الاثنين، 16 نوفمبر، 2009

صور لقاء المدونين وغيرها

عندي كذا بوست عايزة اكتبهم في نفس ذات الوقت لكن علشان احساس طفلة رومانسية طلبت مني بوست الصور فكان لازم انشر الصور عالمدونة اي خدعه يا احساس طفلة تصدقي في مدونين قالولي وانا في اللقاء اني احساس طفلة وكنت بقولهم انا رووووووووح رووووووووووح طفلة وشوية وكنت هحضر أرواح :) ان شاء الله المرة الجاية نبقى طفلتين اللقاء روح طفلة واحساس طفلة :) كمان شيما كانت عايزة تشوف الصور اللي صورتها يوم اللقاء هما مش كتير يا شيما هما 4 صور بس وباقي الصور مش صور اللقاء لكن صور متنوعة علشان بحب التصوير :) وكل الصور بعدستي


نيل المنصورة الساحر وقت الغروب على رأي فاتيما لازم اهل المنصورة يبقوا مبدعين علشان عندهم الطبيعة الرائعة دي


دي صورة السفينة تيتانك :) اللي جابها صلاح مسدس صغير وابراهيم كاتب مصري علشان ناخد رحلة في النيل وطبعا ما شاء الله ابراهيم أول واحد ركب في السفينة


دي السفينة من بعيد تقولوش مركب من مراكب الشمس بتاعت الفراعنة :) هي فعلا كان شكلها من أيام الفراعنه بس الوقت اللي قضيناه فيها كان جميل أوي بجد وفي الصورة عالمركب ابراهيم كاتب مصري ونوران بنت خيخة ما شاء الله الاتنين ركبوا بسرعة واللي واقفين على سلم المركب صلاح مسدس صغير كان بيحاول يظبط الخشبة اللي في الصورة علشان نعدي للمركب من عليها :) الحمد لله على ما جيت اطلع للمركب كانوا شالوا الخشبة غريبة الأطوار دي وفاتيما وداليا اخدوا ايدي علشان اركب المركب


ده كوبري للقطارات وطالما للقطارات يبقى بيعدي من فوقه قطارات أكيد يعني :)

لغاية هنا انتهت صور اللقاء لأني كنت مستمتعة بالصحبة وبالطبيعة واليوم كله على بعضه فمكنتش بصور :) طبعا الصورة دي مش انا اللي مصوراها بس في سؤال يطرح نفسه عن الورد فجبت صورة الورد الأغنية اللي شغالة على البلوج دي "بينك وبيني لتامر حسني" بجد بحبها أوي ومشغلاها 24 ساعة بس عندي استفسار صغنون
" زي عود الورد لما الورد يحضن في الجنايني" هو الورد بيحضن الجنايني؟ يمكن

دي صورة الطيارة في أخر رحلة لينا واحنا راجعين من سلطنة عمان واحنا في مطار السيب في سلطنة عمان كل الناس طالعين الطيارة وبيبصولي مين البنوتة الرايقة اللي بتصور دي وبرغم ان كان معايا هاندباج كانت معذباني وكنت كمان شايلة جوجو الدبدوبة أيون الدبدوبة بتاعتي محدش يستغرب مش انا قولت روح طفلة مش عايزة تكبر ولا مقولتش انا :) اشتريتها على اخر لحظة فمكنش في مكان احطها في الشنط ومع ذلك كنت بصور وبعيش أجمل ما في اللحظة زي فودافون :)


دي صورة الطيارة من جوه أكيد يعني :)

دي صورة لمقابر المسيحين عجبني منظر السحاب مع الهدوء والسكينة والوقار في المكان على فكرة الطريق ده توهنا فيه في القاهرة يوم الحادثة ومقابر المسيحين جنب مقابر المسلمين


دي بقى مقابر المسلمين جنب مقابر المسيحين والمكان ده فعلا هاديء جدا وفيه سكينة مش طبيعية وسبحان الله كنا بنصور المكان ده ومكنش في بالنا اطلاقا اننا هنعمل حادثة بعدما نسيب الطريق ده بدقائق وكان ممكن جدا نبقى معاهم :) فعلا صدق مين قال العمر لحظة وربنا بيقدر ويلطف بجد الحمد لله


