الأربعاء، 9 سبتمبر 2009

الصبر مفتاح الفرح



الصبر مفتاح الفرج والفرح كمان
زمان وانا طفله كان عندي قصة اسمها الصبر مفتاح الفرج والدنيا كانت مبهدله ومعانده ابطال القصة لكن هما كانوا أقوى منها وكانوا بيصبروا لغاية لما ربنا سبحانه وتعالى ساعدهم وكافئهم على صبرهم واتبدلت حياتهم من تعب ومشقة واحباط لسعادة ورضا وكانوا متقبلين الحياه بروح جميله أوي

الحقيقة انا مش فاكرة تقاصيل القصة بس فاكرة اني لما كنت بضايق او بزعل كنت بقرأ القصة دي وكنت بحبها اوي
ولاحظت ملحوظة صغنونة في القرأن الكريم لقيت في أيات كريمة كتير بتتكلم عن ثواب الصابرين ومكانتهم الكبيرة عند ربنا سبحانه وتعالى وانهم فائزين وربنا سبحانه وتعالى بيبشرهم بخير الدنيا والأخرة وقتها عملت وقفة مصرية :) بس مع نفسي ورجعت شوية فلاش باك ولقيتني فعلا افتقدت الصبر في كذا موقف اتعرضت ليهم وكذا موقف لسه هتعرض ليهم ويارب مفقدش صبري فيهم لأن الحياه كلها امتحانات للصبر وربنا سبحانه وتعالى يجعلنا من الراضيين والصابرين

ومع موضوع الصبر كنت بقرأ في القرأن الكريم فكان في سجدة فسجدت وفي سجودي افتكرت شخص ما عمري ف حياتي ما كرهت شخص زيه وعلشان محدش يتخض ده واحد ربنا سبحانه وتعالى خلاه ضاكطور و حطه في كليتنا علشان يختبر صبرنا والمتابعين لمدونتي هيعرفوا انا بتكلم عن مين حتى اسمه مش عايزة اقوله ولقيتني بدعي وبقول اللهم لا تمتني حتى تريني ثأري في فلان واللهم ارني ثأري في من ظلمني وبعد الدعاء ده اتخضيت قلت يا نهار ابيض طب ما انا ممكن حد يكون بيدعي عليا نفس ذات الدعاء وخفت بجد ولذالك اتمنى ان اي حد ظلمته يقوللي انتي ظلمتيني لأن كده ارحم من انه يدعي عليا

ويارب ربنا سبحانه وتعالى يرزقنا الصبر والرضا لأن من رأيي المتواضع أن الصبر والرضا هما أهم حاجتين في الحياه
وعلى فكرة الرضا مش معناه اني مكونش انسان\ة طموح\ة لكن الرضا انك تكون بتسعى لتحقيق احلامك وطموحاتك ومع ذلك متقبل نفسك ومتقبل حياتك ومتوكل على الله سبحانه وتعالى ومؤمن ان مبيخدش الروح الا اللي خلقها وان رزقك مش هياخده غيرك

شوية ملاحيظ بره الموضوع: النهاردة تسعة تسعه تسعه 3 تسعات
حد شاف القمر امبارح بجد كان جميل جمال ملوش مثال :) انا بحب القمر جدا جدا جدا



هناك 28 تعليقًا:

مسدس صغير يقول...

الصبر مفتاح 17
اللى انتى ظلمتيهم لازم انتى اللى تدورى عليهم على أد متقدرى
مش هما اللى هيدورو عليكى
انا بتكلم بصفة عامة يعنى
احييكى على البوست
رمضان كريم والمسامح كريم

مسدس صغير يقول...

وكمان اول تعليق؟؟
مبروك عليكى التاريخ
ههههههه

blue-wave يقول...

كالعادة
رومانسيتك الجميله بتخليكى تشوفى حاجات كتير حلوة
وطيبة قلبك بتخليكى تسامحى اى حد مزعلك
بجد
انتى اخر ملاك على الأرض

غير معرف يقول...

يا ليدي ... بجد مش معقول ...لأن الجامع إللي بروحه دلوقتي " جامع الصفا " إللي ورا " كوك دور " ود/ مبروك كان إمبارح فيه ؛ هو إنتي ساكنة قريب من هناك!!!... أنا إنبسطت جدا هناك والصحبة هناك جميلة أوي مع " جاراتي العزيزات "....
* جميل بوستك يا ليدي : اللهم إجعلنا من الصابرين - " ربنا أفرغ علينا صبرا وتوفنا مسلمين "- سورة الأعراف .
ربنا ينور قلبك الأبيض ده بالإيمان دايما.
ديدي

كيكى عوووووو يقول...

