ماشية في الطريق والليل حالك
والليل طويل وحالي من حالك
ومفيش ضيا في القلب والحب هالك
والظلم ظلام وظلام وبحور وجبال بعيدة
يا روحي متستسلميش وخليكي عنيدة
بكرة تتعدل والشمس تيجي جديدة
ويروح الظالم ويموت الظلام وتتبسم الحياة سعيدة
وتهمس النجوم بحب مش قولتلك هيجي اليوم ومش هتبقي وحيدة
LADY E
هناك 34 تعليقًا:
السلام عليكم
كلامك جميل ورائع فعلا
دمتى بالتقدم
امبارح جيت أفتح مدونتك لقيته بيقولي المدونة مفتوحة للأعضاء المدعويين فقط بجد زعلت قوي وقلبي وجعني قلت مش هعرف أدخل هنا تاني ولا ايه معرفش بأه كان غلط من بلوجر أو انتي كنتي عاملة كده ورجعتي في كلامك معرفش بس بجد فرحت جدا جدا جدا لما فتحت معايا دلوقتي وقريت كلامك
انتي عارفة هي الحكاية حكاية صبر القوة والإرادة والعزيمة توصل لما نريد بجد كلامك رائع بستمتع بيه قوي قوي قوي
ربنا يوفقك ويسعدك يارب
مودتي
جميله جداً صورة البنت اللي في الصورة دي اللي نتعزف الكمان دي .... بس إيه اللي وراها ده ... إوعي يكون كلب .... شكله كده كلب ..أنا كنت حاسس :)
مش قولتلك هيجي اليوم ومش هتبقي وحيدة
كلماتك بسيطة وجميلة يا ليدى
والاجمل عدم استسلامك
ويارب دئما شمسك مشرقة
تقبلى مرورى
BAsMA : وعليكم السلام ورحمة الله وبركاته
الجميل والرائع فعلا رأيك يا قمرايا
دمتي بخير
كاتب مصري : وحياة ربنا بترفع من روحي المعدنية انا فعلا كنت عاملة البلوج للاعضاء المدعويين وده لان حالتي النفسوية كانت تحت الصفر بمسافة كبيرة
وكنت هحذف البلوج بس رجعت في كلامي ما هو كلام طفلة بقى :)
بجد سعيدة بكلامك وبوجهة نظرك في البلوج
اخجلتم تواضعنا يا كاتب
طالما حالي هو حالك
يبقى السعادة جيالك
وطالما لا نصر على خطأ
ونقيس الأمور العقلية ونوزنها صح
ونصر على رأينا طالما استخرنا
ها يبقى حالي هو حالك ومالي هو مالك
وها نقول للعزول وانت مالك
بحبك
تامر علي : يا سلااااام سايب كل البوست وبتتكلم عن الصورة عاااااا
وبعدين نووو دوج بقى بنوتة كميلة ورقيقة كده هيبقى وراها كلب برضه
بقى انا بخاف م الكلب يطلعلي اسد اسسسسسسسسسد عاااااااااا
احساس طفلة محبة للرومانسية بس واقعية : ثانكيو ثانكيو لا داعي للتصفيق والهتاف هههههههههه
على فكرة انا بحب المطر اكتر من الشمس ههههههه
نورتيني يا احساس طفلة مش بتخاف من الزلازل
ستيته حسب الله الحمش : وسع وسع وسع دكتر ستيتة بتكتب شعر يا ولاااااااااد
لو كنت قرأت بحبك دي منك امبارح يا دكتر اكيد كانت هتخفف عني كتير
افتقدتها امبارح جدا
ويروح الظالم ويموت الظلام وتتبسم الحياة سعيدة
أحساس عالي والأجمل هي (وخليكي عنيده )
بتستمدي القوة من نفسك واطمنيها أنها ممكن تكون عنيده وأقوي بكتير من الخوف والوحده
سلمت يمينك
تقبلي مروري
احساسك جميل و عالي
متقلقيش مش هتكوني وحيدة
تحياتي ليكي دوما
مهندس / على درويش : نفسي فعلا عنيدة ومشاكسة بس مع المقربين مني