ختامها مسك ده مسجد وضريح النبي عمران أبو مريم العذراء في صلالة في سلطنة عمان بحب المسجد ده جدا وللأسف مفيش فيه مصلى للنساء مرة رحت مع بابا صلاة الفجر وعلشان مفيش مصلى للنساء قعدت في العربية وأول لما سمعت صوت الإقامة صعب عليا صلاة الجماعة تفوتني فنزلت ووقفت في أخر أخر أخر صف في مصلى الرجال وصليت فعلا وراهم واول لما الامام خلص صلاة رحت جري على العربية وكإني مكونتش بصلي وراهم نياهاهاهاها وقلت لبابا اني صليت وراهم بس بجد الصلاة يوميها عمري ما هنساها كنت فرحانة أوي




طبعا لسه في صور كتير كنت عايزة انشرها بس مش مشكلة ملحوقة علشان البوست ميكونش طويل اكتر من كده :)

دمتم بخير وفي حفظ الله

هناك 28 تعليقًا:

الشعب لابد له من حكومه تشكمه يقول...

اخص عليكى شوهتى التيتانيك خاااااااااالص)
هى كانت كده هههههههههه والله ماخدت بالى كنت مشغوله بالحبل اللى المفروض نمشى عليه:)
بس ممشتش الحمد لله:)نطيت ههههه.

أميرة علي كوكب مهجور يقول...

حلوة اوي الصور وكله الا تياتنك ايه العظمه دي :)
انا نفسي اركب طياره اوي ان شاالله ورق :)
الاغنيه دي جميله جدا انا بحبها اوي ومتهيالي ان الجمله نقدر نعتبرها كنايه عن حب الورد للجنايني اللي زرعه :)

ربنا يسعدك دايما ياقمر

Lady E يقول...

الشعب لابد له من حكومه تشكمه : ههههههههه دي تيتانك النسخة المصرية يا شيما

الحمد لله

مكونتيش راضية تدخلي عالمركبة وكنتي بتركبي الهوا يا شيما فاكرة :) نياهاهاها بس بجد بجد كانت رحلة جميلة ووقت جميل مع ناس جمال :) وخدالي بالك من ناس جمال فاكرة الصورة :)
بجد الطبيعة عندكو رائعة وان شاء الله اليوم الجميل ده يحصل تاني

Lady E يقول...

أميرة علي كوكب مهجور : ههههه شوفتي مش أي حاجة كان نفسي تبقي معانا في الرحلة النيلية العظيمة دي

بيتهيألي ينفع تركبي طيارة ورق يا مرمر (وش بيغمز)

الأغنية دي انتي اللي قولتيلي عليها واحنا رايحين اللقاء أنا كنت فاكرة الألبوم الأخير لتامر كله من نوعية ودماغك خليها تاكلك بس الأغنية دي بجد عجبتني قوي على طريقة محمد منير وكمان المزيكا بتاعتها عجباني وبيعجبني اوي لما بيقول حتى عمري خلع الجاكتة وبدل اللون الحزيني يا سلام لو كلنا نبدل لون الحزن بفرحة وحب وسعادة :)

تسلميلي يا حبي ربنا يكرمك ويسعدك وتردي على تليفوناتي لما اتصل بيكي :) وش بيطلع لسانه

Lady E يقول...

أميرة علي كوكب مهجور : ثانكيو على الترجمة بتاعت الورد والجنايني بس سؤال يطرح نفسه الورد بيحضن الجنايني ما هو الجنايني هيجي عليه يوم وهيقطف الورد اللي اهتم بيه ده :(

الزنارى يقول...

صور رائعة و معبرة و موضوع أكثر من رائع يوضح مدى اهتمامك بقرائك و المدونين كذلك .

أحييك على شعورك الطيب و على الموضوع الأكثر من رائع .

مع خالص التحيات و التقدير .

أحمد الزنارى

أحمـــــــــــــد أبو العلا يقول...

ايه الصور الجميله ديخ

الطبيعه عندكم ساحره بجد كده
ممممممممممم لازم نشوف الكلام ده على الطبيعه

على فكره
صور المقابر اللي انتي شايفاها ديه جنب شغلي بلاظبط
لأ انا مش بشتغل في الترب
بس المنطقه الحره للاستثمار وراها مباشرة

Mr.Hazem يقول...

