الثلاثاء، 27 أكتوبر 2009

يوم ألقاك ...



أشعر أن المسافة بيننا قد طويت وقد أقتربت مني واقتربت منك حتى انني أكاد ان أسمع وقع خطواتك


أكاد أن أراك كما أرى أشعة الشمس الذهبية على وجهي كل صباح وحينما أستيقظ من النوم وكلي يقين بأن كل يوم جديد يقربني من قربك

هل تعلم؟ ان أبواينا أدم وحواء قد افترقا واستمر بعدهم سنوات وسنوات الى أن جمعهم اللقاء

سنوات وأيام قضياها في البعد والخوف والتفكير في المجهول ولكنهم كانا على يقين ان اللقاء قريب

وحينما التقيا كان لقائهم يغلفه الفرح والحب والهناء والسعادة وأصبح يوم لقائهم يوم لكل المسلمين وسمي الجبل
(مكان لقائهم) ب جبل (عرفات) لأنهم تعارفوا هناك بعدما تاهت أرواحهم سنوات وسنوات

هكذا أنا وانت فقد تعارفنا وتألفت أرواحنا حينما كنا هناك يوم شهدنا بوحدانية الله الواحد الأحد يوم شهدنا انه ربنا سبحانه ولا رب سواه يومها همست لي أنه كما تلاقينا هنا سنتلاقى هناك (في الحياة) فأطمني ولا تقلقي وانتظريني وها أنا على وعدي وعهدي معك وعندي يقين بأني سأراك وستضيء النجوم ويبتسم القمر وتغني العصافير ويلمع الماء على صفحات النيل من الفرحة وأنا بقربك وأخيرا ستقول لي الكلمة التي انتظرها بكل شوق وسأقول لك الكلمة التي خبأتها في قلبي وأدخرتها لك


لك وحدك



ف الى ذلك اليوم
أشتاق اليك يا رفيق روحي

هناك 11 تعليقًا:

الشعب لابد له من حكومه تشكمه يقول...

لا انا مش حاسه ان المسافه قريبت خالص ههههههههههههههههه..
ربنا يقربلك البعيد يارب ويسعد قلبك:)

Lady E يقول...

الشعب لابد له من حكومه تشكمه : ههههههههه طب احكمي على نفسك بقى ده كلام بنوتة متفائلة :) سؤال يطرح نفسه

على فكرة انا بقى متأكده ان المسافة قربت بينك وبينه زي حلاتي بالضبط ويمكن اكتر كمان يمكن تقومي تفتحي الباب تلاقيه في وشك يا شيما او ماشي وراكي علشان يديكي وردة :)

اللهم أمين ليا وليكي ولكل بنوتات المسلمين

الشعب لابد له من حكومه تشكمه يقول...

المشكله انك فعلا تلاقيه بيخبط تقومى تفتحى الباب متلاقيهوش هو وكل شويه تقومى تفتحى الباب لحد مرجليكى توجعك هههههههههههههه.
دا كلام واحده فى قمة تفاؤلها هههههه طب اقولك والله لسه بابنا مخبط النهارده بس لما فتحت ملقتوش هو هههههههههههههههههه.طلعت اوت.
وبالمناسبه دى احب اسمع اغنية ياما القمر عالباب خبط اناديله ياما ارد الباب ولا اناديله.
فى رااى ارد باب لحد ما الخبطه تعجبنى

Lady E يقول...

الشعب لابد له من حكومه تشكمه : ههههههههه لأ بقى كده الحل انك تشيلي الباب يا شيما هتفضلي رايحه جايه عالباب ورجليكي توجعك شيلي الباب وارتاحي

وبعدين فينك يا فايزة احمد شيما بوظت الكلمات اسمها نور قناديله مش خبط اناديله وتعالي نغني انا لحبيبي :)

بصي بقى انا بقترح ان لقاء المدونين يكون في جزيرة الورد علشان أنا أصلا جاية المنصورة ان شاء الله علشان عايزة شوية كتب من مكتبة بوكس اند بينز
اللي في المشايه وجزيرة الورد قريبة من المكتبة :) قيبقى مشوارين في واحد

أميرة علي كوكب مهجور يقول...

انا كمان سامعة وقع خطواته اسمعي معايا كده :)

ربنا يسعدك يا قمر والله تستاهلي كل خير

طوبه فضه وطوبه دهب يقول...

ربنا يقرب لك كل ما تتمنى ويقربك ممن احببتى ويجمعكما على كل خير بما يحب ويرضى

فراشة يقول...

لا حلو التفاؤل برضه

بس انا من كتر التفاؤل مبقتش لاقيه تفاؤل خلاص ........

انابقى كنت متأكده انه قريب قوي وخلاص هييجي عشان حاسس بيا

بس دلوقتى متأكده انه خلاص مش هييجى مش عارفه ليه بس حاسه كدا

شكرا على المدونة الجميلة والاحساس بالتفاؤل

شفـقــة و إحســــان يقول...

يا نوسة اعترفى مين ده اللى لك وحدك
مش هسيبك لابندق حتما ولابندق انك تعترفى
كده مش عايزة
عموما بكرة تضربى نفسك مية بلغة وشبشب انك قلت لك وحدك
شفقة

عابرة السبيل يقول...

السلام عليكم

ربنا يقرب البعيد يااااااااااارب

جربت الاحساس ده
احساس صعب قوى رغم انه بيشعل العاطفة فى القلوب مرة تانية

مي يقول...

ربنا يقرب لكى البعيد ويسعدك ياقمر كلماتك جميلة معطرة بالامل والتفاؤل

Unknown يقول...

هالو جيرل
يسعد صباحك
كتير مبسوط بزيارتك لمدونتي
رغم المسافات
رغم البعد
رغم الحصار
بالتأكيد لن يمنعنا من التواصل مع اصدقائنا واخوتنا من دول اخرى

كلماتك رائعه
كلماتك مميزة من شخص مميز

اتمنى التواصل :)