الأحد، 25 أكتوبر، 2009

هدية لكل المدونين ولغير المدونين برضه :)

الفيديو دا اهداء ل احساس طفلة حبيبتي ود. ستيتة خالتو حبيبتي ول شيما اللي دايما مختلفه معايا بس حبيبتي برضه ولمرمر على كوكو مهجور حبيبتي ولبسمة أنور حبيبتي برضه كلكن حبيباتي في الله
وطبعا انا حاولت انزل الفيديو ومعرفتش فجيبتلكم اللينك بتاعه من اليوتيوب علشان تتفرجوا عليه لأن نفسي كل الناس تشوفه وخصوصا اللي فاقدين الأمل في حياتهم
الفيديو ده شوفته في كورس الH.R وحسيت بإني طايرة وروحي المعنوية مرتفعه
والأغنية اللي هتشوفوها فضلت تتكرر جوايا وتحسسني بالتفاؤل والأمل
اتمنى ليكوا متابعة حلوة وسعادة كبيرة ومتأكده ان الفيديو والاغنية ان شاء الله هتعجبكم

هناك 20 تعليقًا:

الشعب لابد له من حكومه تشكمه يقول...

:)

Lady E يقول...

الشعب لابد له من حكومه تشكمه : خير الكلام ما قل ودل

اخيرا سمايلي فيس من شيما :)

الشعب لابد له من حكومه تشكمه يقول...

على فكره انتى بتفترى عليا:)
هاتيلى بوست واحد عندى كئيب,حرام عليكى دنا نفسى مره اكتءب واعرف اقول انى مكتئبه:)
اللى فات ده كان مناقشه وليس اكتئاب معرفش ليه فهمتيه كده؟
وايه اخيرا سمايلى ده:) انتى هتبوظى سمعتى على فكره:)
يابنتى انا اصحابى اللى معايا من 12 سنه محدش فيهم مره شافنى مكتئبه ولا زعلانه دايما مبتسمه:)
اصلىى للاسف بكتم جوايا:)
حتى فى البلوج عندى لو تفتكرى وانتى معايا من الاول هتلاحظى ان مفيش عندى اى بوست بيتكلم عن اى مشاعر :) ولا زعلانه ولا مكتئبه,للاسف مش بعرف اعبر عن الحجات دى:(
بس دا ميمنعش انى نفسى انزل بوست يكئبكو من باب التغيير:)

رابطة هويتي اسلامية يقول...

وكما وعدناكم بأن تستمر حملتنا وتأتي بكل جديد

ضيف حوارنا هذه الرسالة :::

الأستاذ معتز شاهين - باحث تربوي

صاحب مدونة إحنا وهما

وهي مدونة تهتم بالإستشارات التربوية

نتمني منكم المشاركة معنا في الحوار لمزيد من الإستفادة ولمزيد من الإفادة

مع تحياتنا

أسرة رابطة هويتي إسلامية

hasona يقول...

السلام عليكم


شكرا

وربنا يفقك عنا جميعا ما نحن فيه من هموم وكئابة

ستيته حسب الله الحمش يقول...

تسلم الأيادي يا ليدي هانم
حقيقي جميلة قوي
حلمك لازم تحافظ عليه
هو مسؤليتك
حلوووووووووووووة

أميرة علي كوكب مهجور يقول...

الكليب حلو جدا الاغنية حلوه جدا الفيلم حلو جدا جدا

youssif يقول...

انا جيت اقول صباح الخيييييييير

معلش غبت عن مدونتك فترة و عن النت كله بس اديني رجعت تاني حبيت اطمن عليكي و الف شكر علي الفيديو الجميل ...و طمنينا عليكي دايما يارب

يــوم جــديد يقول...

you have a dream
you protect it
عجبني أوي الفيديو
والفكرة في عرضه في كورس تنمية بشرية
فكرة جميلة
أنا أخدت كورسات تنمية بشرية كتير قبل كده بس مكنش فيها أفكار جميلة زي دي
تسلم ايدك يا ليدي
وتسلم أفكار ومجهود الناس اللي في الكورس

Selfmeaning يقول...

