الخميس، 4 مارس، 2010

من أيامي



اذا أردت شيئا بشدة هيجيلك

كان في كورس مش تنمية بشرية خالص لكن كورس ادارة أعمال – تبع العفاريت مش اعمال يبقى عفاريت على طول اشتاتا اشتوت :) – نياهاهاهاها


يعني الموضوع مش تبع دراستي خالص
المهم الكورس ده سبحان الله كان الترم الأول أيام امتحاناتي ومكنش ينفع بأي حال من الأحوال اني أخده وبعدين جه نفس الكورس بنفس المدرب الترم التاني برضه في وقت صعب وزحمة بالنسبة لي وبصيت للإعلان وقلت في سري والله نفسي أحضر وحابة الكورس جدا بس المعاد مش مناسب يلا الحمد لله على كل حال

رحت المكتبة النهاردة ولقيت ايه؟ لقيت المعاد اتغير :) والمعاد مناسب بالنسبة لي الحمد لله
بس الاستفسار مكنش في المكتبة كان في مكتب اسمه في السما – عجبني الاسم- طبعا مش هقولكوا لفيت عالمكتب ده أد ايه -وأنا أصلا بتوه قدام بيتنا - :) لحد ما الحمد لله لقيته ، كان في هناك بنوتتين عسولين أوي بنوتة اسمها رنا وبنوتة اسمها نسرين – بقول أسمائهم علشان منساش – ولقيتني تلقائيا بحجز الكورس ، وانا كنت رايحة استفسر بس


دعاء رائع

في دعاء جميل جدا عرفته من فترة وافتكرته النهاردة

" بسم الله الرحمن الرحيم

وصلى الله على سيدنا محمد وعلى آله وصحبه وسلم تسليما كثيرا

اللهم إني أسألك بالعرش والكرسي والنور الذي عليه سيدنا محمد صلى الله عليه وسلم

أن تسخر لي قلب من أحوجتني إليه وأن تكفيني شر من يقدر علي ولا أقدر عليه يا من بيدك ملكوت

كل شيء أنت عالم به وقادر عليه "

تنويه :

لمدونات دمياط الأعزاء اللي عارفة انهم كتير وعزوة ما شاء الله زي دودو دعاء
وفتافيت وندى نصر اللي عرفت مدونتها بالصدفة في لقاء مدونات حريمي طبعا يوم 17/ 3 ان شاء الله والموضوع بالتفصيل عند أميرة على كوكب مهجور

http://amira3lakawkab.blogspot.com/2010/02/blog-post_28.html

أغنية


الأغنية اللي في البلوج حاليا هي بحار ل بلاك تيما والحقيقة الأغنية عاجباني جدا وحبيتها أيوة انا حبيتها
و الفريق ده فيه المطرب اللي مثل دور سواق التاكسي في فيلم 1000 مبروك الفيلم اللي لما شوفته كنت بغني نفس أغانيه لما ببقى في الكتكوتة " يا دريكسيوني يا دريكسيوني يا دريكسيوني ، يا دبرياجي يا دبرياجي يا دبريااااجي " :)

أخيرا :-

لعيون حنين انتيمتي ولعيونكم كتبت استبيان التقييم الذاتي في ملف وورد ورفعته
علشان اللي عايز يحل الأسئلة ، واللي هيحل الأسئلة يبعتلي الاجابات وأنا هقول له الاجابة لأن علشان يعرف الاجابة في جداول وحسابات وحاجات غريبة فبدل ما اكتب كل الكلاكيع دي هوفرها عليكو وهحسب الاجابات وابعت لصاحبها أو صاحبتها الانماط الأربعة لشخصيته وأعلى وأقل نمط

وحاجة كمان أنه يهمني أعرف أنماط الشخصيات الجميلة اللي بتتابع مدونتي

لو حد مش حابب يبعت الاجابات في أخر بوست ممكن يبعت الاجابة ع البوست اللي فات أو اللي قبله علشان المدونة عليها موديريشن في البوستات القديمة

بالنسبة لأنماط الشخصيات ففي شخصيتين بحبهم أوي ومتأكده من نمط شخصياتهم وهما فراشة ومرمر تعبت بجد الاتنين نمطهم حسي – مشاعرهم وأحاسيسهم عالية ما شاء الله – ودي حاجة أنا متأكده منها من قبل ما يعملوا الامتحان

وده اللينك :

بالتوفيق ويارب تنجح يا تتح :)

--------------------

ع الهامش : وقد يجمع الله الشتيتين بعدما يظنان كل الظن أن لا تلاقيا
شعر قيس الملوح
وغناء فيروزة الروح فيروز

هناك 24 تعليقًا:

بـــــسمة انـــــــــور يقول...

