الاثنين، 23 نوفمبر 2009

Bedazzled


Bedazzled
فيلم جميل بجد واتاخد منه فكرة فيلم طير انت
الفيلم فكرته بإختصار ان البطل اللي فوق في الصورة بيبع كيانه "روحه" للشر مقابل ان الشريرة اللي في الصورة برضه :) تحقق له 7 أمنيات المهم حققتله 6 أمنيات بس كل مره كانت بتبوظ له أمنيته هو كان نفسه ان بنوتة بيحبها تحبه المهم في الأخر متمناش أخر أمنيه
واتحررت روحه من الشر مع انه لو كان طلب أخر أمنيه كانت روحه هتفضل في الجحيم طول حياته
المهم لفت انتباهي جمله قالتها الشريرة : الحكاية مش حكاية نعيم وجحيم
النعيم والجحيم احنا اللي بنصنعهم ، النعيم والجحيم احنا الي بنصنعهم
احنا اللي بنصنعهم !

هناك 25 تعليقًا:

amirelhob يقول...

يمكن انا عارف دا من قصه كانت فى كتاب مره قريتها عاجبتينى اوى راجل صياد قال كلمه واحده احنا نقدر نختار نبقى فرحانين ولا زعلانين لو اختارنا الطمع عمرنا ما هنرتح ولو اختارنا القناع هنعل الكل ازاى يرتاح بوست كبير جدااااااااا يمك مش فى الكلام لكن كبير جدا فى المعانى من قلبى بجد بتمنلك كل خير وسعاده وصحه وتوفيق وفرح وابتسامه تدوم يا رب طول العمر ويا رب اكون اول كومنت

شفـقــة و إحســــان يقول...

شوقتينى اشوف الفيلم اوى....شكله حلو بجد
بس تعرفى احلى جملة اتقالت ان النعيم والجحيم من صنعنا احنا وده حقيقى
وحشتينى ومش هسال عنك تانى طول ما انتى ما بتساليش

شيماء جمال(شيمو القمر) يقول...

بجد كلامك فى الجون

احنا بأفعالنا نصنع أقدارنا

ونستطيع ان نكون سعداء أو حزناء

تحياتى لكلماتك الشقية

شيمو القمر

Cute Kitty **sookra يقول...

ليدى
انا عارفه الفيلم دا
بس ايه ياخواتى الفلفسه (خلى بالك قوليها زي مابقولها فلفسه)
اللى نزلت عليكى دى
الجحيم والنعيم احنا اللى بنصنعهم

Heba Gamal Emara يقول...

بوست جميل بجد
انا بحب الفيلم جدا جدا وعلى طول بتفرج عليه وبضحك منه جدا
بس هى دى الفكرة اللى المؤلف عايزنا نطلع بيها من الفيلم ان الجحيم والنعيم احنا اللى بنصنعهم

همس الاحباب يقول...

الواضح انك كبرتى بسرعة
وقبل الاوان باوان وفعلا نحن من نصنع الجحيم لانفسنا وكذاك النعيم
والسعادة او التعاسة بايدينا
تحياتى

الشعب لابد له من حكومه تشكمه يقول...

الفيلم ده مش بحبه هههههههههههههههههههه,بس حلوه الجمله اللى اخترتيها هى فعلا صح جداااااااااااااااا....

كيكى عوووووو يقول...

النعيم والجحيم احنا الي بنصنعهم
!!!!
مممممممممممممممممممم

فاتيما يقول...

دى حقيقة يا لولو
و يمكن دا التفسير المنطقى لأنك تشوفى حد ناقصه حاجات كتير لكن سعيد و راضى و حد عنده كل حاجة و تعيس و بيقدم على الإنتحار ....الفيلم كمان على قدر ما فكرته المفروض تكون عويصة و عميقة لكن متعالجة بخفة دم و كوميديا عالية تخلى الواحد يجرى ورا الامنيات واحدة ورا التانية و يستغرب فعلا من إن البنى آدم لما يتحط قصاد إختيارات و يملك ارادة كاملة ممكن يبوظها إزاى و يطلع فى الآخر عاوز يبقى نفسه لأن مصيره بإيده مش فى حياة اخرى بديلة ..
وحشتينى يا شقاوة
و بوسة و حضونة قد كدااااااااا

فراشة يقول...

صح جدااااااااااااا

فعلا والله الواحد هو بيصنع حياته الحلوةبجنتها او جحيمها

ليدي وحشتينى من قبل ما اعرفك بجد
نفسي اكلمك
ان شاء الله قريب

ستيتة يقول...