أقولك وحشانى بأى لغة؟؟؟!!!!
أقولك نفسى اتكلم معاكى بأنى كبيورد؟؟!
نفسى اشوفك دلوقتى حالا واقولك وحشتينى واحضنك واطالبك بالتلاته جنية؟!
البوست كيفنى اوى بجد يارب كلنا نكون راضينا وصابرين اقولك زر بينى وبينك انا لمة التزمن فى الصلاه شوية حاسة براحه كدة وان فعلا اصبر هتنول فى الدنيا او الاخرة مش فارقة المهم تكون مع ربنا
الاغنية جميله جداااااااااااااااا
وحشتينى بررررررررررررررررررررررررررررررررررررررررررررررررررررررررررررضة اووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووى

كيكى عوووووو يقول...

عارفة يا ديدى من تعلقياتك بحسك فيكى روح من ليدى مش عشان الا سم لا بس فى حاجة كدة مش عارفة اوضحها لو كلمتى ليدى هتلاقيها توامك اكيد فى حاجات كتير زى انا وهى عموما رمضان كريم عليكى

Lady E يقول...

مسدس صغير : لأ مفتاح انجليزي يا مسدس

وبعدين هدور عليهم ازاي امشي في الشارع واقول يا ناس لو ظلمت حد يقوللي ولا ايه؟ انا قولت في البوست لو ظلمت حد يقوللي بس :)

والله اكرم
مين كريم ده ؟ :)

Lady E يقول...

مسدس صغير : أيون مبروك عليك التاريخ والجغرافيا كمان :) وش بيطلع لسانه

Lady E يقول...

blue_wave : كالعادة دايما مجامل من اول كومنت ليك ف المدونة من حوالي سنة وشويه :)


على فكرة انا مش بسامح أي حد وكمان مش بسامح بسهولة

وبجد؟؟؟

انا ليا أملاك في الأرض :)
فين دي :))

Lady E يقول...

ديدي حبيبتي : ههههههه قريب جدا يا ديدي فردة كعب هما كلهم 4 ساعات وابقى عندكو او 6 ساعات علشان القاهرة زحمة نياهاهاهاها
وعرفت ان دكتور مبروك بيجي المسجد عندكو من البرنامج بتاعه اسمه الموعظة الحسنة انا متابعاه على دريم2 الساعه 3 بتوقيت مصر

ربنا يزيدك سعادة وانبساط وزقططة :)

فعلا اهم حاجه الصحبه ربنا يجعلكم متحابين في الله ويكرمكم ويرضى عنكم أمين

اللهم امين ولكي مثل دعائك يا قمرايا

Lady E يقول...

كيكى عوووووو : يالهووووي حد يفوقني من المفأجه أخيرا كيكي دخلت بالاكونت بتاعها الحمد لله شوفت اليوم ده قبل ما اموت

وحشاني يا كتكوتتي وحشاني جدااااااا وانتي منفضالي السنة دي رمضان اللي فات كنا مع بعض مع اننا بعيد لكن السنة دي عاااااااا لما اشوفك بس هخلي أبلة ظاظا تعضك

وتلاتة جنيه تاني هههههه ماشي ماشي انسيهم خالص وبعدين مش خسارة فيا يعني ما انا بكلمك مكالمات بتعدي ال120 دقيقة نياهاهاهاها (وش بيطلع لسانه)

ويا عيني لما كيكي تكون عاقلة
ايه العقل ده يا بنتي ما شاء الله
هرجعلك تاني علشان اكمل رد عالكومنت التاني

Selfmeaning يقول...

ربنا يجعلك دايما من الفرحانين و الصابرين

بس حاولى تسمحى كل اللى تعرفيهم

لعل و عسى تكونى غلطى فى حق حد

و ربنا يسمحك عشان انتى سامحتى

و سبتى كله على الله

عاشقه الرومانسيه يقول...

المفتاح راح لان الصبر خلص منى
ومع اول مشكله بتقابلنى دلوقتى عقلى بيقولى عفوا لقد نفذ رصيدكم من الصبر المطلوب

اما عن الملحوظه بتاعه ال3 تسعات فانا لاحظتها من الصبح (:
فعلا على رايك
توارد الخواطر شغاااااااااال
طيب فاكره يوم 9-9-1999
اليوم ده مش بيتكرر غير كل 1000 سنه مره
اليوم ده انا فاكراه
القناه الخامسه ساعتها كانت عامله احتفال عليه
لانه مش بيتكرر غير كل 1000 سنه مره زى ما قلت لك
يعنى 5 تسعات فى اليوم
يلا سلام
واشوفك يوم 9-9-2999
(:

الشعب لابد له من حكومه تشكمه يقول...

