الخميس، 15 أكتوبر، 2009

زيارة بقرار جمهوري


السلام عليكم ورحمة الله وبركاته

تنتابني حالة من السعادة وأحس ببهجت وصفاء وسعيدة ومسعود وسعد وكل الأسماء اللي بتدل على السعادة
وأشعر أن لي جناحين وأحلق بهما في السماء حيث الغيوم والسحب والنجوم والقمر والشمس معاهم اشمعنى هي يعني؟

الدنيا كلها فرحانة وبتحتفل معايا والسبب محاضرة النهاردة غير انها محاضرة دكتر اسلام الصادي وغير اني من أشد المعجبين بالمحاضرات دي زي ما قولتلكو ووصفتلكوا البوست اللي فات فأخيرا جمعت قوايا وتشجعت ورحت سألت دكتر اسلام على أسئلة في الدراسة وكمان قولتله اني كتبت عنه في مدونتي المتواضعة وفورا دكتر اسلام قاللي انه عايز يلقي نظرة عالمدونة وأول لما سمعت الكلمة دي حسيت اني رحت لعالم تاني كله ناس بتضحك وفرحانة وأطفال بفساتينهم الوردية الجميلة وبلوناتهم والسما صافية والورود الجميلة في كل مكان ومبقيتش موجودة في المحاضرة حتى مش فاكرة قولت ايه لدكتر اسلام

رحت الدنيا الجميلة دي ل لحظات ورجعت بسرعة من الدنيا دي وقولت لدكتر اسلام دي حاجة تسعدني والحقيقة اني كان نفسي أقوله دي حاجة انا محلمش بيها أساسا وحضرتك تشرف مدونتي ودي حاجة أتمناها بجد ولولا ان المدونة كانت مغلقة مؤقتا للتحسينات كنت كتبت لينك المدونة ل د. اسلام لكن لسه هنتظر للأسبوع الجاي ان شاء الله فبالله عليكي يا ساعة بالوقت اجري
انا بجد فرحانة ان د. اسلام اللي قرأ لعظماء الأدباء والشعراء في العالم هياخد من وقته ويقرأ post أو اكتر في مدونتي

وده بيدل ان في دكاترة في الجامعات المصرية لسه بخير ولسه في تعليم ولسه في انسان بيحترم الطلاب اللي بيدرسلهم وأن الصورة لسه حلوة ومش قاتمة أوي زي ما كنت شايفاها

هناك 12 تعليقًا:

احساس طفلة محبة للرومانسية بس واقعية يقول...

اكيد الدكتور دا شخص محترم وراقى جدا انه بيستمع ويتعامل مع طلابة بلا تكبر ولا عدم فهم بيخلينا شايفين الصورة وحشة
واكيد يا ليدى يا قمر الصورة مش قاتمة اوى هى كاروهات بنى على رمادى على كحلى وكويس انك لقيتى فيها احمر وبرتقالى واصفر وروز
:)

دائما وابدا الصورة حلوة والامل موجود وهو القائم ويارب حياتك كلها تكون دنيا جميلة ويارب كل الناس اللى هتتعملى معاهم فى حياتك يكونوا فى اخلاق ورقى دكتور اسلام

يارب تكونى بخير
تقبلى مرورى

احساس طفلة محبة للرومانسية بس واقعية يقول...

اوووووووووول اوووووووووول
اوووووووووول اوووووووووول
تعليق يا هوووووووووووووو

عاشقة الأحزان يقول...

تانى

تعليق

فوووووووووووووووووو

عاشقة الأحزان يقول...

وحشتينى قوووووووووووووى
اخبارك ايه؟؟؟؟؟؟؟؟

مممممممممممممممممممم

بجد مبسوطه انك سعيده وفرحانه
ربنا يسعدك كمان وكمان
ويريح قلبك
وتحياتى للدكتور الاكثر من رائع
دمتى بكل خير
ايناس

mohamed ghalia يقول...

ربنا يسعدك دايما
واضح انه شخصية هايلة بجد

dramaqueen يقول...

واااااااااااااو ياليدى

بج واضح ان الدكتور له عقليه متفتحه جدا واسلوبه هادى وسلس انه يتكلم كدة معاكى
اغلب الدكاترة عندنا كانوا مكلكعين
مش كلهم والله

تحياتى للدكتور واحترامى الشديد له

Hager Za3bal يقول...

فرحت اوي لما لقيت كومنتك عندي .. وهرد عليكي هناك .. :)

وفرحت اكتر لما جيت هنا ولقيتك مبسوطه ..:)

في ناس معينين بيأثروا في حياتنا ، ممكن ميكونوش احسن حد في الدنيا بس هما في عينينا بيكونوا كده :)

ربنا يديم الفرحه دي يارب

وياريت متغيبيش كده عشان بتوحشيني :)

تحياتي

Lady E يقول...

احساس طفلة : كلامك سليم مية في المية

اللهم أمين وليكي مثل دعائك يا قمرايا

انا بخير طول ما انتي بخير

نورتيني

صمت المشاعر يقول...

ازيك ياليدي وحشتيني كتير


انا بيعطيني دكتور اسلام الصادي

بجد دكتور ممتاز جداااااا وربنا يجزيه كل خير

من اشد المعجبين باسلوبه بصراحه

علي الرغم من انه بيعطيني تقدير بصعوبه بس بجد ما شاء الله عليه

فراشة يقول...

أولا أحب أشرك واحييك على اسلوبك الجميل

ثانيا انا مبسوطة انى دخلت الدمونة بالصدفة وكانت صدفه حلوة

ثالثا ... هو اللى بيعلق أول واحد بياخد شوكولاته ولبان هههههههههه

سوري يعنى بس لاحظتها ف كذا مدونة
قلت أسأل ... أستشير
يمكن آخد شوكولاته؟؟

طارق م ع ز يقول...

على فكرة انا صديق الكتور اسلام وارجو الا اكون متطفلا عليه واحب ان اقول ان ما ذكرتيه اقل كثيرا من الحقيقة ولا اقول انه ني ولكنه متخلقا باخلاق الانبياء

Lady E يقول...

طارق م ع ز : اهلا بيك

دكتر اسلام من اجمل الشخصيات اللي ممكن الانسان يتعلم منها ويجبر اي انسان على احترامه

مفيش تطفل ولا حاجه واهلا بيك دائما في المدونة
اكيد صداقة دكتر اسلام تضيف لأي انسان