الأربعاء، 25 نوفمبر 2009

عيد سعيد


نفسي اعرف مين سعيد ده اللي كل عيد بيبقى عيده (عيد سعيد) وليه ميكونش عيد اي حد غير سعيد :)
أهلا أهلا بالعيد مرحب مرحب بالعيد
هيه هيه هييييييييييييييييييييييييييييييييه هيه هيه هيييييييييييييييييييييييييييه
غنوا معايا غنوا وقولوا ورايا قولوا كتر يارب ف أعيادنا واطرح فيها البركة وزيد جانا العيد اهو جانا العيد جانا العيد اهو جانا العيد
كل سنة وكل المسلمين بخير وكل زوار وقراء مدونتي بصحة وسعادة ويارب السنة الجاية نبقى متجمعين على جبل عرفات
بكرة ان شاء الله وقفة عرفات وصيام اليوم ده مستحب جدا وبعد بكرة العيد هيييييييييييييييييييه وفي اجازة من الكلية 10 أيام عشر أيام بحالهم أحمدك يارب :)
العيد ده حبيبي بجد بينقذني من أزماتي المالية بيجي في وقته بصراحه :) مستنية العيدية بجد
ومن هذا البوست الجميل بأدعو كل المدونين انهم يجيبوا بلالين أو بلونات :) الاتنين واحد ونلعب بالبلونات ونعمل زينة في البيت علشان نحس ان في فعلا عيد مش عايزة العيد يبقى أكل وخلاص عايزاه يبقى عيد بجد ويديلنا طاقة سعادة لباقي السنه
وبمناسبة الأكل محدش يبقى رومانسي ويتعلق بالخروف أو بالبقرة أو أي حاجه هتتدبح لأن في سنة من السنين كان عندنا خروف قبل العيد بأسبوعين وكنت بأكله وبلعب معاه وبنجري ورى بعض وبقرأ له الأشعار بتاعة كتاب اللغة العربية برضه وهو كان عالسطح فكنت بقوله شايف القمر يا خروف يعني كانت قصة حب ملتهبه :) امنعوا الضوحك
وعلى فكرة الخروف مكنش بيأكل غير من ايدي ومكنش بيتكلم مع حد غيري برضه مكنش بيرضى يتكلم مع بابا :)
وبابا سماه الخروف البصباص :)
المهم لما جه يوم العيد وشوفت الخروف بيدبح وأكلت منه عييت وأكلت منه مرة واحدة بس وبعد كده مأكلتش منه تاني فبلاش حد يبقى عاتفي أوي كده لأن كده مش صح والخروف أصلا مخلوق علشان يبقى أضحية دي شغلته في الحياه
عايزين نفرح بجد لأن الفرح بقى عزيز أوي في زماننا
ربنا يفرحنا جميعا

هناك 86 تعليقًا:

بســـمة انور يقول...

اول تعليق؟؟؟

بســـمة انور يقول...

طيب ماعلينا المهم بقى
كل سنة وانتى يبه يا قمرايه

تصدقى برضو انا مستنيا العيد عشان ينقذنى من ازمة ماليه
هههههههههههههه
ياعاتفيه انتى يااوختى
حبيتى الخروف؟؟؟؟
هههههههههههههههههههههههههه

كل سنة وانتى طيوبه يا قمرايه

موناليزا يقول...

كل سنة وانتى طيبة ياحبيبتى
ويارب يكون عيد جميل (بلاش سعيد) علينا جميعا
فكرة البالونات جميلة فعلا وانا بجربها كل عيد:)

أسماء أحمد فى حفلة تنكرية يقول...

ومعانا اول تعليق على بوست العيد
مع البرنسس اسماء احمد: ونقول مساء الخير ليدى ، كل سنة وانتى طيبة يا قمر ، وكل المسلمين طيبين وبالصحة والسلامة ...
وياريت ماتتعلقيش بالخرفان تانى علشان انا بخاف منهم جدا وبترعب لو شوفت ادامى خروف او اى حاجه ليها اربع رجلين......
هههه
والان مع ختام اول تعليق على بوست العيد
تحية خااااااااصة لكل الناس اللى هيشرفونا بالتعليقات على بوست العيد

Ahmed يقول...