ليييييييييدى حبيبتى
ازيك يا قمرايتى

وحشنانى كتييييييير

انا مش فاهمة الاختباااااار!!!!!

بـــــسمة انـــــــــور يقول...

واااااااااااااو
اول تعليق

لولا وزهراء يقول...

ليدى
شوفتى بقى حظك غيروا ميعاد الكورس علشان خاطر عيونك .......
ان شاء الله جارى عمل الاختبار
حلوه الاغنيه
تسلم الايادى

زهراء

star in the sky يقول...

جيييييييييييييييييت

الاغنية على فكرة عجبانى ومن فترة مكسلة ما ادور عليها وفريق بلاك تيما بحبها له اغانى حلوة

الحمدلله ان الكورس بقت مواعيد مناسبة ربنا يكرمك

فى انتى كاتبة اذا اردت شيئا بقوة هيجيلك

مش دايما

star in the sky يقول...

ااااااااااااه نسيت هحل التست وابعت لك الاجابة يا مس :D

موناليزا يقول...

أشكرك جدا على الدعاء
وعلى اول جملة وآخر جملة فى الموضوع
بجد أعطونى أمل كبير
ربنا يعزك ويسعدك

عاوز اصحي يقول...

هي اداره اعمال خاصه بالتجاره ؟
ياريت لما تاخدي الكورس تبقي تقوليلنا بيتكلم عن ايه

بخصوص البوست اللي فات انتي رحتي جبتي الرد من عندي وانا مش واخد خوانه ههههه
ماشي علي العموم انا مش هدخل في صراع علشان طبعا مش هطلع انا الغلطان وحلال عليكي الجنيه

هنزل الاختبار دا وهشوف هتحللي الشخصيه ازاي مع اني مبقتنعش بالحاجات دي

كنت في كورس تنميه بشريه وكان المحاضر يقول للي قاعدين انت بتحب اللون الايه فانا كنت لابس احمر قالي انت عصبي ؟ قولتله لا قالي اكيد عصبي بس انت مش عارف هههههه

تحياتى

Lady E يقول...

بـــــسمة انـــــــــور : بسبوسة حبيبتي

انا الحمد لله تمام

انتي اخباراتك ايه

مبروك عليكي أول تعليق :)

ومش فاهمة ايه بالضبط في الاختبار؟

على فكرة لا تقلقي انا اول ما شوفته مكنتش فاهمه موضوع الأرقام

انتي بتجاوبي الأسئلة والاجابة اللي بتحسي انها أقرب واحدة ليكي بتحطي جنبها رقم 4 والقريبة ليكي بس بدرجة أقل بتحطي جنبها 3 لغاية 1 بتبقى اجابة قريبة منك بس مش أوي

مستنياكي لو في اي استفسار تاني

Lady E يقول...

لولا وزهراء : ههههههه وهما يعرفوا منين اني كان نفسي أدرس الكورس؟ بس مكتوب ربنا يوفقني وان شاء الله أخد الكورس

تمام طب وفين النتيجة؟ ده الاختبار بيخلص في 10 دقائق بس

تسلمي انتي اللي ذوقك حلو في الاغاني فعجبتك الاغنية

دمتي بخير

Lady E يقول...

star in the sky : نورتي البيت والمدونة والنت كله :) مش ستار لازم تبقي منورة :)

اي خدعه ابقي اسمعي الاغنية في المدونة

مش ناوية اشيلها دلوقتي لأنها جميلة بجد

الحمد لله ويكرمك ويرضى عليكي

اذا أردت شيئا بقوة هتجيلك :)

انتي بس اتوكلي على ربنا واستعيني بيه ولو فيها خير ليكي هتجيلك

Lady E يقول...

star in the sky : تمام :)

وانا مستنية الاجابة علشان ابعتلك انماط شخصيتك يا ستار :)

Lady E يقول...

موناليزا : الشكر لله يا موناليزا

يارب تبقي دائما متفائلة وعندك أمل

تفائلوا بالخير تجدوه يا قمرايا

ربنا يسعدك ويفرح قلبك

نورتيني

Lady E يقول...