فيديو جميل جدا

ميرسى

احساس طفلة محبة للرومانسية بس واقعية يقول...

الفيلم دا اصلا رهيب
رغم انه ميجبش اى تفاؤل لحد يتفرج علية بس المشهد مع الاغنية بجد يجننو اختيارك رائع جدا يا ليدى هدية جميلة اوى اسمحيلى انا كمان هبعت اللينك لصحابى

دمتى بكل خير
تقبلى رمروى

Lady E يقول...

الشعب لابد له من حكومه تشكمه : هو انا قولت كئيبة يا شيما يا حبيبتي؟
دي احساساتك بس لكن انا مقولتش عليكي كئيبة اطلاقا مطلقا بالتلاتة :)

وعلى فكرة انا متأكده ان روحك المرحة ساعات بيكون وراها شوية حزن متخفيين

وبلااااااش البوست الكئيب الطيب احسن يا شيما ربنا يكرمك ده انتي اللي بتقوليلي بلاش اكتئاب فاكرة البوست اللي كان اهداء ليا :) بحبه جدا

نورتيني يا جميله

Lady E يقول...

رابطة هويتي اسلامية : ان شاء الله

Lady E يقول...

hasona : وعليكم السلام ورحمة الله وبركاته

لا شكر على واجب

امين يارب

دمت بخير

Lady E يقول...

ستيته حسب الله الحمش : والله كل ما بشوف الكومنت بتاعتك في مدونتي بفرح يا خالتو

تسلميلي يا رب وعيونك هما الحلوين لولا جمالهم مكانوش شافوا الفيديو حلو

نورتيني

Lady E يقول...

أميرة علي كوكب مهجور : ده علشان انتي حلوة جدا جدا وصاحبة المدونة عسولة جدا جدا نياهاهاهاهاها

نورتيني يا صبحتي

Lady E يقول...

youssif : صباح النوووووووور

نورت النت كله ومدونتك يا يوسف
وبجد انتا من المدونين اللي بحب أقرأ كتاباتهم وبكون سعيدة لما بيتابعوا مدونتي
ان شاء الله تفضل منور مدونتك بإبداعاتك وكلماتك الجميلة
ويارب تبقى بخير وفي احسن حال دايما

على فكرة حاولت كتير اكتب تعليقات على مدونتك أوراق الخريف بس صفحة التعليقات مش بتفتح عندي للأسف وزعلت جدا لما لقيت مدونتك قول يا أسمر اللون محذوفة

Lady E يقول...

يــوم جــديد : جميل ان الفيديو عجبك يا قمرايا

واحنا شوفنا الفيديو دا في اول يوم في الكورس عن قانون الجذب وكان نفسي اجيبه عالمدونة من اول يوم بس مكنش في وقت ومكنتش اعرف اسم الفيديو وعرفت اسمه واخدته من المستر وحطيت اللينك عالمدونة علشان حسيت انه مفيد ونفسي كل الناس تشوفه وتحس بالتفاؤل والأمل والاصرار على تحقيق الأحلام

حاجة رائعة انك اخدتي كورسات تنمية بشرية كتير ربنا ينفعك بيهموينفع بيكي يارب وفي ميزان حسناتك ان شاء الله

تسلميلي يا يوم جديد
منوراني دايما

Lady E يقول...

Selfmeaning : تسلميلي يا جميله

نورتيني

Lady E يقول...

احساس طفلة محبة للرومانسية بس واقعية : أيون عرفت انه فيلم من أميرة على كوكب وحكيتلي ملخصه وانه كان كله احباط بس في الأخر البطل لقى السعادة

وبجد فرحانه ان الهدية عجبتك يا سكرة

وربنا يجزيكي خير ويكرمك علشان هتبعتي اللينك لأصحابك

دمتي بود وفرحة وبعيده عن حشرات اليابان :)