الخميس، 14 يناير 2010

ده انجليزي ده يا مرسي ؟

امبارح كنت عالفيس توك توك وشوفت شوية صور تضحك

علشان بس محدش يستهون بالانجليش ويقول على كليتنا كلية قاع وعن نفسي قدرت قيمة الbachelor of English Art

عقبال لما اخدها يارب بس انا ابطل استهبال واذاكر



وزي ما احنا شايفين ممنوع الخروج بالعربي بقت ممنوع ركن العربيات بالانجليزي (العلم نورن) :)

شارع عبد الله فكري بالعربي في الانجليزي بقى شارع عبد السلام زكي (اتحول ) :) (العلم نورن) :)


طب وليه هابي فلانتيم؟ ودي معناها ايه بقى؟ بتحطوا نفسكوا في مواقف باااااااااايخة ما كنت تكتب عيد حب سعيد وخلاص ولا احنا في لندن؟ (العلم نورن) :)

في المسفشتى

قسم الجراحة للحريم ومفيش مانع يكون قسم الجراحة للذكور برضه بس مخبيين وكاتبينها بالعنجليزي عشان تبقى مفاجعه

مشي حالك (العلم نورن ) :)

هناك 18 تعليقًا:

MǿиY El-Shreef يقول...

هههههههههههههههه

لا جامدين بالذات بتاعت الحريم دي هيهيهيهي

وبعدين تعالي هنا مين قال ع كليتك قاع دانا كان منى عيني اخش اداب انجليش

بوست عثول

صاحب رأى يقول...

اكيد كل الصور دى مصرية
دا بالتأكيد
وبصراحة
انا احب لما نعتز بلغتنا عن اى لغة تانية
شوفتوا نتيجة استهبالنا :]

بـــــسمة انـــــــــور يقول...

هههههههههههههههه

ياسلام على اللععلم ونوره

أسماء أحمد فى حفلة تنكرية يقول...

حبى
ليدي
من مكانى هنا
امام شاشة الكمبيوتر
وايدي ع الكيبورد
اكتب اليكى يا عزيزتى ليدي
انا بشوف كتير اوى فى المنصورة عندنا غلطات ذى دى كان نفسى اصورهم بس معرفتش كانت بعيده اوى واحنا كنا ركبين بندقه ومعرفتش اصورهم
واكتر حاجه عجبتنى الحريم دى هههههههه

ستيته حسب الله الحمش يقول...

بصراحة كل ما اتفرج على حاجة من دول اضحك وكأنها أول مرة أطلع على التوخولف العقلي والحضاري
الا اسم الشارعين
هههههههههههههههههههههههه
فعلا العلم ثبت انه نورن بالنون

Tears يقول...

ده موضوع صعب فعلا و مش هزار و بيسبب احراج جامد لما يكون معانا اجانب او حتى عرب و المفروض الدولة يكون عندها جهاز رقابة ياخد بالة من الفوضى دى

Mr.Hazem يقول...

هههههههههههه
الحمد لله على نعمة العقل

يسلموا عالابتسامه

تقبلي مروري المتواضع

norahaty يقول...

الله!!
انت زعلانة ليه؟
انت بتتكلمى أنجليزى
هو بيكتب عنكليزى!!!
تفرق برضه!
ههههههههههه

شوكولاتة يقول...

God bless you darling

الحاجات دي كووووووووووول قوي علشان محدش يقول علينا بنتنك أخدتي بالك كلمة امبابة مكتوبة ازاي
Ambaba
دي شفتها بعيني

الشعب لابد له من حكومه تشكمه يقول...

اللى يفرس باه لييييييييييييه مصممين على اننا نكتب عنجليزى حاجه تفرس

موناليزا يقول...

:) يادى الفضايح
إذا كانوا بيكتبوا العربى غلط يبقى ماتستغربيش على اى حاجة تانية:)

الجواز و سنينه يقول...

و الله طلع الانجليزى سهل جدا
امال مالها الناس
بتاخد كورسات و تاعبه روحها
و ناس بذاكر و طالع عنيها
عجبنى اوى موضوع الستات اللى بالانجليزى قلبوا
يمكن ده القسم اللى بيدخل ست يطلع راجل و لا ايه
طيب و الدكاتره المحترمين اللى معديين فى القسم اييييييييييه ظروفهم مع الانجليزى و لا مش عدت عليهم الكلمه فى الكتب بتاعتهم

خواطر شابة يقول...

الصور مضحكة لكن فعلا كما قال Tears الموضوع فعلا محرج ولابد من جهاز رقابي يكون مسؤول عن تتبع هذه الخروقات ومنعها او التدخل لاصلاحها فهي رغم انها تتير الضحك لكنه ضحك كالبكاء

Selfmeaning يقول...

ههههههههههههه

ده مش انجليزى ديه فهلوة مرسى

ذات نفسه

و ان شاء الله تتخرجى على خير

قسمنا سهل جدا بس محتاج تركيز

قبلاوى يقول...

ههههه

جامدين جدا

بس فيه حته مخدتيش بالك منها

كاتبين عنبر word .. وهى المفروض ward

أى خدمه

Lady E يقول...

موني : بيقولوا انها قاع يا موني حتى اللي بيدرسوا فيها بيقولوا عليها كده عاااااا

------------------
صاحب رأي : ايون يبقى انت اكيد اكيد في مصر :)

-----------------
بسمة أنور : اومال ايه
مش عارفة مين هيدفع فاتورة الكهربا :)

-------------------

أسماء : هههههههه اسمعك بوضوح حول
فعلا في غلطات زي دي كتير
سلميلي على بندقه

----------------------
خالتو ستيتة : التوخولف الحضاري موجود كتير وممكن يتصدر كمان :(
لما يكون الانجليش كده يبقى لازم العلم يبقى نورن بالنون :)

---------------------

TEARS : اينعم موضوع محرج فعلا
بس هو في رقابة عالحاجات الاهم من كده لما هيكون في رقابة عالفوضى دي !

-------------------

مستر حازم : تسلم يا مستر

------------------

دكتر نورا : هههههههههه ايون هناك فرق

-----------------

شوكولاتة : لأ بقى نتنك براحتنا :) مش بيقولوا كلية قاع لأ احنا قمة بقى هه بس :)

امبابة بقت ام بابا نياهاهاهاها خير خير كله خير :)
God bless you 2 darling

Lady E يقول...

الشعب لابد له من حكومه تشكمه : سؤال يطرح نفسه ! غالبا بتبقى منظره

-------------------

موناليزا : عندك حق :)

-------------------

الجواز و سنينه : اهلا بيكي يا قمرايا
هههههههههههههه

فعلا تاعبين نفسنا وبنذاكر وبناخد كورسات ليه ده الانجليزي مفيش اسهل منه :)

بالنوسبة للضكاطرة اللي في المسفشتى فشكل اللي بيدخل عندهم مبيخرجش اصلا نياهاهاهاها

---------------------

خواطر شابة : ضحك كالبكاء عندك حق

Lady E يقول...

Selfmeaning : هههههههه هو عنجليزي على رأي دكتر نورا مش انجليزي

امين يارب

فعلا قسمنا سهل بس محتاج تركيز وشوية مذاكرة صغننين

------------------------

قبلاوي : عاش مين شافك

يعني هي جت ع الكلمتين ما الغلطة الاكبر بتاعت ان الحريم MALE ،

لا تقلق اخدت بالي وشكرا على التوضيح كمان :)