في ناس لو شافت الخروف بيجري مش هيتعاطفوا معاه لأ هيكلوه صاحي

كل سنه وانتي طيبه وبصحه وسعاده ونشاط وحيويه تفاؤل وانبساااااااااااااط

الزنارى يقول...

كل عام و أنتم بخير
عيد أضحى سعيد على الجميع ان شاء الله
مع خالص الاحترام و التقدير
أحمد الزنارى

الزنارى يقول...

كل عام و أنتم بخير
و كل عيد و أنتم بصحة و سلامة ان شاء اللة
مع خالص الاحترام و التقدير
أحمد الزنارى

nody يقول...

كل سنه وانتى بالف خير
وعيد سعيد عليكى

فكرانى؟؟؟

مجرد انسان يقول...

كل سنة وانتى طيبة

عيد سعيد

مبارك عليكى وعلى اسرتك الكريمة


انا مدون جديد

عايز ترحيب وتشجيع

تحياتى

أميرة علي كوكب مهجور يقول...

كل سنه وانتي طيبه ياجميله
وعيد حلو عليكي يارب

عاشقه وغلبانه يقول...

كل سنه وانت طيبه ياجميل

وعاتفيه اوي قصتك مع الخروف وانا زي ماقولتي ماضحككتش خالص مالص
اهو حي شوفي :(

مسدس صغير يقول...

كل سنة وانتى طيبة والاسرة الكريمة
عيد صلاح
طالما انتى زعلانه من سعيد
ههههههههه
عيد سعيد

مي يقول...

كل سنة وانتى بالف خير وصحة وسلامة انتى واسرتك ياقمر

كيكى عوووووو يقول...

الخروف البصباص :)
هههههههههههههههههههههههههههمسخرة الجملة دى بص القمر ياخروف
انا لسة مخلصتش الاوضة انا بتلكع
عاااااااااااااااا
كل سنة وانتى زى القمر والعسل

♥نبع الغرام♥♪≈ يقول...

صباح الورد
اخبارك اية

كل لحظه وانتى بخير ربنا يسعدك يارب
وسلامى لاجمل ام بالدنيا كلها

عيدكم مبارك
تحياتى

MaNoO يقول...

هههههههههههههه
حلو الخروف الرومانسى دا كل سنة وانتى طيبة ويارب ايام سعيدة علينا كلنا
ودايما كلنا مبسوطين وبلدنا احلى واحلى

mohamed ghalia يقول...

برده عيد سعيد
كل سنة وانتى طيبة

كيكى عوووووو يقول...

انا جايه اشوف الخروف البصباص تانى
خلصت الاوضة شوفى عندك كدة الوقت كام
(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
*************************

Ahmed يقول...

كل سنه وانتي طيبه ياليدي
السنه ديه ان شاء الله تكون اجمل واسعد وانجح

ربنا ينجحك ويوفقك في كل حاجه
عيد سعييييييييييييد

a7med-Mado يقول...

هههههههه
مدونة جامدة ولذيذة وأنا كمان نفسى أعرف مين سعيد دة
كلماتك جميل ومدونتك لذيذة
كل سنة وإنتى طيبة

amirelhob يقول...

ههههههه بجد بوست جميل اوى والقصه اللى فى الاخر دى حسسيتنى انى انا اللى بتكلم لانها فعلا حصلت معايا بس قعدت اربع سنين مقربش ناحيه اى نوع من انواع الميتس وبجد يجنن اوى البوست دا ويا رب دايما مبسوطه وفرحان وكل سنه وانتى اجمل وانتى احلى وانتى اسعد وانتى اطيب وانتى احن وانتى متجمعه مع اللىبتبيهم وانتى قريبه من ربنا وانتى فى امان وانتى طيبه ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

يوميات شاب منوفى يقول...

هههههههههههههههة خروف عينه زايغة
ماعليناكل سنة وانتى طيبة وبالف خير

Darsh Basha يقول...

ياسلام اية القصة المؤثرة دى
يالا ..امه كلتية اهم حاجة دى

كل سنة وانتى طيبة
وبعودة عليكى الايام بخير

Unknown يقول...

كل سنة وانتى
طيبة يابنوتوتة
ياحلوة عيد سعيد عليكى
ينعاد بالفرحة دايماً يارب

Unknown يقول...

