الأجمل يا قمرايا

Lady E يقول...

Ana keda : ايه كل الحاجات الحلوة دي

زميلة واحنا التونين 21 وأم عبدالرحمن وكمان بتحبي نفس الأغنية اللي بحبها
كده أخاف عليكي م العين :)


بجد بحبك يا مرمر

الله يبارك فيكي يا حبي

غير معرف يقول...

عفوا , ده كان تعليق ليا على المدونة التانية ,
بس مش عارف أعلق هناك

------------------

مش عارف بصراحة !!
هو أحيانا الواحد بيبقى عاوز يغني و يرقص ,
بس المشكلة إن الغناء حرام , آلات الطرب نفسها حرام ,
فالواحد لما بيسمع أغاني بيسمعها و ضميره بيوجعه لأنه عارف إ،ه بيعمل حاجة حرام ,
بس أكيد طالما ربنا حرمها يبقى أكيد فيها ضرر , سواء علمناه أو جهلناه ,

ربنا يهدينا و يهدي الجميع

http://www.saaid.net/flash/alhan.htm

Lady E يقول...

norahaty : فعلا كان صوتها رائع وأدائها متميز في تتر مسلسل المال والبنون وكمان علي الحجار كان دويتو متميز

نورتيني

Lady E يقول...

SHAPE YOUR LIFE (ABOALI) : تسلم يا أبو علي ده من زوقك

Lady E يقول...

غير معرف : بزمتك انا جبت سيرة الرقص في كلامي في المدونة التانية ولا انت مبتعرفش تقرأ؟

انا بتكلم على الفن الراقي يا حضرة الغير معرف

وعلى فكرة مفيش نص صريح بيقول ان الموسيقى حرام والألات الموسيقية حرام

وبعدين مش عارفة كلامك ورأيك ده بناءا على ايه انا مسألتش في البوست عن رأي الناس عن الموسيقى علشان تقولي حرام أو مش حرام ودي مش قضيتي

أنا بتكلم عن حاجة بحبها بعيدا عن الجدل شكرا على رأيك وانا عارفة انك تقصد بيه خير بس ياريت توفره لما حد يسألك فيه

وعلى فكرة انا عارفة موقع صيد الفوائد

غير معرف يقول...

غير معرف : بزمتك انا جبت سيرة الرقص في كلامي في المدونة التانية ولا انت مبتعرفش تقرأ؟
--------------
أنا ما قلتش إن فيه رقص ,
أنا ذكرته كمثال لأشياء غلط الواحد بيحب يعملها زي سماع الأغاني ,




وعلى فكرة مفيش نص صريح بيقول ان الموسيقى حرام والألات الموسيقية حرام
-----------
علشانا ما أطولش,
هتلاقيهم في الفلاش اللي اديت عنوانه لحضرتك ,
بأحاديث صحيحة في البخاري !!



وبعدين مش عارفة كلامك ورأيك ده (( بناءا على ايه )) انا مسألتش في البوست عن رأي الناس عن الموسيقى علشان تقولي حرام أو مش حرام ودي مش قضيتي
-----------
بناءأ على قوله صلى الله عليه و سلم : الدين النصيحة ,
و قوله : لتأمرن بالمعروف و لتنهون عن المنكر .... الحديث




أنا بتكلم عن حاجة بحبها بعيدا عن الجدل شكرا على رأيك وانا عارفة انك تقصد بيه خير بس ياريت (( توفره لما حد يسألك فيه ))
----------------
قال رسول الله صلى الله عليه و سلم :
إن أحب الكلام إلى الله أن يقول العبد: سبحانك اللهم وبحمدك ، وتبارك اسمك ، وتعالى جدك ، ولا إله غيرك .
وإن أبغض الكلام إلى الله أن يقول الرجل للرجل: اتق الله ، فيقول: (( عليك بنفسك ))


و آسف على الرخامة ,
و اعتبريها آخر مرة ,
و لو مش عاوزة تنشري التعليق , بلاش ,
المهم تقرأيه ,

Tarkieb يقول...

طب فيين لينك الاغنية؟ انا اول مرة اسمعها بصراحة...

كيكى عوووووو يقول...

مش عارفة اقولك ايه بجد!!!!!!
بس عمتا اختيارتك كلها حلوة
ومليانه
ذوق
اوى
سلام

Lady E يقول...

غير معرف : اولا انا بعتذر اني قولتلك مبتعرفش تقرأ بس كلمة الرقص دي استفزتني

انا مش هتكلم كتير عن الموضوع ده لأنه في اختلاف رأي فيه

ومتفقة معاك في نقطة ان مش كل الموسيقى أو كل الفن حلال لكن برضه مش كله حرام واحنا بعقلنا وبفطرتنا نقدر نعرف ايه الحرام وايه الحلال ربنا سبحانه وتعالى وهب لنا عقل واستفتي قلبك

وعلى فكرة انا كنت في الحرم المكي وكان في درس ديني في الحرم والمفتي اللي كان بيتكلم قال ان الموسيقى مش كلها حرام حتى انا وقتها اتشديت للدرس وسمعته بإهتمام

كل حاجة في الدنيا ممكن تبقى حلال أو
حرام على حسب استخدامها


اما عن الأمر بالمعروف ف زي ما قلتلك جزاك الله خيرا بس أكيد في حاجات تانية تستحق الأمر بالمعروف اكثر مش مدونتي

الحديث الشريف رائع وربنا يكرمك عليه بس مينطبقش على كلامي

مفيش رخامة ولا حاجة بالعكس انا سعيدة ان الحوار بيننا راقي ومفيش حد متعصب لرأيه
وأهلا بتعليقاتك في أي وقت
شكرا على تعليقك واهتمامك

Lady E يقول...

Tarkieb : تقصد أول مرة تقرأها :)

اكتب أغنية شباك قديم لحنان ماضي على جوجل وهتلاقي الاغنية

Lady E يقول...

كيكى عوووووو : طبعا يا بنتي لو مكنتش اختياراتي حلوة وكلها ذوق

مكنتيش هتبقي انتيمتي :))

والله يا كيكي فعلا وحشاني هكلمك بكرة ان شاء الله

بحبك أووي