السبت، 16 يناير 2010

راحة الأرواح




وسط زحمة الحياه والدوشة والدوامة اللي واخدانا كلنا

جرب تاخد دوش وتسترخي وتصفي ذهنك من كل الأفكار والهموم وتشعل البخور او اي معطر بتحبه والشموع العطرية الجميلة وتسمع القرآن الكريم

في ثانية هتلاقي نفسك هديت وروحك ارتاحت وهتسمع أيات كريمة من القرآن الكريم تطبطب على روحك وتدفي البرد اللي ماليك

قال سبحانه وتعالى "مَا يَفْتَحِ اللَّهُ لِلنَّاسِ مِن رَّحْمَةٍ فَلا مُمْسِكَ لَهَا وَمَا يُمْسِكْ فَلا مُرْسِلَ لَهُ مِن بَعْدِهِ وَهُوَ الْعَزِيزُ الْحَكِيمُ "يَا أَيُّهَا النَّاسُ اذْكُرُوا نِعْمَتَ اللَّهِ عَلَيْكُمْ هَلْ مِنْ خَالِقٍ غَيْرُ اللَّهِ يَرْزُقُكُم مِّنَ السَّمَاء وَالأَرْضِ لا إِلَهَ إِلاَّ هُوَ فَأَنَّى تُؤْفَكُونَ " الاية 2،3 من سورة فاطر

الأية الكريمة دي سمعتها من شوية وحسيت براحة فعلا يعني محدش من البشر هيقدر يمنع رحمة ربنا سبحانه وتعالى ولا رزقه عننا

طب ليه نخاف بقى؟ وليه نحزن؟ سبحان الله

"وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ إِنَّ رَبَّنَا لَغَفُورٌ شَكُورٌ" سورة فاطر الأية 34

ربنا يذهب عننا الحزن واليأس ويفتح قلوبنا لذكره ولحب الحياه والناس لأن الحياه تستحق انها تتحب برغم اي حاجة صعبة فيها ولأنها رحلة قصيرة اوي ومرحلة انتقالية لحياة أبدية ان شاء الله هتبقى كلها فرحه وحب

ربنا يرزقنا جنة الدنيا والأخرة

هناك 17 تعليقًا:

P A S H A يقول...

ربنا يا رب يفرج عننا همومنا جميعاً ويهدينا .آمين

تحياتي

:))


سلام

هناء محمود يقول...

كلام جميل اوى وصادق

ربنا يجعله فى ميزان حسناتك

ولاء يقول...

طبعا القران ده دواء للعليل وراحه للنفس المحتارة....بحر بيغسل الهموم ويطيب المجروح ويرجع الانسان لفطرته الطيبه ويرجعه لربنا اللى الذنوب واخدااااه بعيد عنه
الجو ده فعلا مريح للاعصاب وكفايه انك بتسمعى حروف اللى قايلها هو رب العالمين

مسدس صغير يقول...

اللهم اذهب عنا الحزن واليأس
امين يارب
نفسنا فى ساعة صفا
ساعة؟؟
لأ ساعة قليلة
يومين تلاته

Lady E يقول...

P A S H A : اللهم أمين

Lady E يقول...

أم .. بوبه : تسلمي يا ام بوبة

امين يارب وفي ميزان حسنات كل اللي يقرأه

Lady E يقول...

dr.w.krm : الله على تعبيراتك العطرة

طبعا كلامك صحيح

ربنا يجعل القرآن ربيع قلوبنا

Lady E يقول...

مسدس صغير : اللهم أمين

ساعات الصفا موجودة بس محتاجة اللي يبطل يأس ويدور عليها

-_- يقول...

هو صعب نملك الاثنين
لان الدنيا نار المؤمن و جنة الكافر

Lady E يقول...

Sharm : أهلا بيك

في الدنيا جنة اللي مش بيدخلها مش هيدخل جنة الأخرة

فرحة انك تحقق ذاتك وتنجح دي جنة الدنيا

فرحة انك تطيع ربنا سبحانه وتعالى دي جنة الدنيا

راحة البال والصحة جنة

الأصدقاء المخلصين وشريك الحياة المحب والوفي والأهل الطيبين جنة الدنيا

الطبيعة الجميلة وأي لحظة فرح جنة الدنيا

وغيرها حاجات كتير بتسعدنا وبتكون لينا جنة الدنيا

مش شرط الجنة تكون قصور او تكون كل حاجة سهلة وميسرة علشان تبقى جنة

mohamed ghalia يقول...

اللهم امين
جميلة الهدنة دى

موناليزا يقول...

الله عليكِ:)

غير معرف يقول...

ربنا يوفقك انتي وكل البنات والكل يارب

وكل المدونين وكلكم إللي قابلتكم في المنصورة يارب بإذن الله البنات وكل الناس يارب ربنا يوفقكم كلكم يارب

Unknown يقول...

الله على كلماتك والله تدخل القلب
يسلموا يارب ,, وربنا يجعل حياتك كلها راحة وسعادة وانبساط

ربي يسعدك

Lady E يقول...

mohamed ghalia : تسلم يا محمد

Lady E يقول...

موناليزا : تسلمي يا موناليزا

الله عليكي وعلى زياراتك الجميلة دائما

نورتيني

Lady E يقول...

samamasr : أمين يارب

تسلميلي يا ايمي

كنتي على بالي النهاردة بجد

ربنا يكرمك ويبارك فيكي

نورتيني