بس دلوقتي بحاول ادربها تبقى عنيدة في المواقف اللي تستحق العند
دمت بخير يا باشمهندس
مش عارفة الدنيا وخداني علي فين : يااااه بجد احساسي عالي ؟؟ كده محتاجين سلم ههههههههه
نورتيني يا قمر
حلوة الكلمات بجد
تحياتى
blue-wave : يا جماعة اللي عامل دايت ميقرأش الكلمات دي لأنها حلوة والحلو بيتخن نياهاهاهاها
اخجلتم تواضعنا يا دكتر
ويلكم باك
السلام عليكم
كلامك جميل جدا
يبعث التفاؤل والامل
تحياتى ليكى وسلام
يا روحي متستسلميش وخليكي عنيدة
بكرة تتعدل والشمس تيجي جديدة
ويروح الظالم ويموت الظلام وتتبسم الحياة سعيدة
وتهمس النجوم بحب مش قولتلك هيجي اليوم ومش هتبقي وحيدة
كنت هاقولها
أصل ده مبداى فى الحياه
مع إنى باخد تريقه للصبح
وبيسمونى خالتى المتفأله
بس دايما بطلع صح
حالك وحالك : جناس تام يقوي المعنى ويوضحه
ايوة كده الحمد لله لقيت حد يشجعنى ومتفائل ذيى اهم حاجه بجد يكون فيه نظرة جميله للحياه رغم مشاكلها.
كلامك جميل ايتها الطفله العسوله....
بنوتة : وعليكم السلام ورحمة الله وبركاته
الجميل جدا زيارتك للبوست يا أحلى بنوتة
نورتيني يا قمر
حلوة قوى الخاطرة دى
ربنا يسعدك دايما
تسلم إيدك
كلاماتك جميله يا ليدى الصر حلو
اكيد ربنا بيدى الواحد على قد ما حلم وتعب
إيمان : اهلا اهلا خالتو المتفائلة ههههههههههههه
بجد البوست دلوقتي بقى احلى طالما انه طلع مبدأك في الحياة
ويارب فعلا يطلع التفاؤل صح وقتلة الاحلام ميقتلوش احلامي
حسام غانم : متأكد انك في كلية طب يا حسام ولا غيرت وجيت كلية الاداب قسم لغة عربية :)
فليسيتى : انتي الاجمل ايتها الكميلة العسولة
كويس انك مجيتيش امبارح كان بوست متفائل متفائل يعني وكنت قافلة المدونة ههههههههههه
شكرا ياقمر انك فتحتى المدونه تانى
حلو الامل فى بكره
يلا ياشيخه بلا غم
ملعون ابو النكد
ايوه كده
اشراق وتفاؤل
عقبالىىىىى يارب
لما اكون مشرقه ومتفائله كده على طول
مش قولتلك هيجي اليوم ومش هتبقي وحيدة..
عاجبنى جدا التعبير ده ..
دايما بيجى لحظة على الانسان بيحس فيها بالوحدة ولكن بيكون شئ بداخله يصبره ويقوله هاينتهى كل ده ..
هاتكون مش وحيد ..
جميلة حبيبتى ليدى ..
دُمتِ بخير ..
يا ساتر ,, فيه شتيمه بره على الباب
(ليه ليه ليه ؟؟),,
إيه التفاؤل ده ,, دا الواحد جي هنا كل خميس ,,
يشوف الدنيا بللون مدونتك ويحمي نفسه من غرز إبليس
أنا مش فاهم حاجة ,, انا جعان
mohamed ghalia : تسلم يا محمد
دمت في حفظ الرحمن
romansy : عندك حق يا رومانسي الصبر مفتاح الفرج
عاشقه الرومانسيه : لا شكر على واجب يا قمرايا والحمد لله اني محذفتش المدونة :)
وانا متفائلة بوجودكم معايا
بجد منوراني وعقبال لما تبقي مشرقة ومتفائلة
لجين أبو الدهب : تسلميلي يا قمرايا
منوراني دائما
المتبهـدلـون فـي الأرض : اوعى اوعى اوعى تكتب كومنت وانتا جعان مرة تانيه
إرسال تعليق