ايووووووة
استنى نسيت
اقولك أنى
ضحكت لما قلت
يابس على المسج
(باء

باء

بحبك

فالمعزة قالت له :

ماء

ماء

مخطوبة)
امال انا ياختى
ما بتجليش الحاجات
الفرايحى دى ليه:):)

حنين الذكريات يقول...

كل عام وانت بخير
الخروف ده لازم يكون بصباص مهو ذكر وشايف بنوته زى العسل قدامه وكمان هى اللى بتعتنى بيه لازم يعمل كده
وطبعا انت ارتباطى بيه معدتش تعملى كده تانى ربنا يفرحك ويسعدك

الشعب لابد له من حكومه تشكمه يقول...

وبعدين باه انا مش عيدت عليكى امبارح:)
لازم ادخل اعيد كمان فى المدونه :)

ماشى كل سنه وانتى طيبه ياجميله:)وسلميلى على طنط وقليلها انى بعيد عليها:)

مجرد انسان يقول...

ازيك روح طفلة

اخبارك اية

نزلت اول بوست

اتمنى تشريفك ورايك

تحياتى

silent girl يقول...

كل سنه وانتى طيبه عيد مبارك عليكى بلاش سعيد اهو :)

عاشقه الرومانسيه يقول...

كل سنه وانتى طيبه ياليدى
وهابعت لك عيديتك بشيك على عنوان مدونتك حالا
(:

محظوظة يقول...

كل سنة وانتى طيبة وبخير


عيد جميل وسعيد عليكى

تحياتى

فاتيما يقول...

كل سنة و انتى بالف خير يا لولو
عيد سعيد عليكى يا حبيبتى

Lady E يقول...

بســـمة انور : أيون يا بسبوسة أول تعليق :)

Lady E يقول...

بســـمة انور : وانتي طيبة وبخير وصحة وسعادة يا جميله

هههههههه دايما كده العيدية بتنقذنا ياريت كل السنة عيد :)

اومال لأ اومال طبعا هو كان خروف يتحب بصراحه :) هو كمان كان عاتفي

عيدك سعيد يا قمرايا

Lady E يقول...

موناليزا : وانتي طيبة وبخير وصحة وسعادة يا حبيبتي

ههههه يارب وانتي كمان وكل اللي بتحبيهم:)

تصدقي دورت ع البلونات في كل المحلات اللي كانت في طريقي ملقيتش ولا بلونة :) خير هقضيها بلالين وفقاقيع صابون :)

Somaya Kamal El Din يقول...

كل سنة وانتى طيبة

وعيد سعيييييد عليكى

يلا الحمد لله اننا مش بنربى الخروف عندنا
ولا كان زمانى متاثرة لفراقه هههههههه

ليس فقيرا من يحب يقول...

السلام عليكم

كل سنه وانتى طيبه ياروح قلبى

عيد مبارك عليكى

ههههههههههههههههههههههههههه بلاه

سعيد وخليه مبارك

اقصوصه يقول...

كل عام وانتم بخير :)

Tamer Nabil Moussa يقول...

كل سنة وانتى طيبة

عيد سعيد


مع خالص تحياتى

د. ياسر عمر عبد الفتاح يقول...

كل سنة وحضرتك بخير
كل سنة والأمة الإسلامية كلها بخير
تقبل الله منا ومنكم صالح الأعمال

وبعودة الأيااااااااام

القدر و انا يقول...

نونو
اجمل عاشقة واقعية للرومانسية
عيد سعيد عليك وعلى الامة الاسلامية جميعا .. ودايما يارب كل يوم وانت وبنوتك الجميلة وزوجك واحبابك بالف خير

اقصوصه يقول...

عسى كل ايامكم عيد :)

Lady E يقول...

القدر و انا : رد استثنائي للقدر وانا :)

هي بشرى حلوة ان ان شاء الله هيكون عندي بنوتة جميلة وزوج جميل برضه:) بس تقريبا حصل لخبطة بيني وبين احساس طفلة محبة للرومانسية بس واقعية :)

كل سنة وانتي طيبة وبخير وصحة وسعادة يا جميلة
وهوصل سلامك ل احساس طفلة :)

The illusionist يقول...

الف كل سنه وانتى طيبه عيد سعيد عليكى يا رب
ربنا يعيده عليكى بالخير
كل سنه وانتى طيبه

رحــــيـل يقول...