عارفه بجد الصبر اخرته حلو انا بس مستنيه اشوف اخرته وبعدين اقولك ههههههههههههههه..وحشانى ياجميله والله:))
عاوزه اقولك حاجه متدعيش على اى مخلوق مهما كان ظالمك قولى بس حسبى الله ونعم الوكيل فى اللى ظلمنى وكلتك يارب بسسسسسسسسسسسسسسسسسسسسسس اوعى تدعى على حد..
وربنا يتقبل منك يارب الصلاه والقيام وصالح الاعمال..امانه فى رقبتك ادعيلى بقولك ادعيلى مش تدعى عليا:))

الشعب لابد له من حكومه تشكمه يقول...

لنهااارى انتى عملتى موديشريشن امتى:((
اصلى عندى حساسه منه:((

youssuf يقول...

الصبر جميل ياريت كلنا نقدر قيمته و نقدر عليه ...

بوست مفعم بالكثير من الأحاسيس الصداقة ...

تحياتي لكي

Ahmed يقول...

ازيك ياليدي
يارب تكوني بخير

انا عارف طبعا شعورك بالظلم ناحية الشخص ده ومقدر الشعور ده
بس بجد مش عايزك تعذبي نفسك بيه

انتي بتقولي الصبر, طبعا الصبر والاحتساب

وربنا يجعلنا من الفائزين فوز الصابرين

غروب يقول...

ازيك يا قمر وحشانى جدا

كل سنه وانتى طيبه

ومش عارفه ليه مش بحس ابدا انه شئ كويس انى ادعى على حد

بلاش احسن

شوكولاتة يقول...

جميل قوي إن الإنسان يصبر بس لازم يسعى يعني لو عنده مشكله مضايقاه لازم يحاول يحلها مش يقول أنا هاصبر وهاحتسب

بوست هايل كالعادة
سلام

Lady E يقول...

كيكى عوووووو : كان معكم كيكي فرويد نياهاهاهاها

انا روحي مبهدلاني اساسا سيبك من روحي يا كيكي

Lady E يقول...

Selfmeaning : امين وليكي مثل دعائك يا قمرايا

ربنا يسامحنا كلنا

نورتيني يا قمرايا وكل سنة وانتي طيوبة

Lady E يقول...

عاشقه الرومانسيه : المفتاح راح يا دودو ؟ طب ما تيجي ندور عليه في حته نور نياهاهاها وبعدين ازاي ميبقاش عندك نسخه احتياطي :)

ربنا يلهمنا الصبر كلنا لأن كلنا محتاجينه وكلنا مفتقدينه

Lady E يقول...

الشعب لابد له من حكومه تشكمه : وانا أقدر ادعي عليكي ابدا يا شيما عيب عليكي متقوليش كده

اكيد انتي عارفه ان دعوة المظلوم ربنا سبحانه وتعالى بيستجيبها وبعدين انا مدعيتش عليه بالمعنى المتعارف عليه انا قولت بس ربنا ياخدلي بتاري من اللي ظلمني واشوف اليوم ده قبل ما اموت بس

Lady E يقول...

الشعب لابد له من حكومه تشكمه : ههههههه وانا اقوووووووول مين اللي عمال يعطس في البلوج اتاريكي انتي يا شيما ماااشي عالعموم انا شيلت الموديريشن مع ان في تعليقات بتضايقني بس انتي تأمري عدي الجمايل بقى نياهاهاهاها

Lady E يقول...

youssif : ياريت

شكرا ليك يا يوسف

Lady E يقول...

أحمـــــــــــــد أبو العلا : الحمد لله بخير يا انجينير تسلم

وبعدين مش انا لوحدي اللي اتظلمت دول اجيال درسلهم يا انجينير بس اكيد ربنا سبحانه وتعالى ليه حكمه اني اتعرض للموقف ده علشان اصبر واتعلم منه واتعلم ان مش كل الناس في الحياه كيوت وظريفين وحلوين

وعلى فكرة انا مش بعذب نفسي بيه اطلاقا بس في نفس الوقت بكرهه جداانا بس مضايقة من الظلم ده ومش عارفة اغيره ومفيش في ايدي غير الدعاء

اللهم امين

Lady E يقول...

غروب : أيون بدليل انك بتسألي يا غروب
وبما اني انا كمان مقصرة ومش بسأل فواحده بواحده :) سماح المرة دي

وانتي طيبة وبخير يا قمرايا

وانا كمان مش بحب ادعي على حد في المطلق بس دعوة المظلوم مختلفه شويه بتحسي انك بتشكي لربنا سبحانه وتعالى وبتقوليله يارب انا اتظلمت ومليش غيرك وانتا بس اللي في ايدك ترفع الظلم ده عني

Lady E يقول...

شوكولاته : طبعا كلامك سليم وصح جدا

كومنت هايله كالعاده :)

شوكولاته انا عازماكي على شوكولاته بعد الفطار ايه رأيك ؟ :)