الأربعاء، 14 يوليو 2010

الحياة رحلة


">

صباح الخير

قبل رحلتنا بكام ساعة مش جايلي نوم كالعادة واكتشفت شوية حاجات

اولا : ان أغنية سيلين ديون اللي انا حاطه الفيديو بتاعها هنا بتيجي على بالي كل شوية مش كلها لكن الكوبليه اللي بيقول all by myself don't wanna be all by my self anymore احلى كوبليه في الأغنية ولذلك اللي هيسمعها يركز عالكوبليه ده ويسيبه من باقي الأغنية وكمان فيلم بريدجيت جونز بيجي على بالي


ثانيا : اني بنتهزر الفرصة وبكتب علشان مش عارفة ممكن اكتب امتى تاني وطبعا مش لاحقة ارد ع التعليقات لكن بجد فرحانه بيها واني لما بقول كده في موضوع مبيجيليش بعدها ولا تعليق :)

ثالثا : اني اكتشفت اني اخدت معايا كتب كتير جدا وبوزنها دلوقتي لقيتها حوالي 5 كيلو :) فمش عارفة هعمل ايه في الميزان وانا طالعة الطيارة بعد كام ساعة ان شاء الله

رابعا : الاكسسوار بتاعي طبعا معدن وكل بوابة في المطار هعدي عليها هتصفر وهيبقى شكلي محرررررج جدا

خامسا : عايزة انام جدااااااااااا وفي نفس الوقت عندي ارق جداااااااااااا

سادسا : يارب تبقى رحلة كويسة بكرة

اكمل بقى كتابة ما انا عملت البوست ده زي تويتر كده

دلوقتي انا في المطار قدام بوابة 7 في كافي شوب وطلبت وايت تشوكلت وشكلهم مش هيعرفوا يعملوه مع اننا في المطار
والمفروض الكافيه مستواه كويس ، قدامي مكتبة الشروق وطبعا مش هشتري كتب لاني اخدت معايا كتب تكفيني وتكفي الجيران هما أصدق أصدقاء وقريبين جدا مني
نفسي اصور المكان بس مفيش وقت لسه ساعه على اقلاع الطيارة

مع اننا وصلنا اول ناس عالميزان بس ميزان الشنط كان كبير زي ما توقعت وساعه ونص عالميزان لغاية لما زهقت


شوية حاجات كتبتها وانا جايه لطريق المطار

عمرو دياب صوت ذكرياتي سمعته معظم الوقت وانا جاية المطار

لسه ماما خايفة أضيع جواز السفر وحاسة اني بيبي :) بس اخيرا ادتهولي واخدته تاني حاليا :)

جاي على بالي مقولة لا كرامة لنبي في وطنه وعرفت ليه لما وصلت المطار روتينين اخر 20 حاجة

بضحك اوي لما حد بيقوللي بتعرفي انجليزي وبقولهم لأ أنا ثقافتي الماني

لتاني مرة بسمع أغنية هيرو لانريكي :) هو لسه في هيرو الأيام دي

سلام علشان الجيت فتحت ولو عرفت اكتب من الطيارة هكتب



هناك 6 تعليقات:

حاجات جوايا يقول...

يارب يا أنوس تبقى رحلة هادية وجميلة ومريحة
حاولى تنامى شوية
انا زيك كده لما بيكون ورايا حاجة مهمة مش بعرف انام خالص
الكتب قليليها شوية كتير اوى 5 كيلو
واكيد هتلاقى حاجات جديدة تشتريها من هناك
ياريت لما توصلى ان شاء الله بالسلامة تطمنينا عليكى
انتى هتغيبى قد ايه

فى رعاية الله حبيبتى
لا اله الا الله

momken يقول...

رحله سعيده ياستى


هاف انيس تايم


تحياتى

sony2000 يقول...

يارب رحتلك تكون كويسه
وتروحي وترجعلنا بلألف سلامه:)

mrmr يقول...

توصلى بالسلامه يا قمر
ومنتظرين باقى الرحله
ربنا يبارك حياتك ويسعد اوقاتك

قلم رصاص يقول...

رحله موفقه بإذن الله

Lady E يقول...

حاجات جوايا

ممكن

سوني

مرمر

قلم رصاص

شكرا ليكم

نورتوني