اولا كل سنة وانتى طيبه

اما بمناسبة سعيد انا بحاول يابنتى ادور عليه لو قابلك ابعتيه
هههههههههه
ادى اخرة الخرفان اللى عنيها زايغة لامحالة هيدبح هيدبح

القدر و انا يقول...

ليدى
أحلى ليدى
كل سنة وانت واسرتك وكل احبابك بالف خير وسعادة ومن غير لخبطة المرة دى يارب يكون العيد سعيد عليك وكل الامة الاسلامية

Lady E يقول...

أسماء أحمد فى حفلة تنكرية : ههههه أول تعليق بعد التعليق التالت يا سومه

مساء النور يا قمرايا مع اننا الصبح :)
كل سنة وانتي بخير وصحة وسعادة يا حبيبتي

يا عيني يا سومة دي فوبيا ولا ايه خليكي شجاعه :)

وسلام مربع ومثلث كمان لعيون سومة

يا صغنونة :)

Lady E يقول...

أحمـــــــــــــد أبو العلا : ههههههههه يا ساتر يارب هياكلوه صاحي :)

وانتا طيب وبخير وصحة وسعادة يا انجينير

وأمين يارب وليك مثل دعائك يا احمد

Lady E يقول...

الزنارى : وانتا بخير وصحة وسعادة يا زناري

عيد سعيد عليك وعلى أسرتك ان شاء الله

Lady E يقول...

مجرد انسان : وانتا بخير وصحة وسعادة يا مجرد انسان

Lady E يقول...

nody : وانتي طيبة وبصحة وسعادة يا نودي يا بنت المنصورة الجميلة

عيب عليكي طبعا فاكراكي انتي واختك الجميله مكنش سندوتشات وبطاطس وكوك دور ده يا نودي زي عيش وملح كده:) لازم افتكرك طبعا

عيد سعيد عليكو يا قمرايا
سلميلي على اختك

Lady E يقول...

أميرة علي كوكب مهجور : وانتي طيبة وبخير يا مرمر

عيد جميل من غير استئكاب عليكي يا قمرايا

Lady E يقول...

عاشقه وغلبانه : اخيرا عاشقة وغلبانة نورت البلوج عندي انا كده لازم اجيب شربات ورد :)

وانتي طيبة وبخير وصحة وسعادة يا جميلة

ولأ لأ لأ انتي بالذات اضحكي براحتك خاااااااالص :)

Lady E يقول...

مسدس صغير : وانتا طيب وبخير وصحة وسعادة يا صلاح

وتصدق فعلا فكرة عيد صلاح واصلاح :)

عيد سعيد عليك وعلى كل اللي بتحبهم

Lady E يقول...

مي : تسلمي يا حبيبتي

وانتي بخير وصحة وسعادة يا جميله

Lady E يقول...

كيكى عوووووو : ههههههه ربنا يسعدك دايما يا صاحبتي

انا لسه بتلكع برضه :(

كل سنة وانتي بخير وصحة وسعادة يا حبيبتي

Lady E يقول...

الأحــــــ إيناس ــــــزان : انوووووووسه صباح الورد والفل والياسمين

وانتي بخير وصحة وسعادة ويوصل يا قمرايا

عيدكم سعيد

Lady E يقول...

mohamed ghalia : ايه ده انتا عارفه ولا ايه ؟

كل سنة وانتا طيب وبخير وصحة وسعادة

عيد جميل :)

Lady E يقول...

MaNoO : اهلا بيك

اومال ايه مش الخروف بتاعنا لازم يبقى رومانسي :)

كل سنة وانتا طيب وبخير وصحة وسعادة

أمين يارب

عيد سعيد

Lady E يقول...

كيكى عوووووو : ههههههههه تاني يا كيكي يادي الخروف البصباص مش عيب عليكي تحبي خروفي :)

ما شاء الله اللهم صلي على النبي خلصتي الأوضة في وقت قياسي :)

Lady E يقول...

amirelhob :ياه 4 سنين كتير أوي شكل قصة الحب كانت كبيرة جدا :)

أمين يارب ربنا يجعل ليك نصيب في دعواتك الجميلة

كل سنة وانتا طيب وبخير وصحة وسعادة

عيد سعيد

Lady E يقول...