يااااه نيالكم
الله يسعدكم ويوفقكم
ما شاء الله يبدو انه رحلتكم كانت حلللوة
ان شاءا لله كل ايامكم تكون حلوة
ارق تحية

عاشقه الرومانسيه يقول...

حلوه الصور
والاحلى من الصور ان ابراهيم ونوران صورتهم واضحه جدا
عااااااااااا
انتى بتحنسينى؟
عاااااااااااا
ثم ان المقابر مسلمين او مسيحين ما لازم تبقى هاديه
يعنى الاموات هيعملوا حفله ياليدى؟
ماده الطبيعى يابنتى
هههههههههههههههههههههههه
بس ملحوظه حلوه منك
انك تعجبى بشكل السحاب
انا عايزه صوره جوجو
لازم اتعرف عليها
(:

همســات عــلى ضــوء الــقمر يقول...

ههههههههههه

ضحكتينى وانت بتقولى تايتانيك
بس تيتانيك على الطراز المصرى


وصور راااااائعة والله

واكتر حاجة عجبتنى الدندوووب
بتاعك :):)

انا من عشاق التصوير

وكتير مناظر السحاب بتشدنى
احيييكى بجد على الصور التحفة دى

فاتيما يقول...

الله يا لولى
رجعتينا للحظات الساحرة دى من تانى
وحشتونى يا عيااااااال
و وحشنى النيل الساحر بتاعكم
كل الصور تحفة حتى صور المقابر
و مش بس الحياة بتجمعنا
مسلمين و مسيحين
لأ ..الموت كمان بيضمنا
و بنسكن فيه جنب بعض متجاورين
و شيلى الدبدوب زى ما تحبى
و لا يهمك
و افضلى محتفظة بروح الطفلة دى
اوعى تكبريها
و لا تشيليها الهم
مهما حصل
لأن حبها و حضنها و دلعها ليكى
هوه اللى هيخليكى تعيشى دايما
احلى ما فى اللحظة
زى ما بتقولى
بوسة و حضونة يا حبيبتى

همس الاحباب يقول...

يااااااه لسه فاكر
كان زمااااان
بس دى ذكريات جميلة وستظل عالقة بالاذهان
تسلم الايادى
بس عايز اعرف ايه اللى جاب القلعة جنب البحر
ايه اللى جاب سلطنة عمان للمنصورة
لمقابر الاموات
فعلا روح طفلة
هههههههه
تحياتى

مسدس صغير يقول...

اولا مش دى المركب اللى احنا ركبناها
هههههههههه
انا مصورها عندى
ههههههه
فضحتينا
الله يسترك
هههههههه
ثم انا فين
انا مش عارفنى
ولا صورتى صورتى
ولا ده انا
هههههههههه


بوست هايل
وصور جميلة
احييكى عليه
وبجد كان يوم جميل
نورتينا

sookra يقول...

من ساعتين دخلت كتبت تعليق وقبل ماابعته الكهربا قطعت يعجبك كدا؟
تعرفى نفسى اركب طياره وتروح مكان بعيد
ماتيجى معايا
ههههههههههههه
اللقاء كان جميل بس الحظ مااسعفنيش انى اتعرف عليكى من قريب

اقصوصه يقول...

بوست حلو ومسلي :)

Lady E يقول...

الزنارى : متشكرة جدا على رأيك الجميل يا احمد
سعيدة ان ده يكون رأيك

وأكيد لازم أهتم بقرائي والمدونين اللي بيتابعوا مدونتي

وبجد انتا من الناس اللي بحترم كتاباتهم
وبحس انهم سابقين سنهم بكتير

ربنا يوفقك في الثانوية العامة وان شاء الله تروح الكلية اللي بتتمناها

دمت بخير

لا تـــشـــتــــاق يقول...

عزيزتى lady E
حلوه الصور بجد
ايه الناس الى غاويه الجمال ده
طبعا نسيب كل حاجه لناسها ونسكت احسن
ياستى ربنا يزود البومات صورك
بكل ماهو جميل
دمتى فيتا واسطنبولى
القاك على خير

Lady E يقول...