عاوز اصحي : أينعم ادارة أعمال خاصة بتجارة بس لسه مش هتكلم عن الكورس الا لما ابدأ فيه ان شاء الله

اومال اجيب الرد منين وبعدين كلامك ولا مش كلامك؟ :)

لاااااااا لن أقبل جنيه ونص مينقصوش وكاش كمان ويكونوا جايين من البنك جداد كمان زي الفلوس بتاعت العيد علشان تحرم تقوللي وضحي تاني

انا مش بحلل الشخصية لأني مش دكتورة نفسية لكن انا بعرف نمط الشخصية بناءا على اجابات الأسئلة مش أكتر

وأكيد انت عصبي ومش واخد بالك ههههههه

في حاجات كتير بيقولوا عليها تنمية بشرية وهي مبتبقاش كده أصلا واللي انت بتحكيه ده من ضمنهم

بـــــسمة انـــــــــور يقول...

هى فين الاسئله اصلا
هههههههههههههههه
((وش بيستهبل ))

بجد وربنا اسئله ايه
فهمييييييينى يا ميس
عايزة افهم عااااااااااا

أسمعنى شكرا يقول...

ربنا يوفقك وبسسسسسسسسسسسسسس

قيس بن الملووووح يقول...

نحن في حاجه الي رايكم في مشاكل القراء علي مدونة "دقات قلب بعد الحمسين"

P A S H A يقول...

إيه اللي أنتِ عاملاه في القطة ده يا بنتي ؟؟ مش حرام عليكي ؟؟
هههههههههههههههه

حلو اسم المكتب .. هو في الدور الكام ؟

الدعاء جميل جداً طبعاً - بس حطي فاصله بعد كلمة "الكرسي" عشان يتقري صح - ربنا يتقبل إن شاء الله . اللهم آمين

ههههههههههههه .. ماشي يا برنس الليالي يا رمانة الميزان :))

حلو التقييم الذاتي ده .. هاجاوب عليه .. ويا ريت حضرتك تبعتي لي النتيجة في التعليقات عندي .. مش عشان حاجة .. لأ .. إنما الواحد بيخاف من الحسد D:

- هو أنا شكرتك على سوزان عليوان ؟؟
عموماً شكراً مرة تانيه .. أو أولانيه (معلش الكاربراتير بايظ عندي)

تحياتي
:))
سلام

فراشة يقول...

ليدي العسولة ...وحشاني كتير

ازيك يا قمر
اولا .. دعاء جميل وربنا يستجاب مننا

ثانيا .. ماشاء الله عليكي ربنا يكرمك ف الكورس دا واكيد هتقوليلنا المهم فيه :)

ثالثا .. شكرا ع الاختبار وعملته بس مش عارفه ابعته ازاي اعمله كوبي وباست ف تعليقات البوست اللى فات ولا ابعتهولك ميل
وخايفه لاطلع مش زي ما انتي متوقعاني ( حسيه يعنى )

سلام يا قمر

ريمان يقول...

السلاااااااااام عليكم

انا جيت اهوووووووووو

انا سجلت مدونتك عندى يا قمر فى مدوناتى المفضله
وان شاء الله يبقى بينا تواصل

ورنات بقى

بجد كنت سعيده اوى اوى انى اتعرفت عليكى

انتى بجد ذوق اوى وحبوبة
على فكره الدعاء اللى كاتباه فى البوست جميل اوى

تحياتى ليكى يا قمر

إمرأه من ثلج يقول...

انوٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍســـــــــــــــ
بدأ إحتلال الدمايطة المدونة

أمبارح لماشفتك حسيت أنك أنسانة طيبة أوى

لكن مكنتش
اعرف أنك كاتبة شاطرة كدة

مدونتك حلوة بجد

دومتى بود
ودام التواصل انا ضفتك عندى

أحمد .. لو مخانتنيش الذاكره يقول...

يا سيدي يا سيدي

طب ممكن حضرتك لما تخلصي الكورس تشرحيلنا اللي فهمتيه ؟

بيني و بينك .. نادرا لما أروح كورس و أستفيد منه بجد .. يمكن عشان أنا ذكي زياده عن اللزوم ؟ ههههههه

أول مره أجيلك المدونه .. مش ملاحظه انها منوره النهارده ؟ هههههه

بيكي طبعا يا فندم

بس اكيد هرخم و آجي تاني كتير

و يا ريت تنوريني كمان و تشرفيني في مدونتي الجديده .. لسه مدون مبتدئ :((

هنا

http://ahmedabdulmohsin.blogspot.com/

بس من غير تريقه

( ربنا يستر )

Lady E يقول...

ليا عودة للرد على التعليقات

Lady E يقول...

بـــــسمة انـــــــــور : بسبوسة يا حبي

انتي فييييين وحشتيني وفين اجابتك ع الاسئلة؟ هستناكي

Lady E يقول...

أسمعنى شكرا : شكرا