Darsh Basha : اومال ايه أكلته ب الاكراه بس هي مرة واحدة بس

وانتا طيب وبخير

Lady E يقول...

يوميات شاب منوفى : ده رأي بابا فيه :)

وانتا طيب وبخير وصحة وسعادة

Lady E يقول...

a7med-Mado : وبعدين ؟ انا كده هبخر المدونة :)

بجد سعيدة برأيك ده
ولما تعرف مين سعيد ده ابقى قولي :)

وانتا طيب وبخير وصحة وسعادة

Lady E يقول...

أحمـــــــــــــد أبو العلا : وانتا طيب وبخير وصحة وسعادة يا انجينير

أمين يارب على الجميع ان شاء الله

وانتا كمان

نورت المدونة

Lady E يقول...

norahaty : وانتي طيبة وبخير وصحة وسعادة يا حبيبتي

أمين يارب ينعاد عليكي وعلى الجميع بكل فرحة وحب وخير

Tamer Moghazy يقول...

كل سنة...وانت طفلة..
مفيش اجمل من كده :)

سامر محمد عرموش يقول...

بسم الله الرحمن الرحيم

كل عام وانتم بخير والامة الاسلامية جمعاء

تقبلوا مروري الاول واسمحوا لي

بالتجول في المدونة الطيبة والجميلة

تحياتي

Lady E يقول...

norahaty : ربنا يسعدك يا دكتر نورا يارب

Lady E يقول...

حنين الذكريات : وانتي بخير وصحة وسعادة يا حبيبتي

تسلميلي يارب انتي اللي جميلة وزي القمر

وأكيد مش هحب خروف تاني :)

أمين يارب انا وانتي والمسلمين

دمتي بخير

Lady E يقول...

عاشقه الرومانسيه : وانتي طيبة وبخير وصحة وسعادة يا دودو

الشيك لسه موصلش شكله ضل الطريق ولا ايه :)

Lady E يقول...

silent girl : وانتي طيبة يا قمرايا :)

أيوة بلاها سوسو خد ناديه :)

دمتي بخير

Lady E يقول...

مجرد انسان : ان شاء الله

Lady E يقول...

الشعب لابد له من حكومه تشكمه : منستغناش يا أوشي
لو مكنتيش جيتي كانت المدونة سألت عليكي :)

يوصل :)

Lady E يقول...

محظوظة : وانتي طيبة وبخير يا جميله

Lady E يقول...

فاتيما : وانتي طيبة وبخير وصحة وسعادة يا حبيبتي

Lady E يقول...

Somaya Kamal El Din : وانتي طيبة وبخير وصحة وسعادة يا جميله

هههههههه كويس اوعي تتأثري لفراقه :)

Lady E يقول...

ليس فقيرا من يحب : وعليكم السلام

وانتي طيبة وبخير وصحة وسعادة يا جميله

ايون :) حلو كده المهم انه مش عيد سعيد لوحده :)

Lady E يقول...

اقصوصه : وانتي بخير وصحة وسعادة يا اقصوصة

عساكم من عواده

Lady E يقول...

Tamer Nabil : وحضرتك طيب وبخير وصحة وسعادة

Lady E يقول...

د. ياسر عمر عبد الفتاح: وحضرتك والامة الاسلامية بخير وصحة وسعادة

اللهم أمين

Lady E يقول...

القدر و انا : تسلميلي يا قمرايا

أمين يارب

عيد سعيد عليكي وعلى كل اللي بتحبيهم

Lady E يقول...

رحــــيـل : ههههههه وانتي طيبة وبخير وسعادة يا قمرايا

لو شوفت سعيد مع اني معرفوش هبعتهولك :)

أومال ايه طبعا يستاهل الدبح ودي نهاية كل خروف بصباص :)

Lady E يقول...

The illusionist : وانتا طيب وبخير وصحة وسعادة

Lady E يقول...

سامر محمد عرموش : وحضرتك والامة الاسلامية بخير وصحة وسعادة

أكيد مسموح لحضرتك قرائة المدونة اللي وصفتها وصف جميل اوي انها طيبة

ربنا يطيب حياتك

Lady E يقول...

Timo : كل سنة وانا روح طفلة مش طفلة هناك فرق

وهو ايه اللي مفيش اجمل من كده؟ تقريبا دي اغنية وائل جسار

عيد سعيد