أحمـــــــــــــد أبو العلا : هي طبيعة ساحرة ماشي متفقين لكن مش عندنا دي في المنصورة مش في دمياط :)
ده ميمنعش ان عندنا في دمياط طبيعة ساحرة برضه في الكورنيش ورأس البر

وان شاء الله تشوف الطبيعة دي وتتعرف بأجمل ناس في لقاء المدونين الجاي في المنصورة ان شاء الله

أكيد مش بتشتغل في الترب يا انجينير :)
هي المقابر دي شكلها مريح لكن في مقابر تانيه شكلها بيخوف مش عارفه ليه

ربنا يوفقك في شغلك ويسلم طريقك لأن الطريق هناك صعب شوية والدائري كمان طريق رهيب

Lady E يقول...

Mr.Hazem : ونيالكم انتوا كمان يا اهل فلسطين الطبيعة عندكو حلوة برضه

ايام الدراسة قبل الكلية كان عندي صديقتين من فلسطين ودايما كانوا بيحكولي عن جمال فلسطين ومنهم صديقة كانت مقربة جدا مني عملتلي قهوة فلسطينية بجد لغاية النهاردة مشربتش قهوة في جمالها
نيالكم بالقهوة والطبيعة الساحرة بتاعتكم :)

ومين عارف يمكن يجي اليوم ويبقى في لقاء للمدونين العرب في فلسطين

Lady E يقول...

عاشقه الرومانسيه : تسلمي يا قمرايا
صورة ابراهيم ونوران مقصودة انها متكونش واضحه يا دودو علشان نوران مكنتش عايزة تتصور
وأيون بغيظك علشان كان نفسي تيجي اللقاء ومجيتيش :(

تصدقي فكره :) بس في مقابر شكلها مرعب وبتخوف متحسيش بالهدوء وانتي بتشوفيها على العكس من المقابر دي

وجوجو مش بتتكشف على مدونات :) انتي عايزة صورها تتنشر عالنت ولا ايه

Lady E يقول...

همســات عــلى ضــوء الــقمر : أيوة طبعا نحن نختلف عن الأخرون لازم تيتانك المصرية تبقى مختلفه :)

وبعدين جوجو هتزعل اوي لو سمعتك بتقولي عليها دبدوب هي دبدوبة بنوتة

تسلمي يا قمرايا ونورتيني وزعلت بجد انك هتسيبي التدوين فترة

Lady E يقول...

فاتيما : هييييييييييييه هييييييه مش مصدقه عينيا بجد بجد فاتيما عندي في المدونة وانا بقول المدونة منورة ليه

بجد انتي كمان وحشتينا واليوم كان جميل جدا بيكي وبكل اللي كانوا موجودين

وبجد بحاول على اد ما أقدر احتفظ بالطفولة جوايا لأن هي اللي بتساعدني اني استمر في الحياه

وهيييييييييه بجد فرحانه بأحلى بوسة وحضونة منك يا حبيبتي

بجد فرحانه بتعليقك

Lady E يقول...

همس الاحباب : اللي جاب المنصورة لعمان ان الأرض كروية تدور حول نفسها :)

بس سؤال هي فين القلعة وفين البحر ؟ :)

Lady E يقول...

مسدس صغير : أيوة فعلا الصورة اللي عندك مش هي المركب :)

بجد في مدونين صدقوا ان الصورة اللي عندك في البلوج بجد وهي دي المركب اللي كنا فيها :)

وبيتهيألي دي صورتك يا صلاح بس هي الصور مش واضحه

دمت بخير وفعلا كان يوم جميل بكل اللي كانوا موجودين فيه

Lady E يقول...

sookra : لأ طبعا اخص عليها الكهربا :(

ان شاء الله نقعد مع بعض اللقاء الجاي فترة اطول وكمان تيجي معانا الرحلة النيلية

Lady E يقول...

اقصوصه : تسلمي يا قمرايا نورتيني

Lady E يقول...

لا تـــشـــتــــاق : نفسي مرة واحدة أفهم كومنتاتك

دمتي فيتا واسطنبولي وشيدر ورمي بالمرة :)

norahaty يقول...

فين الناس ياطفلة!
عايزين صور الناس
انتى عاملة زى عبد السلام
النابلسى فى فيلم يوم من عمرى
لما صور الطيارة وما صورش
المليونير (زبيدة ثروت)