رسالة جتلي من كيكي بعد الماتش بتاع مصر والجزائر وقلت لازمن ولابندق انشرها عالمدونة
عندما نشعر بالخوف والظلم من الحياه
ونشعر بإنهيار أحلامنا
يجب أن نتحد جميعا ونقف وقفة رجل واحد ونصرخ ونقووووووووووول :
العنــــــــــــــــــب العنـــــــــــــــــــــــب العنـــــــــــــــــــــب
علشان كلوا يحرم يقف وقفة رجالة تاني لو كانوا وقفوا وقفة ستات كانوا كسبوا
ملحوظة : الكلام ده كله هزار وربنا يعدي اليومين الجايين على المصريين على خير
معلش هي الرياضة مكسب وخسارة واللي هيزعل اكتر من كده هيبقى بيضايق نفسه عالفاضي لما كل حاجة تتظبط في بلدنا وميبقاش فاضل الا الرياضة وقتها يبقى نزعل لكن دلوقتي زعلنا مش هيفيد
هناك 25 تعليقًا:
طفله موش لازم تكبرى
ياريت نبطل نقف وقفه رجاله
ونقف وقفه بجد فى كل اللى بيحصل لنا
بس انا زعلانه ومش عاوزه اغنى العنب:(
عاوزه اغنى انا من ضيع فى الاوهام عمره:(
قدّر الله وما شاء فعل
ياريتنا اتغلبنا علشان هما لعبوا احسن مننا
لكن للأسف هما كسبونا باساليب ربنا وحدة اعلم بيها
طيب وولادنا اللى بينضربوا ويتهانوا فى السودان ؟
روحى شوفى عمرو اديب بيقول ايه
الموضوع بقى اكبر من مجرد لعبه ياليدى
بجد حاجه تحرق الدم
:(
انا زعلانه بجد اوي :(
الحمدلله ع كل حال
:(
أحمر
أخضر
هوا إيه
العنب العنب العنب
اهوه ماتش ومشى لحال سبيله وانا قلت قبل كدا انجازاتنا واضحة من زمان مش محتاجه ماتشات ولا بتاع
صبح صبح
تحياتى
شاب فقرى
صح كده
ياجماعه اللى وصل فريق عربى اللى حصل حصل
المهم
اننا نفكر فى البلد ده بطريقه اعظم من كده
بلدنا مش وقفه على الكوره
بلدنا مستقبلها اعظم من كده
شكرا على البوست الهائل ده
بجد اول مره احس انى مخنوق بعد ماتش بجد حرام نخسر لاننا بجد تعبنا لكن دايما لما بزعل بفتكر دايما "عسى ان تكرهوا شيئا وهو خيرا لكم " وبتمنى ان المنتخب يطور من نفسوا شويه واكيد هنبقى احسن لاننا فعلا فريق رجاله ومن قلبى بجد بتمنلكم كلكم كل خير وسعاده و صحه وتوفيق وفرح و ابتسامه تدوم يا رب طول العمر وبتمنى انكم تزورونى وتقولوا رايكم
الحمد لله ياليدى
وربنا يستر على الى جاى
ياريت الحشد الأعلامى
المكثف دا سواء قبل أو
بعد المباراتين يكون فى
حاجة أحسن شوية ..
محو الامية ,
رمى القمامة
بردون(التف) على الارض
بجد لو اعلامنا كثف نفسه وشحن
الجماهير بنفس القوة كنا نجحنا فى
حاجات كتير اوى !
احنا علمنا الدول العربيه الاخرى اننا الاخت الكبيره اللى بتسامح بس يا ترى فهمومها صح ويا ترى الاخت دى مش من حقها يوم تثور لما تلقى حد جه على حقها يمكن فهموا اننا ضعاف وبنسيب حقنا لكن لو ردينا بس رد صغير اكيد هيعرفوا مين احنا وجميل اوى البوست دا ومن قلبى بتمنلك كل خير وسعاده وصحه وتوفيق وفرح وباتسامه تدوم يا رب طول العمر
sookra : يا سكره في روح رووووووح :)
روح طفله مش انا اللي طفلة دي روحي
ياريت فعلا
منوراني دايما بجد
الشعب لابد له من حكومه تشكمه : شيما غني راح أحسن او ظلموه :)
خلاص الماتش خد الشر وراح متزعليش نفسك الدنيا متستاهلش وان شاء الله المرة الجايه نطلع كاس العالم عادي دي مش اخر فرصه وبعدين ما احنا طلعنا كاس العالم قبل كده يعني عادي كاس العالم مش جديد علينا
روقي
romansy :الحمد لله
وأكيد قدر الله وما شاء فعل
عاشقه الرومانسيه : للأسف معنديش اوربت لكن كنت بعرف التفاصيل منك امبارح يا دودو واتحرق دمي جدا بجد يا خسارة بس مش عايزة اعمم مش كل الجزائريين وحشين في شوية منهم متعصبين هما اللي عملوا كده لكن مش كلهم بدليل ان المصريين اللي بعض الجزائريين اقتحموا بيوتهم في الجزائر قالوا ان كان في جزائريين كويسين وكمان سايبين فلوسهم امانه معاهم يعني مش كل الشعب وحش
أميرة علي كوكب مهجور : لاااااا أميرة اكتئبت يا رجالة سنتين بقى على ما تفرفش تاني عاااااااااااا
متزعليش يا مرمر خلاص الماتش خلص هيفيد بإيه الزعل
شاب فقرى : ههههههههه نسيت الأصفر وتبقى اشارة مرور
يا عيني ع الاحباط خليك متفائل
صبح صبح يا عم الحج وبلاش غياب فأجه كده تاني
amr elsharqawy :بجد عجبني جدا كلامك والتفاؤل اللي فيه
بجد بحييك على الكومنت الجميل ده
amirelhob : كلنا اتخنقنا واتضايقنا بعد الماتش لكن الحياه هتستمر مش ماتش كورة اللي هيوقف حياتنا
"عسى ان تكرهوا شيئا وهو خيرا لكم " طبعا ده احسن كلام
ربنا يكرمك ويجعلك من دعائك نصيب يارب
لا تـــشـــتــــاق : الحمد لله على كل حال طبعا
وان شاء الله الجاي أحسن
norahaty : عندك حق يا دكتر بجد لو ده حصل كان في حاجات كتير اتغيرت للأحسن واختفت كتير من مشكلات مجتمعنا
amirelhob : اكيد بحترم رأيك يا أمير
لكن مش معاك ان كل العرب بيلطشوا في مصر في عرب كتير بيحبونا بجد وبيعاملوا المصريين بكل حب وود ولما بيحبوا يدرسوا بينزلوا الكليات في مصر مع ان قدامهم مليون بلد كلياتها احسن مليون مرة من كليات مصر
الصورة مش سودا أوي كده
دمت بخير وربنا يتقبل دعائك يارب
ازاى بس مانزعلش
انا ماليش فى الكرة ولا بتابعها حتى
بس لما الموضوع يصل ان جمهور الجزاير يضرب ويهين الجمهور المصرى فى السودان يبقى لازم ازعل طبعا
ازعل على ولاد بلدى واللى حصلهم
ازعل على اسم بلدى اللى محدش عبره ولا بعتله اعتذار رسمى لغاية دلؤتى
ازعل على اهانات اتوجهت للشعب المصرى كله باللى حصلنا فى السودان
موناليزا : انا كتبت البوست بعد الماتش مباشرة يا موناليزا مكنش كل ده حصل
انا حزينة ومستاءة بجد من اللي حصل بعد الماتش
بس ان شاء الله حق اولاد بلدنا مش هيروح
إرسال تعليق