الاثنين، 29 أغسطس 2011

والأيام بتجري ...


كل سنة بقول مش هكتب عن العيد وخصوصا السنة دي لأن عندي 100 حاجة أعملها قبل العيد ومش فاضية اكتب والأجواء العالمية متشجعش ع الاحتفال بس برضه حبيت أعيد عليكم وعلى نفسي

يمكن لسه مش حاسة بفرحة العيد بس أول يوم العيد بيبقى حاجة تانيه وكأن ربنا سبحانه وتعالى بيخلط الفرحة مع الهوا اللي بنتنفسه أول يوم عيد مع تكبيرات العيد

للأسف معملتش طقوسي بتاعت كل سنة قبل العيد غير اني جبت لبس العيد :) على اعتبار ان في نص رمضان محل الملابس كان هيبقى فاضي بس طلع العكس وبرضه كان في زحمة :)

لسه قدامي رحلة طويلة ومش عارفه هقدر ارجع للمدونة امتى وعلشان كده حبيت أخر حاجة اكتبها تكون

عن العيد

عايزة اعيد على كل الناس في الدنيا وأقولهم أرجوكم افرحوا في زمن الفرحة فيه عزيزة جدا

عيد سعيد عليا وعلى مامتي وبابايا

وعلى صحباتي

وعلى متابعين المدونة اللي عددهم وصل ل104 :) لغاية دلوقتي

بعيد عليهم نفر نفر بالرغم ان في كتير منهم معلقوش قبل كده بس انا سعيدة بمتابعتكم للمدونة بجد وعيد سعيد عليكم

عيد سعيد على مصر اللي بحبها والمصريين اللي بجد

ملحوظة اللي عايز يبتسم من قلبه يشوف البوست ده

http://nightpiper.blogspot.com/2011/08/blog-post_27.html

هناك 14 تعليقًا:

haneen adam يقول...

بجد الايام بتجري و رحل شهر رمضان على الرغم انو يعز علينا فراقه :(

وكل سنه وانت بخير يارب و ينعاد عليكي و على الامة الاسلامية بحال افضل يارب و قد حلت كل مصاينا السياسيه و الاقتصادية و حتى الفردية :)

و جعلنا و اياكي من عتقاء هذا الشهر الفضيل و المغفور لهم باذن الله :)

Tears يقول...

عيد سعيد عليكي و كل سنة و انتى طيبة و بالف خير


دمتى بحب

The illusionist يقول...

الله الله الله

اوااااااااااااااااااااااااال

The illusionist يقول...

مش اوال بس مش مشكله

انا اتشهرت ولايدى اى شهرتنى عندها

هيييييييييييييييييييييييييييه

انى احب هذه المدونه فى الله

هيييييييييييييييييييييييييييييييه

أنا و دماغى يقول...

كللللللللل سنة و انتى طيبة :)

بس تصدقى ان انا بطلت اجيب لبس العيد تقريبا من ايام ما كنت فى ثانوى D:
نسيت الشعور ده

Miss LoZa يقول...

انا كمان اصلا مش عملت كل طقوس العيد غير المسح واللبس الجديد
هههههههههههه
بس يا رب بكره نحس بى بقه
انا اه مش عارفاكى يعنى بس حسيت انى زعلت لما قولتى انك مش هتدخلى لفترة :(
ربنا معاكى وكل سنة وانتى طيبة :)

فراشة يقول...

يابنوته افرحي وعيدي وانفخي بلالين وحسي انه عيد انبسطي كده الحياة حلوة :)

شفتي شحنه التفاؤل دي

واحشني اعلق هنا :)

المحلات كانت زحاااااااام رهيب أصلا

رحله ايه يا قمر ومش هترجعي ليه طمنييني بقى

انا كمان بعيد عليكي ويارب كل عيد يعدي عليكي تبقى مبسوطه اكتر وأكتر

خالي بالك من نفسك
عيد سعيد لطنط وعمو :)

Bent Men ElZaman Da !! يقول...

كل سنه وانتى طيبه يا جميله
وعيد سعيد عليكى ان شاء الله :))

Silver Eyes يقول...

ايناس .. :)
كل سنة وانتى طيبة يا حبيبتى
ويارب يبقى عيد حلو عليكى وع كل اللى بتحبيهم
يارب :)

كلمات من نبع احساسي يقول...

والله انا من كتر ما حبيت مدونتك

بقيت فعلا ادعى انك متكبريش

حلو اوى كلامك ومظبوط :):)

انا هروح اقري للاخ المبسوط من شهرته :)

P A S H A يقول...

وكأن ربنا سبحانه وتعالى بيخلط الفرحة مع الهوا اللي بنتنفسه

الله على دي كلمة :)

كل سنة وانتي طيبة وبخير

وعيــد سعيـــد

mrmr يقول...

كل سنه ومصر كلها بخير
عيد سعيد

فتاة من عالم آخر يقول...

كل سنة وانتى طيبة يا أحلى طفلة
ويارب تبقى فرحانة فى كل عيد أكتر من اللى قبله
فى رعاية الله حبيبتى
*متتأخريش فى غيابك عن المدونة هتوحشينا كتييييييييييييييير

sony2000 يقول...

والله لسا بدري
ياشهر الصيااااااااااام