كل سنة بقول مش هكتب عن العيد وخصوصا السنة دي لأن عندي 100 حاجة أعملها قبل العيد ومش فاضية اكتب والأجواء العالمية متشجعش ع الاحتفال بس برضه حبيت أعيد عليكم وعلى نفسي
يمكن لسه مش حاسة بفرحة العيد بس أول يوم العيد بيبقى حاجة تانيه وكأن ربنا سبحانه وتعالى بيخلط الفرحة مع الهوا اللي بنتنفسه أول يوم عيد مع تكبيرات العيد
للأسف معملتش طقوسي بتاعت كل سنة قبل العيد غير اني جبت لبس العيد :) على اعتبار ان في نص رمضان محل الملابس كان هيبقى فاضي بس طلع العكس وبرضه كان في زحمة :)
لسه قدامي رحلة طويلة ومش عارفه هقدر ارجع للمدونة امتى وعلشان كده حبيت أخر حاجة اكتبها تكون
عن العيد
عايزة اعيد على كل الناس في الدنيا وأقولهم أرجوكم افرحوا في زمن الفرحة فيه عزيزة جدا
وعلى صحباتي
وعلى متابعين المدونة اللي عددهم وصل ل104 :) لغاية دلوقتي
بعيد عليهم نفر نفر بالرغم ان في كتير منهم معلقوش قبل كده بس انا سعيدة بمتابعتكم للمدونة بجد وعيد سعيد عليكم
عيد سعيد على مصر اللي بحبها والمصريين اللي بجد
ملحوظة اللي عايز يبتسم من قلبه يشوف البوست ده
http://nightpiper.blogspot.com/2011/08/blog-post_27.html
هناك 13 تعليقًا:
بجد الايام بتجري و رحل شهر رمضان على الرغم انو يعز علينا فراقه :(
وكل سنه وانت بخير يارب و ينعاد عليكي و على الامة الاسلامية بحال افضل يارب و قد حلت كل مصاينا السياسيه و الاقتصادية و حتى الفردية :)
و جعلنا و اياكي من عتقاء هذا الشهر الفضيل و المغفور لهم باذن الله :)
عيد سعيد عليكي و كل سنة و انتى طيبة و بالف خير
دمتى بحب
الله الله الله
اوااااااااااااااااااااااااال
مش اوال بس مش مشكله
انا اتشهرت ولايدى اى شهرتنى عندها
هيييييييييييييييييييييييييييه
انى احب هذه المدونه فى الله
هيييييييييييييييييييييييييييييييه
كللللللللل سنة و انتى طيبة :)
بس تصدقى ان انا بطلت اجيب لبس العيد تقريبا من ايام ما كنت فى ثانوى D:
نسيت الشعور ده
انا كمان اصلا مش عملت كل طقوس العيد غير المسح واللبس الجديد
هههههههههههه
بس يا رب بكره نحس بى بقه
انا اه مش عارفاكى يعنى بس حسيت انى زعلت لما قولتى انك مش هتدخلى لفترة :(
ربنا معاكى وكل سنة وانتى طيبة :)
يابنوته افرحي وعيدي وانفخي بلالين وحسي انه عيد انبسطي كده الحياة حلوة :)
شفتي شحنه التفاؤل دي
واحشني اعلق هنا :)
المحلات كانت زحاااااااام رهيب أصلا
رحله ايه يا قمر ومش هترجعي ليه طمنييني بقى
انا كمان بعيد عليكي ويارب كل عيد يعدي عليكي تبقى مبسوطه اكتر وأكتر
خالي بالك من نفسك
عيد سعيد لطنط وعمو :)
كل سنه وانتى طيبه يا جميله
وعيد سعيد عليكى ان شاء الله :))
ايناس .. :)
كل سنة وانتى طيبة يا حبيبتى
ويارب يبقى عيد حلو عليكى وع كل اللى بتحبيهم
يارب :)
والله انا من كتر ما حبيت مدونتك
بقيت فعلا ادعى انك متكبريش
حلو اوى كلامك ومظبوط :):)
انا هروح اقري للاخ المبسوط من شهرته :)
وكأن ربنا سبحانه وتعالى بيخلط الفرحة مع الهوا اللي بنتنفسه
الله على دي كلمة :)
كل سنة وانتي طيبة وبخير
وعيــد سعيـــد
كل سنة وانتى طيبة يا أحلى طفلة
ويارب تبقى فرحانة فى كل عيد أكتر من اللى قبله
فى رعاية الله حبيبتى
*متتأخريش فى غيابك عن المدونة هتوحشينا كتييييييييييييييير
والله لسا بدري
ياشهر الصيااااااااااام
إرسال تعليق