الجمعة، 28 أكتوبر 2011

مسافرة


لسه ساعات على معاد طيارتي والمفروض ان دلوقتي أكون جاهزة للسفر وبعد شوية أكون في طريقي للمطار والمفروض كمان أكون مشغولة ومش فاضية أفتح الكمبيوتر أو اللاب لكن ومن امتى الكتابة كانت بتختار الوقت المناسب؟ كلمات بتفرض نفسها علينا وتفضل تيجي لينا يمين وشمال وتقول هتكتبوني يعني هتكتبووووووني

مش عارفة تسمية الربيع العربي علشان الثورات دي صح ولا غلط لأن اللي هيقول ان احنا في ربيع يبقى بيستهبل يمكن حالة بلدنا والبلاد العربية المجاورة تتصلح مستقبلا وتعيش ربيع فعلا؟ الله أعلم

قعدت وكتبت ليسته طويلة بكل الحاجات الإيجابية اللي حصلت لي في مصر وطبعا مرضتش أكتب ليستة سلبية علشان هتبقى كبيرة اوي اكتر من اللازم !! وأول لما ابقى بعيد عن مصر هكتب ايجابياتها ان شاء الله عالمدونة

السفر قطعة من العذاب مش عارفة ليه بفتكر الجزء ده من الحديث دائما وأنا مسافرة ودائما ببدأ سفري بدعاء السفر في ناس بيقولو ان السفر على جمل هو اللي قطعة من العذاب بس انا شايفة ان كل السفر زي بعضه حتى لو كان بمكوك فضائي


لا كرامة لنبي في وطنه : ايه بقى هي الجملة دي كل مرة تيجي يوم السفر وتلح عليا أوي كده ليه؟

ان شاء الله هسافر 16 ساعة بين 4 مطارات
مطار القاهرة

ترنزيت في مطار البحرين
مطار مسقط

مطار صلالة

أول مرة أنزل القاهرة وفيها مليونية وكمان البحرين اللي برضه فيها ثورة وفيها كلام مش هينفع أقوله دلوقتي عن البحرين علشان هنزل فيها ترانزيت :) فعايزة انزل ترانزيت وأرجع عمان مش أفضل في البحرين على طول فنعدي النقطة دي دلوقتي وبعدين ابقى أقول لكم لو لسه في العمر بقية :)

النهاردة أول يوم في العشرة الأوائل من ذي الحجة والأيام دي طيبة وربنا سبحانه وتعالى أقسم بيها في قوله تعالى " والفجر وليال عشر" دي دعوة بسيطة مني اننا نصومهم ونقرأ فيهم قرأن لأن الأيام دي ربنا بيحبهم وثوابهم كبير

أستودعكم الله الذي لا تضيع ودائعه

هناك 15 تعليقًا:

Miss LoZa يقول...

تروحى وتيجى بالسلامة يا نوستى
هتوحشينى خالص مالص بجد اصلا :(
ربنا يهون عليكى الايام وتعدى بسرعة ان شاء الله
وانا صايمة الحمد لله :)

Ramy يقول...

توصلى بألف سلامة ان شاء الله

و يا مسهل لما تيجى المرة اللى جاية تيجى ع الربيسع علطول

ربنا يوفقك

(:

norahaty يقول...

توصلى بالسلامة
إن شاء الله وانا
كمان زيك كده
بكرة السفر ولو
كان لمدة نص ساعة

haneen nidal يقول...

ان شاء الله تروحي و ترجعي بسلامة يارب

و الربيع العربي قد يكون ربيع لكننا في فصل الخريف و خريف عروبنتنا خريف فج ربنا يتر في الدولة الثائرة و ما يصير عندنا بدل عراق 22 عراق !

انا قرأت لــ محمد حسين هيكل بيقول عن الربيع العربي الي نحنا فيه أنه سايسبيكو تاني و برضو ربنا يستر و ببشر نفسي اني اقول تفائلوا خيرا تجدوه

ربنا يخرجنا من هذا الربيع على خير و ربيع فعلي و يرزقنا قادة يراعون فينا و في بلادنا الله

في انتظار عودتك . . في امان الله ^___^

rona ali يقول...

تروحى وترجعى بالسلامه يا قمر :)

وان شاء الله تنزلى البحرين ترانزيت ومش يحصل حاجه

مستنيه الايجابيات اللي شوفتيها في مصر
بالنسبه لسلبيات احنا كلنا عارفنها :):)

مش تغيبي علينا بقي ومش قولتى عملتى ايه في الكورس اللي كنتى بتاخدى :)

وجع البنفسج يقول...

توصلي بالسلامة ان شاء الله ..

انا على عكسك باحب السفر كثير وباستمتع فيه .. يمكن علشان مابسافرش !! يمكن برضه .. طيب ح اسافر واروح فين !!

كل عام وانت بخير وان شاء الله ربنا يرضى عننا في الايام المباركة هذه ..

بالنسبة للربيع .. بتهيألي انه احنا في الخريف وع ابواب الشتا .. أما الربيع فهو مشكوك في امره !

كوني بخير دائما .

مدونة رحلة حياه يقول...

السلام عليكم
نستودع الله دينك وامانتك
توصلى بالسلامة
ونطمن عليك دايما ان شاء الله
ان شاء الله لما ترجعى تلاقى الاحوال احسن كتير
دومتى فى حفظ الله
سلام

نور القمر يقول...

ربي يحضرلك الخير فى سفرتك يارب
بالتوفيق لك
مع تحياتى
نور

قلم رصاص يقول...

توصلي بالسلامة ان شاء الله
:)

نيللى يقول...

توصلى بألف سلامه حبيبه قلبى قضيت معكى أحلى أيام فى مصر أينعم بأروحنا بس كنت مبسوطه أنى أول ماأرجع من بره أكلمك ونقعد نحكى عملنا أيه طول اليوم :(

هتوحشينى

(وربنا يحقق ليك كل أحلامك)

AhMeD RaDy يقول...

اولا ان شاء الله تسافرى وترجعى بالسلامة وتكون رحلة ممتعة مش مرهقة

وهننتظر نشوف وجهة نظرك فى مصر بعد مظاهرة 25 يناير !

لان اكيد اللى بيشوف البلد وهو بعيد عنها بيكون رؤية مختلفة

وانتى فى البحرين برده ما فيش مانع اول لما توصلى عمان تقولى لنا رائيك فى اللى بيحصل هناك !

رحلة سعيد ان شاء الله تعالى

Lady E يقول...

Miss LoZa : الله يسلمك يا لوزتي :)

اللهم أمين

ربنا يتقبل منك يا حبيبتي

Lady E يقول...

Ramy : الله يسلمك يا رامي الحمد لله وصلت بالسلامة :)

هههههههههههههه مش هقولك يبقى مش عايزني أجي تاني بس هقولك كده هستنى كتير أوي لغاية ما الدنيا تبقى ربيع والجو بديع في مصر لازم استحمل بلدي في الشتاء والخريف وأحاول انا وانت وكلنا نرجع لها الربيع تاني

اللهم امين تسلم يا رامي

ديارا المصرى يقول...

توصلى بالسلامة ان شاء الله
وان تأخر الربيع ..........فمؤكدا سيأتى بإذن الله تعالى :)

دعاء يقول...

يا رب بالسلامة
طمنينا عليكي

يا رب لما ترجعي بالسلامة تكون مصر أحسن من المرة دي.

بالتوفيق