الجمعة، 30 يوليو 2010

حاجات تغيظ


علشان نبطل نقول أن الرجل الغربي ألطف من الرجل الشرقي وبيعامل مراته بطريقة نبيلة وأنيقة

واحد من مشاهير هوليود – ميل جيبسون- ادى لمراته بالبوكس في عنيها مرتين والغريب أن الممثل ده لو فيلمه بريف هارت جه 100 مرة لازم أتفرج عليه من البداية للنهاية واحتمال كبير الممثل الأمور يتسجن !

مصدر المعلومة من برنامج ذا انسايدر ع الام بي سي فور

في نفس البرنامج تابعت التحضيرات لحفل زفاف بنت بيل كلنتون وهلاري كلنتون حفلة الزفاف لغاية دلوقتي متكلفة 3 مليون دولار جه على بالي أسئلة كتير وأنا بتابع البرنامج يا ترى هو مهم حفلة الزفاف تكون أنيقة أوي كده علشانها مرة واحدة في العمر؟ يا ترى ال3 مليون دولار دول كانوا ممكن يأكلوا كام دولة فيها مجاعة ، كان ممكن يفرحوا كام طفل يتيم ، كان ممكن يعلموا كام واحد ظروفه مسمحتش انه يتعلم أصلا أو يكمل تعليمه وكان ممكن يبنوا كام بيت ويجوزوا كام شخص !

مش عارفة حسيت اني متغاظة لكن من حق أي حد أنه يعمل حفلة زفاف فخمه بس المهم أن حب العريس والعروسة يستمر ويحسوا بفرحة حقيقة في حفلة زفافهم وكل يوم بيعيشوه مع بعض يبقى فرح حقيقي والأخيرة دي مش ممكن تشتريها ولا بكنوز الدنيا مش ممكن تشتري نظرة حب ولا طبطبة ولا حضن حنين – هي أشياء لا تشترى – تمنياتي للعروسين بنجاح جوازهم واللي عطاهم يعطينا

النت عندي كان فاصل وبرغم أن بقى عندي وقت أكتر بس أعراض انسحاب النت من دمي مش عايزة تخلص

والنت من الموبايل أو من كارت زي كارت شحن الموبايل بيبقى حاجة تغيظ

لغاية امتى السبكي هيفضل ينزل بمستوى الأفلام ، استفزني جدا اعلان فيلم ولاد البلد هما ولاد البلد دينا الرقاصة اللي بترقص بطريقة مستفزة وسعد الصغير ! من كام سنة كان لما تقول لحد انت ابن بلد يعني بتمدحه غاية المدح يعني بتقوله انت جدع وشهم وأخلاق وذوق وشجاع .... الخ كوكتيل صفات كويسة وعلى فكرة في مدونين كتير ولاد بلد على حق ومش بجاملهم خالص بجد زي مثلا أ- خالد أبو همس وشريف باشا ووليد هي وظروفها وأي حد هيقابلهم في لقاء المدونين ويتعامل معاهم هيشهد بكده لكن اللي شوفته في اعلان الفيلم عن ولاد البلد حاجة تانية ده غير أغنية سعد الصغير في الإعلان أغنية مستفزة

اعلاميين كتير ومغنيين وممثلين وأسفة في اللفظ أراجوزات وكتاب ملهمش في الكتابة ولاعيبة كورة بقو مفروضين علينا وبيطلعوا ليل نهار في التلفزيون وكلهم انصاف موهبة أو منعدمين الموهبة أصلا

فين بقى الرقابة على كل اللبخ ده ؟ هو مكنش في حد بيسوء سمعة مصر غير د. هالة سرحان واللي بيحصل في الأفلام والمسلسلات والبرامج الحوارية والإعلانات مش تسويء لسمعة مصر !

بجد بجد حاجات تغيظ

هناك 13 تعليقًا:

سَارةٌ يقول...

ونحتل البوست اولاً .. ثم نعوود بعد الفاصل .. :)

Lady E يقول...

حباية بندول : أهلا أهلا بدكتورة المستقبل عجبني أوي بروفايلك ده غير ان حباية البنادول دي صاحبتي :) مبستغناش عنها لما أكون مصدعة :)

نورتيني ومستنياكي بعد الفاصل

سَارةٌ يقول...

هيا مش حاجه تغيظ .. بس .. لا دي حاجه تفرس وتفرس اووي كمـآن ..

همممم .. بالرغم م اللي عمله ميل جيبسون .. اعتقد برده ان الرجل الغربي عنده مشاعرير زائده .. ومش شديد زي الرجل الشرقي .. غالباً في افلامهم لما بيكون فيهم رومنتيكي بيتقن الدور فعلاً .. مش بتبقى مفقووسه زي عندنا .. :D:D

بتكون الحكايه بايخه اووي .. يمكن ده بيرجع للإعلآم .. بس برده عالحقيقه مفيش كتير رومنتيكيين كده .. :)
//
3 مليوون دولآر ..!!

ليه بيجوز نفرتيتي .. تخيلي لو الخبر ده اتنشر ف الجرايد المصريه .. الفرح هيكمل ولا .؟ :D
يلا اهو نصيب .. عقبالنا كده قادر ياكريم ..

//

نيجي لولآد البلد .. اللي اعتقد انه هينزل في العيد وتظل الأفلام المصريه في تدني وتدني رهيييب كمـآن ..
دينـآ الرقاصه بتمثل بنت بلد ..!!!
اعتقد ان الرقابه بتاكل برميل رز مع الملآيكه .. او مع نفسها برده .. الرقابه مش كريمه للدرجه دي ..!!
والمشكله ان الفيلم تشوفيه من اعلاناته متطلعيش بولا فكره .. سوى ان دينا بترقص كالعاده وسعد بيقول اي حروف وخلآص حتى مش محصله كلآم .. ويستمر إستعراضهم الشعبي " بكسر الباء " .. كل ده عشان مصر ..!!