كلامك يعجبني جدا
بس تعرفي ان فيلم طير انت عجبني ميت مرة عن الفيلم الأجنبي
اول فيلم مصري متاخد عن قصة اجنبية بس معمول فيه شغل يخص مجتمعنا بشكل اكثر من رائع
اتفرجت عليه بالمناسبة مرتين اتنين في السينيما لأنه بسطني وهذا امر نادر في الحياة اليومين دول
تحياتي

شاب فقرى يقول...

يا جدعان والله على طول بقول ان احنا اللى بنصنع الظروف واحنا اللى بنتحكم فى حياتنا

ناس تانية تقولك لاء

أهوه إبليس فى الفيلم دا أثبت بالدليل القاطع ان النعيم والجحيم فى حياة الانسان من صنعه

وفى الاخرة اختياره برده

تحياتى

شاب فقرى

ملحوظة نونة بس كدا :

الواد اللى فى الصورة دا احيانا بيبقى تمثيله كويس بس انا مبحبوش

Lady E يقول...

amirelhob : بجد جملة الصياد حلوة أوي أول مرة أعرفها ويمكن الكلام قليل لكن معناه مهم جدا

أمين يارب

وانتا فعلا أول كومنت يا أمير
ربنا يكرمك ونورت اول كومنت

Lady E يقول...

شفـقــة و إحســــان : هو فعلا فيلم حلو يا شفشوقه

وبعدين انا مبسألش؟ :(

ماشي يا شفشوقة بصي في المسجات عندك في الموبايل هتلاقيني بسأل

مقدرش مسألش عليكي يا قمرايا

Lady E يقول...

شيماء جمال(شيمو القمر : أهلا بيكي يا شيمو

هههههههه حلوة حزناء دي :)

نورتيني يا شيمو يا قمرايا

Lady E يقول...

sookra : فلفسة ههههههههه هو ده التجديد يا سكرة :)

الفلسفة منزلتش عليا ولا حاجه يا سكره بس الجمله فعلا جميله ومعناها عميق أوي

Lady E يقول...

Heba Gamal Emara : أهلا بيكي يا هبه

والبوست جميل بوجودك يا قمرايا

وكمان فلسفة الفيلم كلها بتتكلم عن ان مش المفروض ننتظر حد انه يحقق لنا احلامنا لازم احنا اللي نحققها

Lady E يقول...

همس الاحباب : لسه فاكرة كلمة حضرتك يوم اللقاء لما قولتلي ان شاء الله هتكبري :)

ربنا يبارك لك في همس وشابي

بجد دائما بكون سعيدة بتعليقاتك

Lady E يقول...

الشعب لابد له من حكومه تشكمه : لازم تكون حلوة يا شيما علشان انا اخترتها وانتوا قرأتوها :)

Lady E يقول...

كيكى عوووووو : علامات تعجب و ممممممم كمان يا كيكي :)

كل ده :)

ماشي

Lady E يقول...

فاتيما حبيبتي : "لأن مصيره بإيده مش فى حياة اخرى بديلة .."

الله عليكي بجد جملة جميلة اوي يا حبيبتي

وانتي كمان وحشتيني جدا بجد واتمنى اشوفك قريب يا صاحبة احلى وأحن وأجمل بوسة وحضونه

Lady E يقول...

فراشة : ههههههه ايوة عارفاني بهزار يا فراشه :)

وربنا حقق أمنيتك :) واتكلمنا قريب متقوليش بقى من قبل ما اعرفك بجد :)

دمتي بخير يا قمرايا

Lady E يقول...

خالتو ستيته حسب الله الحمش حبيبتي : يا عيني دي شهادة أعتز بيها يا خالتو

لسه مشوفتش فيلم طير انت بس عجبتني جدا الاغنية بتاعة احمد مكي ودنيا متحاولش تبقى حد تاني غير نفسك خليك واثق في نفسك

شجعتيني اني اشوف فيلم طير انت يا خالتو

ربنا يسعدك دايما

Lady E يقول...

شاب فقرى : مين الناس التانية دي يا شاب :) سيبك منهم

هي كانت ابليسه مش ابليس :)

الواد اللي ف الصورة ولا الممثل اللي في الصورة

وبعدين مفيش مشكلة يا شاب مش شرط ان كل الناس تحب كل الممثلين دي وجهات نظر وقبول

مجرد انسان يقول...

كلام صح

الانسان هو الصانع والمنتج والموزع


انا ضيف جديد فى عالم التدوين وعايز ترحيب وتشجيع

تحياتى