هممممم .. الحال ميسرش حبيب بس بالتأكيد يسر عدوو .. بحس انهم بيخاطبوا معاقيين ذهنياً بأفلامهم دي.. بيفضلوا يلفوا ويدوروا حوالين لا شيء وتستخرجي من الفيلم واغانيه واستهبالاته لاشيء برده !!

ربنا يرحمنـآ برحمته .. :(:(

sony2000 يقول...

انااااااااااا جييييييييت نورت البييييييت:))
بصي بقي:هي اساشا البت دي لو تابعتي حلقات ذا انسايرد بعد كدا
من مفهوم الكلما اللي قالوه لبعض
هتلاقيها بتستفذ ميل جيبسون علشان تاخد منه فلوس
وشوفي انتي وتابعي

ويعني موش عوذا بنت الرئيس السابق تتجوذ بأكتر من كدا
شوفي بس انتي الحفلات واللي بيتصرف عليها
وهتعرفي انها غلبااااااااانه:))
اويييييييييييييييييي

انصحك علشان ميجلكيش الضغط لما يجي اعلان الفلم دا
اقلبي المحطه وحسبني:)
بس خلاث

FAW يقول...

لو كملتي قراية الخبر هتعرفي إن البنت دي مستفزه جدا و بتحاول تسرق فلوس ميل جيبسون و إن مراته القديمه هي اللي إقترحت عليه يسيبها و يروحوا هما الإتنين يعيشوا فأستراليا يعني علي الرغم من إنهم مطلقين بس هي واثقه إنه إنسان كويس و بعدين ميل جيبسون ده بقالوا 8 سنين مفيش مخرج عايز يعمله فيلم لأنه فأحد البرامج شتم اليهود و ده لوحده يخلليني أحترمه ده غير إنه ممثل تحفه و ياريت تشوفي فيلمه الجديد ( edge of darkness ) . . أما بالنسبه لبنت كلينتون فهي فعلا غلبانه و فيه ناس بتصرف أكتر من كده بكتييييير
ملحوظه : الرئيس أوباما مكنش معزوم في الفرح ده

بنت الاسلام يقول...

السلام عليكم ورحمة الله وبركاته

بجد عندك حق هية حاجات تغيظ بجد لكن مفكرتيش ازاى يعملوا حاجة زى دى ويعرضوها ويشوفها الناس

انا فى رأيي انهم عملوا كده لما كتير من الناس محاربوش الفساد ده ووقفوا فى وجهه

ومتزعليش على الفرح اللى بيتكلف كتير أو قليل أولئك قوم عجلت لهم دنياهم

وفى عرب ومسلمين بينفقوا كتير فى الأفراح برده


اللهم ارنا الحق حقا وارزقنا اتباعه وأرنا الباطل باطلا وارزقنا اجتنابه

غير معرف يقول...

بصى العصبيه فى كل الناس
يعنى هو بشر زى الرجاله بتاعتنا
ماهى برضوا جايزمراتوا قالت له كلمتين بايخين من كلام الستات ده
وبعدين هما من حقهم يفرحوا وهما مالهم ياعم باليتامى والكلام ده
والسبكى والاشكال دى ناس فاضيه ولا قيه ناس معبراها
بعدين الدوله بقا ليها سياسه تانيه عاوزين يخلوا الممثلين التافهين والعينات اللى انتى قولتى عنها دى صفوه المجتمع عاوزين يقتلوا تفكيرنا ودى تبقى الواجهه العامه لمصر
امال ايه يابنتى
امال هما بيبعتوا بعثات لانجلترا تتعلم اساليب الديرتى ورك ليه
ربنا يعدينا منها على خير
تحياتى

شوكولاتة يقول...

ههههههههههه حاجة تغيظ بجد طيب كانوا يدوني انا مليون واحد بس وانا كنت اشهيصكم شوكولاتة هههههههههههه

غير معرف يقول...

jتصدقى فعلا حاجة تغيظ وتحرق الدم فعلااا
يعنى انتى نجحتى والنتيجه طلعت بقالها فتره وانا اعرف صدفة
ماشى اوك
براحتك

mrmr يقول...

ده شئ مش يغيظ
ده يفقع المراره وانا معنديش غير واحده بس


ربنا يسعدك

همس الاحباب يقول...

شكرا على كلماتك الطيبة
لكن ما يحدث فى السينما والاعمال الفنية هو بداية الهاوية فى بئر سحيق من الابتذال والسفور
ربنا يرحمنا برحمته
والف مبروك النجاح وبالتوفيق دائما
تحياتى

Lady E يقول...

حباية بنادول : والله يا بنوتة انا متعاملتش مع رجالة اجنبيين علشان اعرف مشاعيرهم زيادة ولا لأ علشان كده مقدرش اقولك اوافقك على رأيك وكمان مقدرش أقولك لا بس موافقاكي في حتة انهم لما بيمثلوا دور رومانتيكي بتحسي انهم رومانسيين فعلا مش زي عندنا


ههههههههه لأ بنت كلنتون
الخبر لو اتنشر اكيد العرسان هيطلقوا قبل ما يتجوزوا :)


عندك حق

عجبني جدا تعليقك يا بندولايه
نورتيني

Lady E يقول...

يتبـــــــــــع